宜家家居餐廳及咖啡室

营业中

休息中

是日夜收工煮唔到飯比老公食 /___\ ，唯有出去食好D經經濟濟，又想食好D，宜家餐廳最0岩不過~原本以為平日晚餐無咁多人，不過人氣依然! 等左20分鐘先排到拎野食!無骨豬手 配胡椒汁: 質地彈牙、有少少煙燻味，正! 不過就未去哂豬毛，有點吉...胡椒汁好淡無乜味，唔知係唔係因為個豬手鹹，所以先整淡D 呢肉丸: 唔駛講，皇牌必食! 啖啖肉，加埋gravy + 紅莓醬，兩公婆爭住食!蔬菜薯餅: 西蘭花、芝士、薯仔三樣最愛合成既美食!! 食多2件都仲得杏仁餅: 滿口杏仁粒，好香~ 滑滑sugar cream加埋，好味啊~~ 兩公婆share食0岩0岩好

宜家餐廳不嬲都平靚正，可惜通常都要等位等好耐。朝早11點幾到，都已經坐滿人，等左幾個字先有位。粟米細細盤唔算平，無落牛油但都好甜，爽口。千層麵我唔鍾意食，因為食唔到麵，全部都係菜同菜。三文魚煮得過熟，如果入面有少少生會更好。但又未至於鞋口，黃色既唔知係咩汁，但幾好味。豬手夠入味，不過肉有啲韌。磨菇湯稀到不得了，只係一PAT水加左磨菇，非常唔推薦雞翼炸得好脆，肉唔會老。仲好入味，夠咸，好味過好多茶餐廳既茶餐。凍蝦杯必食推介，夠平，蝦又新鮮夠味，好特別既咸味，一隻接一隻食唔停口，一人KO一杯都唔夠喉。仲有好多蝦子，殘殺左好多BB........

同朋友約在沙田睇戲就近就來咗“宜家”揾野食兜咗一大圈先穩到間餐廳撞正Lunch time 好多人都等咗好耐先有位坐瑞士肉丸加意粉好正肉丸咬落有肉汁意粉都不大差唔同分量葛肉丸系唔同價格十粒都系$19 only之後仲可以免費加意粉不過分量有啲少再加多$13就有四只雞翼雞翼都好正香脆嫩滑飲品都系七蚊仲可以免費添飲

一直以來都認為宜家的餐廳，是全港最平宜的，品種選擇雖然不多，但非常合自己口胃，所以每次跟太太去逛逛時，到餐廳用餐已成了必然定律。今次要去附近辦點事，當然要走一轉，可能是閒日關係，找位字都算容易。汽水是一杯任飲，在大熱天時最好不過，另外蝦杯一份二十多隻，蝦肉鮮甜，可以慢慢消磨時間；肉丸選了十粒，肉味其實一般，蘸點一下醬汁，味道可口得多，加上薯仔頂肚，份量剛剛好。

八月二十九日 (星期三)繼續螞蟻搬家，當然要到宜家逛逛愛吃的，當然也不會錯過這裡的食物部很肚餓，買了這回新居邊做邊吃，真的不行鳥!味十分香脆，牛油香不算太重，但同樣不算太甜的朱古力夾心就正合心意~十元一條有差不多十塊，不知不覺就將之消滅!這時才看招紙，太遲了~埋單成為八百多卡路里...看來要繼續努力搬家才行!!!

因為520唔係假日，所以有好多空位，我同朋友都唔需要等位。不得不說，IKEA既$7杯任添汽水真係好抵飲！不過意粉我嫌佢"淋"左啲。我覺得成餐最好食就係件藍莓芝士蛋糕！！$12一件咋！超抵，不過唔係成日有，我之後好多次去都無呀......我朋友就最中意食蔬菜薯餅，不過我就覺得味道怪怪地，唔適合我平時去IKEA都必買煎雞翼！$13有4隻，$23有8隻，真係抵食又好食！IKEA既食物都算幾平民價，所以要自己清理返餐盤，但係有好多人食完就走，見到真係幾氣憤！

其實由細到大都去過宜家好多次～但都寫過食評，今日得閒就寫反前幾日既宜家之旅～我好坦白10次有8次行宜家家私都5係因為要買家私！而係因為冷氣夠凍！夠大夠舒服！又有野睇又有野食！最重要係hea到時間！講反野食～我地個晚叫左1～脆皮蜜糖腸仔，之前沙田無，自己係銅鑼灣食過，今次竟然有當然要叫la～而且5貴～腸仔口感非常好有d肉碎有咬比普通脆皮腸更佳2～蕃茄沙律，d汁夠酸勁like，但真係好多油！！都算新鮮3～肉丸配脆片酸瓜，感覺5熱氣，脆片旁有芝士醬，正呀！4～肉丸配意粉，次次都叫，只因夠平夠飽，仲有好like距個甜酸醬！5～煙3文魚，次次都叫，過下咸癮同口癮，因為因係勁咸，今次食煙3文魚個樣同汁都5同左，同d配菜食無甘咸～6～3文魚千層面，食左2啖發覺勁多波菜又腍又無咩味，難食！最後食完野要自己收拾反d野！可惜我上手並無收拾，攪到我汁埋距個份，究竟距係5知定特燈？

沙田的餐廳很多都吃悶了便想到很久沒去的宜家家俬餐廳。來到時大概七點多，餐廳內已經人山人海，位子都是滿滿的，而買東西吃的人龍亦不短。那就先看看吃些甚麼!瑞典肉丸配意粉 ($39):肉丸鬆化，肉味甚濃，雖然是雪藏貨，但質感亦不是乾巴巴的。意粉當然不能期望是Al dente，但亦不會過淋。酥皮三文魚菠菜芝士餡 ($39): 相比起starbucks/ pacific coffee 的pies，酥皮較厚，牛油味比較弱，麵粉味較重，但賣相脹卜卜的，挺可愛！三文魚質感不是太乾，混著香濃的菠菜芝士餡吃，味道亦不錯。蔬菜薯餅 ($15 for 2): 味道最出眾! 內裡有西蘭花，薯仔粒，忌廉，芝士。薯餅外脆內軟，充滿著西蘭花，比起炸薯餅健康得多！非常喜歡那些粒粒的薯仔，口感豐富，吃著吃著滿口濃郁的芝士味！濃郁

今天最曉食和男友又出動了。最近，我倆都很懷念肉丸的味道！故男友便到沙田和我一起吃IKEA。早上未夠十二時已到達。開始了午飯時間不久。倆人都餓了，便快快點食物吃。男友點了燒春雞配蔬菜薯餅。很大隻雞呀！味道不差。雞的肉質很幼嫩，很稔，配上汁來吃是很不錯。蔬菜薯餅的味道也不差！最曉食和男友都很喜歡。內裡有西蘭花，薯仔和香濃的芝士味。當然不小得我們當天的主角，肉丸配意粉。自從肉丸事件之後，都再沒有吃肉丸了。今次吃起來，肉味明顯不同。沒有以前那麼香濃。配起汁和果醬，也十分好味。最曉食未吃過的蘋果批。餅皮也廷多，正合最曉食心水。蘋果粒也很多，稔稔的，甜甜的。今天很滿足呀！

星期六去到沙田宜家睇傢俬,之後就個個去佢間餐廳食晚飯,張張檯都有人等位咁,好彩都唔算等好耐就有位.兩個人食嗌左三樣野.三文魚o個感覺有d漏,肉丸意粉都保持正常水準,蝦盤係第一次嗌黎食,估唔到幾好wor,只係$29但有2X隻蝦,仲要好多春呢,佢唔係爽o個種蝦,但都幾鮮味,絕對抵食呢.埋單三樣野$88又一餐 

行完宜家，本應想去商場那間日本餐廳吃飯，但要等差不多五六張枱，去新城市的話又不知等多久才有得吃，最後決定去宜家那間快餐店吧！相片看比實物吸引好多，甜到漏，好像吃糖漿一樣，真的有點懷疑它是否從超市買回來。豬柳煮得好軟身，不會硬繃繃，還可以接受。三文魚頗多，但伴菜也不少，味道中規中距，不至太差，也可以接受。如果和麥記和KFC比較，一定差好遠，凍冰冰又不脆，就是不好吃。熱咖啡可能是最好，還可以添飲。  

出街唔知食乜之際，睇到 openrice 有人介紹 ikea 有早餐吃。咁耐以來只知 ikea 有 lunch 有 dinner，知道有早餐實在驚喜，於是決定去試試。去到門口見電梯未開，但明明其他人寫住一早有得食。好彩再行前兩步，發現平時閂埋的波波池旁職員通道開了，順住行過去就見到餐廳。早餐選擇都算多，有 $15 或 $19 餐揀，仲有蘑菇奄列。我揀了 $19 餐，有蕃茄、蘑菇、腸仔、炒蛋同雞扒，跟一杯野飲。食物奉上時的熱度剛好，但蘑菇的味道同出面的有少少分別，我吃不慣；其他的味道都不錯，尤其雞扒煎香了頗好吃。若蕃茄可以添加多一個便更好了。除此之外，我還加了一個提子鬆餅和一份茄汁豆，加埋才 $27，但已吃得飽飽。野飲據說是可以 refill，但我叫了一杯奶茶已足夠，臨走斟多一杯熱水飲就非常滿足。現場見到仲有即磨咖啡選擇，但我本身不喝咖啡，無從評論。一早來吃還有一個好處，就是吃飽後可以提早開始逛街，哈哈！

睇來睇去都係午餐晚餐的食評，肉丸意粉三文魚雞翼蝦沙律蘋果批呢d招牌菜個個都食過，comment不外乎都係平靚正果d，反而早餐就冇咩人講，你以為冇咩特別，咁你就大錯得錯！我食左兩次已經忍唔住要打出黎開心share…如果你鐘意食早餐，又覺得一餐靚ge早餐係好緊要，但係又唔想去太貴的地方食個all day breakfast，IKEA絕對係性價比最高的地方。我食完第一次已經覺得，以為食過肉丸就知道咩叫抵食，實在太天真了……小弟自問食量唔細，週末去麥記食一個珍寶早晨套餐叫做岩岩好果隻，果d大咩活大咩樂呀都要加幾蚊整多碗粉，價錢都係$25至$30咁上下，你話有時轉個凍飲都會過30既。如果你平時咬個包咁就算，又或者食開高檔野，咁我建議你無謂睇落去喇…入番正題，今次去食早餐用左$33，買左我一生人以相等價錢食過最多的份量，由$19套餐起表（連飲品，unlimited refill是常識吧），自己逐樣野加料，每樣大概$2-7不等，加到過$30我隻碟已經成坐山咁…同大家數下有咩︰$19套餐包括炒蛋、番茄一舊、蘑菇一堆、雞扒一塊、香腸兩條、咖啡或汽水任飲。咁都未夠？加料！之後我加左煙肉、豬柳、魚柳、薯餅、

酷熱天氣之下，由慈雲山行到大圍後，人溶兼衫濕是預期之內的事，幸好在附近的商場找到一條巴士線返沙田市中心。想不到沙田市廣場內有什麼好吃，於是行遠少少到宜家傢俬......好啦好啦，我承認我想食肉丸，這已經是我在沙田的指定動作，不做不安樂。已經是超級肚餓了，好在友人帶領下走了捷徑，不用在傢俱部轉來轉去，更可以快十分鐘﹗餐廳人頭湧湧的實在不是新鮮事，撞正有幾枱食客差不多食完，大家站在附近等一等便可以了。我等的這一枱食客很好人，太太追趕他的老公"快D食"，我笑說"慢慢啦我地都未有野食到,唔使急"，太太便說"唔關你事,係我想佢食快D"，她自己都笑了，真可愛﹗這時候什麼都可以吃得下，用來填肚最好當然是澱粉質，薯條$8一大碟，很乾身，拿上手不感到一絲油膩，薯條內入面也有點薯蓉，並不是空洞洞。我喜歡食沒落鹽的薯條，所以宜家不加鹽的版本實在很岩我。上次一人兩隻不夠喉，所以今次一人食四隻﹗炸雞翼$22/8隻，七大一小，哎呀，小的那隻更加是被大隻的遮蓋著...雞翼基本上是皮脆肉嫩已經收貨，當中的肉汁也沒有流失，肉味帶點鹹香，十分好吃。當然不能不食瑞典肉丸$19/10粒﹗感覺上又比上次細粒了，而且肉味沒有以前

想趁星期五下午時份到運輸署辦駕駛執照，然後快快到鄰近的IKEA吃個LATE TEA，可惜人算不如天算，辦證的輪候時間居然長逹個多小時，而部門只有2個COUNTER負責辦證，即使職員辦事效率再高也不及排隊的人龍來得快，真心佩服職員面對大量市民仍然禮貌周周~順利辦證後已經5時多，唯有快步到IKEA開餐，其實個多小時前都已經很肚餓了~原來現在IKEA暫時沒有肉丸供應(馬肉事件)，取而代之是多了一點小吃~我們點了芝士波($9/5件)、三文魚酥($10/3件)及1客兒童餐($17)，後追加一客Tiramisu~芝士波: 芝士波波不夠熱的，內裡芝士都乾乾地，不要期望可以拉出絲，但$9有5件，仲想點丫~三文魚酥: 都係唔係熱，而且酥皮都幾厚下，包著少量三文魚碎，雖然唔算好好食，但比起芝士波好一點~兒童餐: 大量粟米粒、2條香腸加蕃茄醬意粉，都算健康喎，意粉幾煙韌，香腸衣都脆脆地，跟餐還有包提子汁，只收$17，絕對收貨~見到鄰枱點了Tiramisu，好似幾好味，又出去買來試下，Tiramisu的CREAM都幾滑，不過無乜酒味，而底部的海綿蛋糕部份佔了蛋糕差不多50%，講真唔太好食，食味唔及外表來得靚~