家家戶戶

营业中

休息中

尖沙咀的韓國餐廳開到成行成市，我誤打誤撞找到一間性價比不錯的韓國家庭式料理。餐廳裝潢好有傳統韓國家庭的味道，紅磚牆配木桌木椅，有點懷舊感覺。餐廳最醒目的是它的紅色大門，遠遠便可看到。餐廳的定價在尖沙咀區來說不算高，百元左右已有一份套餐，包括前菜、湯、飲品。🔹韓式辣豬肉石頭飯套餐🔹.甫上菜，滾燙的鍋發出”滋滋”聲，令人食指大動。石頭飯配料很豐富，有辣豬肉粒、芽菜、菠菜絲、生菜絲和生雞蛋，趁鍋仍熱立即將甜辣醬和配料拌勻，每一口飯都滿滿的雜菜和醬汁，辣豬肉入味，令拌飯味道更豐富。鍋邊的飯焦口感也十分香脆。套餐除了一些常見的韓式配菜例如泡菜、辣豆腐，涼拌海帶絲和韭菜等，還有一瓶小小的韓版益力多。🔹純豆腐海鮮湯套餐🔹店員把餐送上時湯還是超滾燙的，湯裡面豆腐份量挺多，豆腐十分滑，海鮮的部分有蜆跟魷魚塊。湯頭能嚐到海鮮的甜，比普通泡菜湯味道更好。總括而言，食物的味道不錯，價格合理，而且傳統韓國家庭裝潢令人感覺舒服放鬆。.

早早完成工作～獨自去醫吓肚先😎韓國家鄉美食就係comfort food啦🇰🇷餐廳以紅磚造型設計～好有韓風傳統特色～坐低享受韓國家庭式料理～感覺幾溫馨舒適🥰🥰打開餐牌有頗多不同配搭嘅套餐可供選擇～做好決定就落單啦～.✨뚝배기불고 기 牛肉鍋 $119要咗套餐🍴一set嚟到伴隨咗四款涼拌韓式小菜～包括泡菜、韮菜、荳芽～牛蒡～令整體視覺及食感更豐富😀牛肉鍋以石鍋原個上保持熱辣辣～材料多份量足～有醃得入味嘅軟腍牛肉🐂、煙韌年糕片、金菇、爽滑韓式粉絲、椰菜、香菇等等等等🤗🤗湯汁甜甜哋好啱撈飯食👌🏻👌🏻.✨加一服務費

尖沙咀金巴利街有很多大大小小嘅韓國餐廳，所以又名韓國街！今次就同朋友一齊去試下呢間「家家戶戶」！一入到嚟就好像置身於傳統韓國家庭一樣，環境舒適！我們二人叫了兩個韓式套餐！兩個套餐都有配菜，包括經典嘅韓國泡菜、辣香腸、韭菜花等等...1. 韓式牛肉石頭飯，非常大碗，熱辣辣！有牛肉、芽菜、生雞蛋等等...食到底仲有飯焦呀！香脆可口！配上海帶湯、非常豐富呀！😋👍😬2. 牛肉鍋、配上白飯！除了牛肉、仲有金茹、粉絲等等...湯底也十分清甜！😊😍😎家家戶戶：尖沙咀金巴利街1B恆港中心地下1號舖

太耐冇去過尖沙咀韓國街喺附近求其搵咗一間韓國餐廳裏面有得分散嗌或者套餐叫咗兩款套餐，除咗前菜，估唔到竟然係包埋韓國益力多牛肉鍋嗰款裏面仲有粉絲，年糕同大量蔬菜，所以湯底飲落都比較清甜，唔會好濃味，牛肉就碎上比預期有啲唔同另一款海鮮炸醬麵，由於係第一次食所以都唔係可以拎同其他餐廳做到比較魷魚唔會太乾身，麵質口感食落有啲似烏冬，醬汁偏鹹，唔知碟底瓊曬油係咪正常呢個套餐本身都包埋兩隻韓式餃子？裏面用左紅蘿蔔同冬粉絲做餡料，so far都ok

同朋友去尖沙咀行街，大家都想食韓國嘢，決定去韓國街睇下，見到呢間韓國餐廳有好多唔同款配搭嘅套餐組合入面環境舒適，裝修好似傳統韓國家庭咁，響呢個環境下享受韓國家庭式料理，好似去咗韓國咁😆泡菜辣豬肉飯set🐷每個set 入面包括海帶湯、4款小菜😋泡菜辣豬肉嘅份量好多，而味道帶出泡菜嘅爽辣味，加埋豬肉真係好好下飯😋👍🏻牛肉韓式雜錦飯set 🐮拌飯咁梗係唔少得不同嘅蔬菜啦，包括有：芽菜、翠玉瓜、菇、蘿蔔、菠菜、紫菜、雞蛋仲有牛肉，份量又係好多！撈埋韓式辣醬一齊好好味，又爽口啱晒夏天食😋👍🏻

呢間裝修簡約，好似去左韓國家庭咁，餐牌選擇多，有多款套餐組合。🍜海鮮炸醬撈麵 $119炸醬個味同韓國朋友整嘅一樣，有家的味道。炸醬撈麵好大碟，食到有唔同嘅海鮮粒粒，麵有啲似手打烏冬。套餐有紫菜湯，炸餃子，前菜。🥟餃子年糕湯 鐘意湯年糕嘅軟熟，配上簡單好味紫菜蛋花湯，仲有一口餃子，好有回家的感覺~套餐有4款前菜，最鐘意韭菜同豆腐。💬呢間平日晚嚟食都好多人，有時都要等下位。店員都係外國人，英語交談。

家人話好耐無食韓國菜，所以日前帶左佢去位於尖沙咀韓國街的家家戶戶品嚐一下傳統韓國家庭菜。以前和友人來過，體驗不錯，食物高質，傳統韓屋的裝潢亦很舒適，遺坐位較逼但仍可接受，性價比可算是極高。純豆腐海鮮湯我一向都十分喜愛韓式豆腐湯，微酸帶點辣，非常醒胃，而這裡的豆腐湯調味十分出色，加上大量海鮮，十分鮮甜。豆腐超級嫩滑，餸白飯真的很絕！隨餐仲附有一枝益力多，做甜品都幾開心。韓式牛肉石鍋飯石頭鍋飯熱熱送上，內有翠肉瓜、菠菜、大豆芽、牛肉加隻雞蛋，將韓式辣醬拌勻所有食材，有益又好味，最驚喜是食到最後，鍋底結焦有鍋巴，食落香脆，超加分。隨餐仲附有一碗海帶湯，同樣都有一枝益力多。

千其唔好食佢嘅冷辣麵！佢就係將啲麵加埋泡菜就咁比你食！韓國食過正宗辣冷麵係用韓式辣醬🥲一定唔係泡菜味！我食左第一啖就已經想停手唔食佢😭勁失望！朋友食左個拉麵，好似普通出前一丁咁以後如果唔係想食韓國粥嘅話都唔會再黎食🙂

尖沙咀金巴利街又稱韓國街，因為呢度有好多韓國餐廳，係好多韓國人用餐嘅集中地。今日我就同朋友嚟其中一間食lunch。呢間韓式小店，已經係度好多年，一向都主打傳統韓式住家料理。我同朋友每人叫左一個Set:⭐泡菜辣豬肉飯$ 108- 泡菜味濃郁，滿滿嘅醬汁再加辣豬肉，食落惹味又開胃⭐韓式炒牛肉烏冬$89- 牛肉好多，烏冬炒得好熱又入味，份量十足整間餐館好有韓式小店風味，而且有一D位置係坐窗口邊，望住街景食飯，特別有一番風味！

尖沙咀金巴利道有間以傳統韓國家庭裝潢嘅韓國餐廳 - 家家戶戶係主打韓國家庭式料理，入到餐廳自己好似拍緊韓戲咁。餐牌菜式種類都好多，可以揀單點或套餐。我同朋友每人揀一個餐，套餐有主食和幾碟韓式小食，仲會跟一支益力多。牛肉鍋實而不華嘅韓國正宗味道，首先一如既往韓國菜湯品配菜種類一定要夠多，咁先可以令到味道帶出更多不同嘅層次，另外湯嘅味道除咗咸鮮之外，仲需要一點點嘅甜味，呢個味道夠哂正宗，牛肉份量都好夠，配飯一流。牛肉海鮮辣湯海鮮味同泡茶同韓式辣醬嘅味道相得益彰，每飲一啖湯都會立即想飲第二啖，呢個估唔到最精彩嘅係佢配烏冬咁食，而唔係配飯。呢樣嘢真係加滿分！

店內簡單嘅佈置，只想讓客人感受到，韓國嘅家庭式料理。我哋叫左3款食物純豆腐豬肉湯(有啲辣)一向鐘意豆腐湯，味道辣辣哋，又醒胃，豆腐滑滑，今次重有豬肉响入面，豬肉餸白飯就啱啦！韓式牛肉石頭飯在石頭鍋內熱熱送上，內有翠肉瓜、菠菜、大豆芽、牛肉加隻雞蛋，將韓式辣醬拌勻所有食材，有益又好味，最驚喜嘅係食到最後，鍋底結焦有鍋巴，食落有香脆的口感。餃子年糕公仔麵滿足我三個願望，細細粒嘅韓式餃子一啖一粒，感覺唔會好飽，年糕煙煙韌韌，咬落有口感，公仔麵嘅麵條，吸左辣嘅湯汁(唔係好辣)好野味又地道。

尖沙咀韓國街上面有一間價錢親民嘅韓國餐廳😋😋食物款類有好多！套餐嘅話有四款小菜（每個套餐都有唔同嘅小菜）同埋清湯👍🏻而且環境舒服，同朋友過嚟相聚一下都係唔錯嘅選擇😻。 ..✅ 韓式牛肉石頭飯🐮$109呢個石頭飯有好多配料，連埋辣醬撈埋一齊，好惹味！而且份量都好大～最重要係有飯焦😻..✅ 純豆腐海鮮湯 🦐$99呢個湯好適合鍾意辣嘅人🤤啲豆腐嗦埋啲辣湯，口感更加豐富！湯入面亦都有唔少嘅蜆肉，算係性價比高👍🏻

👨🏻‍🍳家家戶戶 (尖沙咀)📍尖沙咀金巴利街1B恆港中心地下1號舖 「好食既韓式辣豬肉石頭飯🤤」 韓國街既餐廳都幾年無去，去親都系幫襯韓國超市😆原來都有D餐廳吾同左，今次去呢間紅磚外牆既家庭式韓國料理試試😝 環境都算寬敞舒適，淡黄燈光，加上餐具擺盤，幾有住家味。餐牌上有黑色（set price）同紅色（A La Carte price）價錢，加$10有拌菜，另收加一。👍🏻🍽️拌菜醃得幾好食😝芝麻香濃，系泡菜偏酸小小🙈 👍🏻🍽️韓式辣豬肉石頭飯 $109熱辣辣石頭鍋飯，超香！！而且飯身偏軟😆（個人喜愛軟飯），不過仲保持到粒粒飽和分明😋大愛🫶🏻調味一流，惹味又未去到超辣😆仲有飯焦！！😻 另配有🍽️海帶湯，清淡小小🙈 🍽️牛肉鍋 $119配白飯一碗湯底好甜🤤配料都幾多韓式粉絲、菇類、牛肉、年糕😋好似食極仲有咁！！ 🍹🍹韓式罐裝飲品 $16 #gagahoho #家家戶戶 #香港韓國餐廳 #香港韓國菜 #韓式辣豬肉石頭飯 #牛肉鍋 #拌菜

尖沙咀的金巴利道及金巴利街滿佈韓式餐廳，其中一間韓式小店主打韓式地道家庭feel菜式。🥘韓式牛肉石頭飯～熱石鍋內盛滿包羅萬有的配料，趁熱辣辣馬上將所有配料連飯拌匀，口感豐富，令人滿足。🫕純豆腐海鮮湯～據說純豆腐是不經擠水過程，因此含水量極高，豆腐特別滑溜！整鍋泡菜海鮮湯顏色鮮艷，味道辣中帶鮮。

唔知大家係唔係同我一樣叫金巴利街做韓國街呢～ 呢條街由細到大黎到都係全條街韓國餐廳同食材店，想黎個短暫「韓國之旅」就一定係黎呢度。家家戶戶係韓國家已經開左好多年，主打韓國家庭式料理，有多款套餐組合，一人揀一個set，自私食或者share食都得～。🐓鼓油雞飯（$108）我開頭以為係平時屋企煮嗰d鼓油雞🤣 原來係更加住家菜嘅椰菜絲鼓油炒雞柳，整件事少油少鹽十分健康，仲有海帶湯仲幾款韓國前菜跟上。🦐 牛肉海鮮辣湯鮮（$119）唔好俾佢咁紅嘅湯嚇親，飲落唔係太辣，而且好有海鮮嘅鮮味，海鮮有蝦、青口、魷魚，仲有唔少牛肉，配上稻庭烏冬，一個女仔應該會食唔曬咁大碗呀 👧🏻。家家戶戶 (尖沙咀)📍尖沙咀金巴利街1B恆港中心地下1號舖。#gpigtst