安利魚蛋粉麵

营业中

休息中

剛過去的星期日行完山就搭小巴回到筲箕灣地鐵站，行山行得咁辛苦，點都要獎勵一下自己，去平時排隊排到萬里長城咁長，出名食魚蛋粉嘅“安利魚蛋粉麵”。 好彩已避開繁忙時間，我同行山友係食晚飯前幫襯，呢段時間正好有位，唔駛排隊，真係潮聖好時機。我同行山友異口同聲一齊選擇了魚蛋魚片河，魚蛋彈牙，食得出是手打的，魚味都夠。魚片一樣咁彈牙，很香而不油膩。河粉就好少少厚身，我比較喜歡薄身河粉，因為可以索晒d湯嘛。至於加19蚊就有熱飲，我叫咗熱檸檬茶，茶夠濃厚，檸檬好新鮮，而且有4片厚身檸檬，好足料呀～另外杯熱奶茶都滑的，茶不濃，反而奶味偏重，尚算ok的。