影片
更多
2024-03-19
502 浏览
行匀成个商场好似得呢一间食肆要排队等位，好彩有先见之明book咗位。我哋叫咗上海粗炒、荠菜肉丝炒年糕、鸡丝粉皮、小笼包、松鼠桂鱼同埋酸辣汤。上海粗炒同荠菜肉丝炒年糕都吵得干身而且冇乜油，食落去冇咁罪恶。上海粗炒唔会好甜，好怕其他地方食到好甜嘅上海粗炒。荠菜好香，令到个炒年糕特别好食。鸡丝粉皮做得唔错，佢个粉皮系厚身少少同埋比较弹牙嘅，唔会一pat pat。另外佢个麻酱嘅份量啱啱好，有时出面其他地方太多麻酱会搞到个鸡丝粉皮湿纳纳。小笼包最有惊喜，皮够薄入面嘅肉又好有鲜味，做得非常好。松鼠桂鱼$208真心抵食，落咗好多松子仁同虾仁，条鱼仲要起咗骨所以基本上都系啖啖肉嘅。酸辣汤$58一位$108一锅梗系叫一锅啦，都可以装到六碗，份量都算多。最后想赞吓呢度啲侍应服务非常好又有礼貌实在非常难得。
上海粗炒同荠菜肉丝炒年糕都吵得干身而且冇乜油，食落去冇咁罪恶。上海粗炒唔会好甜，好怕其他地方食到好甜嘅上海粗炒。荠菜好香，令到个炒年糕特别好食。
鸡丝粉皮做得唔错，佢个粉皮系厚身少少同埋比较弹牙嘅，唔会一pat pat。另外佢个麻酱嘅份量啱啱好，有时出面其他地方太多麻酱会搞到个鸡丝粉皮湿纳纳。
小笼包最有惊喜，皮够薄入面嘅肉又好有鲜味，做得非常好。
松鼠桂鱼$208真心抵食，落咗好多松子仁同虾仁，条鱼仲要起咗骨所以基本上都系啖啖肉嘅。
酸辣汤$58一位$108一锅梗系叫一锅啦，都可以装到六碗，份量都算多。最后想赞吓呢度啲侍应服务非常好又有礼貌实在非常难得。
张贴
