安利魚蛋粉麵

营业中

休息中

同男朋友都好少黎筲箕灣，嚟到筲箕灣，點都會諗起安利魚蛋👍🏼👍🏼👍🏼🥰🥰🥰本身想去舊店，點知閂左門😥所以就過咗對面，就試一試佢啦🥳🥳🥳🥳我哋都叫咗牛坑腩撈粗，正！魚片好有味，唔似平時街市買急凍嗰啲，好彈牙！牛坑腩都唔錯，都炆得好琳🥰🥰🥰👍🏼👍🏼😂😂最緊要梗係佢個牛油多士啦！本身怕肥嘅，都忍唔住食多夠！舊牛油雪到好凍，好似食雪糕咁，再加上烘左嘅麵包，簡直就係人間極品👍🏼👍🏼👍🏼

已有好久的時間來安利，通常來的總是一份回憶啊，因為小時候都會經常來吃，那時還是寺廟隔離的大排檔，仍未分家的時間。。。今日點了炆腩河和凍奶茶，好可惜河粉， 對了，已經忘記了他們的河粉通常過了下午時段就好快沽清，算了吧，生麵也可以。以前通常是吃魚蛋魚片切腩之類，今日就試炆腩，會切腩差不多，多一份香味，湯底就覺得濃了一些，像是加了味精的感覺。還是覺得魚蛋粉是這裏的首選，再以價錢和現今的店舖比，這裏還是非常值得一試的。其實除了粉面之外，好多人都忽略了另一大賣點，就是他的咖啡茶和三文治其實是非常之高質素的。這杯凍奶茶的質素比好多自稱奶茶王的茶餐廳要好上很多，現在人大了，叫了少甜，若果吃得甜的東西話可以叫正常試試。而蛋牛治也是十分足料好吃的，前提是你喜愛吃罐頭鹹牛肉，這個也是一個回憶的味道。

相信筲箕灣食開野嘅人，如果想食粉麵，一定會去安利到食。安利既牛坑腩真係非常好食，肥瘦適中！不論中午晚，安利都係排哂長龍。不過食粉麵來講，安利都算唔平！🤤🤤🤤

最愛話裡的魚蛋粉和奶茶，魚蛋魚味夠鮮，魚片炸得表皮夠脆，簡直是筲箕灣之寶。奶茶夠香茶味，又滑，侍應服務周到，常帶著笑容，相信這裡的老闆待他們真的不錯。食客揸住名貴房車到來，衣服光鮮亮麗。畢時見到名人明星棒場。

如果說，在香港有什麼小吃店是我朝思暮想～偶爾心血來潮就很想跑過去吃的，那一定是安利的片頭米！我可以說去了無數次，每一次都逃不了排隊的命運😂香港賣魚片頭的地方很多，但是沒有一家味道做得比他們家好吃✨反正試試看就知道了～我還記得某次過去還碰到了素顏的鄭伊健跟蒙嘉慧呢！其實不怕胖可以選擇河粉～口感會更好喔！我每次去點的都是切腩片頭米～怎麼都吃不膩！而且加了牛腩汁的湯頭更棒！辣椒油也是不能錯過～雖說超級辣，不過加上一勺更增添風味這裡的撈粗面也是很招牌，不過我更愛切腩片頭米❤️

我11點45分到達， 不用排隊 ，店內坐了八成食客，食到12點半也沒見排隊，但基本上已經差不多滿客。店內環境及餐具整潔，人手頗為足夠，坐低就馬上有人來落單，電腦落單準確無誤 唔使飛紙仔。這裏牛腩分兩種 ：炆腩和切腩；炆腩即係柱侯炆牛腩，比較濃味 ，切腩是清湯腩比較清淡。我喜歡濃味所以點了 炆腩 片頭雙拼河粉 盛惠40元。魚蛋超正，爽口彈牙，不同凡響，但炆腩好韌，下次可以試下切腩。 這裏特別要提提安利的辣椒油，顔色深黑，香濃惹味又不太辣。奶茶亦做得非常出色，茶味香濃，茶同奶比例剛剛好。

其實筲箕灣就係有好多魚蛋粉食， 簡單質素都唔同， 但要講道最出名一定係呢間。 雖然要排好多時間， 但大家都好似唔介意咁。 佢嘅魚蛋冇錯真係好好味， 不過當然相對其他嘅魚蛋粉都貴。 期望保持水準。

難得過海二公婆食個早的去咗安利好彩夠早（五點幾）門口有位泊到車但都係冇位，但好快已有大枱的兩個位啦二話不說叫兩個切腩撈粗，一支樽裝可樂想想下忍晤位又叫多個占多食話咁快超靚仔嘅切腩撈粗就到了師傅日日月月咁排，連樣都贏埋其實我有D覺得D切腩瘦，易痴牙（慣性痴牙位）平時食開的牛腩淋D香D。但永冇得輸嘅係佢嘅撈麵底，其他地方只比篤蠔油自己撈堅冇得比，加入少少油，唔會成餅麵痴埋，其實都係心機嘢！占多只係自己喜好，點都要食多件多士先抵咁！希望好快再「經過」啦

十年都去一次筲箕灣 為左試食呢間安利魚蛋粉麵 決定遠征！！排隊排左半個鐘 外面仍然大排長龍切腩魚片撈粗 $48👍🏻魚片軟腍👍🏻粗麵好入味 聽聞當中豉油係自家秘制 每一條都好入味

行完山兩點幾又係時候食嘢啦，難得去到筲箕灣梗係要食下啲排隊店啦！終於我哋用左個幾鐘等呢一間。好彩媽媽冇發脾氣乍，咁的而且確我都幾鍾意佢啲片頭同埋撈面嘅！我哋試咗佢出名嘅豉油撈面啦 、鮮油奶多啦、片頭同埋爽腩！其實媽媽仲想再嗌嘅不過係我叫住佢話不如食咗先再叫但係食完佢又話唔叫囉！我諗佢應該唔夠飽！😅同埋等咗咁耐梗係要食盡佢啦 ，等就等成個鐘，食就食二十分鐘。原來佢個撈麵都係$52，咁又比我想像中平喎！因為出邊嗰啲麥乜記麥乜記要成六十幾蚊一碗😱鮮油奶多其實比我唔會叫，係因為實在太邪惡啦佢塊牛油，不過最終我都試左¼件！不過老實講句佢又不至於好食到要等成個鐘，名過其實！出邊有好多都可以好食過佢嘅！大家慢慢發掘下

返完工同老婆揸車落嚟東大街搵嘢食。見到平時幫襯開嘅安利唔係太多人。梗係入嚟食返一碗老婆最鍾意食嘅切腩河粉。自己就因為唔係太肚餓嘅關係只係叫咗一個先由奶多（呢個係餐廳張單嘅寫法,留返俾大家估下呢一個係咩黎啦)唔知係咪因為老婆太肚餓嘅關係本身我份多士有兩件俾佢攞咗一件嚟食。切腩可，碗湯非常之正。嗱我冇講大話㗎佢真係叫自己做先由乃多。牛油非常之正

今晚聖誕節，唔想出去尖沙咀同人逼，就黎左筲箕灣試下同事推介既美食啦！！！我地係地鐵站c出口行過去，大約5分鐘路程，一去到就見到幾多人係度食緊野，由於沒有空枱，所以要同另外2個客搭枱。格局似一般舊式粉麵茶餐廳既佈置，圖枱矮櫈，衛生環境麻麻，睇左陣餐牌，選擇唔多，價錢都唔算平，最後我地叫左四種料既撈粗食，分別有魚蛋片、牛丸、雲吞同切腩。魚蛋片都彈牙，但好細粒，牛丸普通，鮮蝦雲呑都幾好食，切腩都幾腍，撈粗個味都夠，但如果要我專登過黎食真係唔會。之後又叫左件鮮奶油多，土司好脆，奶油好厚又凍凍地咁配鍊奶食幾好味，反而中意佢個鮮奶油多多d🙈。

剛過去的星期日行完山就搭小巴回到筲箕灣地鐵站，行山行得咁辛苦，點都要獎勵一下自己，去平時排隊排到萬里長城咁長，出名食魚蛋粉嘅“安利魚蛋粉麵”。 好彩已避開繁忙時間，我同行山友係食晚飯前幫襯，呢段時間正好有位，唔駛排隊，真係潮聖好時機。我同行山友異口同聲一齊選擇了魚蛋魚片河，魚蛋彈牙，食得出是手打的，魚味都夠。魚片一樣咁彈牙，很香而不油膩。河粉就好少少厚身，我比較喜歡薄身河粉，因為可以索晒d湯嘛。至於加19蚊就有熱飲，我叫咗熱檸檬茶，茶夠濃厚，檸檬好新鮮，而且有4片厚身檸檬，好足料呀～另外杯熱奶茶都滑的，茶不濃，反而奶味偏重，尚算ok的。

一早起身肚仔餓，星期6放假當然要食好d😂😂一於去安利嘆個醒晨早餐先❤️❤️每個月都會黎朝聖，1個自私食黎到唔洗等位軟淋淋嘅牛腩配河粉，再加多個極邪惡嘅奶油多一切由美好早餐開始🍜

這間餐廳由小時候以開始幇親。至愛片頭河開加汁。河粉texture 非常正同口感十足，湯十分好味配片頭同埋魚片係絕配！老婆叫了切腩河粉，切腩味道係其他地方係食唔到嘅。鮮油奶多也十分好吃，牛油超大片。走前叫了一條魚片外賣，價錢有點貴，但值得