宜家家居美食站

营业中

休息中

17-5-2025（Sat）同老公喺宜家食咗開心果慕絲蛋糕同開心果巴斯克蛋糕後（食評係同日提交嘅呢篇：https://www.openrice.com/zh/hongkong/review/b-%E8%AA%BF%E8%BD%89%E5%9A%9F%E9%A3%9F-e6045753），就冇食力喺呢喥食埋開心果新地，留返下次先啦。一星期後嘅24-5-2025（Sat）晏晝，我終於記得嚟食，即使已喺ADO洋食屋食咗開心果巴斯克蛋糕，但都同老公喺旁晚時間嚟食。我哋嚟到時都唔太多人，睇見開心果系列嘅小食，有$9.00嘅開心果新地筒，同樣$23.00嘅三重開心果新地同開心果窩夫，我就有興趣試三重開心果新地，於是買呢個。買完自己去交單攞，好快就有，睇見佢喺開心果新地上，淋上開心果醬同開心果粒，咁就係三重開心果啦。我先食冇開心果醬嘅新地先，味道唔係好濃，亦唔太甜，質地係正常厚嗰種，而開心果醬味道係濃啲，開心果粒新鮮好脆，成個撈埋嚟食係ok嘅，不過唔會驚為天人。抵食係2.5分上次食評係2019年2月3日提交嘅呢篇：https://www.openrice.com/zh/hongkong/review

IKEA五月開心果期間限定每次嚟到IKEA都會搵佢哋嘅小食，今次見到五月係開心果期間限定，經開荃灣8咪半商場為咗開心果就衝咗去IKEA試下，比想像中好食好多！1.三重開心果新地$23（10/10）呢杯新地超多開心果碎，開心果味好濃郁，開心果醬唔會好甜，我就建議開心果碎單獨食會脆好多，如果溝埋新地雪糕連開心果一齊食就會淋哂！2.脆脆開心果格仔餅$23（10/10）無其他人所講好鬼硬，可能聽到我哋嘅意見，反而我果塊格仔餅咬好軟綿，格仔餅邊好脆身，開心果醬見到阿姐𢳂咗兩殼咁多，連開心果碎都有一大殼，拎去枱度已經滿瀉，真係勁抵食！**依家五月全線IKEA分店開心果期間限定售賣中，做到5月31號就就轉其他味啦，我估到時可能係榴槤味！**2人總共價錢$46個人口味總評分：10/10   @ikeahongkong @ikea地址：荃灣青山公路388號8咪半3樓Please follow me🙆‍♂️ @wheelchaireatinhongkong 如果鍾意我嘅分享，麻煩請follow我，仲有記得Like同Share！🙏🏻🙇🏻‍♂️#ikea #ikeahongkong #荃灣好去處 #荃灣美食 #荃

平日兩點幾經過嗰日早餐都未食見到有而家美食站就衝過去宜家傢俬肉丸係必點肉丸 $13（5粒）都係急凍肉丸，整返熱但都算彈牙，有口感，肉味濃自己唧紅莓醬酸甜酸甜幾好食蜜糖香腸$15唔算好有蜜糖味但每條都好粗壯算性價比高燒雞髀$19雞髀應該係醃完之後拎去焗嘅所以一定唔會油雞髀都幾大隻呢個價錢唔期望好滑有雞油啦雞肉少少鞋雞皮就幾香脆都係不過不失🌸🌸🌸🌸🌸小食嚟講，呢個價錢冇投訴平日下晝唔係太多人企喺度堂食嘅位置都算多亦都有姐姐不斷清潔

用餐時間：星期三下午，有點肚餓順便買熱狗。食物：IKEA熱狗味道中規中矩，沒有太大變化。調味：可自行添加茄汁與黃色芥辣醬，略增風味。口感：麵包與腸比例剛好，但整體味道偏基本。價格：$9一件，性價比尚可，適合快速充飢。總評：簡單快捷的小食，逛IKEA時可作小吃選擇，但味道沒有驚喜。

基本上呢只要IKEA一出新嘅口味雪糕，我就一定會去試一試，今期IKEA就出咗抹茶味嘅雪糕。我去咗自助售賣機度揀，原來抹茶雪糕有分2%嘅同埋8%嘅濃度，而我作為抹茶控，咁梗係揀8%濃度㗎啦。拎到雪糕上手，聞一聞都聞到好濃烈嘅抹茶味，一啖食落去，佢仲濃過我平時喺超市買嘅嗰支抹茶，奶味係有嘅，但係相對冇咁濃。如果你鍾意抹茶味重嘅，我相信呢個8%嘅應該都幾啱你口味。配合埋佢嗰個雪糕筒，成個感覺好夾，鍾意抹茶嘅快啲去試吓！

近排經過一輪榴槤朝風波～之後推出咗楊枝甘露雪糕！我覺得楊枝甘露配料超足！淡淡楊枝甘露配料超滿足呀！芒果唔會太酸，西米露好有咬口！加上超爽口嘅碌柚肉，真係好正👍🏻鍾意食楊枝甘露嘅你唔好錯過今期嘅楊枝甘露雪糕啦🩵

近年傢俬舖美食站, 耐唔中會推出期間限定, 不過風頭都蓋唔過經典既肉丸同熱狗。 小弟個人喜好方面, 熱狗大於肉丸, 肉丸多數係坐低係餐廳食正餐, 攞嚟當前菜食。呢隻熱狗, 真係同佢D肉丸一樣咁出名😅! 熱狗要好食, 必然要有一條好好食既腸, 呢一點, 佢地做得到。 呢一點, 佢地以極低價錢做得到! 肉既成份係雞+牛, 彈牙好味。 有諗過成包腸買返屋企食麵用, 不過淨買腸又唔夠廚師腸抵買, 都係留返路過傢俬舖, 當小食算啦, 小食多滋味嘛! 個包好痴牙, 如果改善吓呢點, 會好食好多!熱狗唔可以無汁無醬, 傢俬舖有四種醬(無mayonnaise)任唧唔嬲, 不過我都係落最傳統既茄汁同芥辣。汽水進步完又退步! 以前無真可樂, 而家有, 可口個D, 但係無咗冰機! 好彩都仲夠凍。 其實鼓勵人加冰, 咪用少咗汽水囉, 點解唔俾冰人啫? 係美國生活過, 就知汽水唔夠冰, 人地係會同你死過! 無冰, 你D汽水會無人買!可取之處: 15蚊熱狗連任斟汽水, 又平又好食, 香港邊道搵?進步空間: 個包好痴牙! 服務員如果有返D禮貌, 唔好事必西面, 咁呢道所有野都會高分好多! 土地供應問題, 同其他分店

唔知有冇人同我一樣當行行吓街有少少肚餓但又未去到食正餐嘅時候經過IKEA都會不自覺咁入咗去因為佢哋嘅肉丸真係好抵食又可以暫時醫肚一盤肉丸 再加少少蔬菜薯蓉 價錢都只係$26 小食嚟講都算係唔錯

呢到榴槤季節梗係要去宜家家居度食榴槤嘅食品啦首先梗係唔少得榴槤雪糕 今次食咗五球嘅紅肉榴槤雪糕 不得之了好好食😋 植物雪糕個味道，相反就爭少少 嚟到當然唔少得瑞典肉丸 龍蝦酥皮湯 呢個真係唔錯幾好本身想叫一個德國鹹豬手，點知買到去賣晒🥹D24榴槤批 非常之鬆脆咬開裏便淡淡榴槤肉同D24榴槤糯米糍 呢個反而可以唔要都得 個皮比較硬少少另外仲叫咗一個西冷牛扒同埋煙三文魚沙律 西冷牛扒五成熟都OK嘅再配一個薯蓉煙三文魚配呢個醋汁都幾好

好顛呀，4個媽媽送完仔女返學，揸車出荃灣食早餐再等Ikea開門，就係為左要獨享榴槤雪糕🍦。D24榴槤植物素新地配D24榴槤肉食完早餐再食雪糕🍦，真係超級邪惡😜，榴槤肉好香好甜完全無得輸，但雪糕吾係榴槤味有啲失望，兩者感覺好分開😱。焗貓山王榴槤西米布甸微暖既布甸🍮入面有榴槤肉同西米，吾會太甜，正。#荃灣 #ikea #宜家家俬 #軟雪糕 #甜品 #榴槤 #榴槤控 新地筒 #荃灣必食 #荃灣好去處 #荃灣美食地圖 #餐廳推介#假日好去處 #ilovefood #hkfood #美食推介 #美食日記#親子 #全職媽媽 #金牛座 #育兒日記 #育兒 #育兒日常 #寶寶日記 #成長記錄 #lemontea.519 #凍檸茶

又到宜家傢俬嘅榴槤季節，搵埋🤴🏻一齊睇吓有咩新榴槤款式先！😝😝～～～烤貓山王榴槤西米布甸🍮～～～好彩食咗呢個先，呢個係熱嘅榴槤布甸🍮，但榴槤香味大過食嘅味道，唔夠濃郁，食到一粒粒嘅西米，呢個一般！😅😅～～～D24榴槤植物素新地🍦配D24榴槤肉～～～🤴🏻堅持要加多份榴槤肉😂😂，榴槤肉好香濃，淡淡榴槤香味，可惜係植物雪糕🍦，咁一定冇牛奶雪糕🍦咁滑，仲有啲 ‘ 鞋鞋 ’ 地😗😗，感覺似榴槤還榴槤，雪糕🍦還雪糕🍦夾唔到，呢個更加一般😐😐

一直都好鐘意食開心果嘅野，挽挽下instagram見到ikea竟然出咗開心果味雪糕勁開心😍😍第二日即刻去咗食， 好多人食完個lunch都去咗排隊食所以都等咗一陣🤣個雪糕好大個幾蚊真係好抵👍👍 佢開心果味唔算濃所以都有啲失望，個味假假哋但唔算難食幾蚊黎講算唔錯啦另外亦叫咗個$16嘅焦糖爆谷，好！大！包！ 大包都閂唔到😂😂 味道非常好好食過戲院果啲仲要熱辣辣好正！攞咗返去比同事食個個都話好好食好有驚喜

下午茶時間又到！見到好多小食、沙律、熱盤、甜品及飲品，一應俱全！和風芥末脆蝦熱狗海陸派對！脆蝦鬆脆惹味，有芥末醬同紫菜絲，口感新穎！💓汽水飲品(可添飲)😊種類也唔少！

最普通的食物 都可以咁好食雪糕有唔同嘅爆珠 仲有乳酸雪糕，真係好好食仲有好香嘅炸雞 又抵又好食今次要同大家分享啲好好食嘅小食啦！其實有時候，最普通嘅食物都可以帶嚟超滿足嘅味覺享受㗎。話說返雪糕啦，有一款真係好特別㗎，唔止口感順滑，仲加咗啲爆珠，每食一粒就有唔同嘅口味爆發，真係好驚喜㗎！另外仲有一款乳酸雪糕，酸酸甜甜嘅味道真係好回味㗎。整體嚟講，呢款雪糕真係好難抗拒㗎。再嚟講吓，我要推介一款超香嘅炸雞。佢唔止外脆內嫩，仲散發住一種勾引人嘅香氣㗎！每咬一口，都可以感受到肉質嘅鮮嫩多汁，而且脆皮嘅口感好難忘。呢款炸雞唔止好味，仲好香好香㗎！真係一道超級享受嘅料理。

半年前風魔一時嘅榴槤雪糕，唔知今年會唔會再有呢？當時每次行過ikea美食站都總會有一陣好強烈嘅榴槤香鍾意嘅就好鍾意，唔鍾意嘅就唔想行過嗰條路                                         雪糕都係普通軟雪糕，基本上冇乜特別，最主要都係份榴槤蓉第一波嘅時候去畀嘅份量真係好多，但係到之後第二輪第三類相比起就好少，就算加滿4球蓉都已經冇再蓋過雪糕但起碼係都真係畀一嚿新鮮嘅榴槤蓉