定食8 (已結業)

呢間係爭鮮集團，爭鮮刺身都會係度出現架叫左個岩鹽牛排烏冬套餐試試，$63。而跟飯既套餐都只係$48架咋。即係話個烏冬值$15蚊架。賣相相當唔錯，多左半隻糖心蛋，同咁多配菜，加$15都唔過份既。套餐跟中華沙律一小碟同一粒泡芙。湯底可以揀柴魚或豬骨湯，我呢個係豬骨湯。溫馨提示，個湯底係有少少辣既。雖然個湯咸左少少，但都幾好食，烏冬又煙韌。至於塊牛排，都幾好食，肉質好淋，點岩鹽已經好好味，係差左d牛味啫。不過如果食飯真係好抵，$48，白飯係任裝架。仲有三文魚湯，椰菜同海苔俾你任食添。不過塊牛排就未必夠你食幾碗飯啦而茶都都自助既。另外，加配優惠，$5茶碗蒸，即係爭鮮蒸蛋，$10三片三文魚，都相當抵食。唯一挑剔既，就係餐具真係污糟左少少囉。