孵化生活

营业中

休息中

今次黎到荔枝角試試呢間文青餐廳
可能食晚餐要情調既關係 餐廳既燈光比較暗
要靠枱果盞蘑菇燈先勉強睇到菜式
餐廳職員都好友善 會主動介紹今日有咩special 
✨慢煮烤脆皮乳鴿 $108+
因為係bb乳鴿  份量比較精緻
乳鴿皮脆到好似食緊薯片咁
一咬落去係爆汁
肉質嫩滑
星星推薦度:⭐️⭐️⭐️⭐️/5
✨德國豬手配柬埔寨黑胡椒汁 $268+
呢個必嗌
大大份 豬皮係脆卜卜 仲有薯條配埋
豬手充滿咸香 肉質嫩滑
唔會覺得膩仲會食完仲想食
有黃芥辣同埋柬埔寨黑胡椒汁可以蘸,多重口味
唯一可以改善既位係蘸醬既碟仔可以再闊身少少就更好了
星星推薦度:⭐️⭐️⭐️⭐️⭐️/5
✨香蒜花甲意粉 $188+
意粉夠軟硬適中同埋蒜味完全融入左落意粉
花甲份量幾多, 但大部分都有沙
而且d沙仲要破壞埋個意粉, 失望!
星星推薦度:⭐️⭐️/5

店舖環境舒服，有品味。食物也算不錯。餐湯的泡泡很美觀。是蘑菇湯黑色的是蒜蓉包。有美觀之餘，味道也不錯。水牛城雞翼：熱辣辣幾好食，略嫌炸漿太厚。孵化手搓牛肉漢堡：我選擇了五成熟，漢堡很厚身有肉汁。入面的洋蔥和煙肉與牛肉都很夾。薯條屬於幼薯條，好食。沙律是柚子味，蔬菜新鮮調味好食。感覺在配菜上用料也是用心的。龍蝦意粉：有點奇怪，這個龍蝦意粉的醬是冬陰功味，龍蝦味很少。龍蝦肉彈牙新鮮的。不過這個不太推薦。午餐送花茶。

午餐有前菜主菜及飲品。前菜選擇了一個湯、一個沙律。是日餐湯黑松露忌廉湯，面上有泡沫，味道濃郁。田園沙律清新爽口~ 好清新開胃～～接下來的主菜招牌慢煮西班牙豬鞍架配上焦糖蘋果醬,口感層次豐富,肉質軟嫩。牛柳絲意粉，牛肉鮮嫩,搭配Q彈的意粉。值得一提的是,午餐配送的清新果茶中，果香濃郁。而加$20可升級至精品咖啡，揀了Cappuccino。濃郁醇厚的意式風味。最後,精緻的甜點有香濃滑順的 tiramisu

最近聽聞依間新開嘅餐廳有好高嘅評價，好好奇究竟何方神聖，於是放工約埋同事一齊過來放鬆傾下計。餐廳裝修別緻，用上好多大自然元素，綠油油嘅植物加上淺色系嘅裝潢俾人一種悠然自得嘅感覺。烤乳鴿 （⭐️⭐️⭐️⭐️⭐️）餐廳主打fusion菜式，餐廳用上「妙齡乳鴿」或BB鴿，根據店員講，乳鴿大約只得15至18日大，但已經有4至5兩肉（200g)，勝在肉鮮嫩且骨軟脆，脆炸後甚至連骨都可以吃。同平時餐廳食到嘅味道有好大分別，餐廳醃製時用左南乳，玫瑰露酒，所以出到來係冇騷味。本地三黃雞焗西班牙燴飯 （⭐️⭐️⭐️⭐️⭐️）餐廳今次創意地用上本地雞焗飯，等雞油喺高溫烹調底下滲透到白飯裏，雞肉嘅精華都唔會揮發，原因就係餐廳用錫紙封住蒸汽，保留食材嘅鮮味。餐廳用左半隻雞，切件擺放均勻，雞肉大大件冇碎骨，夾雜不同西式蔬菜，好似番茄仔同蕃薯，中和切雞的油脂感。香草蒜蓉蘑菇 （⭐️⭐️⭐️⭐️💢）餐廳擺盤十分特別，用上一個波浪形凹凸花紋嘅圓身陶瓷器皿，襯托出蘑菇本來豐滿誘人嘅樣子。蘑菇多汁鮮甜，微灼後香氣撲鼻，豆苗新鮮爽口，翠綠嘅顏色形成強烈的色差對比，不禁當成藝術品欣賞。~~~~~~~孵化生活 青山道495號誠信中心1樓2號舖推介菜式：烤

同朋友即興約食飯。又唔想去旺角或者尖沙咀咁多人。所以攞咗個中間位荔枝角原本想去D2嗰邊，不過喺OpenRice發現這餐廳 個名好特別，所以就訂位試吓。不過自己好唔小心，三個人訂咗兩人位 好彩去到都有位 職員好主動介紹佢哋推介菜式 而且為介紹我哋飲手工啤鹹鹹地苦苦地天熱真係好解渴。味道亦都好特別。🥰🥰🥰跟住到佢哋介紹嘅招牌乳鴿，香脆可口，食到唔停手😋😋😋呢個係我鍾意食嘅墨西哥脆餅。幾乎每一間有得嗌嘅餐廳，我都會叫牛油果味香濃配搭脆片食一流 👍🏻👍🏻👍🏻我形容佢為怪味雞翼。唔係唔好食呀，呢個餸最搶手。只係個味道我形容唔到出嚟，但食唔停手🤪🤪🤪 Juice嘅豬峖，覺得啱啱好 咬落去好有口感🤭🤭🤭呢個係佢哋講嘅另一個招牌菜。雞配意大利粉，感覺稍微有點遜色。味道唔夠，而且比較油不過香氣就非常撲鼻😲😲😲

餐廳位於誠信中心1樓，荔枝角站過條馬路行半個街口就到，整體以水泥色為主調，配合各種掛圖，充滿藝術感。慢煮烤脆皮乳鴿FLAVOURED ROASTED PIGEON第一次試以慢煮方式處理既乳鴿，有別於一般燒乳鴿內裹肉質往往變柴既口感，慢煮乳鴿肉質比較鮮嫩，色澤有少許粉紅色，肉汁亦有效鎖住，食落特別多汁。辣肉腸肉醬薄餅PEPPERONI + BOLOGNESE BEEF PIZZA薄餅感覺幾受歡迎，到我叫既時候只餘下一種，雖然有辣肉腸，但整體感覺唔會太辣，反而特別惹味香口，薄餅底餅應該係新鮮手工製作，特別鬆化酥脆。卡邦尼意粉CARBONARA除左有蘑菇、煙肉、溫泉蛋等之外，仲有巴拿馬火腿片放置在上方，值得一提的是意粉醬不會太乾或太濕，剛剛好可以掛汁，有淡淡忌廉味和濃郁嘅芝士味，配搭蛋汁整體口感豐富但和諧。

荔枝角除了是個工廠區之外其實亦有不少鮮為人知的美食，據介紹「孵化生活」店名意指「從無到有，破殼而出」，提供創意料理、酒類飲品、精品咖啡及甜品。以享受生活為主題，環境方面固然亦多一份舒適自在、少一份逼狹局促，以灰白色為主調並配以木系桌椅，空間寬闊。曼谷街頭小食拼盤 ($128)拼盤包括香葉包雞、牛肉串燒、炸蝦春卷及蝦片，香葉包雞以班蘭葉裹住雞件油炸，肉質不算嫩滑但班蘭葉香氣十足；牛肉串燒肥瘦相間，肉味濃郁並可蘸上沙嗲醬；炸蝦春卷及蝦片則勝在鬆脆香口，整體而言質素不過不失。冬蔭公海鮮薄餅 ($168)批底較薄而邊位香脆，加上蝦肉、芝士、細蔥、彩椒等，冬蔭公醬味道酸辣濃郁。香蒜花甲意粉 ($188)上桌時一股蒜香撲鼻而來，入口蒜油香氣濃郁並略帶焦香，花甲份量充裕但當中不少仍未開口，而意粉質感稍軟可更煙韌。

餐廳名孵化生活意指「從無到有，破殼而出」🐣環境簡約舒適，食物比起一般餐廳有特色，今次食咗幾款菜式都令我好滿意。✿ 冬蔭公雞翼 $88好似系最近新推出菜式，冬蔭公香辣味道沾滿雞翼🐔充滿東南亞風味，雞翼用個點心籠裝住相當過癮，好似fusion點心咁😆✿ 本地三黃雞焗西班牙燴飯 $328採用本地三黃雞幾有誠意，三黃雞份量超多，而且焗得好香。Fusion西班牙燴飯🇪🇸燴飯口感juicy，調味剛好，連埋三黃雞食好飽🤰🏻✿ 焗開心果西班牙豬鞍架 $288焗開心果變成碎粒，味道滲入豬鞍當中🐷開心果碎粒食落變得吾似開心果🤣可能同蒜蓉一齊調味，食到明顯蒜香味🧄豬鞍質感厚實，不至於太硬，沾上燒汁系另一種風味。✿ 巴斯克芝士蛋糕 $68見到好多人推介所以試試，試完就知值呢個價錢。表面焦香層燒得香氣十足，芝士部分十分濃郁🧀食得我同朋友好滿足😋

👍🏻一入到去環境好舒服，安靜👍🏻燈光舒服柔和👍🏻訂咗位有張大梳化卡位，坐得好舒服👍🏻周圍嘅佈置有心思👍🏻Nachos 配牛油果正常幾好食，水牛城雞翼都幾好🫠食物份量細，定價與食物價錢份量不匹配，三個女仔每人三百幾蚊都唔係好飽，呢個價錢有好多更好嘅選擇🫠食物質量普通，pizza 似普通急凍pizza翻熱🫠豬手味道正常但份量異常地細🫠海鹽手工啤酒同普通啤酒完全冇分別🫠店員服務和記性有待改善

朋友話過黎荔枝角一定要去「孵化生活」 佢既食物同環境都非常好好近荔枝角地鐵出口. 行5分鐘就到， 呢度環境好舒適 ，孵化生活融合哂西式同創意料理， 除咗環境好 ，食物都好精緻首先來了「黑松露泡沫蘑茹餐湯」層次好豐富,湯底濃郁,泡沫綿密,蘑茹有豐富既口感層次。蒜蓉包好驚喜, 好香脆，配搭非常夾澳洲100日榖飼肉眼扒榖飼肉眼扒五成熟剛剛好， 肉質鮮嫩招牌慢煮西班牙豬鞍架應該是用慢煮的方式烹調，肉質好鮮嫩, 味道很有層次加上蘋果醬酸酸甜甜， 非常夾配住果茶， 酸甜適中好清新咖啡都入口香醇， 層次豐富， 口感順滑呢度真係名副其實城市上面嘅綠洲，喺忙碌嘅工作環境再過嚟食享受一餐， 真係一個身心relax 嘅地方

系荔枝角做完GYM後，系附近揾間西式輕食醫下肚。位於誠信中心#孵化生活 其位置幾近地鐵站，餐牌菜式選擇比一般咖啡店多，，餐廳同時播放輕快歌曲，氣氛格調優雅，侍應服務態度恩勤。黑松露泡沫蘑菇湯 $68由黑松露、蘑菇等等打爛同熬出黎既，飲落芳香馥郁，質感醇厚creamy，顆粒感好有𡁻口，配埋香脆竹炭多士仲正。烤乳鴿 $108一開二熱辣辣上枱，肥瘦都算適中，皮脆肉嫩有汁，估唔到西餐都有乳鴿食，必食推介❤️冬陰公雞翼 $88雞翼即叫即整，誠意十足。雞翼脤卜卜，外皮香脆冬陰味濃，冬陰醬料平均包住每隻雞翼外層，惹味開胃。香蒜花甲意粉 $188花甲嘅份量都唔少架，冇咩沙系個意粉底，應該先以蒜蓉爆香，再加意粉落去煮，表面仲有火箭菜加以調味。啖啖都食到花甲肉，見到幾多人叫呢碟意粉。總結:食物賣相精緻，味道亦有水準，難怪有幾高入座率。

♥️孵化生活 （荔枝角）瑜珈朋友推薦呢間餐廳 話覺得野食唔錯睇過下menu 今日lunch就黎試下～Lunch Set包餐湯/沙律兩個都叫左餐湯係黑松露泡沫蘑菇湯黑松露味濃菇味都好出 飲落細膩 仲配上竹炭蒜蓉包🤤好好食♥️比目魚柳配辣椒蕃茄沙沙比目魚柳肉質好嫩滑 配上我最愛嘅蕃茄 底下仲有啲軟滑嘅薯蓉♥️烤檸檬香草法國春雞皮脆肉嫩嘅春雞 仲配上薯條🍟食落有淡淡檸檬香🥰♥️曼谷小食拼盤有蝦片、牛肉串燒、炸蝦卷、香蘭葉包雞牛肉串燒有驚喜 食落唔會乾 點埋惹味沙嗲醬好正香蘭葉包雞 雞肉大件又juicy 炸物都夠熱夠脆 唔錯野飲叫左西柚果茶 幾清新～

同姨甥女慶祝生日經朋友介紹去咗荔枝角間樓上餐廳慶祝生日呢間店舖交通方便地鐵站行返來只需3分鐘就到位於工廈我相信主力做熟客廣傳口碑！上到去完全是另一個感覺地方寬敞時尚加上侍應殷勤的款待好舒服的感覺 ！於是我哋落單選擇香蒜花甲意粉、焗開心果西班牙漿果豬鞍架、飲品就House wine及紅柚果茶花；最先來是意粉好香蒜蓉味之外又帶有蜆肉的鮮味，而且又唔會太乾身意粉汁好鮮甜，令每條意粉掛上海鮮的鮮味再夾雜着火箭葉令味道再提升真係做得相當出色我好欣賞👍豬鞍架看似乾身其實唔乾還滲出果味因為鋪滿了開心果再蘸上配汁十分滋味當中伴料薯條非常鬆脆，食物質素相當高睇得出廚師用心的製作👍由於意猶未盡再order甜品焦糖燉蛋和Tiramisu好味甜在心頭好嘅食品當然要同朋友分享我會多啲同朋友過來再試其他款式

朋友介绍得知這間西餐廳，名字很特別，很有意思。‘’孵化生活‘’ 簡潔，舒適，有氣泒。午餐的是日餐湯～蘑菇黑松露湯配竹炭蒜蓉多士一個簡單頭盤餐湯，打泡沫上餐，蘑菇味香濃，多士沾湯食，真是好配搭，視覺與味蕾享受熱腾騰的芝士露荀黑松露雜菌意大利飯素食餐廳照顧埋素食人士香濃好味。慢煮西班牙伊比利豬鞍架配焦糖蘋果牛柳絲炒意粉配瑞士汁，牛柳嫩滑，開胃好味比目魚柳配沙沙汁，魚柳有小小魚腥法國燒春雞，皮薄肉厚，可能煮過火，有D 韌餐廳的菜式多元化，食物賣相一流，可飲酒的地方，同時有好味的食物，慶生，朋友聚會，實在是一個好地方。老闆對食物有要求，廚師要對食物質量有堅持。Fine Dining Restaurant

佢lunch time 既餐牌選擇唔算多，有幾款小食同set lunch為主，但價錢都合理佢可揀餐湯或沙律，餐湯係黑松露味既忌廉湯，好飲，同埋佢個餐包塊好好食牛柳絲意粉好味，佢牛柳絲都足料，唔會得d意粉係度薯條同燒春雞，薯條正常發揮，雞就淡味d，佢既sauce唔太濃味，個人希望佢會配另一種醬汁，如泰式辣醬、燒汁。但佢皮係有d位脆脆地，唔錯，幾好食，建議檸檬擠多d汁落隻雞度會更好食，清新。佢墊咗好幾舊菜，西蘭花、南瓜，都正常發揮佢套餐配一杯凍式熱既果茶，我覺得凍既都好飲