家傳滬曉 (已結業)

又到左中午食飯時間，由於今日我同阿爸都請左假，所以去食下平日午餐，食平啲，因為好多餐廳假日會收起午餐，會貴左。是日選擇呢間，因為想食上海粗炒，入到去見午餐menu有回鍋肉粗炒，即時叫左個試下，另外我亦叫左個雲吞擔擔麵，因為係午餐，所以送左4隻小籠包。雲吞麵到先，擔擔麵少少辣，好香花生醬味，有啲好似櫻花蝦同菜圃，每人半碗剛好，食晒成碗就會膩，雲吞皮唔厚，入面仲有肉汁，幾好。之後就係回鍋肉粗炒，呢到粗炒一向出色，加埋回鍋肉更野味，不過今次啲椰菜生左啲，太硬，熟啲淋啲會好啲。最後就係小籠包，雖然皮比較厚，但肉汁幾多，跟餐送的算係咁。以每人$80，質素算幾好，抵食。

恰巧是小妹生辰 所以久違了的全家外出用膳 帶著兩老 口味來來去去都是中菜正好去家傳滬曉試一下久違的京川滬菜味道店內裝修主調以灰色為主  用了不少中式鏤空屏風作為裝飾及間隔 裝潢滿有中國風色彩 配上懷舊傢具餐具 別具格調 家傳滬曉主打新派上海菜 說到底其實就是京川滬菜 望望餐牌 上海菜款式基本上都有 亦有不少素食菜式 飯麵選擇都不少 加上仲有不少點心款式 價錢算是合理價位若果大夥圍 更有套餐可選 價錢就更相宜 雖然我們只有4個人 是有套餐可點  不過計一計 散叫反而可以挑選更理想既菜式 食得更開心四喜烤麩 餐前冷盤小食 味道鹹中帶甜 不過入口過於腍軟 欠缺些微口感 小籠包 上枱時熱烘烘 賣相飽滿 包身頗挺身  咬落外皮厚薄適中 湯汁鮮甜豐富濃郁  肉餡尚算嫩滑鬆化 肉香味鮮 口感算不錯砂鍋雲吞雞(半隻) 一道既可當餸亦可當湯既菜式  打破雞湯一貫又油又濁既觀念 雞湯呈奶白色  濃厚既鮮雞味 鮮甜得來唔覺油膩 湯內既雞足半隻 難得是煲湯雞肉食落唔算太鞋  沾滿雞湯既白菜可謂搶盡整煲風頭 軟腍之餘仲好惹味 配合埋包足料嘅雲吞 蠻不錯雲腿露筍

上星期六返大埔探父母，想飲茶但唔想等位，父母推介中午去食呢間，結果真的不用等位。一坐落就叫左個炸排骨麵、蔥油餅、鎬貼同煎餅。個排骨麵好香脆，啲麵又咁爽身唔會糊埋一團，好食。蔥油餅就好鬆脆，但入口比較油。煎餅既肉就比鎬貼多而且皮要薄啲，比鎬貼更好食。之後追加左麻婆豆腐同炸銀絲卷。麻婆豆腐好野味，夾炸銀絲卷食，好正。

好耐冇黎家傳滬曉食飯 , 星期五晚 7:30 pm 黎到竟然唔使等位 ! 😮😮每次嚟都會飲四寶茶 , 四寶有紅棗 , 杞子 , 茶葉同埋雪耳 , 幾特別㗎 ! 大家嚟到可以試試香露醉雞 ($82)每次嚟都必點 ! 雖然價錢有啲貴 , 但係好好食 , 份量都幾多 ! 醉雞好嫩滑 , 而且好入味 , 酒香好濃 ! 推介推介 👍小籠包 ($55)小籠包都唔錯 , 略嫌個皮厚咗少少 , 湯汁味道岩岩好 ! 擔擔麵 ($52)份量都幾多 , 好香花生醬味 !! 辣味同樣突出 , 但唔算好辣配料有少量蔥 , 蝦乾同細細粒嘅榨菜 , 味道同口感都幾豐富 !  咁耐冇嚟 , 食物質素仍然保持到 , 可惜服務明顯退步, 店員無咩表情 😅 感覺冷冰冰咁 ...加埋茶位每人 $12 , 平均消費約 $120 , 尚算合理 ! 會回頭的 😀😀

家傳滬曉必食北京填鴨😋😋😋成隻鴨喺你隔離片好過癮， 餅皮煙韌有口感不過今次略然有少少林， 鴨肉一如既往有水準， 不過青瓜大蔥等配料就可以做得再好啲， 今次有啲乾身，可能擺得太耐。陳醩淆肉都係我非常鍾意，花心機而花時間嘅菜式， 做法非常繁複， 慢火燉肉， 將其精華逼曬出嚟， 因為牛肉本身有非常豐富嘅膠原蛋白， 雪凍咗之後就好似啫喱咁樣凝固， 凍食嘅食法更加能夠清楚品嚐到肉嘅鮮味， 加上陳醋絕對係無與倫比。非常鍾意的一間餐廳但最近水準經常有些少下滑， 希望可以保持返一貫水準😚

作為一個片皮鴨控我係時時常常都會想食片皮鴨既因為家人住依邊 咁所以以前成日都會提議食依間不過佢既水準每況愈下 就好耐無食朋友最近約食依間 咁就黎試下 食完 覺得佢進步番當晚叫左魚湯 片皮鴨 醉鴿 四喜烤麩 淮山炒露筍烤麩太淋 用刀切都失去左原有上海菜既風味魚湯 無咩味精 非常唔錯片皮鴨 一如既往 包皮厚 但紅棗條好味粉量都係一如既往既多都唔明點解唔俾人叫半隻食到傻都食唔完不過總的來說 都係進步番 可以再戰！

尋日一田大減價，晨早同媽媽出去掃貨，掃到餓就求其搵間野醫下肚☺️ 幾年冇食，呢間野都仲係咁多人本身諗住叫一個飯一個麵，但由於媽媽唔太餓，就叫左一個飯加一籠小籠包。石頭鍋菜粒牛肉炒飯一上菜嚇親我地，個飯大到差唔多有3-4人份量。個飯好好食，唔會好鹹，加上炒得好乾身，食到粒粒飯既口感。個石鍋夠哂熱，食到中後期有部份飯會變左飯焦，脆脆地仲好味。由於我地係叫lunch set, 仲包左兩粒小籠包，90蚊抵到爛啊另外加左籠小籠包，皮薄多汁 但略嫌啲肉有啲肥，口感有啲油膩，不過不失啦。以午市黎講，有套餐真係又好味又抵食啊。下次再去

以前住大埔已搬出有幾年，幾年後今日再返去食，野食質數好明顯下降好多，雞絲粉皮就最穩陣，糖醋骨，上菜時暖的，唔知係咪冷氣令到好快凍哂，同埋佢個質數好似出面3餸1飯既飯盒既味道，仲叫左個炒年糕，年糕有雪味，小籠包同擔擔麵正常，但不是叫好食，紅油抄手唔好食，埋單$315唔算貴，但我應該都唔會再去食

晚市六點入，點菜，要乜冇乜！大熱天時，好似冇冷氣！叫碗菜飯，叫三個人先攞到嚟。簡直失望，冇下次！味道太濃，食完猛飲水。醉雞得幾件，腳，冀就多。糖醋排骨，太甜，肉質太硬，好似係好耐嘅肉。

連鎖上海餐廳食tea可能都要百零蚊埋單，但呢間上海野嘅下午茶只需要五十幾蚊就食倒，包括一個小食+一碗麵，價錢同食物質素都唔錯。我同阿媽叫左2個set, 大家都揀左排骨擔擔麵，小食就揀雞絲粉皮+四喜烤麩。我個人就比較中意個粉皮，雖然份量較少，但係個粉皮就整得好好食，幾有咬口，而烤麩就同其它鋪頭果啲差唔多。至於排骨擔擔麵就比較有驚喜，呢樣野係其它上海餐廳散叫都要$80左右，但係呢間餐廳食不但價錢唔貴，而且份量都幾多，當係lunch咁食都可以，湯底可以揀辣或姐唔辣，個擔擔麵花生醬汁亦都啱啱好，唔會太稀或太濃，豬扒亦都炸得好香。

平日行過大埔中心都見到佢排長龍，所以好少會諗住入去食，見星期日周圍都多人，早少少6點落去碰下運氣，佢又有位喎⋯⋯結果同老婆兩個就去左試下。入面坐落都幾闊，同茶樓差不多，近玻璃窗既枱比人訂晒，所以安排左坐走廊，但都夠晒闊落。我地兩個人叫左一個鍋貼，一個鱔糊湯麵，一個清炒河蝦仁。個鍋貼熱辣辣，入面都幾多肉汁，個鱔糊雖然有啲油左啲，但配個清湯都就啱啱好，中和返油膩既感覺。而個河蝦仁就清清地，爽爽地，配上醋，味道清新。

同屋企人飲茶飲到悶，但佢地又只愛食中式野，所以今日黎左呢度食，實岩食呀。兩點半左右去到，岩岩下午茶時間，好彩人唔算多，等左陣就入到。坐低就叫左壺四寶茶先，貪佢特別Ｄ。仲有普洱、香片同鐵觀音揀。望下食乜先 。下午茶黎講，價錢都ＯＫ啦同都多野揀。仲有Ｄ點心＃雞絲拌粉皮：份量唔算太多，有Ｄ唔夠喉。＃前門店醬啼＃野菌排骨炒粗麵：有好多配料，色水都味道都好夠，D豬扒啖啖肉。＃雪菜蝦仁炒飯：炒得夠乾身，飯粒粒粒分明。用雪菜黎炒都幾夠味，唔會太咸。而且Ｄ蝦唔會有雪藏味，唔錯！＃炸豆沙包(3隻)：略嫌炸得唔係幾夠，冇脆口既口感。不過係好多豆沙餡，同個餡唔會甜得濟。

放假同呀媽行完街, 約埋成家係出面食個飯, 平時老豆次次都話要去酒樓, 今次帶佢食下上海野環境幾好, 有D裝修, 又有卡位同圓台坐, 又冇酒樓甘嘈.小籠包($55), 呢間算唔錯, 皮薄又多汁京醬肉絲($138), 有埋薄餅6件, 好似食北京赫鴨甘包著食, 不過食落甜左d,都幾普通....擔擔麵 ($52), 幾好味, 有花生醬味, 都幾香瑤柱蝦仁蛋白炒飯($95), 炒得夠乾身, 不錯, 只係油左少少翡翠炒鮮魚球($158), 老豆話幾好味, 其實算清清地, 桂花魚肉都幾滑砂鍋雲吞雞 半隻($160), 湯都幾多好清甜,冇咩油, 我地5個人,幾乎可以1人飲2碗, 有雞肉有娃娃菜, 同雲吞都好夠飽可以再黎

2019年3月3日星期日，諗住會多人，所以早早就到左。點知冇乜人。等左三分中就有位。由於我係一個食肉獸，同埋我係偏愛片皮鴨（佢呢間稱為蔥捲填鴨）。所以耐唔耐都有食，我覺得家傳滬曉都幾出色！又黎四寶茶，因為得佢有。所以黎得一定叫。餐具雞絲粉皮呢間個雞絲粉皮好食由於佢出左新野，就試左個新野。黃金軟殼蟹～有啲咸。但幾香口。開頭以為佢冇腳得個身。之後發現原來係整得衰蟹身，都幾多膏。蟹腳佢啲粉都幾多由於佢新野，都幾多人叫。但我見碟碟都係咁。所以唔太推薦佢有個山楂糕咁既野。都幾得意。但我個人就喜歡唔加。個鴨350蚊都幾抵～有兩大碟。我地三個人叫三樣野都食唔曬。呢個樣真係要讚！夠熱！佢上曬兩碟肉先出個皮。成品由於我偏愛片皮鴨，所以唔中肯！但如果佢可以多啲皮。少啲肉就好。題外話，雖然佢話350一隻。但佢係起完皮後仲有好多肉會拎番入廚房。所以大家唔好以為一隻得咁少肉。仲有，記得睇單！我今日食完睇單，發現佢計多左個飯落我張單度好彩我有睇，如果唔係就無啦啦比多左錢

同老公入大埔郊遊，其實約咗朋友。未夠鐘就去搵地方食下午茶。係一田裏面，又係上海菜，我哋真係幾種意食 😂。叫咗兩個餐，一個飯，一個麵。送小食。真的少少，味道可以。ok 啊，吾食得太多。個飯味道吾錯，炒得乾身。水晶肉可以，最喜歡他們是用黑醋。最後食雲吞米粉，正正常常，雖然雲吞裏面全是豬肉，問題不大，因為上海雲吞就是這樣。最大問題是，竟然食到有骨，吾知係乜骨，吾大粒，但有D尖，小朋友食到就吾係咁好，要小心點。😔