安安燒 (染布房街) (已結業)

香港已進入潮濕炎熱的夏季,大熱天時有時令人想吃點重口味的食物來提一提神;這晚放工即興約好友來聚一聚,其建議不如到有地利之便的旺角安安燒,即用Openrice大神來看看,發覺風評不俗,馬上回覆應約;根據Openrice大神的地圖指引,從旺角(東鐵綫)東站過去,也只需10分鐘左右的腳程,還挺方便;食店的招牌辨識度也相當高,走在染布房街很容易就望到;食店採用開放式設計,坐在店內因沒有幕牆可直接望著街景,而且裡面的熱鬧聲音可擴散到街上,令人不覺吵耳!而店內除冷氣外,還備有大型冷風機,好讓這開放式的店面不至於受街外熱浪所侵!食物選擇甚豐,尤其燒烤類,好友與我都偏向選擇更濃味類食物,有了共識後選定了就立即落單;食物上得很快,率先登場有沙律醬燒蟹棒;蟹棒肉質鮮美彈滑,外層有濃濃的煙燻味加持,與沙律醬配合得太美妙!有肉最好有酒,配上本地知名品牌的藍妹啤酒,令燒物吃起上來更滋味;特色雙拼腸中,墨汁墨魚腸皮脆肉彈,煙燻氣息加上墨魚的鮮味直撲味蕾,喝上一口啤酒,令香氣更突出!而四川麻辣腸,將川式的麻辣香料加進西式香腸中,這樣的中式合璧特別滋味,麻辣餘韻悠長,可以說是喜辣人仕所鍾愛的!串燒蜜糖燒賣,很有BBQ

這晚和姐姐來了旺角買寵物用品然後她帶我來了這裡吃串平日來還是挺多人的拿了等候票等了十五分鐘左右便入座了環境雖不大但是挺整潔的天氣熱還有好幾把大風扇呢種類很多讓人花多眼亂！因此我們也點了不少串燒蒜泥燒茄子大塊香甜的茄子上鋪滿了新鮮製的蒜泥加上辣椒片和香蒽、非常香甜惹味呢！燒蟶子蟶子鮮甜又大隻爽口加上蒜泥、辣椒片和香蒽惹味得令人吃上癮！推介！燒牛舌肉質是偏淋軟的那種肉味挺濃的、醃料香濃入味安格斯肉眼牛柳串肉質爽嫩肉味香濃、肉汁也很豐富微辣的醃料濃度剛剛好、很好吃呢！這個大推介！秘製醬雞翼這個超級好吃、大推介！秘製醬十分香辣惹味香辣再配合少許甜酸味、令人胃口大開雞翼也燒得皮脆肉嫩多汁餃子雞翼這個味道也不錯、而且無骨的吃著很方便！糖燒巧克力香蕉燒至焦糖的脆片配合巧克力醬和香蕉味道很夾、香甜又可口！這家串燒店食材新鮮、調味也出色難怪客似雲來呢！

我差唔多一年前試過喺筲箕灣間分店，食物唔錯，所以噚晚帶一個外國返黎嘅朋友去旺角店食。結果係非常唔滿意。旺角店好細，坐位排得非常擠迫，坐得唔舒服。食物近乎即叫即上，明顯係整定再加熱。海鮮方面扇貝生蠔一啲鮮味都無；白鱔整到成舊炭咁；係得蟶子好少少。肉類同菜之類嘅食物都係唔好味同乾乾的。唯一可取之處係店員服務好好。埋單人頭三百幾，咁嘅食物質素半價都唔會再去食。如果大家鍾意食串燒我會建議大家去紅磡千味燒。

呢排返工比較多野要煩, 收工要食啲特色野慰勞吓自己, 所以黎到咗旺角呢間的餐廳，環境優美，裝修精緻，座位也比較寬敞。沙茶醬燒原隻墨魚仔·小巧鮮嫩墨魚仔，肉嫩又彈牙，配上少許孜然粉，口感很好。辣辣士拉差三重芝士撈丁芝士撈丁係招牌菜，枱枱都實嗌一份咁滯 我地揀左個有辣醬既，唔算太辣，芝士味好香濃，份量都好多。火辣牛丸牛丸切成半粒 易燒 d十分細心 上面充滿住胡椒辣椒 辣辣地好惹味 。串燒蜜糖燒賣燒賣呢 d普通野 要燒得好其實唔易 因為太硬太軟都唔得 呢個燒得剛好 好正。

未行到門口已經傳來陣陣串燒香味，急不及待要坐低點餐！星期日晚黎食都幾多人，證明冇揀錯啦！食串燒一定要叫支啤酒啦，呢支係青瓜味手工啤酒，淡淡清新嘅青瓜味道，第一次飲，又幾好味喎！鰻魚汁芝士撈丁有海量芝士，咸味芝士配帶甜的鰻魚汁味道極佳！沙嗲醬燒豬頸肉厚切得來食落夠爽，點沙嗲醬好惹味！牛小排燒得好靚！燒雞腎兩串，咬落sok sok聲～豚肉串啖啖肉～燒白鱔是串燒必點菜式！又嫩口又爽口！蒜蓉燒扇貝，蒜蓉香濃，再帶出帶子鮮味～食完肉要食返啲菜，娃娃菜較硬身爽口。芝士翠玉瓜好香口，燒完裡面仲有好多汁。

之前一路都有去過其他分店食，旺角呢間就第一次。其實佢位置都好方便雖然有少少細，但香港係咁冇辦法的。但一班朋友嚟食都10分開心，有串燒食又有啤酒飲放工嚟簡直一流。佢亦都有好多唔同嘅食物選擇，肉類方面有最基本嘅雞牛豬，特別啲嘅都有田雞。海鮮方面亦都有好多唔同嘅選擇，鮑魚聖子扇貝甚至好多唔同種類嘅魚。而當晚我哋因為一行六人所以都叫咗好多好多唔同嘅嘢食，而最深刻嘅就係有嗰條燒魚，當然條魚係好好味啦，佢個汁濃香惹味，肉質亦好滑嫩。鮑魚都好味好林好鮮甜。另外玉子燒都好好味啱晒鍾意食蛋嘅人！仲有嗰個墨魚滑，好彈牙好好味呀，出面都未食過一樣嘅。

.每次行過染布房街，都會見到好多餐廳食肆，每次都會話下次黎搵野食。終於有一日我哋坐言起行，去咗食串燒！不過我哋今次想主要先介紹佢嘅芝士撈丁。.安安秘製三重芝士撈丁($46) •以一碗冇配菜嘅芝士撈公仔麵黎講，$46係貴咗啲。講返味道，麵條煮到啱啱好，仲係彈牙。芝士汁味道幾濃郁，不過唔太滲到喺麵到，而食落都頗膩。兩個人share一碗就perfect池✨.溫馨提示一下，個撈丁一定要趁熱食，如果凍左個芝士醬就會更加難撈，口感會差好遠㗎！.餐名: 安安秘製三重芝士撈丁價錢:$46評分: 7/10餐廳: 安安燒（旺角）地址: 旺角染布房街6號地舖#HKFPmk #HKFPbbq.

地方細，食物質素差，沒有味道，收費又貴，嘢食又凍，從未試過咁難食嘅串燒， 連朋友一共四人去，一共叫了12串串燒三支清島細啤酒($17.5/1)及兩罐可樂， 45分鐘內埋單， 以需要$420, 用膳中途已急不及待要考慮去第二啲地方再繼續用晚餐😅

呢間安安燒算係九龍區比較出名嘅燒烤鋪，裝修門面算係幾有特色，但一入到去，就覺得好逼夾，坐得好唔舒服，無奈朋友想試冇辦法啲嘢食都幾貴，嘢飲都收得貴過人叫咗個前菜麻辣豬耳，豬耳好硬，又唔入味，都唔知咬緊啲咩，辣味還辣味豬耳還豬耳咁叫咗好多串燒，有雞肉 牛舌 雞翼 羊肉 韭菜翠玉瓜 茄子 冬菇 娃娃菜，仲有好多好多但係食完同朋友都一致覺得所有串燒都係一樣味，有d好笑😓總括來講，唔會再食，又貴，每人3百幾蚊，完全唔值，仲要係集團式，怪不得

自己一向好鍾意食燒烤，成日經過旺角都會見到呢間BBQ店，每次都會俾佢傳來嘅燒烤香味吸引住，今日終於約齊朋友仔一齊來試吓！呢度個設計都好特別，全開放式，以前去開一啲燒烤店都會覺得入面油煙太大好侷促，但呢間鋪近馬路邊又冇門窗，感覺好chill好地道😍我哋一行五人點左好多好多嘢食，因為太多影唔晒所以特別介紹番呢幾款😋-蒜蓉燒海鮮味蜆呢個燒蜆賣相好靚，用錫紙包住唔會流失入邊嘅蜆汁，蒜蓉味亦唔會過多，唔會蓋過蜆嘅鮮甜味-蒜蓉燒鮑魚鮑魚好彈牙，食得出好新鮮！-秘製沙嗲醬燒豬頸肉好怕食到啲腌得太濃味嘅肉，呢個豬頸肉燒得金黃色，外脆內軟仲好多肉汁，可以按照自己嘅喜好點醬😍-燒魚呢個燒魚燒得岩岩好，魚肉好滑，點來得酸酸辣辣好好食😆總括呢到都坐得舒服，可以一路飲draft beer一路嘆燒肉，10個like👍🏻👍🏻👍🏻

好久沒吃串燒，今晚來到位於旺角染布房街的燒烤店—安安燒，平日路過都見坐無虛席，今晚一定訂定位先。是晚有點雨，但都不減大家吃串燒喝啤酒的熱情，幸好早有訂位，高大靚仔叔叔帶領我們來到一張二人桌，我們便拿起菜單看，發現菜色繁多。黑松露菌醬三重芝士撈丁·用上三種不同的芝士口味，有我最愛的藍芝士，車打芝士和巴馬芝士，芝士味濃郁，但又各有特色，夾起來很配合，易入口，底麵是出前一丁，不用多說，正！惹味蒜蓉生燒茄子·茄子一向是我的最愛，但因煮食後的茄子油分太高，近期也小吃，特別是與媽咪同桌，燒的便少點油，而蒜蓉味香，茄子肉甜。燒甜美地捫菠蘿·用上新鮮地捫菠蘿燒烤，分外清甜。香燒豆皮·大大片的鮮豆皮燒脆，灑上孜然粉，微微辣香，刺激味蕾。玉子燒·香甜蛋味，而且有六大件，美味。沙茶醬燒原隻墨魚仔·小巧鮮嫩墨魚仔，肉嫩又彈牙，配上少許孜然粉，味道提升。蒜香燒白鱔·比美日式爐端燒鰻魚，肥美的大鱔，油脂旺盛，皮燒至燻黑，香脆美味。燒原條黃立䱽·黃立䱽肉質嫩滑鮮甜，以燒烤帶出魚肉的鮮味，同時除去魚腥味，一絕！跟媽咪度過歡樂的晚餐，雖然仍是下雨，但是都無阻大家享受美食和與愛你的人相聚的時刻。而且付出的只是每人百多元。

每次經過都見到坐無虛席，今晚睇戲前就先黎食過晚飯🙆‍♀️ 街口已經聞到濃烈既串燒味，坐低就嗱臨臨嗌🤣燒蟶子皇點都要嗌款海鮮燒下既，我就揀左蟶子，蒜茸夠入味，肉質爽口，肉係鮮甜既，好好食🙆‍♀️燒一口午餐肉午餐肉超厚切‼️表皮燒到有微微脆口，加埋孜然粉既調味🥰 每舊中間仲有件虎皮椒中和下，唔會膩😛蒜蓉牛油焗金菇牛油味勁重，金菇好滑🤩辣辣士拉差三重芝士撈丁芝士撈丁係招牌菜，枱枱都實嗌一份咁滯🙈 我地揀左個有辣醬既，唔算太辣，芝士味好香濃，唔錯。但份量係超多，建議大家嗌個share先食到串燒🤣手工啤酒除左有連鎖品牌啤酒，呢度仲有幾款手工啤。可以試下新味道😛

旺角真係幾夜都會搵到野食嘅地方！果日同朋友行街夜左經過聞到好香嘅燒烤味，於是就試一試啦！串燒/燒烤菜色主要係以重孜然味為主，可以揀辣或唔辣。雞軟骨真心好食，脆卜卜嘅口感，咸咸香香嘅味道，勁好食！羊肉有少少過左火，口感唔夠嫩滑。👌🏻本人就鐘意食到比較騷味嘅羊肉，呢間嘅羊肉串騷味唔會太重，大家應該接到嘅～牛舌係厚切，而且幾大串，但配孜然粉感覺唔係太夾，而且相對會乾身，唔夠juicy。牛舌始終都係配醬燒好食d。肉味幾香，燒完仲有肉汁，少有地無食到筋，啖啖肉，好正🤤必食！燒過嘅菠蘿特別甜、特別多汁，無得輸！😋海鮮燒嘅火候控制一般，蟶子就還好，但帶子過左火，唔嫩。蒜蓉味唔夠濃郁，本身咸味亦一般，要自己另加調味。😥茄子味道正常，唔算好出色，都係唔夠蒜蓉味。燒韭菜唔錯，有揀過，唔會好老，調味料入曬味。👍🏻燒菜心都係第一次食，幾特別，調味其實都係大同小異，略乾左少少。👌🏻

係香港搵間好食既串燒唔難，但閒閒地食得飽既都要400起跳，今次第一次試安安燒，感覺不錯！當然環境唔會係好高檔，但野食唔錯！一坐低，點點點！款式ok多！最期待就係食完條茄子燒睇個樣都吸引另外點左好多不同的都好味要讚既有鴨舌入味、鰻魚好咬口、牛舌夠林呢款扇貝好細粒可以唔試生蠔味道不錯鐘意蒜蓉的不能錯過仲有羊架都好好食唔記得影粟米亦都係超讚，用超甜粟的！本人太鐘意食粟米！其餘店內有芝士撈丁個胃未有空位試，下次會再去。

成日行經旺角都見到呢個餐廳好多人坐喺餐廳入面用膳嘅客人好多，喺門口排隊等候嘅客人亦都好多。成日都行經過，但都未試過坐定定喺入面食嘢今日見佢冇乜人排隊，可能時間尚早7:00，就同朋友一齊入咗去食串燒！一入到去見到佢有超多款嘢食，海鮮蔬菜肉類應有盡有竟然係比我想像中嘅選擇更加豐富同吸引對於我哋成班朋友都係食肉獸，雞肉牛肉呢啲絕對唔會放過。雞軟骨燒牛舌呢一啲梗係要食啦，佢個雞肉同埋雞翼我哋都分別重複點多咗一次！因為真係啖啖肉好好味。不得不讚嘅就係蔬菜全部都恰到好處，唔會太乾身，都唔見有燒焦嘅情況完全係保留所有菜汁係入面，我哋叫咗娃娃菜啦翠玉瓜啦四季豆啦同埋韭菜。我相信蔬菜類係燒烤必須要食嘅！至於海鮮方便，我哋叫咗鮑魚同埋焗蜆，鮑魚絕對沒有失望，性價比極高！完全掌握到個時間好好，入口係爽脆同埋肉質豐富。完全水準之上至於烤生蠔，上面加咗芝士，又係另一種味道，食落去生蠔肉質豐富，口感結實。10分值得推介！