寶靈頓食坊 (已結業)

潮式大蜆幾好...菜膽雞都比預料的好...

本來打算食咖哩羊,原來八點幾就收舖,去到已經落晒閘,於是隨便試吓小菜.叫咗幾樣嘢,都比預期中好~1. 豉椒炒蟶子 -- 汁料有濃濃既黑椒味, 配白飯一流 -- 蟶子幾大隻,好正!2. 墨魚餅拼豬仔髀(各4件) -- 墨魚餅有粒粒咬口,好香好好味 -- 豬仔髀D汁甜甜地,食得出落咗心機調味 -- 不過雙拼好似收多咗10蚊3. 麵醬唐生菜 -- 清清地,唔油膩,好食!4. Sonderberg Beer x 1 -- 淡淡地濕吓口, 勝在抵飲no comment最開心係亞姐好好傾,仲幫我地計埋,份量啱啱好,真係食得好開心!!

呢個街市場估唔到又幾乾淨企理架喎....仲要有得睇電視.....食過小菜海鮮....價錢唔算貴...仲要幾好味....最鍾意食芝士焗鮮魷.....芝士汁唔太濃....咬入去D魷魚又煙"un".....次次同朋友黎都推介呢味....D亞叔亞姐又勁好禮....唔錯....

離開舊公司之後,同班舊伙計近乎訊聯網絡,失去聯絡.有個感情比較要好的舊同事臨別抽波,在鵝頸橋街市的寶靈頓擺陣,小弟收到風,都係時候要浮番上水面..幾個月無見,人面依舊,但同此街市,就幾年無見.睇落似乎曾經大裝修過.比以前更加光猛.衛生程度,都係咁上下.比之前好少少.十四個人,求其點十幾個小菜,有XO醬雞球煲,椒鹽九肚魚,雞軟骨,秘製BB骨,翠瓜豬頸肉,等等,點菜果個唔係我,兼遲大到,加上食物水準一般,沒有任何一味留下深刻印象.去到呢個地步,心諗去東成或者惠記都好丫.)諗下好喇,主人家唔係我,無理由喧賓奪主嘛.哈爾濱啤酒倒水咁倒,眾舊同事飲到面紅耳熱,酒精上腦.小弟飯後尚要開工,沒有閒情與眾同樂.十四個人,連酒水,剛好一千,抵就幾抵,但沒有再來之理由.吃罷此餐,再度話別.下次見會係幾時?唔知.都係保持一段適當距離好一點.