宜家家居美食站

营业中

休息中

每次到銅鑼灣經過時都必定入去買返一兩樣醫醫肚，試問在ＣＷＢ何來找到這麼便宜的美食？幾款招牌菜，其實款式算很多了，比起係街邊吉串魚蛋都唔只呢個價錢，加上食物質數同味道都不錯，唔食完全對唔住自己。有沙津、果汁、螺絲粉、重有甜品ＴＩＭ，價錢大多是十多元，我每次都會忍唔住買好多，唯有當係晚餐囉～由其是雞翼同肉丸特別好味，有肉汁，口感嫩滑，夠晒入味～必點！

Openrice送「木昇戰紀」戲票！帶肥髀一齊睇，佢睇戲一定要食爆谷（因為平時一定唔會買比佢）但戲院買會好貴，我呢個小師奶，趁時間充足就去宜家買！去到人頭擁擠、係多人到見唔到櫃檯，照排隊買票，小食種類都好多，我仲見有新年限定嘅竹笙雞蓉粟米羹，幾特別！買好票就去攞食物！竹笙雞蓉粟米羹（$13）：估唔到有中式湯羹！用咖啡杯裝，唔辣手，湯羹好杰好杰，落足料，啖啖都充滿肉碎粟米！正！士多啤梨汁（$12）：唔會好甜，士多啤梨味濃味唔假！大大支都係$12，抵飲！爆谷（小）（$6）：爆谷新鮮，唔會好甜！夾雜啲咸味嘅，細細包剛好！超多人，店員都做到無停手！依然有禮，因為個爆谷袋好細唔易拎，我叫肥髀問爆谷哥哥攞個大啲紙袋！佢都即刻比！呢度買小食真係唔使忍手！樣樣都好平！

今日去了行維園年宵，路經宜家當然要去小吃一番，入到去人龍已經排到扶手電梯口，不敢想像一會年宵會有多少人在迫。今次買了鮮橙汁跟雞翼和脆皮腸，買完想堂食(站著吃)基乎沒位置站要等一會，唯有快點吃完就去行年宵。鮮橙汁以十元的質素算很高，隋了宜家這個我還會飲OK便利店的鮮橙汁$16，當然OK店那個較好但價錢貴一半有多，說回宜家這個橙肉很多，不太甜少少酸(我個人比較喜歡帶酸的)橙味亦濃。雞翼不太大隻亦不太細，咬落甜甜的(面層應該有少少糖醬之類)，味道適中不是很好吃亦不會差。脆皮腸很粗不過很短，皮有點"林"表層有糖醬，肉身一般。還有買了爆谷(個人覺得宜家最好食的)，之前已作介紹所以不細說了。

「宜家」是個天堂。不但家具親民，食物也很親民。我，當然不會對「宜家」陌生。「宜家」是我常去的地方，他們的肉丸及薯餅是我的最愛。而這次光顧是星期六的一個早上，11：00am。仍是早上的銅記，人真的不多，好寧靜。跟LAM小姐先來這兒吃一個遲來的早餐。下到地庫果然人也不多，都不用排隊。肉丸 $9/5粒肉丸肉香味很濃，很香。淋在上面的醬汁跟肉丸很搭，又能解膩。一直是我在「宜家」的最愛，其他食物沒有辦法取代！蔬菜薯餅 $8是第2樣我在「宜家」的最愛，薯餅本身就好吃，又加上蒜香味及芝士，好難不好吃吧！另外一樣是新產品墨魚丸 $10/5粒新產品也好吃。雖然墨魚味欠奉，但墨魚丸加上粟米，帶點甜味，入口亦彈牙。不錯。這麼的一個早餐既滿足又快速又便宜！

還記得兒時吃的爆谷味道跟那個整爆谷的爆谷櫃，跟現在宜家那個爆谷櫃是一樣的，而且味道任何方面都跟兒時吃既一樣，呢間宜家長期排隊是有原因，雞翼亦是呢間宜家既招牌小吃之一（下次再介入）。看到爆谷之間有白色深黃色同少黃色，白色＝近乎無味只有脆口感覺，少黃＝帶少甜味，深黃＝極甜味，我個人不太喜歡全甜，幸好有白色綜和。這種兒時既應覺比起現在很多出名知的爆谷店我覺得更為好食，可能我帶進了個人感情在內。就算價錢相約我仍然會選擇宜家的爆谷。

忙到爆，食lunch都要整屋企嘢。去開IKEA，肚餓响度搞掂埋。以前佢仲响德福仲有分店嗰陣我好鍾意佢隻熱狗，成日買嚟當零食。食晏同同事去自己帶芝士粉同Tabasco，叫到成枱嘢食唔哂都係三四十，超抵。今日當飯食，要熱狗餐連汽水都係$10，仲有我好鍾意嘅肉丸，$9有5粒。嘢食微暖，熱狗條腸好脆皮，包軟熟，自己勁落醬；肉丸其實有啲似漢堡扒，但冇咁多黑椒味，食落都幾多汁唔會乾爭爭。用咗唔夠5分鐘吞完，我就拎住杯嘢飲就走咗lu...

經濟實惠之選，熱狗餐去完𠊙傢行完當然要食番小小野充飢，當然要叫呢個熱狗套餐，10蚊，一隻熱狗加一杯野飲(可再飲), 基本上搵唔地方平得過呢度，circle k 都要成12蚊個熱狗，呢度仲要包野飲，真係好難得👍由於個陣太肚餓無影到相，sorry 😭🙈😭🙈😭個到環境唔同沙田，係無得坐，得一個好細既企bar位比人食，所以大部分人買完就走，當時星期六行完都九點半，都仲好多人買，熱狗都仲係好暖，賣相就要靠自己，因為醬係自己整上去，野飲連冰都係自助形式。最後再叫左個端典肉圓，9蚊有5粒。先講賣相，個盒好精緻，覺得放肉丸實在哂左，細細盒，肉丸係好足料，唔似平時食開啲丸粉粉地，佢地係好足料所以一個人食五粒絕對飽過食熱狗。下次經過當然會再幫襯，一路都覺得佢地公司呢個食物部真係好貼心，行左咁耐揀傢私有個地方食小食，又平又美味，正

今日去ikea買野，買完野肚餓順便食個tea，其實係香港而家百物騰貴既時候，ikea真係好抵食，平時出去餐廳食一個tea都要三四十蚊。今日都算多人，但我一個人所以搭台，唔洗等 ，一個人食野雖然孤獨，但同時又好方便，平時最鐘意佢個雞翼，但今次因為自己一個人食又唔係好餓，我就只係點左薯條同五粒肉丸配意粉，薯條岩岩炸好，見佢新鮮滾熱辣拎出黎，9蚊一大碗，仲要比m記好味好多，唔會軟林林，食落去好脆，不過一個人食哂好熱氣咁，另外肉丸五粒，都係咁好味，d汁好入味，意粉都唔求奇，好爽口。呢餐只係19蚊，已經夠哂飽，係香港邊到搵到？ikea真係窮人恩物。

闊別三個月，美食站有新攪作（其實可能已經是舊聞）。醬汁架那兒除了固有的茄汁、芥末，增加了熱狗醬及紅果子醬任吱。紅果子醬通常用於伴食肉丸，但原來吱少少落熱狗（加上茄汁及芥末），味道加多轉變，更勝從前！另有一隻專屬熱狗醬，我特登甚麼也不加，只加它一下……醬汁味道帶點煙燻香，濃稠質地似麥樂雞醬，酸酸、乳乳又有幾分似蛋黃醬及他他醬，因此用來蘸最新出的炸三文魚芝士球也很合適。

IKEA 熱狗餐 , 選用嘉頓Bun Bun, 香腸比Bun Bun還要長, 才$10兼無限添飲。  不論成人或小孩, 本地人或外地人皆喜歡排隊購買。今次買了份例牌熱狗餐外, 亦買了3款甜品:接骨木花小蛋糕 $6小巧的杯子蛋糕, 質地濕潤軟綿, 事實上我並不知道接骨木花是甚麼味道, 不過它在口腔裏有散出花香味。檸檬批 $14檸檬酸味重, 不過還未到酸咪眼, 後續有甜味擴張, 曲奇餅底是有濕濕的口感, 少少鹹少少脆。Tiramisu $12兩層蛋糕吸滿咖啡, 既香且濕潤, 中間及頂層鋪著的忌廉芝士很厚身亦不肥膩, 面層撒上可可粉, 吃的時候要小心, 千萬別吸進氣管。  失望只是因為Tiramisu是沒有酒精成份在內, 少了一個驚豔。

星期日和男友到銅鑼灣Ikea為新屋張羅傢具，逛之前當然要吃飽飽才有力走，原定計劃是11點到Ikea的cafe，但我們去到才知銅鑼灣分店沒有cafe，那好吧～我們轉到Bistro吃個快快快餐吧！兩個未食早餐的大食積，每人Order了一隻 熱狗 ($ 7)，其中一個加了汽水成套餐 ($ 10)；男友是Ikea肉丸魔，所以 瑞典肉丸 ($ 9/ 5件) 是他來Ikea必點，因為八達通付款的關係，所以送多1粒，留意優惠只去到本月31號；男友再加點了一份 煙燻蜜糖腸 ($ 10/ 3條)；我也加了一份 蔬菜薯餅 ($ 8)。全部加起都只是$ 44，真的好抵！店員首先遞上兩隻熱狗給我，麵包經過微微烘烤過，隔著包裝紙都感受到很溫暖 我拿著熱狗去擠滿滿的芥末醬和茄汁，當時人還未很多，不過我都不敢玩太耐。我拿著擠滿醬的熱狗，已見男友找了一張檯放好其他食物。來張大合照先，跟住開餐～烘烤過的 熱狗 外層有些鬆脆，但包芯則香軟，夾上一條長長的脆皮腸，再配上茄汁芥末醬，非常開胃飽肚； 瑞典肉丸 $9 有6粒真的很抵，肉丸肉味香濃，配上忌廉汁和紅果醬，又是一道開胃小食，令人不禁吃完一粒又一粒；肥肥短

7.1那天沒有去遊行，反而要上班返十放三。下班時一邊奔去IKEA，一邊看著皇室堡外水洩不通的遊行隊伍。那天的IKEA果然是不太多人。熱狗$7，吃過好多遍，依然是簡單但美味。軟軟的麵包配上普通的一條烚腸，加上茄汁和黃芥辣，正!蔬菜薯餅$8，吃過好多遍，依然是簡單但美味。總會吃到薯仔粒粒和看到西蘭花碎，很creamy。然後吃著吃著總是會想起從前在IKEA restaurant/bistro工作的日子......

今日去到見到都好多人. 人龍都幾長. 但是收銀員做得好快~ 叫左個熱狗 + 大杯可樂, 都是十蚊雞. 熱狗條腸都幾大條. 有新鮮又夠熱.  個面包一樣好軟熟. 唔會似某連鎖店的痴牙醬又可任加. ~ 茄汁就酸左少少.  可樂都大杯裝 . 原來可以自己refill  的. ^^ 真係好抵.  份量唔細. 夠飽肚.  只係你唔介意站立式吃. 一個午餐. 或, 當下午茶. 都算經濟. 

天氣炎熱，想寫一篇雪糕食評，順便update一下甜魔家的近況。早前嫲嫲回鄉一星期，家中似是突然斷糧。除了妹妹仍維持有煲粥仔，囝囝基本上都跟我們出街吃飯了，當然連帶也吃了不少雜食。上週四去維園焗完sauna (其實是探了1600熊貓)，之後也來了IKEA Bistro吃雪糕。在麥記也要賣$3.2的時間，這裡雪糕筒只是$2.5，真是便宜得令人發笑，而且個人喜歡這裡的雪糕多於麥記。甜魔媽媽一共買了兩支，一支要加大，一支要減少份量，大的給自己，小的給囝囝，有人拿著雪糕，吃得很開心。然而幼兒自己吃雪糕，少不滴了幾滴在地，引起清潔叔叔的一點不滿「妳要教他吃啊!」，唔，其實可能很多人都不清楚，十分高大似是4歲的囝囝，其實只有2歲8個月啊... 勉強還算是BB，要他控制到完全不滴，不太可能呢~ 唯有事後幫忙清潔好場地。不過甜魔媽媽不能說人，高大的囝囝有點都會mislead了父母，覺得他真的大個仔可以吃很多大人食物，結果一星期下小魔鬧肚痛了。當然與這上週四的雪糕杯無關，不過以後還是要著緊一點他的飲食。又，其實不只是小朋友，大人也一樣要小心飲食，有所節制，「少食多滋味，多吃壞肚皮」雖是老生常談，卻也是無比

同好友係銅鑼灣行街時既小食熱點:^)平日都好多人/___>\又係要排哂隊咁同埋地方細又逼到連企都冇位……反正只係小食就快食完走人算:^0焗三文魚丸　$10大小同平時食開既肉丸相約，都係偏細粒既味道都濃，夠味……但三文魚丸係冇三文魚味既多謝哂……我本身以為係自己呢排味覺差左試唔出味道但同行好友都話根本唔係三文魚味講真，我個人認為佢似係吞拿多d冇腥味或者雪味，只係……唔係三文魚味既三文魚丸我都唔知食黎做咩/___蔬菜薯餅　$8蔬菜薯餅依舊好食帶微焦香氣而無苦味薯仔粒唔會爛茸茸，仲係感覺到佢係固體西蘭花感覺清新，冇青味，反而好似更健康咁整體黎講都仲係幾好食既，不過味道唔會好濃然後我地又重口味係咁落茄汁……XDDD