安哥食館 (已結業)

其實旺角食飯，都真係食到無野好食，只好各其他區份發展，今次同大少行行下，就去咗接近深水埗附近嘅地方搵嘢食，俾我地搵到間好好味食館安哥一口蠔 - 呢個蠔炸粉唔會太厚，蠔又唔會真係一口到太細隻，蠔味雖然唔太大，但係隻隻都好飽滿油鹽水粉絲浸蜆 - 油鹽水浸魚我就食得多，浸蜆真係第一次(係咪好大鄉理呢)，個味道超正，鹹味唔會太重，而且……胡椒味好香濃，我最鍾意，另外個粉絲因為啲湯汁，浸到入晒味，超正，啲蜆無沙又鮮甜薯仔牛柳粒 - 甜甜地嘅醬汁，包圍住啲牛柳粒同埋薯仔粒，非常好味，牛柳粒亦都唔會太韌，啲薯仔又唔會太粉，好有咬口麥片蝦 - 上次去新加坡食過牛油蝦同麥片蝦，都覺得好好味，所以大少一見呢度有得食就要試，我本身期望唔太大，因為我覺得未必會有新加坡咁正宗，點知，出乎意料，佢個麥片黏住D蝦，甜甜地，好香，啲蝦肉好爽，唔錯