安平燒肉

营业中

休息中

『牛大人』既副線品牌『安平燒肉』一樣包你吃到飽‼️同樣CP值💯 最貴最多選擇揀既套餐 $400有找食物款式之多就算你每款試勻都有排你食而且質素好有台式風味下單到上菜流程非常簡單而且上菜速度🏃💨飯、湯、蔬菜、飲品就可以係自助區拎每枱仲提供多種醬汁選擇最特別係黃金醬用嚟點燒香嘅蔬菜食簡直一流．📍【澳洲M5和牛120分鐘吃得飽】📍任食高質澳洲和牛🐮有好多部位選擇必點台式小食、街頭小吃👍🏻特別而家無得去台灣夜市以解口癮食個夠本。。。。。。。。。。。。。。。。同之前放題食評一樣我喺度推薦幾款必點俾大家選擇作為攻略👉🏻 燒肉類：和牛肩胛肉、牛小排、霜降牛肉、牛肋條... （全部pls）👉🏻 牛舌芯：每人兩件✌🏼肉味濃郁好軟腍👅👉🏻 櫻花蝦拌飯（自助區）：非常香！白飯軟硬適中撈汁食一流👉🏻 櫻花蝦拌麵：又係必食🦐台式拌麵原來同櫻花蝦咁夾👉🏻 蔬菜：款式超多！玉米芯、脆肉瓜、連秋葵都有！👉🏻黃金泡菜：必點～鹹鹹甜甜好開胃🥗👉🏻 滷水涼伴鴨舌：細細粒鴨舌好惹味👉🏻 鹽酥雞：真係似台北夜市食💦鬆脆多汁👉🏻燒帆立貝：回本攻略每人最少兩件‼️👉🏻 飲品：冷泡茶、無糖茶、冬瓜茶等（唔好飲汽水喇）👉🏻 甜品：有哈根達

喵奴早幾日生日🎂，對當日食嘅安平燒肉實在太念念不忘，所以寫出嚟同大家分享吓😍。呢間安平燒肉據聞係第二間分店，我哋食5點，上到去見好多人都排緊隊。入面裝修以木為主，真係似台灣嘅燒肉店。每張檯有隔板，每塊隔板都印上唔同句子，好有心思👍🏻。另外可以著上佢哋即棄圍裙，唔駛驚啲油彈落衫度。我哋揀咗$358最貴個款放題「澳洲M5和牛120分鐘吃到飽」，可以任叫81款美食，基本上咩都可以任叫。以前食開個啲放題，你點十樣，佢可能淨係上5-7樣俾你，漏單就扮睇唔到，但呢間唔單止上齊，仲好快！職員又後生又有禮貌，我覺得似去咗酒店食飯咁呀💯！肉唔駛多講，睇相都知幾鮮，每食一啖都係味蕾嘅享受👅，仲有多款台灣特色美食，好似原住民鹽燒肉、豬大腸、煙燻鴨肉片、起司鵪鶉蛋、雞泡魚干，仲有台灣小枕頭（麻糬），特別得嚟又真係好好食呀衰鬼！（宜家一路打字都仲回味緊呢🤤）海鮮不得不大讚虎蝦🦐，隻隻有手掌咁大隻，鮮到好似仲識跳咁，好難得放題可以大啖大啖食虎蝦，真係食到返晒本啦。講起飲品，一般放題驚你食太多，所以只提供汽水，搏你飲完汽水好快飽肚就食唔落嘢。安平反其道而行，出 #自家製冷泡茶🍵，我最鍾意飲桂花烏龍，好香好清新呀，忍

-𝗢𝘃𝗲𝗿𝗮𝗹𝗹 𝗖𝗼𝗺𝗺𝗲𝗻𝘁-環境 ：9.5/10服務： 8.5/10味道： 8/10影相： 9/10性價比 : 8.5/10回頭率 : 8.5/10➖➖➖➖➖➖➖➖➖➖➖➖➖➖➖真係太太太耐冇食燒肉啦😢為左滿足我嘅燒肉癮帶埋媽咪黎「安平燒肉」豪豪地揀左$358/人嘅澳洲𝗠5和牛放題120分鐘咁多高質和牛，好快就會回本🙈.©牛類高達15款嘅高質牛，仲會送埋牛舌芯添！由於時間嘅關係我地主打當中最正嘅幾款狂食🤣.∞︎︎澳洲𝗠5和牛口感細緻嘅肉質配搭上細密豐富嘅油花咬落去充滿肉汁😋.∞︎︎𝗦𝗥𝗙極黑霜降牛肉眼霜降牛肉眼，脂肪分佈均勻如霜降，肉質柔軟豐腴.∞︎︎安格斯牛小排油花紋理集中，帶有少少筋膜，香濃入味.∞︎︎︎︎𝗦𝗥𝗙極黑牛肩胛肉肉質較結實，口感爽滑帶有嚼勁，牛味仲好濃郁！.∞︎︎黑椒洋蔥牛舌肉質嫩滑軟腍，肉汁豐富，配上黑椒洋蔥調味多層次口感呀🙆‍♀️.∞︎︎秘製牛肋條入口鮮嫩又爽口，加上蔥花芝麻嘅點綴，超正呀💕.©豬類。雞類豬肉同雞肉嘅款式都吾少，分別有14款同6款.∞︎︎原味厚切雪花豬肉質超嫩帶有彈性，豬膏只有薄薄的一層炸🥳.∞︎︎老虎雞翼單骨雞翼，用家製嘅「老虎汁」去醃辛辣嘅肉汁，惹味非常.©海鮮十款海鮮中，我就

聞名已久嘅安平燒肉，之前已經好想食，朋友們又怕排隊等位，最終等朋友閒日放假一齊去食！荃灣分店地方大，坐得好舒服，最值得讚嘅係服務真係好好。出面有個「櫻花蝦拌飯」區，可以自由選擇同配搭，澱粉質控就最啱。牛舌芯每枱贈送一份，肉味濃郁又軟腍，好好食。飲品櫃有好多飲品選擇，有無糖茶系列。亦都可以落單點選一啲特色嘅台式飲品，例如：百香果綠茶、檸檬阿里山紅茶，少甜少冰最好飲。我同朋友都好鍾意食牛肉，澳洲M5和牛肩胛肉、安格斯牛小排當然要瘋狂點，大大片、雪花紋好靚，油脂豐富。三杯雞、安平私房雞翼、老虎雞翼同樣啖啖肉。屏東燒魚腹醬汁夠惹味，細細杯，香滑鮮甜。回本之選有爽彈虎蝦、燒帆立貝、雞泡魚干等等，質素非常高。起司鵪鶉蛋第一次食，估唔到嘅係：簡單又美味。最後食埋雪糕做甜品，滿足又開心。

• 澳洲M5和牛120分鐘食到飽 $358一位今次黎食最高級嘅放題set，除咗主打既和牛之外亦有唔少種類既肉同海鮮選擇，特別在仲有各款台式小食添‼️係肉類方面個人極力推介澳洲M5和牛同極黑霜降牛肉眼，牛脂香濃入口即溶，而且都係貴價貨色，絕對係回本位😚另外仲有啲台灣特色野，好似雞泡魚乾呀，擺係個爐燒到少少金黃色，熱辣辣點埋沙律醬食，送酒好正㗎🤩仲有台灣小枕頭，即係麻薯，本身係薄薄一片野，放上個爐就會慢慢脹起，睇到都覺得好治癒😚😚而蔬菜就會擺咗喺自助區，當然都唔少得飲品，有佢哋自家製嘅冷泡茶添！另外仲有個corner可以自己整櫻花蝦拌飯，不過我哋主食燒肉就冇食到lu😗到尾聲仲有一杯哈根大師，夠哂滿足🥰

任飲任食嘅台式燒肉🥩😋超有人氣嘅牛大人開咗燒肉副線 — 安平燒肉平時lunch time有四款套餐供應，全部都係限時120分鐘👧🏻小編就揀咗「澳洲M5和牛吃到飽」落單都好方便，係電話到揀就okay~食物都有好多選擇，牛、豬、雞、海鮮，加埋有接近70款🥰而自助區就有唔同嘅蔬菜、熱食同飲品.牛肉嘅質素以放題黎講真係唔錯，睇相都見到油脂分布均勻🥩最鍾意係「澳洲M5和牛」同「SRF極黑霜降牛肉眼」（因為比較細食，所以都唔係試得太多款式🙈）飲品都有好多選擇，冷泡茶果然好好飲，啱晒解膩～最後仲有每人一杯Häagen-Dazs雪糕添😋———⚠️注意注意⚠️ 某外賣APP做緊33折promo⁉️😱———不專業評分💯食物指數 🍴: 💛💛💛💛🤍環境指數 ⛱: 💛💛💛💛💛抵食指數 🤑: 💛💛💛💛🤍推薦指數 👾: 💛💛💛💛🤍———📍安平燒肉 Aping Grill旺角彌敦道593-601號創興廣場9樓荃灣眾安街55號大鴻輝(荃灣)中心17樓———

最近好為食，得閒就睇IG有咩好野食，見到呢間係台灣牛大人既姐妹店，梗係要試下。。。 點知夜晚實在太難訂位，二黎閒日晚都唔知每日收工時間😑 好彩公司新年有5舊水開工利是，咁就等放假出去大解放，洗晒去💸午市放題12點開始，11點半就可以上去攞定飛等位，今朝我11點20分上到去已經有十幾人等緊，不過地方都好大實有位，坐位濶落，環境幾好👍分別有4個價錢$358，$308，$258及$208 (星期六日貴多$20)最貴既價錢$358 比$308既多左以下食物:牛類:澳洲M5和牛，安格斯牛小排 (及增送既牛舌芯)豬類:護心肉海鮮:烤帆立貝，爽彈虎蝦，屏東燒魚腹台灣燒烤:雞泡魚干其他都係一樣😂 我覺得食和牛太膩好快就飽，二黎海鮮又無乜大興趣，所以今次揀左$308呢款SRF極黑牛餐，覺得款式已經好夠我食第一時間點左一大堆牛同小食，就出去自助區攞飲品，同埋裝碗櫻花蝦蔥花紫菜伴飯。牛類主打梗係嗌SRF極黑牛肩胛肉SRF極黑霜降牛肉眼，兩款都好淋，幾有肉味。鹽燒牛舌，雖然無牛舌芯咁厚，但都唔錯，幾爽口SRF極黑一口牛，嚴選牛仔骨同秘制牛肋條都幾Juicy，基本上所有牛類都試晒😂樣樣都好食既👍燒烤類方面見人人

舊同事們為咗預祝我嘅生日，早上11點嘅時候一早嚟到安平燒肉排隊拎位食燒肉，我哋今次選擇咗120分鐘安格斯嫩牛吃到飽。今次呢餐為我哋帶嚟驚喜嘅，但係個人覺得小食會比起燒肉更加好食。首先講吓餐廳環境先啦，由於呢間餐廳係新裝修嘅，所以啲格局都係會比較整齊一啲，而且中間都有甲板隔開，每一張枱嘅位置都可以足夠容納四個人去坐，但係由於而家中午限四人一枱，所以本身呢一枱嘅可能係預俾六個人坐。所以其實目前為止都坐得舒服嘅。餐廳環境都好企理，感覺上都十分之衛生嘅。跟住落嚟講吓食物嘅質素，佢上面有個滷肉汁配飯，如果相信食過牛大人嘅大家都知道呢間燒肉其實係同牛大人同一個集團嘅，但係牛大人嘅滷肉飯係真係有肉喺上面，但係嚟到安平燒肉嘅世界，滷肉飯並唔係真正嘅滷肉飯，而佢係一個滷肉汁飯，所以其實簡單啲來講佢個感覺就好似係豉油汁撈飯咁樣，上面冇乜肉，但係其實個味係幾好嘅，仲有一啲賠了可以㗎，你係紫菜等等，如果你話真係都想要多少少肉嘅，咁所以可能你要燒啲肉再加返落去啦。但係其實個飯係好好食嘅。依個滷肉汁飯隔離就有一個冬瓜蜆湯，冬瓜蜆湯飲落去其實係好重嘅味精味，感覺上並唔係真係人手自己咬嗰隻，所以我覺得佢個味道其實係比

“澳洲M5和牛120分鐘吃到飽”($398：17:00-21:30入座)真係好耐好耐冇喺街食燒肉放題啦🤣今次嚟咗呢間想試好耐嘅台式燒肉店安平燒肉😍仲喺牛大人嘅姊妹店嚟架😆揀咗最貴嘅澳洲M5和牛餐🐮貪佢menu上所有嘢都可以叫哂嘛🤣舖頭空間感大夠哂闊絡而且乾淨企理入去完全唔覺有油煙味👍🏻Scan qr code落單夠哂方便店員仲好貼心講解每種醬汁嘅用法🥰入座後每枱會先送上一客牛舌芯!呢道menu食物種類真係夠哂多牛🐮豬🐷雞🐔各款海鮮🐟🦐連台式小食,手調飲品,拌麵都有提供🤩自助區仲有蔬菜,櫻花蝦飯,湯當然唔少得舖頭自家製嘅冷泡茶☺我地就要咗藍莓果茶同桂花烏龍落完單之後嘢食好快就送到🤤冇咩漏單嘅情況出現👍🏻首先食吓期待已久嘅牛肉🐮各款牛睇落雪花紋路都幾靚特別係極黑霜降牛肉眼同主打嘅澳洲M5和牛🤤食落果然肉質軟腍多汁😋其他牛嘅品質都很不錯🥰海鮮反而幾有驚喜虎蝦超級大隻夠新鮮蝦頭好多膏😍食落鮮甜彈牙帆立貝肉夠厚,加埋牛油一齊燒真係幾正😋呢道嘅甜品選擇有哈根大斯/檸檬愛玉店員會喺你last order之後拎張紙仔比你揀2個人一於各要一份啦🤣都幾少香港放題店會有檸檬愛玉食睇得出餐廳幾有心思🥰食埋甜品

這間燒肉店一直都想來試，難得今個週末跟友人到荃灣行街，於是下午便來試試這間燒肉店!下午2點左右來到，客人都可以不用等位便可入座!餐廳環境很大，有不少卡位，坐得舒適!餐廳共有4款套餐可以選擇，而我們便揀選了有澳洲M5和牛吃的套餐，可以在120分鐘任飲任食!肉類全部在網上下單，只要使用QR Code便可自行在手機落單，方便又環保!而飯、湯、飲品和蔬菜就自行到自助區選取!飲品有他們自家製的冷泡茶，也有不少台灣的飲品可以選擇!而蔬菜也有多款，包括粟米、菠蘿、秋葵、冬菇等!這裡的飯是可以加滷水汁、櫻花蝦、紫菜和香蔥，食落味道都幾惹味!這裡的湯也很吸引，是用上節瓜和蜆肉弄成的湯，清清地，非常適合食完燒肉飲。另外他們也有不是熟食可以選擇，有台式拌麵、黃金泡菜、滷水涼拌鴨舌、炸蚵卷等等!當中黃金泡菜和炸蚵卷我也比較喜歡吃，泡菜酸酸甜甜，幾開胃!而炸蚵卷外層脆脆地，內裡帶有少少蚵肉的味道!因為我們點的套餐可以揀選所有的肉類，所以我們每樣也點了一款試試，而且這個套餐還會加送牛舌芯。當中牛類方面，個人比較喜歡SRF極黑一口牛、澳洲M5和牛、秘制牛肋條和牛舌芯。一口牛由於厚身，內裡的肉汁都能夠鎖住，肉質鬆軟又

安！平！燒！肉！牛大人嘅副線，唔使多講，唔使多介紹，相信大家對佢絕對唔陌生。上次就試咗旺角分店，今次就試試荃灣呢間分店啦！地點方便易搵，一入到去感覺寬敞舒適明亮，抽風亦做得好好 👍🏻 包你食完唔會成身味。2間分店一樣，都係有澳洲M5和牛、SRF極黑牛、安格斯嫩牛、及原住民鹽燒豬肉嘅食到飽套餐，要試就緊係試澳洲M5和牛餐啦！有成120分鐘俾你食，一定夠！仲要每人送返2件牛舌芯㖭啊😱😱 一坐低店員就會耐心介紹枱上見到的幾款醬料，有檸檬汁、特調醬油、玫瑰岩鹽、安平黃金醬同埋辣椒醬，可根據食物種類及個人口味去選擇調味。而飲品方面，同牛大人一樣有各款汽水、梳打類飲品，同埋各式各樣嘅冷泡茶，必飲嘅健康之選，食燒肉飲呢個岩岩好中和返油膩嘅感覺！講返食物先，呢個餐有澳洲M5和牛、霜降牛肉眼、SRF極黑一口牛、安格斯牛小排、牛肋條等嘅牛肉，口感極佳，肉味重，入口即溶😋；也有雪花豬、豬五花，黑豚肉眼等嘅豬肉，燒完配上岩鹽簡直perfect match、雞肉類及海鮮，多款配料。唔鍾意食牛，都有豬肉雞肉，愛肉嘅吃貨門實在難以抗拒。仲有一系列台灣地道主食，正港燒烤同埋夜市小吃，包括有甜不辣、士林小香腸、鹽酥雞等

喂😍😍😍好好食啊 由其d牛 好好味！不得了啊望都已經覺得佢唔差 油脂分佈幾好 講真仼食黎講真係算好好！我試試食出面 節一轉比好野你食 第二轉就比垃圾牛 但佢唔係 每一轉都咁靚！值回票價！而且選擇種類好多 好多食物都好好食 個扇貝 次次黎都咁正架！ 但熟食就差d 一般同埋佢地服務真係超好😍我仲寫左意見書

呢幾日終於放寬左堂食晚市啦，之前bookmark左呢間燒肉好耐，一直都想試，今日就黎試左佢嘅和牛餐晚市$398 任食澳洲M5和牛，總共81款野食可以揀，做埋會員仲免加一，係社交平台打卡仲送一碟日本A4和牛！正😋！澳洲M5和牛🥩：油脂分布好平均，食落非常嫩滑，好有牛味安格斯牛小排：呢隻啲紋仲細緻，冇咁肥，我就鐘意呢隻多啲嚴選牛舌芯：每位送一客兩件，另叫要加錢，厚切牛舌，唔韌，入口即溶😍烤帆立貝：有埋牛油係上面，都幾細心，而且算大隻，新鮮飲品方面都幾多選擇，可以出去自己揀野飲，或者電話落單揀手搖飲品野食用電話落單，落完單都好快送到黎，而且冇拖單冇漏單，服務幾好

牛大人就食得多！今次就試吓副線安平燒肉！！餐廳主打吃到飽，任飲任食120分鐘～燒肉放題套餐有4款，今次選了最吸引嘅澳洲M5和牛 $356/位🤩餐廳用電話掃QR code落單，方便快捷！另外亦有蔬菜自助吧、櫻花蝦飯、飲品方面除了多款解膩茶類，還有汽水、檸檬茶、紙包飲品以供選擇！澳洲M5和牛套餐，跟餐送上牛舌芯！雪花紋細密，油脂在口腔內慢慢溶化，好味～極黑牛霜降牛肉眼肉質嫩滑柔軟，味道濃厚而且很Juicy!極黑牛肩胛肉牛肩胛肉較薄，但加熱後甜美油脂瞬間爆發，正！安格斯牛小排牛小排較之前幾款肉質感結實一點，油脂亦較少～秘製牛肋條牛肋條用秘製醬汁醃製，再加上香蔥、芝麻一起燒，味道更為濃烈～中間燒一燒海鮮！虎蝦大隻，肉質結實，蝦味濃～元貝跟牛油一起燒，傳來陣陣牛油香氣。肉質鮮甜、彈牙～絲瓜煮蜆份量不會太多，唔夠可以再叫！蜆肉飽滿，味道鮮甜～原味梅花豬，平安私房梅花豬私房梅花豬較原味梅花豬多了點醬汁，更加惹味～豬大腸豬大腸超入味，燒烤後有點焦香，軟柔好吃～原住民燒肉外貌跟口感有點像豬頸肉，原汁原味～鹽燒牛舌牛舌口感爽脆，簡簡單單用鹽燒，已經可以令味道提升不少～安格斯牛板腱牛板腱油花均勻，入口略帶嚼

餐廳最近在荃灣開了第二間分店，環境寬敞舒適， 裝修簡潔明亮 ，木系傢俬主調， 主打高質日本燒肉放題， 任食任飲兩個鐘， 認真抵食， 令人大快朵頤， 牛魔王粉絲的我， 怎可錯過，手機素描落單， 簡單方便。選擇了澳洲M5和牛吃到飽(每位)$358等待燒烤時，可以先點一些特色台式小食。套餐包括一客厚切的牛舌芯， 爽脆可口 ，牛味香濃 。 牛肉 選擇十分豐富 ， 有極黑牛霜降牛肉眼、極黑牛肩肉胛肉、澳洲M5和牛、安格斯牛小排、安格斯牛板腱、SRF極黑一口牛、 鹽燒牛舌等， 令人食指大動， 每份牛肉上枱時 ，都有紙牌介紹牛肉的部位 ， 好貼心。極黑牛霜降牛肉眼、極黑牛肩肉胛肉、澳洲M5和牛，牛肉雲石紋均勻滿佈， 好吸引， 燒烤時， 香氣十足， 肥油滴在爐端中，令火光更旺盛，表面烤成網紋，肉身微微彎曲， 大口咬下，肉質軟嫰，滿嘴油香，咀嚼時，牛肉汁在口腔迴盪，啖啖幸福滋味， 再沾秘製黃金醬汁， 令牛肉更加嫩滑，有入口溶化的感覺，齒頰留香， 讓人陶醉其中。澳洲M5和牛及安格斯牛小排 ，牛肉油脂豐盛， 脂肪分佈平均， 燒起來，香氣撲鼻而來，肉質細嫩，充滿肉汁，香濃的牛味， 令人吮指回味。 侍應不時自