家上海 (東港城)

营业中

休息中

進步空間很大！剛開業的時候食過很多次，近一年已經很少前往，今次約了朋友在坑口，所以前來，但食物已經大不如前。煙燻脆皮雞👍還是可以的，可惜連骨位置有啲血色（老一輩會話咁先夠滑，但新一輩就會話唔熟）蘿蔔絲鰂魚湯：鯽魚普遍嚟講好多骨，小心食脆煎灌湯小籠包👍味道還可以招牌十景揚州炒飯：之前食過好好味，但今次失水準大上海牛肉餅：普普通通知道做飲食業在今時今日真的很難，亦深明服務從業員的艱難，但是如果食客遇上不愉快的飲食經驗，便很難再有回頭客，怪不得香港人漸漸寧願山長水遠去深圳食飯，同一價錢，服務差天共地。一入內已經講明90分鐘限時，食物送齊不久，服務員便開始講需唔需要加購因為限時90分鐘。我看一看枱面的QR code，見原來我18:16到達，真是快樂不知時日過，趕快食。但慢慢回想18:16我們還未到達東港城，又怎會入座呢，好在用手機落單的時候已經cap圖，見自己18:47入坐。消失的31分鐘我們一枱人趕快吃，也與服務員解釋我們是18:47入座，不是你們QR code的18:16，可惜他們幾個人輪流來收我們的碟。一餐有壓力嘅飯，有些餸菜還沒吃完，但因為他們的壓力影響心情，快快離開。

龍豬情侶今日去食上海菜。1. 手撕鹹雞拌海蜇 $118海蜇爽脆可口，唯菜式過鹹，性價比一般2. 淮鹽溏心燻蛋 $38蛋黃呈溏心狀，散發著淡淡的煙燻香氣，清新爽口3. 酸辣湯麵$68酸辣適中，麵條Q彈4. 脆煎灌湯小籠包$58皮薄餡多，肉汁鮮美多汁，吃起來完美和諧5. 沙茶春筍炒牛肉$128菜式未道較淡，性價比一般6. 高力豆沙香蕉$60餡料細緻，外層軟綿+$13茗茶(每位) & $15前菜龍豬情侶評價：場內播放著上海歌曲，龍豬情侶一致認為不仿一試。推薦指數：7/10好味指數：7/10環境指數：8/10服務指數：8/10餐廳︰家上海地址︰將軍澳坑口重華路8號東港城1樓108號舖

今日時晴時雨完全打亂了行程🙄不如嘆返個啱口味嘅上海 lunch涼下冷氣先下星期擇日再戰~講到食上海野呀小籠包呀以前會去翡翠拉麵個間而家一定係家上海佢嘅招牌揚州炒飯係我食過覺得最好食嘅炒飯💯香口乾身夠足料每次都不會失望～🥢鐵板灌湯小籠包其實已經食第三次今次個樣最唔掂高高低低外型唔統一🥢鮮肉窩貼🥢上海海參酸辣湯🥢炸銀絲卷🥢招牌十景揚州炒飯🥢上海粗炒🥢麻香雞絲粉皮🥢鹹肉火腿津白#家上海#上海菜#京滬菜

早幾日行經東港城諗緊食咩下午茶好，咁岩見到呢間有下午茶所以試下….我好中意食佢既上海擔擔麵，濃度適中而且唔會過辣同埋油，麵質口感偏淋～另外女兒紅醉雞我都好中意，超香酒味少少帶甘，夠晒冰凍，肉質都嫩滑🥰最後小籠包味道正常，入面都多汁而且皮都唔會好厚身👍🏻下次都會想再試下其他野食😋

環境好坐，好岩一家大細來食飯🥦🥟🍖🍚🍢乾煸四季豆！呢款四季豆炒到鮮脆，口感好過癮！一咬落去，豆香四溢！😋🌿金牌小籠包就不過不失啦🥟🥟🥟🥟🥟🥟反而鎮江冰官肴蹄（水晶肴肉）！啲豬蹄煮到腍軟入味，啖啖都係滋味！配埋酸酸甜甜嘅醬汁就幾好🐷🍖但呢個真係必點經典家上海蝦蟹炒飯！呢個炒飯堪稱經典，香氣撲鼻，蝦蟹味濃郁，每一口都係享受！上海風味嘅炒飯，絕對係必試之選！🍤🦀🍚最後個酒釀丸子都一般般🍡🥢.💸.消費. $237 HKD（每人）🈵.回頭率. 8.3 / 10📸.打卡率. N.A / 10

食完下午茶,又有優惠券回贈,趁優惠券到期前去吃晚飯,食四百減一百,只可散叫食品,套餐不可用優惠卷,食物質素也美味. 有位身形嬌小的服務員小妹妹,聲線溫柔,細❤️地解釋前菜,有辣和唔辣啲選擇,又可要前菜, 或不要前茶.服務非常好,值得一讚👍🙏

行勻成個商場好似得呢一間食肆要排隊等位，好彩有先見之明book咗位。我哋叫咗上海粗炒、薺菜肉絲炒年糕、雞絲粉皮、小籠包、松鼠桂魚同埋酸辣湯。上海粗炒同薺菜肉絲炒年糕都吵得乾身而且冇乜油，食落去冇咁罪惡。上海粗炒唔會好甜，好怕其他地方食到好甜嘅上海粗炒。薺菜好香，令到個炒年糕特別好食。雞絲粉皮做得唔錯，佢個粉皮係厚身少少同埋比較彈牙嘅，唔會一pat pat。另外佢個麻醬嘅份量啱啱好，有時出面其他地方太多麻醬會搞到個雞絲粉皮濕納納。小籠包最有驚喜，皮夠薄入面嘅肉又好有鮮味，做得非常好。松鼠桂魚$208真心抵食，落咗好多松子仁同蝦仁，條魚仲要起咗骨所以基本上都係啖啖肉嘅。酸辣湯$58一位$108一鍋梗係叫一鍋啦，都可以裝到六碗，份量都算多。最後想讚吓呢度啲侍應服務非常好又有禮貌實在非常難得。

餐廳位於東港城裏，很方便去。這次預先訂枱，所以不用排隊，食物質素很高，很有上海風味，我比較喜歡松子魚，脆皮雞，獅子頭和嫩雞煨麵，松子魚魚很新鮮，帶有少少脆，雞就很有雞味，咬下去非常脆，雞肉很滑，獅子頭適合配飯，它的肉質完全不柴，帶有一點肉汁，至於湯麵的雞湯很濃，味道很好，整體也算不錯。環境很舒適，枱與枱之間也算寬敞，坐得很舒服，職員很專業和積極，我們一坐下，想洗碗碟時，職員立刻奉上一個大碗，而且我們每吃完一道菜，他們替我們收碟，服務很好！

今晚3人去食，大約20:45入場，服務員問我們：”介唔介意坐6人枱？”（入場時坐滿，只有剩下兩張6人枱和1張12人枱）, 我們接受服務員的安排入坐，入坐後員工說明21:30最後落單；入內後環境闊落舒適的。點菜發覺特別要讚揚設有素菜選擇.點了一松子魚、上海粗炒、一素紅油炒手，食品味道做得唔錯，後加了一津白和高力豆沙。用餐時一名Trainee在執拾身邊的枱，來來回回的行，－邊行一邊咳，沒有帶口罩、亦沒有用手遮蓋口部😖－素紅油炒手原本很讚賞，怎料食到中途，發現一條約一吋半微卷曲的黑色毛髮(是頭以外身體其他部位）黏著🤮🤮🤮🤮🤮🤮過份！咩胃口都無晒！！向經理反映，經理隨即取消此碟食品，說唔好意思和已取消，並送上點了的高力豆沙。食到中場剛才沒有口罩在側邊來回咳的Trainee好勤力的不斷行埋我們枱看（當時很害怕她行埋來時會咳）有沒有食完的碟，只要一完便立即收走🤔其實是否想我們快點離開？🤔這晚餐真的起起落落，埋單跟經理反映，經理以為我再提食品問題，立即先道歉回應：”唔好意思有啲錯失”，後來跟經理反映trainee 的問題，希望香港的餐飲業做得好，留住客人在港消費；埋單後便快快離開算了。怎料回家才發覺

今日嚟坑口東港城家上海食個上海lunch，新開張時已經來過一次。🥢淮揚五福拼盤蜜汁脆鱔甜甜地最正，呢度本身醉雞都好入味，酒味又夠香，另外仲有水晶肴肉，青瓜海蜇頭，四喜烤夫，總共五福🥢脆煎灌湯小籠包用鐵板上枱，咋咋聲熱辣辣，包底香脆，食小籠包又有食生煎包嘅感覺🥢蓮香蜜餞火方火腿加脆片，同淋上蜜汁，好好味👍🏻淨食粒蓮子都正~🥢上海海參酸辣湯有少少海參算足料，未算好辣但夠酸🥢招牌十景揚州炒飯炒飯粒粒分明乾身，好香口。

同朋友4個人叫左7樣野食，5個都幾好味㗎👍🏽2個令我有啲失望👎🏽首先講下好食嘅先:👍🏽鎮江冰官肴蹄 (水晶肴肉) $82朋友介紹，第一次食，覺得幾特別幾易入口，係好味嘅😋初初望住覺得啲透透地明係肥膏唔想放入口，不過試完第一粒就好自然會想食第二粒😂👍🏽麻香雞絲粉皮 $68上海菜最有保證嘅選擇😂所以冇得輸，仲幾好食！👍🏽鐵板蔥爆羊肉 $128相比之下，依個有啲油淋淋，不過羊肉嘅質地唔差，同埋幾入味👍🏽薺菜肉絲炒年糕 $88望落覺得好普通嘅炒年糕，食落好易入口，好好味，唔覺唔覺食左2-3碗😅👍🏽脆煎灌湯小籠包 $54脆底嘅小籠包，湯汁好鮮味，個肉都好juicy 👍🏽個底脆左，容易夾好多，唔會失手😏剩返依兩個真心失望，唔係話平，但係真係唔好食☹️👎🏽蜜汁脆鱔 $90依個好失望，冇魚味，冇肉味，剩係一堆條狀嘅炸絲，配埋都啲膩嘅蜜汁😔唔推介😔👎🏽蓮香蜜餞火方 (四件) $128依個脆片太簿，我食過用米餅整嘅會好食好多，而且依個蜜餞用嘅甜有啲假甜同好水，所以唔推介😔

聖誕節識揀梗係揀中餐但又諗唔到食咩😆大概7點左右 見冇乜人排隊就試吓呢間，入到去舖面都幾大，坐位都舒適，枱與枱之間隔得開 唔會感覺很擠逼，入坐後無耐出面已經多人排，第一次食，食物味道都算可以，服務都ok,呢間上海菜好新潮，有煎小籠包，下次可以試吓，因為點菜時服務員都有問要煎定要蒸，當然無為意，之後見到枱枱都差唔多叫煎小籠包，應該味道不錯，整體嚟講都ok!最後點咗杯楊枝甘露特飲，呢杯野味道比較酸，可以不點

一行9人 用餐體驗是 侍應好似催命化咁，一小時30分鐘用餐時間，當你食左一小時 便會不斷走黎「提醒」你，「仲有無咩要叫」「差不多截單」啲餸淨一半，已經行黎收野好香港style,香港人做咩都要快🤣，你想慢慢食餐飯 都唔洗諗不過我哋agree左個半鐘 都無野好講，但係食左一小時就走黎死催爛催 真係有啲過分啲野食以坑口區來講是ok,但蜜汁火方好唔得，塊脆片唔脆，個汁好水，正常係傑身掛住啲肉，依家搞到點完個汁再夾喺包裡面搞到連個包都濕左😓

呢間野真係越做越衰之前一個月最小黎食一次唔夠staff都算連叫個白飯都可以等幾個字三催四請之下話蒸緊點知出到黎先經典夠膽死硬到好似無煮過小啲牙力都咬唔爛碗石頭飯最後三份一碗無食到有coupon都唔會再黎！今次真係食到一肚氣啲餸都唔係平但咁既份量咁既service(基本上係無)去食既人真係要三思 Not value for money given the price isn’t cheap but service is poor, plus long queuing time during peak hours. Pls reconsider if you should try out this restaurant, a lot better options with this price.

前排經過位於東港城的家上海已經好想試下， 但因為太多人排隊，所以今次就下午茶時間先過嚟。 大約兩點幾到達都要等一陣先可以入座， 但入到店內發現原來有幾張枱沒有坐滿的。 下午茶時段兩點至五點， 可以點套餐，上海粗炒配麻香雞絲粉皮$78、 招牌十景揚州炒飯配女兒紅醉雞$78、 上海擔擔麵配金牌小籠包$78、 鮮肉鍋貼$38。 ▫️上海粗炒 ～ 份量偏少，但可能下午茶都係咁上下， 味道不錯， 配上豆瓣醬吃好惹味。 ▫️麻香雞絲粉皮 ～ 粉皮都幾q彈， 如果麻醬可以再多啲就更好。 ▫️招牌十景揚州炒飯 ～ 炒得夠乾身，粒粒分明。 ▫️女兒紅醉雞 ～ 酒味香濃，雞肉用酒提香， 特別美味。 ▫️上海擔擔麵 ～ 湯底濃郁鮮香，辣度剛剛好， 擔擔麵的口感偏腍。 ▫️金牌小籠包 ～ 小籠包湯汁好飽滿， 趁熱食好正。 ▫️鮮肉鍋貼 ～ 外皮酥脆內餡香甜， 味道不錯呀！ 幾款菜式都做得好， 下次有機會嚟試下晚餐先。 🏷️溫馨提示～ 整個用餐體驗均屬個人分享意見， 只作參考😊。