安哥食館 (已結業)

因為食左其他野，所以只試左兩個餸，個一口蠔無腥味，都幾多，但應該都幾味精，一路食一路要飲茶。。。我想講o既係個“川椒雞球”88蚊，個味無問題，個用料就好有，用應該係雞脾肉/雞扒炒。。。88蚊我覺得真係唔值，味道我覺得係幾好o既，但用雞脾肉/雞扒我覺得只值68蚊，坐得都唔係叫舒服，裝修又唔係貴，可能係我唔知依家物價高漲成點啦。。雖然我知佢招牌唔係呢樣，但如果佢個咕嚕肉比人講到差啲係《只應天上有》禁樣都係收98，禁個無人識o既川椒雞球平佢10蚊，有點兒那個吧p.s 出菜次次都經過我，見唔到有人點咕嚕肉

今晚和朋友原本想去深水埗的「安哥火鍋」食海鮮火鍋，但攪錯左去了數十米之隔的「安哥食館」。既來之則安之，反正是同一老細開的，也就試吓其小菜水準如何吧。叫了炸一口蠔和炸牛坑腩，前者像避風塘的煮法，加入很多炸蒜粒，挺香口。不過，炸牛坑腩卻炸得較乾身，朋友不太喜歡其偏硬的口感。反而簡簡單單的肉餅豆腐及啫啫芥蘭唔錯，前者其實只是梅菜肉餅放在豆腐上蒸，但反而令豆腐滲入肉味，相當下飯。其實這裏食物OK ，但這天吃唔到海鮮火鍋，心中總有點遺憾。

同朋友一齊去食好西！今晚一齊去左食大排檔，估唔到水準咁好，一定會再來！狗仔鵝煲（$128）本身被餐牌上的碌鵝吸引著，點知已經賣曬，唯有改吃店員推介我們的狗仔鵝煲，加入了南乳香味的狗仔醬又香口又惹味。鵝件肉嫩滑，加入腐竹和豆卜滲透狗仔醬的味道，好吃！潮式蠔仔粥（$108）大大窩的蠔仔粥，可分到大約10大碗飯碗份量。蠔仔肉質肥厚，鮮甜大粒。油鹽水粉皮浸花甲（$88）另外還點了個油鹽水油鹽水粉皮浸花甲，別以為看上來賣相清淡，其實加入了胡椒及新鮮又大隻的花甲，非常鮮味，再加入粉絲簡輕直perfect。

年晚各種食肆都滿座揾位，於是走到這食肆試一試它的咕嚕肉，因為有一朋友經常說這裡做得十分特色。因時間尚早很容易有位。叫了一支日本啤酒，當然要叫咕嚕肉啦，店長又介紹碌鷄，加多個炒菜及蠔仔粥。先上的是蠔仔粥，做法可比美潮洲大酒樓，味道及口感很好。咕嚕肉到了，果然做得很好，外皮薄而脆，肉質肥瘦均勻。碌鷄是用新鮮鷄做，肉質很好，而且很好味，是店長的好介紹。祗可惜那個 蒜蓉炒菜心不夠鑊氣，比較淡一点。基本上這裡的出品都很有水準。

之前試過安哥火鍋，原來街尾轉彎，竟然又有一間主打吃小菜的安哥小館。 店子位置雖不起眼，但平日晚市幾乎迫爆客人，小菜款式眾多，穫氣十足。 炸大腸（$88） 傳統的炸大腸炸得外層香脆，內裡軟滑，腸內肥膏清得乾淨，食落沒有羶味。 潮式蠔仔粥（$108） 蠔仔粥一窩大大的，最少可分到10大碗飯碗份量。蠔仔新鮮大粒，味道鮮香，啖啖精華。 狗仔鵝煲（$128） 本身想叫碌鵝，點知賣曬。店員推介我們試狗仔鵝煲，加入了南乳味道的狗仔醬又香口又惹味。 鵝件肉非常嫩滑，加入腐竹和豆卜滲透狗仔醬的味道，份外入味。 油鹽水粉皮浸花甲（$88） 油鹽水加入胡椒浸新鮮又大隻的花甲，加入粉絲非常飽滿。 小炒皇（$88） 小炒皇炒得夠穫氣，蝦干、魚仔、菜甫等等炒得非常惹味，是我的大愛。 尖椒炒新鮮肥鵝腸（$98） 尖椒煎得非常香，不會太辣，配合鵝腸一齊炒味道出奇地配合，忍不住吃完又吃。 豉汁蒸鱔（$128） 蒸鱔即叫即蒸的，鱔肉新鮮香滑，加入豉汁味道更惹味。 安哥一口蠔（$88） 一口蠔先加入炸漿再炸到卜卜脆，旁邊

上星期天氣凍凍地。我地六條友想去食羊腩煲加海鮮，我提議不如去深水埗食，因為之前食過一間安哥食館，我覺得都不錯，所以決定再去encore當然吾少得主角羊腩煲啦，羊腩係用新鮮羊肉炆，肉質嫩滑，又非常入味，正……呢個煲仔飯未上枱，已經遠遠聞到好香味道，然後我哋打開個蓋仲更加想即刻食落肚, 個煲仔飯都唔錯 都幾乾身，值得推介再嚟一個上湯龍蝦煎米粉底 以波士頓龍蝦你講都非常大隻好抵食，煎米粉底一流索曬啲龍蝦上湯汁又唔喊非常鮮味 花雕蛋白蒸花蟹就食得多。但係蒸麵包蟹我都係第一次，我仲以為好似啲急凍麵包蟹又硬又唔好食，原來佢嘅麵包蟹係游水架， 嗰啲膏非常好味，又唔硬，加埋啲蛋白同小小花雕真係絕到冇得頂再嚟多個薑蔥鮑魚煲，啲鮑魚都唔會好細隻，又有鮑魚味，用薑蔥嚟煮，非常野味最後我哋叫咗個牛頸脊扒豆苗，係老細介紹我哋食， 啲豆苗都好嫩， 而且啲牛頸脊非常有牛味又夠滑，不過我就覺得鹹咗少少最後總括今晚呢餐非常大滿足，都係食咗二千出頭連啤酒，每人都係三百幾蚊，真係好抵食所以佢哋都話一定要再摘日encore

其實旺角食飯，都真係食到無野好食，只好各其他區份發展，今次同大少行行下，就去咗接近深水埗附近嘅地方搵嘢食，俾我地搵到間好好味食館安哥一口蠔 - 呢個蠔炸粉唔會太厚，蠔又唔會真係一口到太細隻，蠔味雖然唔太大，但係隻隻都好飽滿油鹽水粉絲浸蜆 - 油鹽水浸魚我就食得多，浸蜆真係第一次(係咪好大鄉理呢)，個味道超正，鹹味唔會太重，而且……胡椒味好香濃，我最鍾意，另外個粉絲因為啲湯汁，浸到入晒味，超正，啲蜆無沙又鮮甜薯仔牛柳粒 - 甜甜地嘅醬汁，包圍住啲牛柳粒同埋薯仔粒，非常好味，牛柳粒亦都唔會太韌，啲薯仔又唔會太粉，好有咬口麥片蝦 - 上次去新加坡食過牛油蝦同麥片蝦，都覺得好好味，所以大少一見呢度有得食就要試，我本身期望唔太大，因為我覺得未必會有新加坡咁正宗，點知，出乎意料，佢個麥片黏住D蝦，甜甜地，好香，啲蝦肉好爽，唔錯

家住深水埗嘅老友話趁聖誕帶我去食好嘢，原來係一間隱世小炒店，位於太子同深水埗交界，唔易搵架，不過想食好野係要花少少腳骨力嘅~@@老友知我大愛海鮮，佢話呢度自設魚池，每日有大量生猛海鮮源源不絕供應，今晚一於嚟個海鮮盛宴，總共叫左5道海鮮菜式，一於飲酒暢談一番~豉汁蒸白鱔蒸熟之後肉質特別嫩滑可口，完全保留左白鱔嘅濃郁肉香，並且完全鎖住左鱔嘅原汁原味，令人回味無窮。酸菜魚非常開胃，魚片滑嫩入口即化，肉厚骨少，其實魚同酸菜一齊煮唔單止可以完全蓋過魚嘅腥味，亦會令成個鍋有一種特別嘅酸辣香味。油鹽水浸花蛤油鹽水係漁家菜常見嘅煮法，簡單調味最能突出食材嘅鮮味，可以食真花蛤嘅鮮甜味。粉絲吸收左花蛤嘅鮮味，湯頭都有微微嘅胡椒香，叫人食唔停口。乾逼胡椒蝦蝦肉乾香有咬勁，口感較彈牙，用胡椒烹調，既嗆辣又開胃，連蝦殼都酥脆入味，食到吮晒手指。喺小城區入面食到呢d風味小炒，完全貼地大滿足！

是日阿媽無煮飯，阿爸就話叫外賣返黎食啦！我就話不如出街食好DD啦，最多我請喇，兩老二話不說立即換衫出門。知道阿爸最鍾意啤啤佢飲返兩杯，阿媽就鍾意食D特色野，特別係一D佢認為佢唔會煮到或者唔會煮得好既菜式，於是就同佢地行多幾步，黎到呢間小店食小菜。呢度好有街坊地道飯堂feel，食客都係邊食小炒邊飲啤酒，成個氣氛好親切，出品就勁有大排檔冬菇亭果D風味，完全同集團食肆或酒樓果D好唔同。阿爸鍾意飲啤酒，就幫佢叫左碟豉油皇肥鵝腸佐酒，食落入味又爽脆，三爬兩撥就比我地掃清光！阿媽鍾情海鮮菜式，所以特別D叫左個新加坡麥皮蝦同安哥一口蠔，新加坡麥皮蝦可以話係當地大排檔必食菜式，大蝦香脆味濃，燕麥金黃酥香，兩樣一齊擺入口味甜香口，口感又豐富，見阿媽食得相當滿足！至於安哥一口蠔，應該係招牌菜之一，一碟有成接近30隻蠔，份量充足，炸到金黃鬆脆，炸粉唔厚，入面蠔肉豐富，蠔味又濃郁，三個人你一件我一件，又係比我地秒殺左，哈哈！店員推介話必食金牌咕嚕肉，其實佢唔介紹我都諗住叫架喇，事關次次出街食小炒我都幾乎實會叫呢個餸，最啱我呢亭食肉獸，又好適合送飯。食落甜度恰好，唔會過甜或者過酸，啖啖肉好香口，外脆內鬆，唔怪得

有道曰：男人的浪漫，豆腐火腩飯……查實個人認真男人的浪漫又豈只豆腐火腩飯，只是貪其順口而已，正式來說應該是三五知己放下身 段坐街邊，食小炒，飲啤酒，高談闊論，風花雪月，夠麻甩才是真義。深水埗區鑊氣小炒雲集，大排檔或横街小店都是卧虎藏龍之地，懷 舊地道兼而有之，一點也不會被大酒樓比下去，所以亦成為三五知己 聚腳的好去處。前陣子跟朋友兩個大男人行去深水埗覓食，放棄平時喜歡去的大排檔 ，試了一間位於界限街及深水埗交界的"男人食堂"。這店裝修隨意地道，門口鮮黃紅字的招牌十分搶眼，店内地方不算大 ，環境整潔舒適，Tiffany Blue的牆身貼滿菜牌及圖片，簡單的街坊舖格局，滿有舊式小炒 店的風味。坐低望望餐牌，很多都是香口送啤酒的小菜，亦有傳統地道菜式如招 牌醬油碌鵝，狗仔鴨，水煮魚和新鮮羊腩煲等，都是十分合筆者口味的選擇，攪到樣樣都想點，最終選了豉油皇肥鵝腸，金牌咕嚕肉，安 哥一口蠔，新加坡麥皮蝦及潮式反沙芋。店員率先放低一碟惹味佐酒餐前小食，就像是外邊的餐前小碟炸花生一般，但這裡的小食明顯較用心製作，裡頭除了有炸花生外，還有豆 卜、花生和菜甫等，集香脆爽軟於一碟中，鹹香惹味，讓人吃過不停

其實無論食乜菜都好，最後都係覺得中菜最好食，尤其是大排檔。今日去朋友深水埗的店，說帶我去一間隱世食店。金牌咕嚕肉，除咗平時常見的青椒、洋蔥，仲有橋頭，咁“打意”。咕嚕肉外皮炸得很薄很脆口，肉質帶爽，酸酸甜甜，既開胃，送飯更一流。 豉汁蒸白鱔，用料新鮮，蒸得入味之時，火喉控制得好好。酸菜魚，近來上大陸出差最喜歡的一道菜，餐廳選用不多骨的魚，辣度亦可隨你口味調節，細心，配上酸菜，送飯絕對。潮式蠔仔粥，絕對誠意之作，蠔味重，用料足，入味，胡椒粉都唔駛落，爆力推介！！！

大排檔的餸菜係好難食得厭的！所以約朋友時，唔知食乜好，我地就通常選擇大排檔，但今次朋友只喜歡坐室內，所以我地就找來一個有大排檔風味，又可以坐在店內的「安哥」喇！坐低後店員就比碟飯前小食，「菜甫豆腐乾」，用來同朋友一路傾計，一路等上菜，非常不錯！金牌咕嚕肉粒粒富有通透感的咕嚕肉與青椒、洋蔥、蕎頭一起炒外層薄脆的咕嚕肉，中間鬆化，肉質帶爽，咬下很有口感，酸酸甜甜的好開胃！不過，我對蕎頭絶對麻麻，但我的友人就通通食光哂！籠仔蒜蓉蒸勝瓜以竹籠上菜的勝瓜，面層有極奇多的蒜蓉、粉絲、金菇，對於我地幾個蒜蓉控梗係開心到極點！新鮮翠綠的勝瓜已吸收了蒜蓉的味道，很入味！酸菜魚大大鍋的酸菜魚是用了一整條桂花魚製作，桂花魚帶有鮮味，肉質爽口，魚肉吸了酸菜楊的味道，不錯啊！潮式蠔仔粥有蠔仔粥的地方，我多數都會點，我們一行三人，原本想點一鍋，幸好店員友善的提醒，我們點了一碗，原來一碗蠔仔粥的分量都可以分到大概6小碗，分量十足！潮式蠔仔粥的煮法是米飯要分明，這間當然做到啦！蠔仔的數量有不少，整個粥的味道較濃，與我們其他餸菜互相配搭，剛剛好！

深水埗有幾間老牌小菜館好出名，最近有間新食館冒起，靠咕嚕肉殺出重圍。一行四人今晚來到安哥，豪飲暢談吃美食，很是過癮。金牌咕嚕肉$98果然是金牌，來安哥必點的，外皮有冰糖葫蘆的通透感，咬落外層好薄脆，中間鬆化，肉肥瘦均勻，入口即化，咕嚕汁多甜少酸，超享受，三色椒都好爽甜，比較特別是它後加酸蕎頭而不用菠蘿同炒，但個人覺得菠蘿較夾，酸蕎頭是後加更加像不相干的東西。啫啫馬拉箋芥蘭$98熱辣辣的一個菜，味道少少辣，咸香惹味，芥蘭新鮮翠綠，非常爽脆，沒有了本來的苦味，底下還有些好入味的肉碎，不容錯過。粟米魚肚羹$88好大一鍋湯，上桌令我們好驚訝，還好今晚有四個人，較容易處理，粟米湯無放肉片，但都好夠味，煮得頗有水準，蛋花夠多，粟米味香濃，每人飲兩三碗最終都喝光了，安哥一口蠔$88炸到卜卜脆的蠔，有好多炸蒜粒同有少少辣，有避風塘風味，蠔的大小剛好，一口一隻，外脆內多汁，蠔味新鮮，放耐左都keep住脆，連蔥都爆香左好食，份量又夠多，好抵食。

友人愛吃大排檔食物, 見天氣漸涼, 又是出動好時機.  今次找點新意, 來了間從未光顧過的小館.店子不大, 裝修一如其他的大排檔餐廳,  圓檯, 摺櫈, 牆上貼滿食物照片, 幾乎都是指定動作. 不過店裡只有兩張二人枱, 位處門口, 坐得不大舒服. 小館的食物選擇也多, 小炒海鮮煲仔菜都有.  兩個人胃口有限, 主要點些小菜, 邊吃邊談.豉油皇肥鵝腸 $98色澤深, 豉油味香濃, 不過卻不入味. 鵝腸夠肥美,  帶肥膏, 入口尚算脆口.鵝腸下放了大量芽菜, 本來是一解鵝腸的鹹味, 不過芽菜出水嚴重, 吃起來水汪汪的, 影響口感.豉汁蒸白鱔 $128薄切的白鱔肉質彈牙, 帶鮮味, 略嫌蒸得不夠火侯.生啫原隻大魚頭 $148上枱時一大盤的, 嚇了一跳呢! 魚頭煮至剛熟, 帶點辣味,  肉質嫩滑, 用來下酒不錯潮式蠔仔粥 $48/碗 始終要點碳水化合物才飽肚, 碗上的蠔仔粥份量頗大, 兩三人同吃也足夠! 蠔仔的份量也不少, 沒有腥味, 米飯也粒粒分明, 很潮式的煮法.不過可能侍應不多,  要找人點菜結帳, 總要等上一陣子.

幾個朋友飯聚，喜歡無拘無束的環境，最舒服莫過於食這些地道風味小菜館。餐廳位於深水埗同太子之間，但由太子地鐵出，都唔算行好遠，多走路對身體都好呢。叫左個油鹽水浸花甲$88，個殻圓圓的，睇黎應該是蜆來的，又比較細隻，我沒期望油鹽水煮都有咁多黑胡椒，食食下發覺原來精華在底下的粉絲，吸晒鮮味的湯汁。新加坡的麥皮蝦$148 好少地方有得食，可惜這個只是做得一般，麥皮香口同乾身，最大問題是蝦隻不新鮮，味道好淡，肉質較腍。全晚最好係呢個 豉油皇肥鵝腸$98，鵝腸保留脂肪層，好邪惡但油脂溶化的味道是無其他野可代替，洗得乾淨無內臟味，而腸壁好爽口入味，我更欣賞底下的芽菜韮黃，鵝腸油香滲了在底，芽菜特別香又爽甜。