宜家家居美食站

营业中

休息中

嘩，條人龍幾時都咁長既?! 唔知香港人，連遊客都會跟住排隊食ikea，真係唔洗問都知ikea啲野又好食又抵，呢排仲要做緊16蚊一大隻雞肶加1杯汽水，平時淨係雞肶就已經係15蚊，所以依家好抵呀!Ikea既雞肶真係好嫩滑，10次有9次都係嫩滑的，唯獨是有一次有個哥哥仔比左隻超級乾柴既雞肶我，硬到牙齒好既人根本食唔到，唯有拎返去換。唔講提外話啦。除左雞肶，仲有cinannon bun 玉桂卷都係勁好食架，如果撞正啲cinnamon bun新鮮出爐係一件超幸福既事!

做完野個時間尷尷尬尬，淨係食左早餐開始有啲餓，但食tea又怕太豐富，驚夜晚食唔落晚餐。本身諗住食香港地道小食，篤番串魚蛋，但係一睇，嘩，係咪我太耐無出銅鑼灣，咁貴既😱諗諗下，好彩記得銅鑼灣係有ikea美食站😚一個熱狗套餐，只係盛惠$10!!!係$10蚊jar!!!!絕對係銅鑼灣既恩物😍雖然係多人排隊，但條隊都去得好快。隻熱狗拎到上手暖呼呼，條腸係脆皮架，唔係鹹到死既腸。杯野可以無限添飲，我飲左兩杯，正呀！邊個話平野無好野，直頭又平又正👍🏻

去到銅鑼灣，又唔係好肚餓，醒起有ikea，就去左食熱狗配汽水，每次想食少少野，又想平平地，就會去呢到，無時無刻都係咁多人，排左十分鐘就到我喇。熱狗配汽水$10，真係好平，比完錢就去拎熱狗同杯，汽水有幾款選擇，我就揀左無氣既蘋果綠茶，加幾粒冰，個綠茶清清地有蘋果味，加上我唔太鐘意百事，所以揀左綠茶，仲可以免費添飲。櫃枱熱狗只有包同腸，可以自行加茄汁同黃芥末醬，份量自己決定，腸仔算粗，咬落去都脆皮，好不錯的平民恩物🌭️。

其實本來係想食接骨木花雪糕🌷，但係去問既時間發現原來銅鑼灣店冇接骨木花味，一直都冇。呢期有呢個大古嶺(?)紅茶☕️味既雪糕，就照食啦，好食唔好食都係4個半姐。🔸佢個色咁白都唔預有幾濃既紅茶味🙄。食落去更加清楚冇乜紅茶味😂。不過不得不講既係，佢既奶味🐄都幾正，完全錯重點😂。比起麥當勞，冇咁甜又大份啲🍦。唧雪糕係由筒入面唧起，食到waffle筒都仲有雪糕，呢個係有實在感既。個waffle筒仲係脆卜卜。🔸結論:唔理個味，性價比係高既。

去睇傢俬，睇到肚餓，諗住求其在ikea 小食部買點小食醫下肚，買了一杯汽水、雞肶、肉丸、司華力腸。我覺得肉丸幾好味，汁料好濃，一客份量剛剛好雞肶不夠熱，味道尚可。司華力腸都係一般。平平地都可以醫飽肚

食完晚飯就想食甜品，想食平啲就去左ikea試佢個紅茶雪糕... 雖然售價只係$4.5，但係味道有九十分!! 其實個味有啲似奶茶，食第一啖既時候令我諗起天仁嘅鐵觀音雪糕，只係茶味冇咁強，不過都已經好好食!

💰$9/2件 焗窩夫配煉奶及花生醬一星期前已經想食，不過有時夜左賣哂食唔到，今次終於食到😝一向好鐘意食IKEA，都屬於快餐唔可以即叫即整…所以今次有小小失望☹️因為窩夫要熱辣辣先好食😫佢凍左就有D硬…不過好在佢多煉奶同花生醬 先未至於好差。都係食返其他熱野正D😋.............................

《IKEA限定食品》💰$13椰汁紫米露大約一個咖啡紙杯咁多…椰香味重…不過紫米味反而唔夠出🧐。但勝在唔甜同好足料👍🏻勁多紫米 食完感覺好似食左飯咁..有飽肚感😌整體上係唔差既。IKEA出品好小會中伏。#銅鑼灣 #甜品 #IKEA #椰汁紫米露 ...……………………👱‍♀肥妹小編.........................👇🏻地址👇🏻宜家家居美食站 銅鑼灣告士打道310號柏寧酒店地庫🚇港鐵銅鑼灣站 E 出口, 步行約3分鐘 .……………………

去宜家睇傢私，睇得傢私，呢樣睇下，果樣睇下，一定用好多時間，是關昵件又靚果件又靚，心大心世，所以一定要食D嘢先😂😂宜家心思確實係吳錯，係旁邊設有宜家家居美食站，等你睇傢私時都記得食嘢👍👍價錢平，味道都👌😊西柚汁，解喝又keep fit，啱曬我呢D又鐘意食嘢又要keep fit既人😂細細盒，每樣小小，貪食的你可以每款食D都得，精緻小巧😊😊😊😊😊蜜糖🐔翼———味道適中，都👌素菜丸———呢個幾特別，咬落有口感，𥚃面全部蔬菜，加埋芝麻醬食，味道吳錯，而且仲兼顧埋食素既人，確實有心思☺️☺️

我們今日食完野，覺得唔夠飽，怕今晚好肚餓，所以去了宜家美食站。估唔到咁多人，好多人排隊點野食及站著吃中，好厲害喔！我們就排隊準備點野食，效率好高又快手，點餐同收錢是同一個位，再行前就是取餐的位置，分2邊取不同食物，由排隊到取餐都唔洗幾分鐘！快靚正囉我們點了：1. 熱狗熱辣辣的熱狗到手，腸仔好長，是外面脆皮，麵包軟軟，更有醬汁可自家加上（番茄醬、芥末醬及果醬）我們加了前2種，好野味好正呀！加得幾靚的，好平均囉2. 辣味雞膇13蚊有3隻，抵食！外面炸得比較硬，辣味唔夠香，普通的！3. 爆谷突然好想食，點了大的size!估不到咁大包焦糖味好甜夠脆，可惜有好多是未爆的粟米小心咬傷牙齒4. 鮮果汁男友要埋這枝，酸酸甜甜的，不錯

Ikea既小食一直都好多人會去食，特別係佢既肉丸😍不過近呢幾個月，我最鐘意食佢既疏菜薯餅！感覺上好似好健康，而且又好食，初初以為會好dry，點知又唔會，不過係比教散，一夾就散哂，所以比較難夾起佢。今次仲試左蜜糖腸，係幾有蜜糖味，但係好油，成條腸都勁油🥺我仲叫埋雞脾，佢唔算貴，而且肉質唔太差，每次我都都食到好乾淨，連軟骨都食埋！😋😋

很久沒來這區逛街，心中帶點興奮。朋友話要先食小食，我就提議宜家，價廉物美嘛。星期六都是滿滿的人，排長隊，這是正常，不過好快就有得食。朋友較為肚餓叫咗熱狗，7元，相比起以前，確實係細了，但仍然尚是較飽的選擇。一見到新地售罄，心納悶了一下。但卻看到另一個味道，栗子新地，而且是同價4.5元，一定要買。味道很好，栗子味重，仍然係好滑。如果你喜歡栗子，不妨一試。另外還有蔬菜薯餅8元，尚鬆軟，菜味濃，但油稍為多了一些。瑞士肉丸10元有5粒，比想像中細粒，似魚蛋。

因為新年關係，出城行年宵。皆因附近食肆頗貴，而且吾熟路。最後因爲逛左陣ikea好肚餓，又見超多人食，所以嘗試左Ikea。不過真係超！級！多！人！無奈又真係平到你無辦法抵擋誘惑熱狗跟飲品只係十蚊！吾跟餐只係七蚊！真係好誇張。普通面包舖賣個熱狗都10蚊up呢個仲要熱辣辣。重點可以自己唧醬！茄汁芥末仼你加。本來行左ikea超巿想買芥末試下，點知食熱狗已經可以試埋個產品。飲品多種選擇。不過個人認為北歐飲品真係麻麻地。好似飲緊有氣既水咁之後試左十蚊肉丸。就咁食就無乜特別，但我呢d大鄉里見個個食家都唧一隻類似果醬既野？所以我跟風試下，點知超夾，甜甜地好好食再試左12蚊腸。都幾粗大，不過嫌略難咬食，咬到牙軟本身買左個乳酪雪糕try。問左職員可否轉頭憑單拎。結果過左20分鐘左右去拎時，已經話賣哂？結果退翻錢。

宜家傢私既 肉丸 出名好食，依家又有期間限定 - 栗子雪糕🍦禁岩經過宜家傢私，見到有期間限定，緊係要食啦！栗子雪糕樣子平平無奇，看似普通既雲呢拿雪糕，食落口感creamy，味道初初有淡淡既栗子，之後滲出濃郁既栗子香，好香濃，就算唔係好鐘意食栗子副產品既我都覺得，栗子雪糕有創意，坊間又唔常見，價格便宜！完全值得一試！肉丸肉丸好食就出哂名架啦！但點解禁好食，可能配埋紅莓醬，酸酸甜甜禁好令人開胃，加上肉丸由豬肉同牛肉所制成，又有飽腹感！整體黎講，宜家傢私既小食係值得市民嘗試，CP值甚高！

ikea 經常推出限定美食，今次主題係配合返新年，所以推出d中式野，但d 食物都好有質素，😌行完維園年宵 餓餓地最好行過去幫襯埋，還掂都係幾步之遙，又平靚正😋期間限定去到2月21號--------食物：1️⃣蔥肉餡餅 $8層皮唔係中式包咁軟，係真係硬硬地，真係餅咁，但未至於咬唔開蔥味唔係幾食到，無搶到d 肉味，算係幾多肉，好多肉汁，夠油香，但其實食落幾似菜肉包2️⃣椰汁紫米露 $13一畀你既時侯溫度岩岩好暖暖地，可以唔使等依家即刻食糖水好少地方仲賣依d 價錢，雖然平，但都算有份量，個size係咖啡咁大杯濃杰度岩岩好，唔會淡到好似水咁有好香既椰汁味，紫米都煮到岩岩好，唔會過硬食埋依個都飽飽地，因為紫米都幾飽肚總結：其實都幾驚喜，因為原本無諗住係好食，以為會中伏，但個餡餅竟然幾好食，個紫米露都唔錯，大家可以一戰--------環境：銅鑼灣ikea需要立食，企位唔係好夠，加上維園年宵關係都幾逼，如果想食就要逼下，或者揀其他ikea食