客香邨酒家 (已結業)

話說前排有日收工收得晏但又好想食一盅兩件同歎歎茶 朋友就即興車左我黎客香邨喇 地理位置尚算方便 一落highway就到 出面仲可以停車 非常適合駕車人士點心種類算係多 一般酒樓有既野例如蝦餃呀燒賣呀山竹牛肉球呀粥呀蒸飯呀蘿蔔糕之類佢地都有供應 我地兩個人叫左燒賣 鵪鶉蛋燒賣同埋鳳爪排骨飯 而價錢就非常之大眾化 除返開每人一百蚊都唔洗 食物質素普普通通不過不失咁啦 但勝在開得夠夜佢地既點心供應到夜晚12點 絕對係飲夜茶既好去處！

附近嘅獸醫診所十分之出名咁啱同我嘅毛孩睇完醫生又未食飯唯有喺附近將就吓呢間夜茶都係大圍好多年啦食過唔止一次質素平平不過勝在開得夠夜夜晚冇嘢好食入去食返一盅兩件都唔錯餐牌選擇唔多不過要食嘅都有蝦餃、燒賣、鳳爪、山竹牛肉呢啲一般酒樓食到嘅嘢佢都毫不缺少因為我哋只有兩個人亦唔係好肚餓嘅關係我哋都只係嗌左三樣嘢鳳爪、蝦餃呢啲都係酒樓必食從來唔會期待佢好好食不過出面難食嘅真係好多所以呢度嘅質素算係咁啦值得一提嘅係呢個鮮蝦腐皮卷拎上嚟嘅時候啱啱炸起外層嘅腐皮炸到脆卜卜中間厚厚嘅蝦膠真係令人食到好滿足點埋喼汁就Perfect佢嘅橫切面仲可以睇到原隻蝦雖然都係急凍蝦但絕對唔會淋啤啤係咬落去彈牙嗰種如果你夜麻麻喺附近又想食吓點心不妨嚟呢度試吓記得記得要叫鮮蝦腐皮卷！

晚上大約6時半與太太到客香村食晚飯，客人不算太多，被安排坐了張4人檯。當點菜後，約10分鐘餸菜已送到檯上，老實講，味道的確唔錯，飯後還有糖水送，真的不錯。但是激氣的事情出現，大約7時半左右，當時店內的2至4人檯已滿，其實還有3-4張大檯的。突然有4位客人進來，當時的店員完全沒有考慮安排坐大檯或其他位置，而直指我和太太張4人檯，其實我地都係剛剛食完，正想飲多啖茶、坐多一陣就走。但店員二話不說便收拾埋我地檯上的碗碟，連茶杯都收埋，我即時眼都突埋。當然我地都醒目即時起身結數，以免阻人做生意啦，但去到結數處竟然被客香村的肥胖老闆娘話左句"食完都唔走" 。嘩...咩事呀，我地都無話唔走，岩岩食完飯，飲多啖茶都得掛，我地見有客人、店員收拾晒檯上碗碟、連茶杯，我地都無奈起身結數啦，我強調當時仲有3-4張大檯，而2-4人檯同樣用餐完畢的不只我地。真係激死人，食餐飯都咁受氣，你估得你一間飯店咩，所以我發誓以後都唔會再幫襯客香村。

2/5 食物一般，但價錢平，晚市好似會好食啲，有待再試。Okay food but really nice price, dinner menu look better, will try again.(中英雙語，Chinese and English review)超級宿醉，一定要飲番個湯，所以先叫咗個蒸肉餅客飯，跟例湯，例湯味道比較淡，但勝在冇味精味，清清甜甜。唔好睇個肉餅好似好多豉油，其實味道剛剛好，但肉餅肥肉太多，同碎得太勁無咗口感。鳳爪嘅味道一般，所以冇再叫其他點心，下次先試，反正我今日淨係飲到湯。後來枱頭先見到有個花膠雞湯，雞味清而濃，舊花膠就腥咗啲，食唔到。(Google translate)Super hangover, must drink a soup, so first call a steamed meat pie meal, followed by the daily soup, the soup tastes lighter, but it is better than the msg flavor, clear and sweet. The meatloa

今日晚上即興同幾位朋友黎到大圍食宵夜，本身唸住食打冷小菜果啲，但突然見到有得飲夜茶，所以就變咗飲夜茶喇。第一次幫襯呢間，裝修比較舊式而且有啲殘舊，衛生情況就麻麻地。點心都有幾多種類比你選擇，價錢介乎於 $19 至 $30 之間，叫左好多野食，雖然味道唔係話太出眾只係普普通通，但上枱都熱辣辣同幾大件，而且唔係好多地方都有夜茶飲算係咁。😌 😌叫咗大約十一籠點心埋單都只係 $300 左右，都真係算幾抵食。👍🏻 👍🏻

好耐無嚟食過，見尋日唔想煮飯就去下 ，點知店員姐姐話做到6月30號就唔再續租，以後又少咗一個食小菜嘅地方喇。下層多人無位就同老公去咗上層，一邊睇電視一邊食飯。沙拉骨($82)非常足料，夠四個人食，但係嫌全部都係肉排，無咩骨。茄子魚雲煲($92)人總係貪心，又想食魚香茄子又想食魚雲，呢個就滿足到我喇。又有大大粒蒜頭，惹味之選。家鄉節瓜煲($78)除咗節瓜，仲有大量粉絲，蝦米，冬菇等等，好過叫什菜煲或者小炒王。總結係，以上份量其實足夠三至四個人食，而且味道唔差，好可惜就快結業。

這是一家在大圍屹立多年的酒家，土身土長嘅沙田友唔會對它陌生，呢度有小菜，海鮮及點心供應。晚上9點我哋一行幾條友幫襯咗：西蘭花龍躉翠綠西蘭花非常青脆爽口，龍躉片鮮味無窮沒有雪櫃味，碟餸夠晒鑊氣，龍躉片比足你，不過食油份量就多咗少少。椒鹽白飯魚賣相似薯條，金黃色一條條，其實都幾熱氣，入口香、鬆、脆，白飯魚食完一條又一條，另外有個喼汁，按自己喜好選擇點唔點。鹽焗雞半只中國廣東特色菜之一，用鹽醃製雞的方法，使雞皮柔軟，肉質嫰滑，看得出個表皮被煎過，因為留下煎過的痕跡。鮮蝦腐皮卷出奇地好味，表皮煎得相當香脆，食到蝦膠混入新鮮蝦肉，彈牙指數超高，有別於平日在茶樓吃到的鮮蝦腐皮卷。夜麻麻揸車嚟飲下茶、食下小菜都唔錯嫁，門口仲有位可以泊車添。

睇完戲之後，男朋友話想飲茶食點心，所以我就帶左佢去大圍飲夜茶！依間酒樓既夜茶由晚上九點至到早上四點半都有供應。由於d點心都係整定，所以唔係話好好味蝦餃同叉燒包唔係好夠熱咖哩魷魚🦑比較淡味山竹牛肉算係較為好食，所以食完再叫多籠！鳳爪同牛肚就不過不失依間夜茶細細個已經去食，但今次去完覺得有d退步。食左7籠埋單都係$17x到，價錢都算抵，但唔好expect好似新鮮整既點心咁好食，不過夜晚想食點心，過下口癮都ok既！🤓

今日做野做到晚上9點，所以4個同事去左大圍飲夜茶。好耐未試過飲夜茶啦，而且可以邊食邊吹水，有種都幾特別的感覺。雖然跟平日飲茶叫的野食都差不多。有燒賣、蝦餃、牛肉球等。味道唔算特別好味，不過野食好熱辣辣咁，而且一邊食的時候，佢如果有新蒸的野食，佢會問我地要唔要，都算幾貼心。另外我地仲叫左個雞粥，炒左個通菜，同叫左個蝦醬炸雞翼，個雞翼的味道都幾特別。不過我地點左的野食有一個都無黎。整體而言算是一般，但如果你特別喜愛飲夜茶都可一試。

大圍區好難得有一間夜茶，如果夜晩想嘆茶，呢間都可以試下，不過要21:30後先開始有㸃心，衛生情況就麻麻地，可能太舊嘅裝修，服務態度一般，門口可以停車，㸃心比較一般，價錢大眾化！

大排檔格局，一般圓枱膠櫈，除了室內，店外亦放了幾張枱。家鄉咸水角（中點）：表皮外脆內軟，口感煙韌，一碟有3件香煎鯪魚餅（大點）：即叫即炸，香脆彈牙，魚餅每片厚度約1.5cm（共3片）。鵪鶉蛋燒賣（優點）：懷舊點心，一般酒樓已差不多絕跡，大大件燒賣上均有一隻鵪鶉蛋，非常飽肚。山竹牛肉（大點）：一碟3粒，有大有小，味道一般，沒有馬蹄的爽口，但有條腍到不得了的菜。南翔小籠包：即叫即蒸，等了15分鐘上枱，共有3件。 廚房放入蒸籠時，沒有將他們分開擺放，小籠包的皮黏在一起了。小籠包自然一夾就爆，包內的肉汁都流走了，沒有肉汁小籠包，就好像沒有靈魂一樣。值得加分：所有食物上枱都是熱辣辣的，部分更是即叫即做。扣分地方：衛生意識比較差，侍應拿了一大盤蒸飯，其中一隻鳳爪，掉在大餐盤上，盤子內明顯有水及食物殘渣，侍應看見並未有即時將鳳爪夾起清洗，過了一會，侍應用手將鳳爪拿起，隨便放在一客蒸飯上。另一侍應看見，直接用食物夾夾起鳳爪，原意為她會拿掉蒸飯及鳳爪去清洗，奈何她只是覺得那客飯太多鳳爪，所以將那隻髒髒的鳳爪直接夾往另一客已蒸熱的鳳爪內

想飲夜茶，呢間已經成為附近唯一選擇了。味道，當然談不上好好味，但至少都熱辣辣出曬煙咁上枱，大大件，味道不過不失食入得口；價錢亦大眾化，所以仍然都係一個宵夜既好去處！

男朋友住係大圍 我地有時都幾夜先走咁又餓餓地想食D野就會去呢到飲茶都黎過一兩次架 男朋友話一大班人會好D 叫左個飯.... D飯濕到.........難過 另外想講就係因為都夜我叫左水同香片飲完個水我叫店員幫手加加....一加就............水都無埋叫左好多次先拎得返...不過果時已經準備要走............................不過好明白既人多所以就比較難去照顧到全部客人囉... 希望下次黎衛生情況同服務都可以有所改善..................我諗個飯都係一時失人 SO SAD

大幾十一點左右來到，店內外已滿滿人潮。我和朋友找了個位便坐底，店員招呼一流，又風趣幽默，我叫她靚女她還抗拒，笑說叫聲呀婆就可以。叫了牛肉球，蝦餃，臘味滑雞飯等等。 想叫牛肉腸粉但賣曬。有點可惜。蝦餃皮好薄，蝦肉幾爆滿，爽口。牛肉球剛剛熟，所以非常滑口。臘味滑雞飯配了甜豉油，飯比較軟口，份量足夠兩個人分。一邊食已有多人黎買外賣，好熱鬧。 另外特別推介辣椒油，一邊食都可以聽到有人叫要辣椒油。我用以點蝦餃及鴨肉食。辣椒油非常香口，辣道適中，只是有點太油。朋友說到此必嘗煎鯪魚餅，即叫即做。等了一回，終於來了 香噴噴，不過要睇熱。夜晚想飲茶可以到這裏一試。

夜晚飲左酒，食小小夜市飲茶，原来隔離有間，甘就入黎try try 啦。個鮮蝦燒賣d蝦好爽，好新鮮。個棉花雞d棉花好淋好入味。蝦餃新鮮。個腐皮卷個皮好脆，入面有蝦同肉，口感好丰富，食左件想再食多件，好味。個蘿白糕好香蘿白味。