宏 (已搬遷) 新店位置

能夠由同事成為朋友 很難能夠由同事成為好朋友 很難上加難感恩能夠曾經有同事 再成為好朋友、同路人好友推薦此餐廳 平日的晚上 大約6時半到達適場先去探望一下我至愛的新春Pochacco然後7時正到達餐廳 walk-in 仍有很多位好友帶來大阪的手信-Craftholic Sloth令我開心到想大叫! 我好喜歡收禮貌 是因為我喜歡那份被記掛在心上的感動講返食物先:-點了我至愛的雞軟骨餃子外皮又脆又香 餡的味道恰到好處雞軟骨好咬好然後叫了此三色丼最初感覺真的很迷你 生怕不夠飽但其實是夠飽的! 鰻魚燒得不錯 汁略甜了點但可接受吞拿魚碎魚生飯不會有「腥」味海藻烏冬不過不失整體上這個丼是不錯的隨餐有個抹茶蛋卷(蛋糕)本來不喜歡抹茶味的東東但此蛋卷沒有苦味 味到恰如其分因此值得推介 莫怪乎很多人到此點都為抹茶甜點不過唯一美中足的是 當和好友言談甚歡之時侍應冷淡地說一聲「唔好意思 夠鐘交枱」毫不覺得有「唔好意思」的意思而且在我進入餐廳之時 也未先告知限時90分鐘為此感到很不爽 要與好友另覓地方再續

系得the one開既餐廳都吾算平，食個dinner平均每人都要一百幾二百蚊，呢間主打烏冬同抹茶甜品既日式餐廳，都呢個range既價錢黎講，味道都算幾好。咖哩豬排飯，日式咖哩會偏甜，但呢個都算恰到好處，吾會太甜無咖哩味，幾適合香港人口味。蒲燒鰻魚，鰻魚本身好肥美，脂肪比例高，所以入口好滑，口感好軟，只可惜一百二十蚊兩份，份量都幾少。甜品套餐，有抹茶雪糕拿破崙，抺茶馬卡龍，抹茶牛奶，紅豆配奶凍，仲有呢度最出名嘅沒茶蛋卷。

間餐廳出面有個甜品counter位，一見到d抹茶甜品就俾佢吸引住，於是就入去試下。呢個白燒鰻魚套餐，前菜有沙律，有一份白燒鰻魚配上4款醬汁，有飯同湯烏冬，仲有杯熱既錫蘭紅茶。白燒鰻魚嘅賣點就係燒嘅過程唔用任何醬汁，為咗保留鰻魚嘅鮮味，想醬汁蓋過魚本身既味道。食得到魚油既甘香會出d。抹茶芭菲，抹茶味好香好濃，但又未至於有茶既苦澀味，又吾會太過死甜，味道啱啱好。最欣賞系底下有杏仁片加焦糖整成既脆片，脆卜卜好香口，配埋芭菲食真系好match。

作為一個終極港女，梗係鍾意食綠茶甜品之前都黎過一次呢度食，今次同埋best friend一齊嚟呢度食當下午茶，吹吓水嘛我自己叫咗綠茶甜品Set因為乜都想試d 加上上次黎，都唔見有ge呢個set有呢度熱賣的蛋卷！重重綠茶味，唔會太乾身無退步到！保持水準我最有驚喜係綠茶拿破崙！雖然要mark到個口好大咁食，但真係極滿足，個綠茶雪糕好多茶香味朋友叫了個綠茶窩夫賣相好吹引，所以即刻相機食先綠茶味濃郁，窩夫新鮮整好朋友大讚好味道！

尖嘴真係多餐廳到自己都唔試揀, 晚飯時間又到, 今晚唔知食甚麼, 想起之前同同事去過的日本菜, 就和老婆訂了位. 宏 Hiroshi 嚮 The One L5樓, 算係幾方便, 不過就成日滿座, 最好事先留坐.一坐低我地就叫了滴漏咖啡, 還有丁普拉白毫紅茶, 侍應聽話呢度既冷咖啡使用的是特殊的混合咖啡豆, 用一滴一滴的自然水經過 7-8 小時抽出而調製的咖啡. 而紅茶從斯里蘭卡直接空運送到, 建議我地直接飲用並品嚐紅茶的原味到, 不過佢話如果希望加糖或加奶, 餐廳都可以提供, 真系好禮貌. 所以話應該真係好健康架.之前和同事食飯都食了純日本白燒鰻魚定食, 所以今次叫D之前未試過的, 我們 order 了山芋蓉溫泉蛋烏冬 + 照燒雞; 還有和風海鮮海藻意粉.和風海鮮海藻意粉一上檯發覺實物係9成9跟足menu張相咁, 大蝦真係好鬼大隻, 老婆原本還擔心太多食唔曬, 不過見佢食完一啖又一啖, 我就放心了. 我自己就喜歡佢D海藻意粉十分鮮味, 也非常彈牙, 我睇到餐廳門口 menu 介紹話呢度係用 100%純日本國內出產的小麥粉和含有豐富營養的海藻所製成架.至於山芋蓉溫泉蛋烏冬 + 照燒雞呢.

早幾天和女朋友去了 TST 逛街, 累了便在 The One 找東西吃, 常常都會經過 L5 的那間日本餐廳, 不過都因為滿座的關係沒有入內用膳. 今次剛好一問經理便有位不用等, 所以便立刻坐低了.Menu 的頭幾版已經看到這裡的招牌菜純日本白燒鰻魚定食, 試問又怎能錯過呢!? 在香港鰻魚一般都是以鰻魚醬汁蒲燒, 這方法很難品嚐到鰻魚本身的真正味道. 而呢度得鰻魚跟餐有4種調味: 日本芥末和醬油 (好像海鮮刺身), 日本柚子醬油 (味道微酸), 鹽 (最簡單的味道), 以及鰻魚醬汁 (蒲燒的味道). 我自己最喜歡日本柚子醬油. 而最後餘下的烏冬湯和鰻魚醬汁可加在白飯品嚐, 這個和風汁非常美味的, 一點也不浪費, 以後再黎一定要再 order!另外我地都 order 了草莓蛋卷和咖啡蛋卷, 連埋頭先跟餐送的抹茶蛋卷, 配襯起來顏色很美呢. 侍應也很有心機咁介紹餐廳使用的蛋糕使用日本雞蛋, 日本北海道牛奶和日本無塵間特別栽培的草莓.最後, 我想說說這裡的宇治抹茶奶, 雖然不是很特別, 但是襯著蛋卷吃可以有豐富口感的作用, 而且賣相也很吸引呢總括來說, 這餐廳位置方便, 而且質素很不錯, 更

之前同事去尖沙咀食完宏之後就大力推薦，見今日行開the one順便食下。我地叫左個大鰻魚飯套餐，套餐包沙律、海藻烏冬、小抹茶蛋卷、錫蘭紅茶，我地加左20蚊轉宇治抹茶奶！鰻魚燒得好靚，而且好肥美！另一個係純日本白燒鰻魚定食，套餐包沙律、海藻鳥冬、新潟米飯、小抹茶蛋卷、錫蘭紅茶，因為朋友麻麻地抹茶，店員好好咁幫我地轉左香草蛋卷，個餐仲有4款調味醬，有日本芥末和風醬油、日本柚子醬油、鹽同鰻魚醬油，啱曬有選擇困難嘅我地。白燒鰻魚好鮮甜，朋友不停點日本柚子醬油，話酸酸地味道好特別！細香草蛋卷，蛋卷好鬆軟，入口好有香草味，中間好creamy。細抹茶蛋卷，有少少濕濕地，由內到外都有抹茶味，食完成個口腔都係抹茶味！宇治抹茶奶，抹茶味非常濃郁，入口好滑!!蘋果汁，朋友比我試左幾啖，好清甜好fresh。抹茶軟雪糕芭菲，抹茶味軟雪糕好正，小丸子勁有咬口，煙煙韌韌。香草牛奶軟雪糕芭菲，雪糕牛奶味超濃，又有好多生果，睇見都興奮！今餐真係食到好滿足，套餐同甜品都好有水準，下次再嚟試下佢嘅麵食先！

作為抹茶粉絲，一定會嚟宏好好食一餐❤️❤️今日就同朋友一齊去到the one lv5食佢啦🐣🐣 我地先揀左個日本白鰻魚定食($210)🤑 白鰻魚冇咁膩，可以點上附帶嘅三款汁食，個人最愛柚子，淡淡柚子香同口感彈牙嘅白鰻配合得好好！而燒汁亦唔會太咸，撈白飯食更加開胃！另一個揀左迷你三彩定食($148)🤡呑拿魚蓉好惹味，又唔會腥！而主角鰻魚燒得有焦香，汁又帶甜，所以送飯好正！2款定食都跟左海藻烏冬，好彈牙有咬勁，食落煙韌十足！湯底清甜🤗 跟餐抹茶小卷蛋非常出色，cream好濃厚嘅抹茶香，而芝麻卷蛋都係好重芝麻味，又唔會太甜！抹茶軟雪糕芭菲($88)💁🏻 抹茶味十足，帶小小奶味😗而抹茶啫喱偏重茶味，同雪糕嘅甜一齊食可以中和番⭐️抹茶窩夫好有驚喜！入面都係滿滿嘅抹茶，配上粟子蓉同雪糕食更有層次👍🏻 培茶奶味唔太甜，茶味濃！蘋果汁好香甜，夠解渴

綠茶愛好者又點可以錯過「宏」呢～ 之前只有食過她的甜品，今次就試埋晚飯先～ The one 的分店位置好方便，裝潢簡潔時尚，俾人舒服的感覺～ 見Menu 新推出了純日本白燒鰻魚定食，幾特別，而且又做緊推廣價，決定試下～ 要比較就梗係要叫埋大鰻魚飯套餐啦😆 純日本白燒鰻魚定食 $210喺香港食到嘅鰻魚一般都係以鰻魚汁蒲燒，好少食到白燒鰻魚，咁樣先可以食到鰻魚原本嘅味道～ 套餐提供四種不同口味嘅醬汁，分別係日本芥辣同醬油、日本柚子醬油、鹽、同鰻魚醬汁～ 芥辣同豉油嘅食法就好似平時食刺身咁，可以食到白鰻魚嘅鮮味～ 柚子醬油小小酸，好開胃，同鰻魚都算夾～ 至於鹽係最簡單嘅食法，個人覺得最好味👍🏻，因為咁樣係最食得出鰻魚嘅鮮味😋～ 最後係鰻魚汁，就好似平時食蒲燒鰻魚嘅味道一樣～ 套餐仲有沙律、新瀉米飯、同海藻烏冬～ 海藻烏冬味道好好，健康又唔油膩，好清新嘅感覺～ 最後剩返嘅烏冬湯同鰻魚汁，可以用來拌白飯食，都唔錯～ 大鰻魚飯套餐 $180套餐都係有蒲燒鰻魚飯、海藻烏冬、同沙律～ 蒲燒鰻魚味道好好，鰻魚好軟滑，入口即溶，醬汁唔會太鹹，甜度又適中，好味👍🏻小蛋卷兩個套餐都有包括小蛋卷，綠茶蛋卷好香濃

今日要食自已，好耐冇食咖哩，所以揀咗The one 的“宏”，叫咗咖喱豬排飯，豬排大大份，最啱我呢的食肉獸，日式咖哩甜甜地，食落唔係太辣，雖然我都好鍾意食辣，但係食咖哩我都係鍾意日式咖喱的味道，唔使幾分鐘我已經食完成個飯，之後梗係要叫返個甜品食先至夠完美啦，我今次揀咗抹茶雪糕拿破侖，抹茶雪糕香濃，好味，超滿足。

友人今日逛The One, 經過一間日式餐廳發現有她最喜歡的鰻魚菜式, 還要是很特別的白燒鰻魚, 她馬上傳相片給我, 要我陪她吃。她相當很聰明, 不止傳來此相片, 還有一系列的抹茶甜品相片, 既是魚痴又是抹茶控的我, 又怎能抵擋這誘惑呢? 馬上邀約。  還未走進店內, 我先被門口的凍櫃吸引着, 放滿多款精緻的甜品, 而佔最大部份就是抹茶, 好興奮呀! 除了蛋糕外, 凍櫃上還放了一些小甜點, 如馬卡龍、布丁、包裝曲奇, 而曲奇亦歡迎試食, 忍不住試了一小件抹茶曲奇, 香脆可口, 濃濃的抹茶香亦能嚐到牛油香, 吃落一點都不油膩, 其實還想試試其他口味, 但……還是留肚吃晚餐吧!開放式的大門口擺放了設計精美的餐簿, 還有兩部不停播放着各款菜式相片的大螢幕, 未吃已令人垂涎三尺, 還是快快入餐店點菜吧!餐店以紅白色為主調, 環境光猛, 地方寬敞, 設有多張四人張, 亦有預設十人枱, 採用軟墊的紅色椅子和一排排沙發位, 枱與枱之間距離甚多, 讓食客坐得舒適自在。裝潢簡樸平實, 滿有日本色彩, 天花採用了色彩繽紛的大大小小圓燈, 與玻璃窗頂的一個個圓框互相輝映,  牆上還掛了日式的布匹, 而最搶眼

平日難得同好姊妹一齊地day Off一於去食個lunch抹茶迷嘅我地 梗係搵間有得食抹茶嘅餐廳喇平日嘅關係 晏就人流唔係咁多 我地各人點咗個套餐純日本白燒鰻魚定食套餐有白燒鰻魚，海藻烏冬，飯，沙律，抹茶蛋卷，錫蘭紅茶真係第一次食白燒鰻魚 其他餐廳係用咗鰻魚汁燒鰻魚 職員介紹就咁食白燒鰻魚可食到佢本身嘅鮮味另外可配四種醬汁 日本芥末醬油，日本柚子醬油，鹽，鰻魚醬汁四種醬汁都吾錯 帶出鰻魚嘅鮮味 最鐘意日本柚子醬油 柚子嘅清香味同鰻魚好夾 食完個烏冬剩低嘅烏冬湯和鰻魚醬汁加入白飯中品嚐 又另一風味嘅食法 好好味 真係值得推介本人吾係咁鐘意紅茶 加咗＄20轉左熱宇治抹茶奶抹茶味濃郁 細細杯唔會好濟 真係好好飲抹茶蛋捲鬆軟 cream滑溜 淡淡綠茶香味好清新

女人一向有好多唔同的小願望，希望一頓晚餐內可以達到「好味的主菜」、「幸福感的甜品」及「坐得舒適的環境」。今晚終於可以體驗到啦！😆😆今日就到了位於the one 的日式餐廳開餐啦！一打開餐牌就看到主式也十分吸引！甜品只想看相片已經令我眼睛發亮了！純日本白燒鰻魚定食～份量十足，套餐內已包括整條鰻魚、沙律及海澡烏冬！這是他們最主打的食物之一，果然沒有令我失望！鰻魚燒得十分香口，肉質嫩滑沒有泥味！配上多種醬汁有多重的感受呢！和風牛肉飯套餐～牛肉飯配上牛肉醬汁真的是十分惹味，牛肉也充滿牛香！海澡烏冬十分幼滑，味道清新！也令我喜出望外呢！抹茶、香草小蛋卷cake(套餐附上）奶油十分香滑，抹茶味香濃，蛋卷充滿蛋香！真的充滿幸福的感覺！京都宇治抹茶軟雪糕芭菲～只看賣相已經胃口大開，內有多種配料，口感豐富！茶味香濃又不失牛奶香味！北海道香草牛奶軟雪糕芭菲～色彩繽紛，內有多種水果，感覺清新，牛奶雪糕奶香味濃，與水果十分合襯！錫蘭紅茶～最後奉上優質錫蘭紅茶一杯，幫助消化，為是日大滿足的晚餐劃上完美句點！☺️☺️

難得同家姐行開尖沙咀，梗係要食埋夜晚飯先走，家姐話之前見到一間餐廳一路好想食但未有時間去，擇日不如撞日，一於今日去食啦門口甜品櫃有勁多卷蛋，超吸引餐廳店面寬廣，枱與枱之間距離夠，私癮度足日本青森蘋果汁酸度比較高，無平時飲開咁甜鰻魚飯定食定食跟一個烏冬，沙律，鰻魚飯同一份細卷蛋烏冬：比平時食開既烏冬幼身，但彈牙可口沙律：沙律菜新鮮，伴和黑醋，開胃酸甜鰻魚飯：鰻魚超厚身，而且十分新鮮，一點雪藏味都無，鰻魚醬汁咸甜道適中，飯粒硬度合適，呢道既鰻魚飯果然十分出色家姐叫既天婦羅定食跟餐既卷蛋，鬆軟可口，蛋香味濃郁，果然聞名不如見面😂既然卷蛋咁犀利，點可以唔食埋其他甜品？雖然好邪惡，但真係一千個滿足呀

今日放假，喺尖沙咀the one行咗一日街，買完嘢之餘，當然唔少得就喺揾好嘢食啦！之前聽同事講，樓上有間日式餐廳d甜品唔錯，於是就去試吓！磨菇海藻烏冬-真很喜歡它的質感，他不會像普通的烏冬軟身，他是比較彈牙，而且配上熱的昆布湯底。燒鰻魚飯套餐-鳗魚厚身，外層香脆，配上燒汁，灑上芝麻，肉質鮮嫩。Earl Gery Tea比起一般常喝Earl Gery 與別不同, 它少了平時的苦澀味，仔細看他的簡介，原來它是由錫蘭紅茶，小麥花，佛手柑等香料等調配。水夠熱，茶色慢慢由茶包浸透出來，茶味香濃。抹茶小蛋卷，好鬆軟，忌廉好細滑，好好味。不過，雖然個套餐咁豐富，我地都係忍唔住叫埋甜品！抹茶雪糕拿破侖 $98-雪糕冇芭菲個個甘苦，拿破侖有焦糖味，配雪糕食都幾特別，口感冰涼同平時個d好唔同，值得一試！宇治抹茶奶 抹茶味好香濃，加埋奶，又creamy，好滿足！