安娜餐廳

营业中

休息中

「冇食過安娜餐廳，點叫入過元朗？」我話既！元朗多好野食就出哂名，睇我啲食評都見我經常都係係元朗覓食，有好多間都真係老字號同埋水準一直keep到，真係好多間都係必食，而我個必食list唔少得呢間「安娜餐廳」，幫襯左佢好多年！餐廳內外等位是常識吧？不過真係好快，雖然咁多人，但因為出餐實在快到誇張，基本上你一點完單，啲野食就陸續上枱，所以翻枱速度都好快，等位就唔會用好多時間，加上餐廳都好大，坐到好多人，不過位同位之間就真係好逼，同埋要4人一張卡位，啲位又窄，座位上相對就一定唔舒適同埋冇乜私隱，你講乜人地都知。食物選擇我次次黎都靜係會睇第一頁，其實佢都有好多其他散叫既野食，不過識食既一定係依SET！西冷牛扒餐　$104-鮮油多士-餐湯-黑椒/洋蔥/咖哩汁西冷牛扒-咖啡或茶你冇睇錯，$104食鐵板牛扒仲要包以上咁多款野！樣樣有齊真係好抵食！鮮油多士呢個你就唔好抱咩期望，真係純粹一塊白麵包，仲要好薄身，然後比舊牛油你自己塗，真係冇咩好評價，呢個係比較低質。餐湯有紅湯、白湯，我身為羅宋湯Fans就一定揀紅湯，唔好以為同麵包一樣，餐湯唔會hea做，當然都會係溝水，但係足料同埋夠味，係香港茶記既紅湯味道

週日中午揀咗安娜，好耐無黎，門口同內裝都係一模一樣，時光倒流二十年都一絲不變😮😮望下週圍，大廳頂個圓燈應該係同讀書年代一樣，仲有個水吧啲磁磚都係廿年前個款🤟🤟叫咗午餐黑椒牛扒🐂🐂飯同常餐洋蔥豬扒🐷🐷 同廿年前無變，9秒9上枱，忌廉湯少少稀，出名既好似係羅宋湯，不過都偏酸，我記得以前有周打魚🐟湯，好濃魚味同有餅乾襯，呢家無咗lu跟湯仲有烘多士，點下湯既咬包既舊式食法呢家都少咗🙄常餐真心太豐富，有主菜豬扒跟飯/薯菜，仲有一個副菜腸仔加薯條，汁同扒老實講無乜特別，不過不失；黑椒牛扒飯個汁夠香加小辣，撈飯一流，仲有塊牛扒生熟剛好，比好多元朗西餐廳都處理得好👍飯後常餐仲有雪糕，雲呢拿味好香滑，但個心仲有少少冰❄️❄️老老竇竇，佢個價唔貴，但有樣嘢好得意，餐廳樓面有成9個人，足夠有餘，下下行過都好友善地想收走你啲嘢，可能人做慣平日午市學生餐，手腳快到無轉灣😁😁聞說豬手同鐵板係名菜，下次有機會再黎重拾舊歡如夢😇

今日同朋友收工食飯。太耐冇食安娜。所以黎左。我地叫左兩份西冷扒 唔記得扲塊包都算（最黎都冇擺） 跟住送錯一份 雞扒過黎。 同佢地啲人講。叫佢地換。佢地死口話系雞扒。唔通白肉紅肉都分唔到咩。態度勁差。只系望左一眼。就一直話系雞。我地叫佢地試又唔試。 之後仲要講到好大聲 雞同牛都唔識分。 真系好過份。唔會有下次！

元朗街坊·懷舊嘅回憶！今晚就嚟重溫一下安娜嘅美味☺️一嚟到依舊爆曬場！嚟慢啲都有排等位😹雖然人客好多，但係夥計都無話會亂～👏🏻👏🏻呢度上菜嘅速度相當快！一落完單，轉眼間餐包、餐湯已經到曬😍😍（我揀咗羅宋湯，個人認為係必叫嘅♥️）我叫咗黑椒牛配薯菜～叫咗五成，佢啲肉質好嫩又軟，食落好香充滿肉汁🤤🤤最後甜品有啫喱🍮 / 雪糕🍦、餐飲揀咗可樂💕好滿足嘅一餐～每人都只係大約百零蚊便可享受咁豐富嘅晚餐🤩🤩

唔使裝修都好有懷舊扒房feel， 皆因呢間餐廳廿年都應該冇裝修過， 佢就係安娜餐廳啦！晚晚都人山人海排隊入到去坐底，職員即送上餐牌，淨係本餐牌已經非常懷舊叫完野唔駛10秒，職員送上多士，效率快到⋯⋯再等左幾分鐘，餐湯黎啦～～羅宋湯係一般茶餐廳既味道，有少少辣，但驚喜係裡面有三大舊牛腩牛腩仲要煲得好淋，唔鞋，好有牛味，好味道～！黑椒汁配鐵板牛柳，抵食！算嫩滑，配菜係粗薯條👍👍👍雜扒份量大得驚人，有腸仔、豬扒、牛扒、雞全翼等，再配以鐵板上桌，抵食！會走牛利🤔換多條腸仔相信係因為食物味道不錯，份量又足，價值又平，同埋最最難得是職員的態度很親切，同埋好勤快！

自小就住在元朗的話，一定對安娜餐廳不會感到陌生。安娜餐廳不知何時開始，愈來愈多人光顧，每次經過均見到不少人排隊安娜是元朗的舊式扒房，常常都會見到有人等位，生意好得很店內充滿懷舊風味，既可節省裝修費用，又可保存舊式風味。座位的確是坐得蠻擠迫的，也必然出現搭枱的情況，大家要將就一下。服務方面，幾位侍應姐姐比較大聲講嘢！但都幾有禮貌假日brunch 抵食 6十幾蚊 有孖腸薯條 好飲羅宋湯較吸引我們，有豐富蔬菜，好足料，亦都好濃味，少少辣跟大大舊湯渣牛腩又有靚牛油多士 粗身意粉碎上 全餐洋蔥豬扒飯 轉雞扒 黑椒汁又得 媽咪帶小朋友去食 較剪都慳番 仲有個冰凍一口雪糕

元朗安娜餐廳哇呢個豬手真係冇得頂。。。啲肉超級厚。。仲好夠彈牙添。。食落去一啲都唔油膩。。感覺自己食咗好多膠原平時我都唔鍾意食肥豬膏但係安娜餐廳呢個豬手真係超級正食落去一啲都唔會覺得好肥膩入邊啲肉鹹鹹地。。啱啱好夠味豬手嘅皮，我都全部食晒仲有啲配菜。。係薯條啊。。雜菜之類。。。佢會比一支茄汁你自己倒茄汁另外仲叫咗一個雞扒。。。都係好厚肉。。不過如果同豬手相比我覺得都係豬手超級正d雞扒嘅皮炸到脆卜卜～～入邊啲肉都好夠味。。食落去啖啖肉。。唔會話好鞋。。好夠彈性嘅雞肉佢啲薯條係好粗嗰隻嘅薯條🍟入邊仲有好多薯仔肉同麥當勞嗰啲唔同如果鍾意食薯仔嘅人應該鍾意粗薯條多啲另外。。。仲飲咗個羅宋湯。。。羅宋湯入邊有牛肉少少。。。茄味濃郁。。。不過就覺得鹹咗少少。。如果羅宋湯冇咁鹹，可能我會更加鍾意最後我想講，豬手豬手，我一定會返嚟再食豬手

呢間餐廳係元朗好耐歷史，以前讀書已經存在，到依家返工，有陣時都會去食下，呢度唔算大間，裝修多年來都冇變化，綠色格仔台布，天花吊燈，帶住暗黃燈光，早排去到，卡位旁種左d百合花。呢度侍應多，好快有人招待你，呢頭落單，轉頭就送餐湯加烘底方包，就喜愛飲羅宋湯，足料，會食到啖啖紅蘿蔔，椰菜，牛肉，我只係飲過呢間咁多料，方包烘得夠脆，用黎點湯食好味。另外，必叫既當然係西冷鐵板，不能夠食流住血的，所以每次都係叫7成熟，剛剛好

今日要介紹嘅元朗美食係元朗人一定去過嘅安娜餐廳，由於開業有30幾年，所以屋企人從小已經幫襯開，一代接一代咁，我好細個陣已經成日去据扒啦。以前就會成日食開洋蔥豬扒或雞扒，但大個識食咗之後，當然係每次都會叫牛柳鐵板餐！呢到除咗牛柳好食之外，黑椒汁、羅宋湯多士都係我眼中不可或缺嘅精選。如常柯打紅湯，黑椒牛柳配薯菜。呢度嘅上菜速度可以話係相當快，轉眼紅湯同多士就會馬上到，多士微烘後十分脆口配牛油食，一淡多士一淡紅湯，相當享受。紅湯調味穩定香濃，而且每次都會有好多蔬菜湯料，仲會有牛腩肉添。而呢度嘅黑椒牛柳係我嘅心水之選，其中牛柳我平時會點4或5成熟，呢個熟透度我認為口感係最佳，肉質鬆軟，而且充滿肉汁。然而，除咗味道好，呢度牛柳份量都幾大份，絕對夠飽。跟餐仲會附有幼薯條，以及童年回憶嘅雜豆。至於個人由中學開始就開始轉食黑椒汁，個種辣度係食完會舒服個種，味道極濃郁。以上我認為牛柳口感同份量係最適合我自己；但若喜歡牛肉味濃嘅朋友，我會建議揀西冷牛扒，除咗厚度唔同，份量再巨型些少，有筋位成塊牛扒會香啲。總結安娜人流其實幾多，十分旺場。所以夜晚食飯可能需要排隊等位，但雖則要排隊等位，但入內柯打後上餐速度會

港式西餐廳一向給予我高級的形象，不論在食物的層次，還是內部裝潢，甚至是頗為昂貴的價錢，好幾次都讓獨自吃飯的我敬而遠之。然而，長大了才發覺，有時獨個兒嘗試進這些餐廳用膳，或許是一次舒適的體驗。況且，放下固有成見，才可品嚐不一樣味道。我點了一個午市全餐，食物款式之多，讓人人的桌上都如放了一道彩虹，然後將每碟綻放的顏色送到口中，每人臉上似乎都有種滿足之感。全餐每天款式不同，但不離(湯+多士+熱小食+主食+飲品+甜品)的配搭。在這裡，我不會詳細評論每樣食品。概略的說，食品素質都是外面餐廳能臻之水平，較為特別的只是食物上的一些細節，例如這裡不予餐包而是多士，周打魚湯配上了一塊梳打餅，也有豐富的一碟熱小食開胃(今天是奄列雜豆薯條)。這些特色配合其豐富的特色，成為餐廳獨有的賣點。垂涎三尺的味道，這裡的食物未及; 令人難忘的高服務素質，亦不能稱之。只是，以六十左右的價錢，能吃出如此豐盛的午餐，已令我為之讚嘆。有時，美味的食物並不代表其是一間好餐廳，相反亦然。食評並不只有批評之用，乃是體驗與感悟的文字。路過想一試的餐廳，儘管進去，必能追尋其獨特之處。

元朗人既童年回憶  港式挶扒元朗人一定食過 安娜扒餐我唔係元朗長大的但每隔一段時間 男朋友就會想去回味一下每次去到都好多人最近的星期六又去食黑椒牛扒先飲個紅湯 見到湯料就知道他們係自己煮的!!很濃稠 本來唔想飲湯既我 都忍唔住唔捨得浪費地飲晒 仲有一塊 焗到好脆身仲暖既方包查上牛油 飲啖包 飲啖湯都幾滋味跟住就係鐵板牛扒..我沒有特別喜好這種港式挶扒但服務, 見到侍應們再忙都樂也融融食完仲有杯餐飲都真係幾唔錯既

今晚七點，五個人到安娜餐廳吃晚餐，比張四位卡枱加張膠圓凳的枱給我們，我同家人講咁樣坐喎！只是諗一諗，個女侍應不停呼喝住，「個個都是咁坐！」（係不停講，直至我問佢，係咪我問下家人都唔得？佢先收聲）難道我和家人商量一下都不能嗎？我感覺係佢叫我們坐就坐，唔可出聲的。家人話坐下照食（如果比我話事，我一定走，唔食）到叫野食，有個男侍應寫野，五樣野講幾次都仲要錯，漏左三個餐，追了兩次才有得吃。我知貴餐廳旺，多人幫襯，這樣就可以當人入來乞食般嗎？？連基本禮都無，呼喝、控制和吩咐客人。旺到趕客的態度。咁旺應該好開心，唔明點解黑口黑面， 負負氣氣？難道貴餐廳希望無生意？唔洗做咁多？

細個時候最鍾意就係跟老豆去鋸扒而家已經好少有呢啲舊式餐廳了，早兩日俾我見到呢間我就即刻衝入去試吓果然冇令我失望🤗我叫咗個全餐，啲味道真係好似細個嗰時食嗰啲👍我最鍾意都係個忌廉湯，又有甜品食，我覺得呢啲舊式餐廳嘅扒同埋湯先係最正嫁，依家想搵間好食嘅扒餐真係好難除非好貴，以咁嘅價錢來講真係唔錯，整體上我都好滿意，一定會再嚟🤗🤗🤗

黎呢到緊係要食招牌黑椒牛柳啦！！！😍🤤🐂🥩🥩餐湯必點羅宋湯，非常足料，我地每碗都有兩舊牛肉，又多雜菜🥘順帶一提，個人覺得呢到既忌廉湯實在麻麻呢到冇餐飽，得多士，多士鬆脆，我唔會搽牛油，用黎點湯食，正！牛柳好大件，肉質好淋！個人推介食3成熟，超級滑溜，配搭少少血水，好有牛味😋😋不過熟既程度都幾飄忽，今次叫3成但係都太熟啦，有6成到，有啲失望😞水準唔夠穩定跟飯或者意粉都要加錢，但舊牛已經好大，唔係特別大食既話食埋跟餐既薯條同大片蕃茄都夠哂飽😳中意食蒜既朋友必定要加份生蒜，都幾大份所以幾個人share都得，佢簡直將件牛昇華到另一個層次✨✨✨呢到環境係有啲迫，呢到實在太多人等位，所以都要食快啲

餐廳門口同裝修都好有懷舊嘅感覺，於是入去試一下，食物的味道唔錯，超出預期，價格都十分合理！我食的係西冷牛扒，配黑椒汁，牛扒都唔會太硬，要了七成熟煮得岩岩好，唔會有血水，有肉汁，黑椒有少少辣，同牛扒好配合。仲有餐飲同湯，我叫了白湯，無什麼特別，但味道都可以配牛油麵包食，餐飲都係選擇平日常飲的凍檸茶。整體都可以，但座位方面就坐得有點迫，坐卡位要同別人一起坐。侍應的態度普普通通，會好急甘催促點餐同餐飲。