定食 Doraya (駱克道)

营业中

休息中

新的一年又開始了，新的課程也在今晚開始；因喉嚨痛，唔想食熱氣，所以來了這裏食日本。看到餐牌有些新的品種，便叫來試試；包括有森薯蓉伴吞拿魚飯定食和吞拿魚赤身刺身定食。森薯蓉伴吞拿魚飯定食- 森薯蓉杰撻撻，沒有什麼味道，又有點像糯米，用來撈飯一起食，感覺都幾奇怪，但聽說日本人好喜歡這樣食；吞拿魚味道都幾好。加了拾元轉飲蜆肉麵鼓湯，很多蜆肉，味道也ok，以這樣的價錢，又真係幾底飲。吞拿魚赤身刺身定食- 吞拿魚刺身很新鮮，味道也很好，但用來送飯，感覺就怪怪的，唔多合適；而且得五片，送飯食又真係少。這裏食物都幾好，價錢也不是很貴，但大食一點的食家，一個套餐一定唔多夠喉。

今天, 午間之食事,帶了弟弟來這家人氣食事所,自分本當之大期望!Order了兩客火灼Toro定食~侍應: 要不要加大?我: 加大是怎樣的?侍應: 就是定食加大!我: 那是加大了多少(給我一個量數, 唔該!)侍應: 加大了20g我: (氣炸了, 你在說人話嗎? 給我拿來一個天秤, 給我度度20g是多少, 我是人肉天秤嗎?)那其中一個加大吧!吃了一塊toro, 就知道不行, 有點酸(本人對toro之酸味特敏感), 原本以為是會甜美的=.=飯, 定食之魂, 這裡的賣點是"日本最高級的米- 新瀉米", 但溫度太熱了, 而且易散, 浪費了如此上佳的食材.副食的玉子和蓮藕叫做可以而已~我會話貴, 雖然有人話在日本1000yen一個定食也是是差不多嗎, 但我覺得這樣的價錢在香港可找到更好的, 很老實講這裡只是一般!

同兩個朋友聚舊，其中一個一早就話黎呢度食飯，大家都無異議去到都有人等位，因為我地三個人，所以唔洗搭檯，大家都叫左吞拿魚刺身飯定食，加$10轉蜆肉麵鼓湯麵鼓湯應該唔係用蜆肉煮，係上檯先加上去，但蜆肉係連殼上，幾大隻幾鮮甜吞拿魚刺身飯用左日本珍珠米，煙煙un un幾好食，刺身燒至表面略熟，依然有血水流出，感覺好raw間鋪好細，有時仲可能要搭檯，又唔坐得耐，只係加下茶咁，都要收service charge，我又覺得唔係好fair啦不過食物quality算中上又係真既，環境最好可以改善下就perfect啦

服務其差,有空台都叫人迫埋一萋差齊(但日本人一個人就可以給他一張台:對港人不敬),好似唔憂得失客人咁. 無下次.

嘩! 今次試新野!個蛋一貫咁凍, 真係愈來愈麻麻。火灸赤身飯係膽, 難食極有譜。新的x薯吞拿魚飯, dx薯一pat咁pat在一粒粒的魚上面, 唔好食。鹽燒鯖花魚, 呢個真係唔話得! 魚燒得好香, d皮脆脆的, 好大量的肉汁(魚油), 熱食真係不得之了! 不妨試下一啖咬落去, d口感呢! 呢隻魚少骨, 怕骨之士都唔怕!女洗手間好乾淨, value added!

見到之前d食評都唔錯, 所以同男友黎呢間試0下兩個人點左: 香蔥吞拿魚腩蓉定食($68) 加埋d 醬油,味道幾好,份量都好夠秋刀魚定食($58) 男友都好欣賞,覺得佢唔會太乾,幾好食芥末八爪魚($30) 幾有口感,唔錯每個定食配一小碟連藕,兩件厚玉子,麵豉湯加$10仲可以轉做蜆肉麵豉湯,有成十幾隻蜆, 落足料,味道仲好鮮,good! 幾十蚊一個定食,唔貴又好味,overall黎講都唔錯

因為要慶祝朋友生日,兩個人來到這家店。之前在這兒看到很多好的食評, 就來試試,不過, 一去到, 店面比我想像中細多了,是有卻步的, 可是最後也進去了。一進去, 發覺整家店大約只有20多個位,不過整體感覺很舒服。我點了一個火燒吞拿魚定食[$68]我朋友點了一個泡菜吞拿魚定食[$88]每個定食有1個麵豉湯, 2件甜蛋,1碟蓮藕,一碗飯.份量都很足夠,每樣的水平都不錯,不過. 火燒吞拿魚飯一定要加吞拿魚汁再拌一些wasabi,十分鮮味!!!泡菜飯也夠味!!!不過, 請早一點來, 我們到的時候是7點左右一到7點半就開始多人了。

20051126 9.30pmshopping 完跟男友晚餐, 先去了南翔小籠包, 排長龍, 不果. 移至此店, 距離對上一次來都有數月. 希望水準回復! 果然無失望!!!!2人order-* 單品, 前菜味噌咖喱牛根- 絕對是地上最強的牛根, 入口即溶!!!! 同煮的魔芋粒粒索晒o的汁有咬口! 只稍嫌份量太小不夠喉, 如他日推出牛根定食必定第一個支持!* 我食- 醬汁燒雞扒定食- 鮮雞就是這樣可愛. 食到一粒米都無剩! 甜蛋也是我的另一至愛!* 男友食- 火炙吞拿魚刺身定食, 每次必點, 白吃不厭, 寫過幾百次, 不贅, 有興趣者可查閱我的舊食評.total 好像$170-180, 忘了, 平到飛起啦anyway!

個人覺得火燒三文魚好食d,起碼夠肉汁用上正宗新瀉米,價錢都唔算貴咯,d米的確係好夠水份,唔同一般泰國米而家更加推出左北海道蟹肉壽司飯定食,$120

今日我去試左燒雞扒飯同拖羅剌身!!原來這裏唔只魚生好食,原來燒雞都好好食o架!!雞皮燒到金黃色又香又脆同埋D肉又唔會太乾,加埋D燒汁超正!!水準好高。D拖羅都好肥好大件.150元都算係抵食!!我會再來試。

因為有朋友係度做，而且仲透露呢排返o左Ｄ頂級肥拖羅，所以決定係月尾再豪一次。不過講真都幾肉痛，成$75一個lunch...算啦！錢可以再搵過。是次叫o左客吞拿魚蓉定食，本來想試火灼拖羅，不過再望望銀包D 銀紙。。。碗飯o既份量，的確比想像中細o左Ｄ，o吾夠食o既話可以加大($10)。好啦，究竟可否同吞拿魚擦出火花呢？燈燈登凳......喂，無乜特別喎！魚腩的油脂，只限視覺上而非口中溶化；感覺到牠的新鮮，口中卻吃到腥味。吃著吃著，竟心繫吉野家的三文魚蓉飯！雖然整個定食有齊麵豉湯、沙律同甜蛋，但係主菜係邊個?係上過雜誌o既拖羅魚腩，儘管巳經變成魚蓉，應該有番Ｄ渣拿，但卻換來滿口腥hung hung.差Ｄ咩呢？豉油wasabi都有落，面頭仲有紫菜，點解會掛住吉野家o既呢？呀！秘密在於飯o既配料到。吉野家o既三文魚飯，除o左三文魚外仲有魚鬆同芝麻，原來差在香口！或者因為我係港燦，口味同日本人o吾同（舖內大部份客人都講日文）。又或者一開始我應該叫火灼拖羅呱......

秋天到了，最驚喜莫如在這裡遇到秋刀魚定食。長長的原條秋刀魚在點菜後十五分鐘後上桌，用鹽燒得脆卜卜的外皮，甘香的魚背，既肥美又苦澀的魚腩，襯上微酸的青檸，清甜的蘿蔔蓉，香軟米飯，大概人生百味也不過如此。而人生總又免不了種種錯過與遺憾，一如這頓晚飯——獨欠清酒一盞。

家下聽聞水準跌緊,呢一餐都已經係開店初期的事.吞拿魚腩碎口感好raw,搭上醬油可話係絕配.吞拿魚扒外面燒到熟晒,入面仲係全生.肥美甘香,感覺挺幸福.就好像陳綺貞在你耳邊般的感覺.希望而家水準下跌的事,並非事實.

今次同我既至愛女朋友食大碗飯好好味但好細碗~~唔夠我飽我食左火炎赤身吞拿定食，佢就食左香荵吞拿魚茸定食個燒玉子麻麻，燒得比較乾身~無咁甜但我欣賞佢係自家製，唔係交貨個麵豉湯就一般啦~~~都幾好~~~但真係幾貴下~~~成70蚊一個我寧願去食triple o~~哈哈實飽~~不過都好食既~~

之前看過不少這裡的食評, 很多人都對店子的出品讚不絕口, 一直都想試試; 就趁上堂前的空檔吃個速食晚餐。我們三人分別點了鹽燒鯖花魚定食($48) 、火燒吞拿赤身飯定食($68) 和醬汁燒雞飯定食($68) 。隋定食上的還有麵豉湯, 生菜粟米沙律及玉子燒. 以數十元的價錢來講是沒有欺場的了!先講我的吞拿魚飯吧, 約八至十片的魚肉經過火炙後外香內軟, 提昇了肉的鮮甜口感和層次; 配上日本香米(雖然並非是很優質的米) 很是滋味. 可惜的是沒任何汁料, 唯有撈點豉油吧; 期間被我發現一瓶躲在一角的醬料, 寫著胡椒柚子, 一試之下極速愛上, 清新的柚子醬(胡椒味倒不覺) 配合適當的調味, 用來送飯的確唔錯呢!鹽燒鯖花魚定食是另一個精彩的選擇, 魚的外皮燒得實在香脆, 內裡的魚肉卻很鮮嫩, 諗住下次再來便點呢個. 聽朋友講個醬汁燒雞飯定食亦很不錯, 佢話肉質很滑, 食得出係新鮮雞咁話喎; 不過佢之後又話無什麼雞味. 不過我一向都覺得除中式烹調外, 其它的並無什麼雞味!