寶靈頓食坊 (已結業)

這晚上，太太要加班，於是便要自己顧自己，臨時拉夫，找了同事陪食，兩個麻甩最簡單方便，鵝頸街市就是充滿麻甩風的選擇。公司就在鵝頸街市旁，早上晚上中午都會有機會過隔離食飯，這鵝頸街市的所有食檔，加埋呢一間寶靈頓食坊，我真真正正的食勻晒了。天氣仍然是凍，繼續羊腩煲，例牌份量，剛好夠兩個人食。這兒的羊是帶骨的羊腩肉，味道十分之羶香，可是支竹的比例同羊肉不是太配合，腐竹好似多過羊肉，味道雖好，但唔夠肉，食得不夠爽。 在大排檔，當然是食一些香味小炒啦。椒鹽龍鬚豆腐，就是椒鹽豆腐併椒鹽魷魚鬚，而且大排檔就是大排檔，所有的東西都是新鮮即做即炸，香口，吃起來鬆脆，熱熱的食，就是食炸點的最佳享受，有適度的乾濕感，香而可口。 味道雖未算出色，但來這兒簡單的食香口小炒，也是一個不錯的感受。

今日好友一家來赤柱閒遊，本想找小弟到附近來個晚飯，但赤柱選擇不多，所以還是回到灣仔一帶，最終到了鵝頸街市的熟食中心，捨棄吃慣的三興，來試試對面的寶靈頓食坊。小店佔熟食中心一角，位置不算大，但也能容下十數張圓檯。熟食中心環境不會抱有甚麼期望，但最令人討厭是背靠的兩部電視，聲浪確實令人有點煩躁。 食坊賣的是一般大牌檔中式小炒，我們點了幾個小菜之餘，還拿出從樓下街市購買的五隻大閘蟹來料加工。 自攜大閘蟹：趁街市臨收檔，以一百元買了五隻大閘蟹，這樣平的價錢當然不會是甚麼陽澄湖的名牌貨，蟹身較小，肉也不多，但仍算甘香可口，而且蟹膏更是多得很，吃罷整隻大閘蟹，桌上雪白的檯桌也被染成金黃色。 椒鹽田雞：田雞外層炸得很香脆，雖可吃的肉不多，但勝在肉質嫩滑；可惜椒鹽味道不足，沒有辣味亦不夠鹹，令惹味菜式大打折扣。 水煮牛肉：牛肉切成薄片，份量不算少，加上蒜子、芽菜、蕃茄等配料浸在紅紅的辣油上，賣相吸引。入口牛肉嫩滑，辣味比麻味更重，以水煮菜式而言，這個汁料的麻辣度只能算是中級，但反而不會因舌頭全麻痺了而錯過食材本身的味道。 小炒王：帶子粒、魷魚粒、鮮蝦粒雖不是甚麼頂級貨，但份量異常充足，可惜味道

在銅鑼灣區的廉價小炒，環境雖一般，但食物都OK，晚市頗旺場。豆腐魚雲湯：出乎意料的甜美可口，good。炸芝心蝦丸：保持水準，炸得香口彈牙，好味！BB骨：肉質還是偏瘦了一點，口感較鞋，不作推介喇。蜜桃焗肉排：普通。秘製胡椒蝦：蝦比想象中細隻，胡椒味不夠濃烈。西蘭花炒帶子：普通。翠棠豆腐：豆腐係幾滑嘅。不過翠棠豆腐應用蛋白烹製呈雪白色，不似現在的淡黃色，不說還以為食緊蒸蛋！

8 個人想去榮記食大排檔點知重未開半推半就黎左格離既寶靈頓食叫左師姐骨:食落有d"乸"喉同攻鼻酸酸甜甜不過唔太岩我口味蠔餅:真係唔錯唔點魚露都幾鮮食落唔會一口粉咁同埋都幾多蠔仔咕嚕肉:同一般食到既冇咩分別不得不提我地食哂d肉之後個碟重有好多青椒洋蔥紅椒個d真係好滿個碟已經唔係大架啦椒鹽九肚魚:外脆內滑但係同其他人個d比好似d魚肉薄d同埋又係得少少啫啫雞煲:雞肉佔30%豬潤佔50%雞少而且老豬潤都ok反而得兩三舊既冬菇最好味我搶到黎食豆豉鯪魚油mak菜:一般味道份量少芝士焗鮮尤:真係唔覺佢焗過而且同榮記唔同佢係冇粉絲底搞到失望左一陣芝士汁俾3個人拎左黎送飯就冇哂~整體價錢貴左dd份量少有幾樣送都話冇哂老闆娘(?)都幾好笑容

那天與朋友食飯，向來喜歡食大排檔，去開灣仔便去左呢間度食！叫了﹕師姐骨--甜甜酸酸的，普普通通，唔知係乜。寧願食沙拉骨更好，至少唔會食完都唔知佢係乜。沙嗲肥牛煲---非常惹味，不錯！而且十分足料，牛肉也不會很有口感，粉絲也入味。芝士焗鮮魷---味道不錯，但不太似有焗過，似係炸完鮮魷後再淋上芝士汁，但也欣賞佢多汁！魚香茄子煲---好味，大大煲，不太油西檸雞---檸汁香，雞也很嫩！椒絲腐乳通菜---也不錯，一般的味道，沒驚喜也沒失望整餐飯也平平穩穩，沒有太大驚喜，一般大排檔的味道，但亦算不錯。環境尚算企理，服務也OK~

相約同事吃餐飯，聽聞這處別有風味，不讓北角東寶專美，便來一試。偌大的餐牌貼在牆上，可能是全香港最大的餐牌，而菜式少說也有二百款，總有三幾款合你意，我們點了：美極焗蝦 蝦是細蝦，但很入味，送啤酒一流芝士焗鮮魷 這是這店的特色，鮮魷新鮮彈牙，而芝士白汁甘濃味美，不膩生煎蠔仔餅 最難得是無沙和不腥，蛋香和蠔仔是平民化的極品馬拉盞雜菜煲 因不喜吃馬拉盞，所以不知味如何雖是簡單一餐，但滋味無窮，可惜是人少，否則可多點幾味，吃過飽。

星期日晚和一班朋友到鵝頸街市寶靈頓食晚飯。環境的確比較擠迫及嘈吵，但勝在價錢實惠。我們一行七人點了數款小菜。海皇豆腐羮：普通。炸芝心蝦丸：外脆內軟；蝦膠有咬口；內裡芝士亦很香，好食！(芝士很熱，小心盪嘴！)BB骨：無上次咁好食；肉質味道普通，醬汁亦欠缺特別。波蘿咕嚕肉：普通。海皇一品煲：雖然唔係D上價用料，但勝在用料足，OK。霸皇雞：幾滑幾有雞味；醃料薑葱豉油亦很惹味。腐乳通菜：通菜OK，無乜腐乳味。炒油墨菜：點解唔係整碟都係油墨菜嚟嘅？！

朋友"魔鬼教父" 生日, 佢又特別指定要來寶靈頓!!!和另一位指定要去澳門豬骨煲的有得"揮"呢...點都好, 6點來到, 找個電視位, 坐下先.好快齊人, 都係叫指定的幾味.咕嚕肉, 九肚魚拼炸鮮魷, 什菜煲, 等.上述3樣都係好撚手的, 全都推介; 尢其係九肚魚及鮮魷, 炸得脆而唔油, 好正送啤酒一流呢~另外的幾味我卻有d評價.蠔餅炸得幾油, 只係用雞蛋的. 雖蠔夠大隻但唔夠聞落唔夠香, 入口也唔夠香口.但又熱到死, 辣親咀呀豉油皇蝦, 七十幾蚊得6隻中蝦, 太貴了!!!! 但蝦係好新鮮的, 無可否認. 也炒得好.另外服務都很不錯, 雖人手好少.埋單都係出去自己埋快好多~

行完山, 好攰, 幾位壯男都餓了, 老邦介紹, 上了來食晚餐.以前幫襯過的, 老輝二話不說已坐下了.經過商討, 叫了金沙骨, 58蚊8隻粉絲蒜蓉蒸大蜆, 蒜炒白菜, 風沙雞翼 (輝記必食雞的~) 及椒鹽九肚魚.粉絲蒜蓉蒸大蜆都幾大隻, 唔腥, 味道鮮甜; 但粉絲及蒜略嫌太少了...風沙雞翼炸到好硬.... 其實食唔出同炸雞中翼有咩特別, 唔明老輝點解咁愛...炒白菜ok 啦. 九肚魚好五, 皮脆, 但弗乞入口即溶, 小心熱便行了~金沙骨太多醬, 看相, 又係炸得太勁, 略硬.服務一般啦. 有電視睇, 算ok 了.

在鵝頸熟食中心冷氣大排檔有幾家食店，這間人較多，星期六晚上八時，剛坐下不到十分鐘已經有人等位。點了幾個家常菜，馬拉盞炒通菜、芝士牛油炒田雞、蕃茄豬潤湯及梅子排骨。最好吃是芝士牛油炒田雞，田雞肉厚質滑，芝士醬黏度適中，配合田雞肉一起細滑而不膩，是四道小菜裡最好吃。馬拉盞炒通菜：通菜稍老，口感有渣，但馬拉盞本身夠味濃，沒有多放鹽，味道合宜，而且份量足。蕃茄豬潤湯很普通，一煲滾湯，喝了就忘記，沒評語。梅子排骨選用骨多肉薄的排骨，菜汁過多，梅子味略酸，送飯不宜；賣相差，顏色螢光鮮，醬汁太黏，看起來像梅子糊。整體表現中規中矩，不算非常滿意，想給一個ＯＫ與滿意之間的評分。

一行三十人去食分兩張台....好多送....都唔記得左有咩only記得的有炒蜆+ 炸白飯魚+ 妹仔骨+ 沙拉骨+ 粉絲肥牛煲....炒蜆都冇肉gei....白飯魚好淡妹仔骨同沙拉骨幾好.....幾味又夠肉肥牛煲...好爛...d粉絲爛晒....其實d 野食都真係幾一般不過係銅鑼灣可以任到咁多人....仲要鬼死咁平....就真係想點丫...

今晚來宵夜，發覺每張枱只有一個餐牌！店員話年近歲晚客人太多應付不來；所以只會集中做照片裏的餸菜，另有數款湯羹及鷄，對我而言感到無奈。勉強落單，黑椒牛仔骨及虾醬(炒)白菜拼芥蘭；因為唔夠白菜！牛仔骨一般大排檔水準，反而炒菜真的成為話題！！！名為炒、實為灼！！！大家睇吓碟底就瞭解在下的感受。莫非炒菜真的難過登天？！何解現時的食店都不願做一碟真正的炒菜？

來這街市都光顧東城肥婆，但有次星期日晚來，所叫的食物質素令我大失所望！誤打誤撞下試吓這店，食咗條推介芝麻班：$140.00拾蚊兩。蒸魚火候剛好，魚肉質地好滑，食魚都係一斤左右最好了。這把年紀，對那些飲宴席上必備之所謂海班已經麻木了，每次都覺肉質好UN，有次坐右邊个位MORY姐姐重話魚係浸熟並非蒸嘅？！唉！！！！！！炒蜆加辣：廚師非常認真地加很指多天椒碎來炒！香、熱、辣。跟住來個(亂棍打死牛魔王)白菜炒牛肉：上檯時約有攝氏60-70度，THIS IS WHAT WE CALL鑊氣！當晚帶兩支太雕酒來，侍應哥哥聽我說坐熱更好喝，立時用碗裝滿100度熱水給我用，讚！！！離開時忘記拿走餘下一支，他們特意為我KEEP住，數天後再來時又有得飲！好好的服務態度！店裏每位店員都掛着笑容，令我感受到他們敬業樂業的精神！出品並不是超班，但服務搭夠。OH :不吸煙的朋友注意，大慨晚上10-11時左右，所有食店都默許\客人在室內抽煙。

唔知邊間好,見多人便坐低,order左炸豆腐--好多油,無咩特別芝士大蝦伊麵-兩隻大蝦,但係唔算好新鮮,個sauce見到係果d味,就係果d,無咩驚喜蒜頭白菜粉絲-d蒜頭好大粒,好好味砵酒焗白鱔--好陪味,汁好濃,吃不停口

我係一個從來都唔食羊肉既人，因為怕果陣羶味，但係去左呢間鋪頭食飯，個朋友叫左個羊腩煲，我聞到個煲D羊肉完全無羶味，D汁仲好濃好正，我都忍唔住試左好幾舊羊肉，D羊肉好正炆得好"冧"，大家不妨試試。除左羊腩外其他食物水平都好好，好似有一款叫BB骨，不妨試下!!侍應服務都好好，同D客有傾有講，做野效率高手腳快，環境清潔(因為未去過果度既廁所所以對廁所no comment)，有免費電視睇。我上次去食係星期四都有9成爆滿，想有得食就要早D啦!!唯一唔好既係如果人多會好嘈，因為好多人都會飲多兩杯酒，大大聲聲講野。