定食 Doraya (駱克道)

营业中

休息中

可能好多人都話好好食~我抱住太大期望去食~係就係幾好既~不過唔係真係太正law同埋我唔like 佢d飯係熱既仲有地方好迫.......同埋d射燈太熱la

一個多月前跟佳佳到doraya 一試...我下班趕去羅位..7時多到達..等了20分鐘..佳佳剛好趕到...我叫左吞拿魚蓉定食...佳佳叫了雞扒定食...我諗住再叫多樣野試下...就叫了燒池魚定食的蛋十分一般...冇乜味..十分dry...吞拿魚我本身冇乜研究...分不清級數..但味道不錯..很香...係我都知六十幾蚊是十分抵的...用的米十分有咬口..十分喜歡...佳佳說她的雞沒有什麼特別..我冇試過..冇得comment..不知道池魚是什麼魚...吃起來不錯..除了有燒魚應有的香味..還有很多魚油..埋單2xx..感覺還好..但沒有其他食家的那份感動..可能我欠缺對吞拿魚的喜愛吧..

因為睇到呢度好多人讚呢間野，所以便特登去試下，個日我地6點幾去度，都要等20 分鐘度先有位，入到去，我覺得好有日本feel，幾好~分別點了香蔥伴吞拿魚腩蓉飯定食及火燒吞拿魚赤身飯。兩個都好好~個香蔥伴吞拿魚腩蓉飯好香，而個吞拿魚扒都好正、好香，下次都會再去試多次~~

20-5-2005 1300大皇係附近蛇出來買野，順手食埋午餐，而佢call埋我一齊，好彩手頭上的麻煩事及時解決，才能出黎兼放同事K Lunch局飛機。本來係去再興，佢話未去過，我係灣仔蒲足15年多都係未試過，當然想試係啦，可惜去到時，一如以往排到出舖面，唯有放棄，大皇話不如行遠遠少少去試Doraya，猿渡久美子在蓮香早餐局中極力推介，即使突然間一場無情雨，亦不減大家興致。來到客人並不多，兩條麻甩老，分別點了香蔥伴吞拿魚腩蓉飯定食及火燒吞拿魚赤身飯。未講主角先講配角：甜煎蛋如果滑番些少會好的，味道淡番些少更易接受；味噌湯味道及濃渡都調較得不錯；木瓜及黃蘿蔔都係一般貨色；至於主角方面，吞拿魚扒表面燒過來，有一部份依然是生既，加上塗上層油，幾野味，吞拿魚腩食落去時有少少酸，可能製作過程落醋，加埋的就真係絕配，佢地用新瀉米，也比一般飯更有口感。埋單位位75，貴得來還是值得一試，但希望佢地的款式會多一些，可行的話試下日日既set都可以唔同。之後大家去番相對單位繼續辦公。

朋友上個月說這裏好吃，我卻都今天才去試。去到見到門口的《飲食男女》影印本，都心知不妙了．．．．．．點了一客火燒吞拿魚定食、一客吞拿魚蓉定食和炸雞。火燒吞拿魚是特別，但味道不算好；吞拿魚蓉定食，也不是太好；炸雞炸得好，但都是用雞胸肉，所以只吃了幾塊。香港的食店，無論誰人開的，都是新開便要即去，出名後九成都是「跌哂watt」的！唉～

有點猶豫叫魚蓉飯定魚扖飯,但魚扖飯好似半生熟,有點怪,見隔離碗魚蓉飯肉質很鮮紅,非常吸引,便叫了一客,個D魚蓉真係鮮味十足,可惜D飯有少少暖,有點扣分,不過我一定會再去食

覺得真係差左,但都OK!上星期食完後,睇下個飯碗,發覺好似有兩種唔同飯,一D圓D,一D長D,唔知係唔係兩溝米!

o係香港食到咁既吞拿魚生飯算係咁,不過未至於正吧我個人鍾意吞拿魚茸飯多過火炙吞拿魚,不過d 吞拿魚有筋,要扣分,講味道,笑笑o個個吞拿魚茸飯正好多,不過仲細碗!麵豉湯好咸,其他配菜無咩特別,所以我覺得咁既價錢確實係貴左d,不過service ok o既~

先後去過兩次. 都係食吞拿魚扒.第一次: 開業不久, 吞拿魚扒非常肥美, 米飯更加精彩. 缺點係飯太少, 真係食唔飽. 好食!!第二次: 上星期六再去一次. 飯就多左少少, 但感覺味道略遜第一次. 最弊吞拿魚扒瘦左好多. 表面又燒得太熟. 至於好多人讚既剪蛋, 一般啦.店舖環境, 我覺得唔錯, 尤其是方便我呢類獨食人士.

和朋友去了這間餐廳食晚飯，細細的鋪子，大家背對著坐，很有風味小館的感覺！點了吞拿魚和燒雞定食，另加炸雞球，兩款定食都很好味，炸雞球可能是用雞胸肉，不喜歡食雞胸肉的可能不太喜歡！但總括都是很好的！雖然地方淺窄，但侍應仍會不壓其煩地加水，GOOD!!!!

又是一班食友的午飯聚會﹐由中環落黎灣仔本來好快﹐點知那天非常塞車﹐用左成半個鐘至到。各人已經叫了自己的心水﹐我都係叫了最多人推薦的火燒吞拿魚飯。上來時﹐吞拿魚滿滿的鋪了在飯上面﹐吞拿魚吃落味鮮有質感﹐肉質煙韌﹐相當有口感。每件吞拿魚都係一面是生的﹐另一面是燒熟了的﹐除了賣相唔錯外﹐亦能夠食到吞拿魚半生熟的質感。這個吞拿魚的確出色﹐飯亦是煙韌的日本米飯﹐夠晒淋身﹐有黏口的感覺。薯仔沙律裡面的薯仔已經磨成蓉﹐是我喜歡食的整法。至於一眾贊好的蛋層﹐我就覺得麻麻﹐唔鍾意佢的甜味﹐結果送左一件比“搵食”。題外話係﹕咁多人食完都覺得麻麻﹐甚至要比喊臉﹐我估呢個同期望太大有關。事緣應該係KC同猿渡小姐響蓮香講起呢間野﹐大家都話好好味﹐牛油果見到KC的食評又興致勃勃地相約一眾飯友來試﹔於是有了連串食評﹐個個都係睇完Openrice來的。埋單每人75 元﹐不過以這樣的價錢﹐我寧願去飲茶食點心好過﹐起碼有幾款不同的食物落肚。

相隔三週, 見報之後, 熱潮稍退, 再度覆桌. 今次叫左扒飯, 火飯, 加一客炸雞. 炸雞又乾又鞋, 上次食係用連皮的雞脾肉, 皮下有肥油滲出的, 今次此舊係用...sorry, 我已分不出係乜部位, 反正你講呢舊係炸車呔我都有可能信. 蛋上次吃是熱的, 今次凍了. 不熱的蛋我去uny紅屋買好過啦, 減價時段$12一大餅, 返屋企叮番熱, 比吃你的凍蛋美味. 扒飯和火飯的魚肉仍是一貫水準, 反正只是一舊切片沾汁燒一燒, 做得好吃只是基本要求. 飯的煮法比過住有進步, 水量減少, 顆粒分明, 不像吃漿糊了, 但卻久缺黏性和香味, 我有點懷疑是否仍是新瀉米...?此店本是有水準的好店, 老實說, 簡單一道maguro don, 在香港買到的材料差不多, 其實在那裏吃分別不大. 然而過住doraya比他店優勝的, 是廚師的「心」. 一絲不苟, 即叫即做, 於最美味的時間上桌, 這就是專業. 只要能吃到真是用心做的一碗飯, 炸雞, 和煎蛋, 我不介意等. 然而, 可能是見報後太多客人, 應付不了, 加上客人投訴, 今次的菜式絕不像是即叫即做. 唉, 只嘆傳媒害人, 殺了這一間好店.

同男朋友2個人, 叫左招牌定食火灸吞拿同魚蓉飯, 加多個炸雞球。呀日本老闆娘好細聲咁welcome我地, 唔似得時下日本食店, 街尾嗌返唻街頭咁, 香港人學下野喇!點好味, 大家都講過, 無謂重複。兩個飯又以火灸吞拿稍勝。可惜當日係星期六, 可能佢比較忙, 個湯應該放左好耐下, 唔熱。對於我呢個唔熱唔飲的人而言, 幾好味都假。蛋又係, 對於我呢個極愛日式蛋捲的人而言, 放到乾曬, 用料幾靚都假。扣分位o係度喇。不過, 見到人地食鯖花魚, 好似幾正, 又juicy, 下次必試。而炸雞, 佢用曬雞胸的關係, 極鞋。有丁點浪費。相信燒雞會更正呢!呢度令我個唔食日本野乜滯的男友都say yes, 一定會encore~

去到門口1等左5分鐘就有位,入到去坐6人旁邊有3個人(2女1男)坐,而我個邊有兩個一坐低我對面個女人無啦啦黑面,我心諗你入得黎都預左有人搭架啦之後另一個女人坐我旁邊,我一路食,佢一路望眼,都唔知係咪有病!?入返正題,叫左" 火燒吞拿魚"同"香蔥吞拿魚蓉飯"份量正如isomaniac所講好少,飯唔夠香吞拿魚冇咩特別不過一定要食個蛋,甜甜地幾香口服務幾好,會不時加水環境要預左好迫我都係睇openrice介紹先去,佐係好失望雖不至於我要俾喊佢,但認為大家要留意最終決定係都係喊!

唔夠食, D 飯又係熱既完全無reason 再去.