家傳滬曉 (已結業)

平時我都好鍾意食上海菜， 今日嚟到大埔 超級城， 梗係要試一試啦！ 裝修做得唔錯， 有種高級新派上海菜嘅味道每次必叫嘅醉雞， 花雕味太濃， 真係好似飲咗啖花雕酒咁， 好彩今晚我冇揸車 金沙炸軟殼蟹： 軟殼蟹炸得香脆， 不過炸醬略嫌太厚， 而且鹹蛋味同軟殼蟹好似唔係太監 不過我不嬲都好鍾意食香口嘢， 所以都接受到嘅木瓜魚湯： 好足料好好味， 不過價錢真係好貴呀最後叫咗蝶生煎包， 味道真係比較普通， 皮太厚， 而且冇乜肉汁。 可能唔係上枱即刻食， 所以未到上有啲影響

一隻片皮鴨跟嘅薄餅配料數目唔成比例，另加薄餅要$20。蝦冇挑腸，好核突。賣相唔合格嘅南瓜白雪，即係賽磅蟹。蔥油淋雞，嫩滑入味。生煎包合格。小籠包湯太鹹。醬燒年糕牛柳粒賣相差，味道一般

「招牌生煎包」賣相十分討好，味道正常吧。在香港，很難吃到有水準的生煎包。他的已算是 above average (in Hong Kong)。「雪菜肉絲炒年糕」本人很喜歡吃年糕，不論上湯還是炒年糕，都十分喜愛。所以這個是我必定會點的菜。年糕好煙韌，整體味道不會太鹹，好味。「陳醋餚肉」入口即溶，再配陳醋味道更可口，非常好吃。「排骨麵」正常的炸排骨，正常的麵，配正常的湯底。整體味道正常，沒有驚喜。*餐廳提供BB櫈。

因為屋企人生日, 大家都想食中式野, 所以就揀左呢間喇!家傳滬曉都唔係第一次來食架喇, 我覺得食物質素都幾好~~片皮鴨係幾好食, 皮是脆口! 配料/醬我都覺得比起其他方精緻! 佢有山渣條配埋, 個人建議分開食, 好正~食完好refresh, 仲有陳醋餚肉, 每次都係叫~~好味道!我地仲叫左個龍躉球, 幾好, 唔醒, 但d粉好似厚左小小!至於其他菜色, 唔特別評喇, 因為都ok的~~~不過好想提一提個海底椰露~雖然食完成餐飯都好飽! 但都無損要食埋呢碗糖水既意慾, 真係好滋潤, 好足料!總括, 我覺得呢度既食物都係用心製作, 味道又幾好 價錢合理~環境又幾好, 好適合家庭聚會!

終於夾到時間同屋企人食生日飯，但今年超級忙嘅嫂子點都夾唔到，其實往年都係農曆生日同屋企人一齊過，因為屋企人係著重農曆生日多過新曆生日，雖然農曆生日都係同屋企人過，不過今年提早兩日出街食。某程度上我嘅生日都係"媽媽受難日"，所以我揀所媽咪同我都鍾意食嘅上海嘢。呢間餐廳早幾年爸爸生日都嚟食過，味道唔錯，又比較近哥哥公司，等埋哥哥收工就可以開餐喇!蒜泥白肉一上枱我同哥哥異囗同聲咁話"我哋兩叫雞絲粉皮喎!"個侍應答我哋話呢個係蒜泥白肉……當場O咗咀!呢個係完全唔合格嘅蒜泥，sorry 係搵唔到蒜泥嘅白肉!呢個真係唔推介，譚仔果個好味d!香醋海蜇頭我哋成家人都好鍾意食海蜇，但我同媽咪對醋味麻麻，但哥哥覺得個醋味好香喎!我都係食咗少少，其他由哥哥包底!鮮肉小籠包小籠包新鮮熱辣即叫即蒸係常識吧!皮夠薄，肉汁鮮甜，一唔小心咬到咇晒d湯汁出嚟!哈哈!雜果糖醋魚(半條)其實我屋企人口味好得意㗎，我同媽咪係就係唔鍾意食醋，但用白醋整嘅呢個糖醋魚我哋又會食。酸酸甜甜嘅汁中和咗油炸過嘅魚，醒胃又唔肥膩，上面仲有B頭同妹B鍾意嘅雜果同松子~正!螺片津白普普通通，無乜特別。片皮鴨原隻鴨喺你面前切片起肉，切起嚟有兩大

生日飯！十分差勁！不用等位，好快已入座！點左個上海粗炒，賣相不討好，完全沒有味道，有一兩條極幼肉絲。荷塘上素，份量很多少，大概夠一個人食吧！蔥油餅超級dry，素食人千萬不要點，裡面有包了豬肉。waiter服務都很hea，一臉不情願！整體用餐感受是比錢買難受！環境ok！

特別日子揀了這裡試下上海菜，看OpenRice 其實已一般，不過環境看來不錯便試試。6點左右來到，不再等位坐了窗口位，本來想試下佢d片皮鴨，不過最少都要叫一隻，冇半隻揀，冇辦法太多了，叫了生煎包，蘋果木烤肉，蔥油餅，上海粗炒同一個素。最快來了的是上海粗炒，睇樣都知大獲，麵條偏硬，配菜軟哂，有幾條好似牙簽咁幼既肉絲，味道普通到冇得再普通。那個烤肉，雖身本身都知係豬腩肉，但佢完全做唔到香而不膩，因為個味很淡口，吃了2舊已經覺得很膩。賣成98蚊連街邊小店40蚊的也不如。生煎包個底係脆既，但入面好乾，完全冇肉汁。蔥油餅完全唔香口，好乾。個素超級清淡，原味可能係賣點。埋單4百幾蚊，老實講半價我都唔會再食。而個景樂集團本身做西餐，我試過係OK,但搞中菜真係好一般，管理層真係要著重一下個食物質素，而唔係得個裝修。

難得去大埔中心購物食飯，一心搵間貴的都冇所謂，點知😩。上星期剛在翠園吃了砂碢雲吞雞，一於點個有上海口味的試試，其實就可能多左D金華火腿，點知就比金華火腿攪到成煲一大陣噫味，通常劣質火腿就有呢陣味，算了反正不貴120。跟著一味乾燒大頭蝦伊麵，要成158應該有返咁上下質數，點知一上枱見到隻蝦好似軟癱倒地，食落仲肉霉殻淋感覺極差，估唔到可以係一間名店吃到咁嘅嘢，都唔易。好在有一味正常的雞絲粉皮食下，如果唔係真的心理不平𧗾。相信唔會再去博了，晚餐店名單除名。

呢間餐廳個厚粉馬尾女部長一向態度極差。每次食完都受氣，但過一排又會忘記左不愉快經歷而再食，不過今次過後我真係會blacklist佢！今日係我媽生日，早幾日訂左枱，我第一個到就去先攞枱，呢個厚粉女部長，一直以挑釁咀臉望住我，叫我等陣，我訂左19:45，準時到嘅我認為要執枱，等一陣好正常，到20:00我有禮地問係咪有枱啦，佢即好惡話'我唔明你咩意思'😨我本身都係個斯文人，我解釋佢聽我意思係咪就快有位，但竟然繼續兇我，佢講咩內容我已聽唔到，真心俾佢嚇壞了！20:10有位了，郤少張凳，我都已經抺走剛才的畫面，只想開開心心同媽媽食餐生日飯，佢又好似爭佢錢咁，句句串到行我一家7人明明只想開心慶祝食飯，未食都已經一肚氣。到埋單時，知道滿$500可減$200蚊優惠，呢個黑面部長好似以為我地要R著數咁，用睇唔起人嘅眼神表示可計落優惠的只有$42x, （雖然張單加埋$800）， 喂，係你地公司出呢個優惠，唔係我R你著數喎搞清楚，最後我地叫多樣野夾夠$500。 因實太離譜，其中一位家人對佢態度惡狠一點，佢才收斂一點。係咪面下下搞到咁不愉快先安樂？食餐飯姐！？晚市忙我明，但如果咁嘅壓力都承受唔到，我真係勸呢位

同大同做完運動，就係大埔覓食！今晚食中菜，飲普里，茶味唔錯。碗杯都洗得好乾淨，都幾放心用。瑤柱蝦仁蛋白炒飯！飯香，蝦爽！忍唔住食左兩碗雞絲粉皮，麻醬味濃，青瓜絲新鮮同爽！粉皮夠煙un 擔擔麵，湯底濃，麵身幾彈牙上海炒年糕，炒得好入味，年糕又幾煙un，口感唔錯！最後，一定要讚下個雲吞雞湯！個湯夠曬火喉，湯煲到好入味！仲有啲雞肉切俾我地食！呢間幾有水準，服務都幾好，菜式都幾多選擇，可以約多啲人一齊食，咁就可以試多啲菜式啦

我係上海人 之前覺得香港既上海餐廳不正宗 竟然說擔擔麵是上海的！開什麼玩笑！梗係唔係啦！ 所以之前都不會選擇上海餐廳經醫生要求 餐廳選擇減少 在可選範圍內 決定試一下煨麵 煨麵小時候好似無咩食過 記得只有公公唔小心將麵煮得太耐先會變咁我叫左三鮮青菜煨麵 餐牌寫55蚊仲送龍抓手 之前係openrice睇餐牌 好奇龍抓手係咩 今日先知原來係雲吞 不過入面好似有肉有蝦 醬汁比較好味 酸酸辣辣 開胃麵好快送黎 好大碗 剛剛吃覺得很鮮 餸唔少 但最多既都係麵 但吃了幾口覺得有點沒有味道了 太清淡了 所以叫店員比一d醋同豆瓣醬，都會加頭先龍抓手既汁 很快吃完了一整晚 很飽最後買單 竟然66，我問有無計錯？ 因為餐牌寫55蚊加一應該係61，我以為去幫我計成套餐既價格（原價60蚊）原來要加五蚊茶錢⋯好吧煨麵好耐無見呀！

媽咪話每次行商場見到都想食呢間不過老豆成日話多人等位唔陪佢食今次媽咪生日，咁我就一早book定位一行五人一齊去試吓囉我同男朋友到咗先，menu 幾多選擇都唔知食乜好所以等齊人之後我就提議不如我哋五個人食個六人餐啦！反正都有三個大男人喺度，應該食得晒嘅屋企人都係懶底，立即咩都唔睇舉腳贊成三個冷盤同時上醉雞汁做得唔錯，唔會酒味過重不過雞唔夠滑蒜泥白肉正正常常海蜇幾驚喜，未食過用黑醋整到黑蚊蚊嘅海蜇酸酸地幾開胃喎，而且非常爽口，正翅都幾足料填鴨全隻分量好大皮脆肉嫩！不過要黎包鴨嘅皮就做得冇美中夾子咁好食，雖然佢都做得夠薄，不過冇咗芝麻香味就差啲蝦球原來下邊伊面底蝦都幾大隻新鮮，唔錯松子雜果桂花魚，條魚已經起骨炸醬汁酸甜，啱晒我呢啲怕魚腥嘅人，而且食得好方便蟹粉扒豆苗，豆苗用咗溫室豆苗，清新左，不過自己都係鍾意平時普通豆苗軟身菜味重啲。蟹肉都幾多好足料蟹粉小籠包，皮做得夠薄但係冇穿，湯汁喺晒個包入邊，都唔錯，不過蟹粉感覺好少，唔多覺有蟹粉鮮味。北京炒麵，麵條煙韌有口感，屋企人幾鍾意最後上係一鍋甜品，金栗海底椰露栗子露做得好滑，芝麻湯圓皮薄餡多，而且唔太甜非常好基本上五個人食六人餐，份量足夠有餘

上海菜好耐冇同屋企人岀街食飯 由於怕假期多人 於是就一早打電話book左位唔使等位食6:00個round 限時1:30 叫左幾個餸 都ok***呢個生煎包帶有芝麻香味雖然外皮睇落去有d厚但呈現金黃色嘅底部煎得幾香脆 餡料豐富亦唔會太油膩再多少少肉汁就更美味🙊***炒得幾煙韌 唔會太油 幾好***佢幫你分埋隻雞同湯個湯幾入味 雲吞都足料飲兩碗都飽😂😂

我每次黎食野唔明點解都要受氣，之前我都算啦。今日又係咁樣，我終於忍唔住要開post出來寫評論！！！！！！其中一名侍應態度奇差，我一家六口來食野，一路落order佢一路用質疑我地好似食唔哂咁， 仲要un晒腳。然後又用好惡既態度同我地講d野上得好快，問我地上得野未。之後有個金毛侍應， 好有禮貌甘請佢拎豆瓣醬， 應都無應到就自己走左去。大佬呀，唔駛甘ma。要俾加一架！其實我係有俾錢來食野既，態度唔該好d la。

我們這一家平外出用餐並不會有什麼要求始終兩老年紀有返禁上下傳統家長又不愛新派或魚生等加上對食有一定要求經常覺得性價比低自己煮得仲好食而且又不會專程離開大埔只為覓食所以平常只會去幾間食店今次難得老爸想試已開業一段時間但我們一家還未曾嘗過～餐廳內大概有8圍大枱想必是早早給客人預定了預早中秋做節我們落單點菜後不夠5分鐘 餐廳上菜速度奇快想必餐廳預早準備好招牌菜知道招牌菜需求大 可以以最快速度做最多生意不論味道如何餐廳這樣上菜的感覺亦不好令人反感而且一早預備好菜式一定不是以菜式最佳狀態提供比客人招牌生煎包$58生煎包微熱 表皮微乾包底煎得金黃 微脆 但我略嫌焦了點而且沒有肉汁 肉質尚可 以招牌來說有點失望小籠包$52小籠包包皮略厚 肉汁有但不多肉質普通 熱度不夠只可以說是尚可水準饅頭宮保雞丁$90終於有一樣是熱度夠的菜雞丁雞味欠奉 但肉質尚可 夠腍醬汁是精髓 微辣 配上花生和略脆的饅頭皮吃是一個不錯的選擇上海粗炒$72又是微熱的菜式但味道不錯沒有平時微酸的味道不過不失 沒有驚喜之作黑醋排骨$90用黑醋炒的排骨比起平時的糖醋排骨少了甜味 但多了黑醋本身酸酸的味道可惜排骨肉質頗韌想必是排骨預早準備