孖寶車仔麵

营业中

休息中

跟好朋友係葵涌廣埸行完街又到醫肚既時候，行經這間店被店面的一大碗豉油皇雞脾吸引著，於是決定一試。豉油皇雞脾好細心甘附送一隻透明膠手套可以俾我地拎住食，雞脾夠晒大隻又很夠味，入口十分嫩滑，果然係鎮店小食之一。生菜魚肉和碗仔翅好耐未食過碗翅了，這是熟悉的味道，又足料而且湯底不算太稠綢，內裡的魚肉肉質又夠結實，可惜店內沒有胡椒粉，如配上胡椒粉味道會更好！車仔三餸:白蘿蔔、辣魚蛋和菜肉雲吞配粗麵，可以加腩汁和秘製汁，粗麵軟硬適中，白蘿蔔很清甜，辣魚蛋彈牙又夠味，菜肉雲吞好香麻油味又足料。食車仔麵狂加菜脯是常識吧，辣味菜脯令整個湯底味道提升不小。車仔麵餐還附送凍豆漿，豆漿唔太算又有香濃既豆味。

今日黎到葵芳行街，葵涌廣場，新都會依然係大眾愛到既地方。買完衫，睇完精品，黎到葵涌廣場地下，打算食返個下午茶呢間孖寶車仔麵 人流好多幸好座位都多的服務員姐姐很快就幫我找了兩個位置看完餐牌後，決定叫了一碗車仔麵，兩隻雞脾，麻吉燒來試試3餸既車仔麵 選了蘿蔔，五香肉丁，雞翼蘿蔔炆得好林好入味，沒有渣，做得好好五香肉丁 味道都是五香肉丁的味，但份量都比得多，大大粒的五香肉丁，相信都有5至6粒。五香肉丁味道好濃 令成個麵既湯底都有dd五香肉丁味，令湯底都更香濃雞翼 甜甜的 肉都很林 炆得好入味 完全會令人愈食愈想食下次再來 我一定要叫一份雞翼食 麻吉燒可以選配醬汁或配湯我選了配醬汁醬汁甜甜的 幾得意麻吉燒感覺就是食緊甜甜的芝士魚丸咁入面有超多芝士架 芝士迷一定要黎試下口感幾q彈。。芝士味濃 的確唔錯最後2隻雞脾黎到啦醃得好入味 甜甜又帶點咸既汁 令雞脾啖啖咬下都有濃濃既醬汁味雞肉又嫩滑 有肉汁大啖大啖咬落去感覺好爽呢間餐廳值得讚揚既係 佢會係雞脾碟邊放上一隻手套，比大家可以戴上手套 手持雞脾大啖大啖咁咬 又唔洗怕整污自己既手 整體用餐感覺係。。快靚正

9點幾响葵涌廣場揾食，見到孖寶有位就去試下。孖寶有好多吾同食物選擇，但第一次幫親，當然叫車麵食下。$39三麵套餐包飲品(豆漿或熱飲),點左豬大腸，飛魚子魚蛋腸，同生菜(感覺健康左).由於粗麵賣晒，改叫手打麵，跟秘制汁。豬大腸- 有三大件。卥得好入味，好淋。可以encore如果切細件一口一件會更好！飛魚子魚蛋腸 - 兩大粒。味道似魚肉腸，熱食魚肉腸，試過就算，下次食第二樣生菜- 份量夠 ，夠新鮮。手打麵- 有點似上海干篇麵。豆醬 - 吾太甜，夠豆味，吾錯整體吾錯，可以再光臨。下次要試其他食品

以前下午茶車仔麵$30包飲品，而家$34照食。我必選辣魚旦、豬大腸、雞中翼配秘製汁跟河粉抵在三十幾蚊，三個送都俾足料，魚旦有5粒，好夠辣，係彈牙魚旦，唔係七仔浸到發脹晒的魚旦！ 滷水雞中翼好入味，兩大隻！豬大腸都是滷水味，夠淋夠入味，份量多到食唔晒。蘿蔔靚的季節我會選白蘿蔔，大舊又夠淋。秘製汁或腩汁都一樣很配河粉，我會隨意點。

今日係葵芳收工，見得自己一個，又費事食咁鬼多野，所以就走左去葵涌廣埸搵野食，當我經過呢間野嘅時候，就俾佢嘅香味吸引住，跟住就即刻入去坐低，叫左車仔面食。等左無幾耐，碗車仔面就上枱喇，呢碗麵我叫左手打面，配埋鹵豆腐，面根，雞腎同埋墨魚條。啲面食落真係唔錯，大大條又有口感，其他配菜都唔錯，雞腎以及鹵豆腐整得都算入味，不過可惜整得有啲太油喇，不過整體都算係幾好。

下班後突然想吃一點東西，於是走來孖寶車仔麵來一個下午茶。除了車仔麵外，還有其他的，諸如豬腸粉，生菜魚肉和碗仔翅等等。不過在下還是最想吃的是魚肉碗仔翅。這碗翅似乎是在下久未吃過的，內裡的魚肉結實，沒有胡椒粉，而木耳有點爽口，而且湯底不算太稠綢。在下也喜歡混醬豬腸粉，內裡的辣醬，麻醬和甜醬全部混起來，甜辣味道盡在腸粉之中，可惜麻醬稀少，未能吃得出，而且腸粉不夠滑溜。這兩款街頭小食，已經有段時間沒吃過了，今勻吃一次，只是過下口癮。

同honey尼葵涌廣場行街街，真係好快就消耗晒所有體力，所以除左牛油粟米、魚蛋、牛雜之外，真係要好好坐低，食返d肉類補返d體力，講起肉類，當然唔少得親愛的雞脾啦！豉油皇雞脾15蚊一隻堂食送透明膠手套一隻，可以揸住食咬左一啖先記得影相😜都幾大隻，夠飽肚，味道唔錯，略嫌肉質唔夠滑，但都唔鞋加7蚊有飲品豆漿＆菜蜜都偏淡

早陣子對於孖寶車仔麵的腸粉燒賣，感覺上算是不過不失，不算太好也不算太差，但今次再次來到孖寶，不是要吃腸粉，反而是它的車仔麵。在下的車仔麵有三餸：白蘿蔔，墨魚丸和魚肉條，加上腩汁湯底和油麵，就成了下午茶車仔麵。這三餸車仔麵不算得是上等貨色，墨魚丸和魚肉條口感較為結實，前者欠缺彈牙滑溜，後者沒有加上胡椒粉，已經是好了，不腥。至於白蘿蔔，雖然清甜無渣，但甜度未算強烈；湯底雖加了腩汁，可是味道不算很甜，而且有點味精的感覺。熱奶茶就不堪一擊，莫論回甘度，就連茶味都欠奉，完全沒有像茶記的奶茶般的茶味，只感覺到滑溜而言。在下想也許都未必再試它的奶茶了。

每年拜山後必定一去醫肚的地方孖寶車仔麵，今年也不例外，但估不到食物的質素會變差了不少！絕對失望！妹妹和我也決定這是最後一次幫襯!油渣麵，我每次來都食! 豬油渣本來香脆，即使浸了落湯也有香脆感。但今次非常不同，油渣＂淋pat pat＂，又無油炸香！顏色泡白，好似無炸過一樣! 口感和味道極之差! 點解會變成咁! 手打麵反而沒有大變動，依舊有彈性！湯底淡味了!辣魚蛋也是我們的必食，因他們的秘製辣汁真的很正! 但今次又唔同! 秘製汁變成辣椒油和辣椒干，變成四川味辣魚蛋! 我唔係要這個味wor？超失望! 問個姨姨點解個汁變成咁，佢話：「變咩?無變呀!不嬲都係咁!」聽了後，妹妹和我也很無奈! 我們開始懷疑這是不是我們來開的車仔麵店! 經過這次，妹妹和我要在葵芳另覓「新歡」啦!

是日遊走觀塘完畢，便打道回公司，下班後又感口痕，於是又到葵涌廣場覓食，是晚最想吃的是豬腸粉。還記得在下上星期五才到過上水明記，吃一客豬腸粉，今回到葵涌廣場的開心孖寶，再下一城。早四個月前也曾到訪過，吃過燒賣及腸粉，今回只吃腸粉。不消一會豬腸粉送到，同樣是甜醬麻醬和芝麻大混戰、大混醬，不過辣醬就要了少許。呷一口豬腸粉，三種醬再加芝麻刺激著在下的味蕾，甜辣麻和芝麻一起遊走在在下的口腔，同樣地也可以吃到腸粉的滑溜，這滑溜感當然沒有像明記般的滑溜，可是這腸已經做得不錯了。店舖環境較狹窄，坐也不舒服，但是勝在腸粉都叫做滑，服務也算是稱心了。

今天到開心孖寶吃一個下午茶，完全是在於在下為食。今次吃的不是車仔麵，而是腸粉及魚肉燒賣，因為如果今次吃車仔麵的話，在下相信今日晚飯也可不必吃了，所以只能吃一個輕盈的下午茶。在這裡吃一碟腸粉和魚肉燒賣，在下只貪其腸粉較滑，所以指定了今次要吃的東西。而今次的醬料包括了甜醬，麻醬和芝麻，沒有落辣醬，平時在下都會落辣醬，可以惹味一點，可是為了避免出事，今次一於少落辣醬。魚肉燒賣與在下之前吃的，沒有太大分別，也可以吃到魚肉，不加添任何醬料，也覺得好食，這樣也可以食其原味。由於這是一間小店，所以坐下來並不舒適，但勝在可以坐下來吃街頭小食。

食完左邊那間便走過去右邊這間開心孖寶, 今次要試吓出名的油渣麵, 試食價$17油渣麵是香港獨特的一種麵食, 和魚翅撈飯相比, 油渣麵有種貧窮的意味。 有錢人食豬肉, 窮人就把這些豬皮肥膏炸出油來, 油可以食用也可以作工業用途, 熬煮剩下的殘渣拿來直接食用或入菜。一碗麵除了油渣再加上大量蔥粒、冬菜、冬菇及辣椒油即成。油渣麵, 試食價$17 ... 油渣嗦晒湯汁, 軟腍滑滑, 完全不需要牙關力去咬, 蔥粒、冬菜、冬菇味道很香；但怎也想不到上海麵麵質是絕對爛糊, 放入口裏用脷「妹兩妹」已可化開,化為粗粒, 完全被外觀所欺騙 車仔三餸腸粉 $27 連豆漿或酸梅湯, 味道普通到極!酸梅湯是濃糖甜味, 酸味只有丁點許, 根本不會有酸梅味道為什麽與上次的經驗相差甚遠

時常經過都被那深色帶豔彩油光的滷水雞脾吸引着往往因為時間的不許可而錯過了今天帶着熊大S來葵涌廣場血拼, 順便吃頓下午茶滷水雞脾$15大大隻, 雞脾厚肉, 滷水汁有落甜豉油、花椒、八角, 味道甜甜地, 煮得入味 肥膏入口即溶 雞肉就全熟但肉就驚喜地滑車仔麵$27任選三餸, 熊大S選了牛柏葉,牛肚,豬大腸.米線滑嘟嘟的 牛柏葉像橡筋般似的,爽口彈牙極了 牛肚較軟身,炆得腍滑 豬大腸肉汁鮮甜, 有點豬膏燥味, 也滷得夠味聽到侍應生以婆婆、姐夫等稱呼來叫喚, 看來這是一家窩心的家庭式合作舍

其實呢間野係葵涌廣場都開左一段好長的時間，佢的客量都及得上隔離個間的。油渣麵，我第一次接觸就係呢間野，個時家姐話我知我會未必食，但如果食第一次之後，我就會中2左食...結果，今時今日，係我一個人的時候~ 我都係走左去食呢間的油渣麵。由試食價15蚊(細碗) / 正常價17蚊(大碗)到到而家 試食價17蚊(細碗) / 正常價20蚊(大碗)味道真係有唔同。其實以前未有分店係佢另一邊個時，真心講句，個時係好食dd既~而家就hea左少少，可能之前有雜誌訪問過啦。而家碗野油渣的料減少了好多，之前姚都係成碗滿滿的。冬菇就由切薄片變到得返半粒。手打麵都係依然唔錯~ 豆漿($5)都係咁啦~ 無咩特別。唔係唔再黎食既，但係個價錢其實都唔平，不如上返上面的食米線好了了。

此處我不是第一次吃了,上次覺得在衛生方面應該改善一下.呢一日行經此處,見咁多人食,再一次座低試下啦!服務態度都唔錯架!叫了一碗車仔麵,有雞翼啦,(肥咗少少啦,D汁都幾多油,食物味道都OK架,的確好過上次.杯嘢飲就多送小動物一隻添,衛生程度就真係一D都無改善囉!