宏 (已搬遷) 新店位置

日本菜同電視節目一樣，都係有好多種。今次就去咗位於TheOne嘅宏，因為聽朋友講嗰度嘅烏冬好特別，所以就去試下，睇下佢係咪真係咁「把炮」😏！ 先黎嘅係飲品！ 日本冷咖啡（$60）-- 呢杯咖啡，不得了！ menu 話係經過7-8小時，慢慢慢慢咁一滴、兩滴、三滴，咁樣調制而成！ 同普通咖啡有咩分別？ 我會話佢真係齒頰留香！飲完一啖，個aftertaste 真係又香又會喺口入面留好耐！ 正！ 宇治抹茶奶 ($40) -- 抹茶味好香濃，加埋奶，暖暖地，又creamy，好滿足！👍🏻雜錦天婦羅飯套餐 （$170）-- 呢個套餐都有幾多野！ 個天婦羅飯嘅天婦羅有秋葵，海蝦、同其他蔬菜。炸粉岩岩好，唔會炸到好厚！除咗個飯仲有一碗好出名嘅海藻烏冬！條條烏冬都加咗好有營養嘅海藻，烏冬食落好彈牙，唔錯！ 👍🏻 味噌海藻烏冬麵套餐 （$99）-- 味噌湯底都好香，烏冬都係唔洗講，正呀！ 而啲叉燒都幾肥美！ 個套餐之所以話都幾豐富，除咗因為佢有前菜沙律，仲有加州卷同埋小蛋糕做甜品☺️！不過，雖然個套餐咁豐富，我地都係忍唔住叫埋甜品😆！初茶抹茶糕 （$78）-- 抹茶糕都真係第一次試。 食落有濃濃嘅抹茶味，又唔

同朋友係尖沙咀行完街就係the one搵野食醫下肚，朋友帶左我去呢間宏，話之前食過覺得唔錯。我叫左海藻烏冬配甜品特價餐，$99就有烏冬，沙律同加州卷，仲配埋甜品同紅茶，都幾抵食同豐富。味噌海藻烏冬麵呢到既烏冬賣相非常特別，一啲都唔似平時食開既烏冬，麵條比較幼身同埋顏色帶點啡綠。麵條咬落去好爽滑彈牙，掛湯能力比較高。叉燒煮得好淋身，啱啱好。味噌湯底濃郁而唔會過鹹。日本草莓小蛋卷小蛋卷好鬆軟好夠moisture，有淡淡蛋香。雖然入面包住滿滿既忌廉，但食落竟然出奇地唔會覺得太漏，味道適中，帶有微微草莓香，唔會過甜。入面仲有半粒日本草莓，都幾鮮甜。宇治抹茶奶餐飲方面我加左錢轉宇治抹茶奶，味道微甜，略帶抹茶既苦澀，入口香濃順滑，好rich。聽講呢到既抹茶甜品都幾出名，一場黎到就當然要試下啦。抹茶軟雪糕芭菲抹茶軟雪糕入面夾雜住好多細細既抹茶粉粒，抹茶味非常濃郁，入口香澀。配埋紅豆蓉，小丸子，抹茶啫喱同脆餅，口感豐富。我最欣賞既係雪糕下面係填滿杏仁脆片，而唔似其他餐廳通常會比既粟米脆片，味道比較特別。初茶+抹茶布甸抹茶布甸好滑，一樣係有好濃郁既抹茶甘香同澀味，再帶點微微既甜味，就算唔淋佢附上既黑糖漿

平日的中午12時，店內客人寥寥可數的時段，遇見史上最差的女侍應，實是人生中的不幸。倒如，落單時她冰冷地說：「要咩。」沒有覆單便一走了之。惡劣的態度直至埋單離開。單點的香蕉窩夫味度還好，至少窩夫與蕉都是熱的，算是做得認真。紅茶種類算是比較多，選用玻璃茶壺與散茶葉而沒有用茶包是比較有良心與少有的做法。友人吃的午餐套餐，沒有太大問題。對於一般女性而言份量略多了一點。說到底，只一般的食物質素彌補不了太惡劣的服務態度。不會再光顧。

朋友說想吃日本菜而這天我們在尖沙咀逛街，正好The One有間日本菜我一直想試的位置挺闊寬的餐廳的主食種類選擇也挺多的，海藻烏冬配甜品特價餐很划算99$就配一份烏冬、甜品及紅茶。不想吃烏冬也可選擇米飯類的套餐，豬、雞、鱈魚、鰻魚飯也可選，亦有多款咖喱飯除了湯烏冬外，餐廳亦有冷烏冬可選烏冬由海藻所製成，海藻有豐富的食物纖維，是健康之選。烏冬較扁身，很彈牙，不會一夾起就斷。而我選的這款冷烏冬餐另外配上醬油，所以烏冬可沾沾醬油吃，更入味。冷海藻烏冬，彈牙連cream都是抹茶味的餐廳另一賣點是多款甜品可選芭菲、窩夫、日本煎茶套餐、蛋糕，多款口味太想多吃點甜品了於是點多了個抹茶窩夫，配日本抹茶雪糕、栗子蓉、抹茶曲奇我們將餐飲轉了做宇治抹茶奶，很濃郁的抹茶味，也挺香滑的吃得飽飽的，很抵吃！

朋友是一個愛自然的美人，所以為慶祝她的生日，當然要找一間食材來源自然的餐廰，要越食越健康，越食越美麗。之前在佐敦白加士街跟朋友嘗試過<宏>的晚餐，好欣賞他們的麵食同蛋糕。在openrice 找地址的時候, 發現他們搬了去The One五樓，一於去試試他們的新店。The One 樓底好高, 他們沒有玻璃, 用一個一個的圈圈來做分隔商場跟店鋪，空間感十足，輕鬆自在，不受拘促。下午來食午餐，難得天氣晴朗，陽光曬入店來，整個餐廰都充滿朝氣。 我們點了兩個飯麵套餐，因為又想食新潟米又想食海藻烏冬, 還有沙律和小蛋卷, 配上斯里蘭卡的紅茶,套餐的份量是剛剛好，朋友較細食，還有三份一的飯沒有食完，我就好滿足了。 海藻烏冬真很喜歡它的質感，他不會像普通的烏冬軟身，他是比較彈牙，而且配上熱的昆布湯底，加重了東洋風的氣息。 燒鱈魚飯套餐鱈魚厚身，目測都有1cm厚, 外層香脆，配上燒汁，灑上芝麻，肉質鮮嫩。雜錦天婦羅傳統的，有蝦，甜番薯，矮瓜, 還有最近大熱的秋葵, 有降血糖降血脂抗氧化等功效，希望朋友仔食完更健康。大致上天婦羅的炸漿好薄好透，不會好油膩，好考師傅的功力。甜番薯雖然是薄，但是

喺 The One shopping 完順便同姊妹食飯宏有綠茶甜品又有晚餐食，唔駛轉場食甜品～嚟到先知有個 promotion set，好抵食喎有哂甜品同飲品我食頭先嗰個 set，姊妹散叫Menu 介紹個冷海藻烏冬係 100% 用日本小麥粉加海藻整㗎有好多營養，係日本嘅得獎麵，感覺好厲害 😋而且冰鎮住好開胃，行到攰哂都食得哂 😂真係見到一點點海藻粒！個麵質同味道都好啱我口味個野菜天婦羅係南瓜加蕃薯條炸得好薄脆，好好食 😌杯紅茶都好好飲，入口好順滑Menu 都有介紹係皇室有用嘅牌子果然係好飲 😂 所以個 set 真係又好食又好抵姊妹想飲沙冰就散叫咗個海鮮海藻意粉啲麵一樣有海藻㗎 😂 麵質就挺少少佢俾咗隻蝦我食，原來已經剝好咗殼加分！佢叫咗個有雪糕嘅宇治抹茶沙冰我食咗少少個抹茶雪糕，抹茶味好清爽係真正用茶葉莖嘅抹茶～完全無嗰啲品質唔好嘅綠茶苦澀味我嗰個餐有個蛋卷甜品，有幾個 flavours嚟宏當然食返抹茶啦～同個雪糕一樣好好味，啲 cream 好軟滑 🤤由於甜品係用第二個胃消化姊妹叫多咗個抹茶芭菲杯 share啲白玉丸子除咗有咬口，仲有少少甜甜哋咁樣好食啲個底仲有啲脆餅都好好味個芭菲杯好

同朋友行完街，正想揾個地方醫下肚之時，見到呢間餐廳啲抹茶甜品好似幾吸引，於是大家決定試一試，希望唔好中伏啦。先黎大家一人一個套餐，有飯有烏冬又有沙律，仲包埋飲品同甜品，好豐富啊~  和風牛肉飯套餐 牛肉冇咩肥肉，瘦得黎都軟稔易咬，唔會韌 。啲飯聽講係用左新潟米煮，色澤透透地，飯粒好飽，食落少少煙韌。記得淋上配埋的半杯牛肉汁，鮮甜肉汁撈飯，！  燒鱈魚飯套餐鱈魚扒外層燒至金黃，肉質嫩滑冇雪藏味。配上濃厚的惹味燒汁，非常之送飯。  兩款套餐都有一碗呢到招牌的海藻鳥冬。鳥冬係用左海藻同小麥粉整，所以口感較一般市面 的鳥冬彈牙。而且配上簡單的鰹魚湯底 同 海藻，清爽又唔Heavy 。  跟餐甜品： 抹茶小蛋卷 + 草莓小蛋卷先講抹茶小卷，淡淡抹茶味好順口好清新，口感鬆軟；而草莓小卷的除左口感鬆軟外，仲好香蛋香味，草莓有少少酸。整體兩款蛋卷都甜度適中，不會過甜，唔錯。終於等到期待的抹茶雪榚啦：  京都宇治抹茶軟雪糕芭菲雪榚軟滑入口即溶，抹茶的味道較濃郁，味道有少少苦苦地但未至於到苦澀的情度，啱哂一啲重口味的抹茶愛好者。雪糕下面仲有甜甜地又煙煙韌韌的白玉，滑嘟嘟的抹茶啫喱，大大粒的紅豆同

好耐之前食過佐敦的。宏。已經一試難忘今日經過the one ,就決定再食門口好大，好乾淨整齊的感覺廚櫃仲放左好多甜品，見到就想食加上我至中意食綠茶依家做緊啲晚餐優惠，好抵食😊唔洗一百蚊，就有個餐有沙律。烏冬，甜品同紅茶The one 黎講真係超值，仲要好好食我叫左味噌海澡烏冬麵。沙律用黑醋，酸酸地好開胃烏冬麵好有驚喜，感覺少少似喬麥麵烏冬幼身。口感彈牙，有海澡味做得非常岀色。份量仲好多仲有二大塊叉燒，好厚身叉燒整得好 林。味道唔會過鹹朋友食炸雞套餐，有飯又有麵炸雞仲好熱，粉唔會過厚雞肉保持左肉汁之餘，仲好滑。有成五件甘多。大大件朋友餐的烏冬麵係鼓油湯底甜甜地幾好食黎到。宏。甜品先係主菜跟餐有蛋卷甜品香草蛋卷比較細件。但個cream 好香好滑我個人喜歡綠茶蛋卷份量好大，好重綠茶味。連cream 都係綠茶層次好分明，令人停唔到口我們實在太愛綠茶，仲點多左二個甜品😍😍京都宇治抹茶芭菲好大杯，好抵食呢綠茶雪糕好香。仲有綠茶啫喱好有口感雪糕唔會過甜，每層唔同口味👍🏻京都宇治抹茶軟雪糕芭菲雪糕軟身。加上綠茶粉，所以好濃味配上小丸子。紅豆。啫喱好襯好夾！整體，呢餐好滿意食物質素好，上菜快侍應有禮貌。

雖然話係下午茶，但其實係我同朋友今日嘅第一餐！超級肚餓之下，我地決定食豪d!!!!呢間餐廳嘅烏冬係由海藻同小麥粉製成，纖維豐富，健康之選！好想試最後我地叫左兩個套餐，有飯又有一碗細烏冬，仲有沙律。沙律幾健康，唔係落沙律醬而係沙律醋，無咁膩。炸豬扒飯，豬扒都算大塊，皮薄又脆，豬扒肉質幾好，醬汁有點似章丸燒醬炸天婦羅，有兩塊蕃薯、兩條秋葵、兩條細尖椒同埋一隻蝦。炸得幾好，唔會皮同餡分離，炸完仲有少少水份無油膉味。最鐘意係佢嘅汁，廚師為左避免天婦羅淋晒，所以汁係另上。汁係甜甜地，同平時點天婦羅嘅汁唔同，撈飯一流！烏冬，一點點果d就係海藻啦！ 口感比平時嘅烏冬彈牙少少，幾順口，唔會一夾就斷開。湯幾清甜，唔油膩原來呢度有滴漏咖啡於是我就加$40要左一杯凍咖啡，一上枱已經聞到好香嘅咖啡味，試咗一啖齋啡少少苦澀但有幾甘香，奶同糖漿係分開上，自己可以因應個人口味調較朋友加$20 叫左杯宇治抹茶，細細杯份量唔多，但佢話幾好飲！跟餐每人有個小蛋卷，我揀左抹茶味，朋友揀左香草。抹茶味蛋卷 味道比想像中淡，但係好香。蛋糕好鬆軟重點黎啦！！一向大食嘅我又點會罷休，緊係叫多兩款甜品啦！抹茶雪糕芭菲，個抹茶軟雪糕真

今日同個女同事食lunch，由於天氣太熱既關係，所以就係公司附近個商場睇下有咩好食，行到五樓既時候，就見到有間食日本菜又有甜品食既餐廳門口仲要擺放左好多不同既甜品，好吸引呀立即就決定食呢間餐廳餐廳有好多日本feel既擺設，好靚好精緻呢個套餐有主菜有甜品和飲品，都係$99炸，係尖沙咀黎講，係叫超抵！和風海鮮海藻麵意粉，意粉好幼而且加上海藻，好特別，而海鮮就有大大隻帶子和海蝦逢星期一至五叫特價餐會送兩件加州卷天婦羅飯加海藻烏冬，竟然有我最愛既秋葵天婦羅，正米飯係用左日本新瀉米，好好食左邊：空運紅茶，可以不停添加右邊：抹茶奶，好香滑女人食甜品係有另外一個胃既抹茶蛋卷超重綠茶味，Cream又唔會太溜草莓蛋糕，草莓好甜，蛋糕又鬆軟抹茶軟雪糕芭菲，底層仲有杏仁脆片，配上雪糕一起食，超好味今餐午餐好豐富，主菜同甜品都好出色，特別是抹茶類，下次中午再食過

星期一晚想來點輕食，偏愛日本菜卻打算減少進食生冷食物如刺身及壽司，諸多挑剔之下朋友卻提出了無懈可擊的建議——宏。日式飯麵料理一應俱全，更不缺抹茶控如我最愛的抹茶甜品，夏日炎炎更可以一嚐冷烏冬及甜點，絕對是滿足了我多個願望。星期一晚不算太爆場，坐得份外舒適，而用餐時間則為90分鐘。煙三文魚海藻烏冬套餐 ($99)套餐原價$149，配甜品及紅茶，極之划算。海藻烏冬於市面上較為罕見，餐牌介紹烏冬是以100%純日本國內出產的小麥粉及海藻製成，含有豐富食物纖維、多酚、褐藻糖膠及維他命，相當健康。海藻烏冬口感煙韌滑溜，醬汁亦不過鹹。煙三文魚摺疊成賣相精緻的玫瑰花，肥美嫩滑。日本燒鯖魚飯套餐 ($120)套餐包括海藻烏冬及白飯，份量之多相信即使是男士享用亦能捧腹而回，鯖魚燒得魚皮微脆，毫不油膩而且魚肉飽滿結實。宇治抹茶奶 ($40)跟餐升級可享半價優惠，小小一杯色澤鮮明，可惜偏甜而且過淡，回甘欠奉。宇治抹茶沙冰抹茶軟雪糕 ($98)沙冰以抹茶製成沒有額外添加牛奶或忌廉，能嚐出純正抹茶清香，不過味道偏淡，頂層抹茶軟雪糕質感亦不夠細滑略帶冰感，但抹茶味則濃郁得多。抹茶卷蛋 ($30)抹茶卷蛋質感鬆軟，抹

今日行過呢間餐廳，是以抹茶為主嘅日式餐廳，就入咗去食一入到去，原來這裏也有凍咖啡飲，收叫了一杯了😝 而係佢個餐牌入面係有一個冷麵既餐，好特別！就好想食識落估唔到個麵質好彈口，味道有啲似蕎麥麵，配埋個醬汁食非常好食！記得要把整個芥末也落到醬汁內👍🏻然後個餐會跟一個小蛋卷，幾好食。不過個蛋捲有啲實最後要左兩個抹茶甜品，這間餐廳的抹茶味道與出面很不同，識落唔會好假好濃味，另外個鬆餅都好趣而且好友蛋味配埋隔離嘅栗子醬感覺一流，又有淡淡的茶味，絕對識得一食！

同男朋友行The One搵食，意外發現呢一間，見到係啲日本定食，都幾吸引，就決定試一試。開menu見到佢地主打係海藻烏冬，咁我就叫咗個海藻烏冬套餐食。有一個沙律、海藻烏冬、甜品再有一杯伯爵茶，都只係$99，幾抵！而男朋友就叫左另一個套餐，係一個飯加海藻烏冬，都會有甜品同埋伯爵茶，大概$140到。佢個沙律係落咗柚子醋，d沙律菜都幾新鮮。佢嘅烏冬比我哋平時食嘅烏冬扁身，但都好彈牙。佢個湯清清地，但唔係淡嗰隻。加左塊紫菜，味道好夾！杯伯爵茶係用Steuarts Tea茶包，呢隻包出名啲茶唔會澀。我飲落都覺得好滑，好香伯爵茶味我大大話話都refill 左3-4次，茶包仲好有味。甜同就揀左呢2款，抹茶味好正！好香抹茶味，而且蛋糕好軟熟。我本身麻麻地芝麻味，但男朋友好欣賞個芝麻味，佢話好濃芝麻味，即使撈左落d cream到，芝麻味都好出。其實食完個餐都有九成飽，但我見到啲甜品真係好吸引！嗌咗個冇咁飽肚既甜品抹茶雪糕拿破崙。佢個拿破崙好脆，有少少焦糖，配埋個抹茶雪糕好好味。我覺得佢個抹茶雪糕似係Haagen Dazs個隻。好滑好濃抹茶味。食完真係飽到一個點，但我下次一定會再黎試佢其他甜品！

之前都去過堂食，食佢嘅晚餐+ 抹茶卷蛋。今次係同事買番黎請我地食。我揀咗：京都抹茶蛋糕Kyoto matcha cake我覺得有少少太甜。上面&中層有抹茶朱古力/糖層。中層係抹茶蛋糕。下層有紅豆。低層有脆脆，正。

今日放假漫無目的地四圍行街，不經不覺行到尖沙咀The One 商場，行到累就决定找間食店醫肚，這裏真係好多野食，有西餐、泰國菜和日本餐。最後，找了五樓這間店名較特別的-宏Hiroshi,專食日本野，就入去試下。看見餐牌的日本咖喱非常吸引，就决定食吉列豬扒日式咖喱飯套餐，口味要中辣的。吉列豬扒 是新鮮即炸的，咬落很香很香脆，肉質結實鮮嫩，配上中辣的日式咖喱而帶有少少甜口，味道香濃脆辣，而米飯是用日本珍珠米煮，入口軟熟香滑的，挺好味。而跟餐的沙律菜很新鮮，而且更有健康的藜麥，再伴日式醬汁，有益沙律，倍感滋味。飲品我點了杯日式草莓沙冰，非常新鮮鮮甜，草莓用新鮮草莓即制成沙冰，所以特別好飲。最後，更點了這店主打食品-抹茶甜品之抹茶雪糕拿破倫，好甘香的抹茶味，完全不苦澀，配上脆口的餅底，味道爽口香甜怡人，好正。