安娜餐廳

营业中

休息中

成日聽到人哋話去元朗就要嚟安娜食扒🤔其實好耐之前都嚟過食lunch，今次同朋友行完街就嚟食dinner啦😆6點幾嚟到已經好多人，嚟呢度食基本上就預咗搭枱🤔呢度上菜嘅速度都幾快😂嗌完嘢食個多士就就嚟咗🍞啱啱好食完碗湯就嚟咗，然後湯都未飲完個扒已經上枱🥩#牛柳餐 ($109)😋好味指數：(7/10)▫️鮮油多士▫️牛柳▫️湯▫️咖啡/茶好中意個多士，薄薄地脆卜卜，搽埋牛油超正😍忌廉湯不過不失🤔塊扒有得揀黑椒、洋蔥、免翁(洋蔥加蘑菇)😆揀咗七成熟，入面都仲係紅色😚塊牛柳好大塊，食落去好淋🤤仲有粗薯條係到，夠晒飽飽😎

下午黎到，唔使排隊，安排座卡位的，好闊落呀😝😝環境又好懷舊！叫左個西冷牛扒餐 $101 再配黑椒汁，好大塊既扒，又淋，D汁唔太辣，但好味！😝😝忌廉湯夠熱，原來仲有好多蘑姑呀！好味！仲有塊多士好脆呀🤗🤗加錢叫左杯梳打雪糕，麻麻‼️‼️安娜餐廳真係好平，又好味！員工仲幾有禮貌！🙂🙂🙂🙂🙂

懷舊餐廳 ! 裝修有舊式style每晚門外都多人等候 !細細個就開始食佢 !食物質素高 ! 價錢公道 !黑椒牛柳夠厚 , 薯條淋左小小 !忌薕湯好飲 , 個方包夠脆 !整體上都可以，值得一試!

連續兩日元朗工作，隊友都帶我哋去食呢間舊式扒房西餐！門面、裝修都好像時光倒流咁，加上聖誕節裝飾都係舊式嘅！舊式都一個點好有風格！當然桌椅真係舊嘅，比較殘！我哋坐卡位，時間唔多，隊友話呢度出名出菜快，我哋3個都食全餐1400上多士，1420已經上甜品！仲要菜色好多都咁快！全餐（$57+10%）牛油多士：脆不過較乾，浸湯好啲餐湯：有白湯或紅湯，我飲羅宋湯好味，湯夠熱，材料好多，飲落酸酸地開胃前菜：薯條扒腸仔，三色雜豆正常，最普通嘅雞肉腸仔（BBQ嗰種）有煎過，鹹香好味！波浪薯條🍟淋咗！一般！洋蔥牛扒飯：洋蔥汁足料，好多仲爽口嘅洋蔥條，牛扒預咗唔係靚扒，肉質幾鬆，不過有筋，一般，白飯起塊，撈汁都要壓鬆翻先撈到！甜品：第一日嘅雪榚只有一種呍呢嗱味，第二日就有朱古力同呍呢嗱，我食牛古力，超喜歡個金屬雪榚杯，好可愛！雪榚只係普通水準！懷舊風味贏咗！啫喱：提子啫喱好大杯，店員無問就上菜時已落花奶（第二日隊友食，嗰個店員有問落唔落花奶）味道大路正常！餐飲：熱檸茶，呢種瓦杯在80年代嘅電視劇成日見到！茶底濃而不澀！好味！第二日都係全餐，唔同嘅係前菜同主菜！前菜：奄列：好大份，奄列滑，入面餸菜好多！薯條今

《安娜餐廳》澳牛般速度的西餐 茶餐廳般的嘈雜半小時坐低餐包餐湯牛柳餐飲食完 走♦️黑椒牛柳 5成熟 食左咁多年都無轉過其他款牛柳大份夠腍😂其實都無乜特別黎食都係食風味 真係為左好味咩-byT：6/10

旺角、太子有花園餐廳，嚟到元朗就有安娜餐廳。裝修環境同樣有啲懷舊 feel，但佢個 shocking pink 台墊係幾娘下～撐枱腳食牛扒，叫咗兩塊結果望落都係一樣樣。牛扒都算嫩（仲有啲薄身），而配菜有我喜愛嘅粗薯條～ yeah！醬汁就都係果啲，黑椒汁同洋蔥汁比你揀。懶係叫做試下新嘢，感覺都係一般般無乜新鮮感，下次都係食番平民啲嘅算啦！

今晚約咗人兩個人去安娜餐廳食晚餐，我哋大概七點鐘到左，唔駛等好耐就有位。呢個係牛油多士同羅宋湯，塊牛油多士就烘得好乾好脆，都幾好味。最鍾意飲佢個羅宋湯，好足料同埋味道校得非常好！呢個就係洋蔥汁牛柳，真係好好味！推介！呢個係黑椒西冷牛扒，我叫左佢七成熟，但係佢最後上碟應該得五成熟到，超級生！！！中間啲肉係血紅色...... errrrrr.......不推介！都係比多幾蚊成個牛柳好過！呢個係跟餐加＄7嘅意粉，好似煮得太耐，好𣺉⋯⋯⋯⋯飲品方面，我哋叫咗一杯凍嘅谷古同埋一杯凍檸茶，杯凍谷古都幾難飲，又唔甜又苦，可能我少飲掛。但係杯凍檸茶真係好好飲～我發覺我成日叫凍檸茶，唔通有情意結！！！

呢間餐廳係元朗已經係街知巷聞，元朗人應該無咩邊個吾知安娜係元朗一講起据扒就自自然然會唸起安娜，晚晚爆場，每次去食親都要排隊，拎完飛只見門口一大堆等位既人，點解晚晚都咁多人??我個人覺得係因為安娜較港式，屹立多年，陪伴住好多人成長，雖然d扒吾係話超好食/係一試難忘 。鋪頭裝潢亦吾及一般西餐廳，既吾浪漫亦無情調，只係一間茶餐廳風格既西餐，但係呢間扒房勝在夠懷舊 ，有住好多人由細到大既回憶，如果係打算食一餐浪漫有情調既西餐，就只可以講一句，吾好意思，你揾錯餐廳呢間餐廳雖然要等位而且如果得2個人既話係要同人搭枱，但上菜速度相當之快。据扒係平得黎，扒夠大件，食肉獸岩曬 今次試左2個招牌首選 鐵板上的牛扒 黑椒汁配鐵板牛，厚度一般，一試就知係醃料牛扒， 但勁在黑椒汁夠惹味 德國咸豬手 對呢個咸豬手比較失望，個汁同個豬手吾太夾，而且食落重覺得好油膩感如果對食吾係咁過份執着同咁有要求既食肉獸你不防一試，$100吾洗已經可以食曬成個西餐有湯有餐包重有埋野飲，絕對係抵食之選

安娜餐廳很熟悉，但我從沒去過。然後某日在滔滔吃過甜品，不小心的發現它正好在滔滔的旁邊。那就找天去見識一下。由於最近食力薄弱，那就先去試試它的午餐。入座時接近一時多，客人還真不少，但很快被安排入座。裝修是很老式的西餐廳風格。這裡的午餐有兩種：一般茶記的西湯+飯+餐飲或者全餐 西湯+前菜+飯+餐飲+雪糕。我們叫了一客全餐，也貪玩的叫了一客煙肉煎蛋。連加一約一百三十元。至於在這裡常被提及侍應態度惡劣的部份，就今日親身經驗和觀察而言，除了有一位中年女侍應態度差少少之外，其他人的態度都OK的。食物在合理時間上桌。餐包：一塊有點偏硬的多士，沒有烘得過硬更好。羅宋湯：味道香濃惹味，寶貝將它悉數喝光配菜雞絲奄列：忘了拍照，感覺比早餐吃的奄列做得略為精細，食味不過不失燒汁豬扒飯：出奇地寶貝把它也全數吃光，我沒機會試煙肉煎蛋：這個三條煙肉+三隻煎蛋的配搭很大堆頭，配上炸薯條及蕃茄和青瓜，擺盤算是可以的，三隻蛋煎的過熟，但感覺像在家中的煎蛋餐飲和雪糕：正常整體而言，比想像中好。會否再訪還是隨緣吧。

由$4x食到$109，好記得小學同學媽咪請我地係度食扒，而家連塊綠白格仔布都無左了。方包好似隔左幾個夜咁好硬，羅宋湯好足料，有大量蔬菜仲有牛腩。對平扒無乜特別要求，但覺得好食過飛乜金乜，D肉無乸到咁假，我個牛柳仲有咬口，叫7成熟夠7成，（雖然好多時都好飄忽）但鬆化過西冷，肉味仲有少少既，唔似雪左幾十年既疆屍肉，配粗薯條是必須的，粗先嗒到薯仔肉呀嘛

今日第一次來，朋友講到間野有幾好幾好咪抱住一嚐老字號心態來食下囉先來多士，白湯都ok咁試下啦跟住第一道係豬手，遠睇誇啦啦一切開件豬手哇x!碟豬手凍嘅 薯條仲熱過佢豬手用膠碟上？一D熱嘅氣都無再切埋入面D肉，食落都係凍嘅跟住就問個侍應係咪凍食嘅 我話叫佢唔信試下個男侍應話可以拎返去叮我拒絕 做過廚房知咩事啦問佢點解用碟上 佢話要求嘅話可以鐵板上心諗唔係下話 依家食到個胃好唔舒服 溝埋杯凍奶茶中哂伏啦今次反而朋友嘅T骨扒無事永遠唔會再來有冇巴絲打有同一情況？

我一行4人，於6点15分入場，好快出面好多人等，一路食，一路問食完未，跟住收哂D嘢，收剩一碟，我有個2歲小朋友食得慢，佢地不停輪流問食完未，行過見我張枱剩一碟，眼光很不友善，最後有個待應行埋嚟，同我講唔好意思因為出面好多人等緊。。。。我其實當時巳執緊小朋友D餐具，我離開是7点，我未試過比人趕，真係好嬲，我未試過食嘢咁趕，大人就話可以快啫，細路無得吹，你們晚餐收得唔平，我只坐咗45分鐘，下次客人入場你們mark間，今次我地因為未夠半個鍾已不停比人問食完末，使我地大人們很急促地食，也比你們收剩一碟，下次唔好用收碟這個方法去決定趕客，真係比錢仲要受氣!

颱風天想食牛扒 咁岩經過安娜就入去試下佢點知一入到去侍應姐姐叫我地住埋一邊話好多人要搭檯 但單都埋左都冇人坐 我對舊式扒房既羅宋湯有種熱愛味道夠濃而且料多 OK西冷 牛柳其實牛柳同西冷真係分唔到味道同埋個樣都係一樣連口感都係咁淋 鬆肉粉好重

5星推薦, 價錢抵食, 豬手餐一流, 外皮超重骨賿原 元朗人真係由細食到大,,, 餐湯,羅宋湯超足料, 多士加牛油,正!!!!!缺點:是環境比較嘈同迫優點:大眾化的價錢, 食物質素高

由細幫襯到大，越做越差！耐不耐都會再去試，其實係想睇吓佢有無變翻好，以往已經試過佢嘅 " 梳打粉超林身牛柳，烚林嘅豬手 ...... 晚餐等等 " ，唔明點解仲有咁多人幫襯，証明香港人都好有情有義 😰 昨晚重試質素都係無變。叫咗個春雞餐，一個晚餐，隻春雞係完全無味嘅，就係單靠面頭嗰d好淡嘅汁，隻雞食到個胸位，已唔想食，得個鞋字，完全無味👎到個晚餐，餐湯，沙律都勉強可以，個焗海鮮飯超難食，d米衰過茶餐廳，碎濕濕，一塊魚柳，兩片仔尤魚😨淋d無味獻汁稍焗，杯雪糕係溶過 😈 真係唔會唔會再去嫁啦