孖啡 (已結業)

今日又入廸廸尼搵愛人，但今日要搵間餐廳做下手工，cafe 係不二選，我仲係開飯訂位，唔錯！去到可以即刻入座，睇完大家想食乜之後，隻佬話要加錢飲龍蝦湯，佢話入門口就聞到好香...但原來得陣味，飲落冇咩味道，淡左d！我叫左 玫瑰花洋甘菊，黎 CAFE 梗係要嘆下茶，但佢茶葉不足，幾淡下 !! 可以落少少就好，呢個價錢可以再做好D !! 士多啤奶昔 / LATTE黑松露野菌意大利飯，我食左一啖，黑松露味唔夠 ... 但好強芝士，兩者拎唔到平衡點，俾芝士搶左 !! 飯反而煮得幾好，軟硬適中 !! 入面都幾多什菌。我既 ALL DAY BREAKFAST，睇落去好大份，不過我知我食完唔會飽 !! 哈哈 ~~ 有茄汁豆 / 煙三文魚 / 薯餅 / 腸仔 / 炒蛋 / 牛角酥 / 一堆沙律菜 !!軟殼蟹黑松露意大利麵，呢個我冇食過，但朋友話都係唔夠黑松露味 !! 但個蟹炸到好鬆脆 ~ 佢話唔錯 !!

係旺角做完嘢有點攰，上左去孖啡唞一唞嘆個美味晚餐。餐廳環境吾錯，有二人檯，又有大檯適合三五知己相聚，輕輕鬆鬆聽住音樂，悠閒舒服。set dinner有多款選擇餐湯濃稠適中，湯上拉花增加餐湯幼滑感，美道不錯。香蒜白酒蜆意大利粉，份量也不少。而時間上掌握得很好，蜆肉吾會過熟太韌，意大利粉吾會太硬，仍保持煙靭有口感。香蒜加白酒煮蜆做出的汁鮮，比較白汁忌廉少一份油膩，不會令意大利粉太糊太黏乎乎的。最後慢慢飲埋杯檸水，所有疲勞盡消。

早幾日去左行旺角，估唔到原來都幾多人想去呢頭附近食嘢、因為我記得呢度成幢大廈都係嗰啲Coffee shop，難怪咁多人排隊。今次我就揀咗一間叫做孖啡的餐廳。上到去，俾我種感覺好似睇緊示範單位， 原來仲有條路系通去另一邊，應該話成層都係呢一間餐廳，客人數目都幾多下！叫咗呢款嘢食，有龍蝦天使麵，黑松露飯，天使麵味道啱啱好， 唔會太咸， 而且麵條亦都唔會太硬，黑松露飯果然好有黑松露的味道， 不過飯粒略嫌粗，其實係我鍾意淋啲啫！😝呢度最啱就係一班人上嚟一齊吹下水，傾吓計咁，嘢食價錢非常親民，埋單$300有找！#孖啡

今次就同個fd嗌左兩個set餐，分別叫左人氣之選既黑松露野菌意大利飯(HKD122)同龍蝦汁海鮮天使麵(HKD126)。首先黑松露野菌意大利飯幾creamy, 黑松露味都幾出，不過同朋友share會好啲因爲都幾膩😂至於個龍蝦汁海鮮天使麵就不過不失啦！set餐包一杯價值HKD38既特飲，over左就補返差額，我地就叫左杯Oreo奶昔同蜜桃綠茶，朋友表示蜜桃綠茶好似藥水味😂而我杯oreo奶昔都值得一讚，幾濃👍🏻另外叫咗香蒜雞翼小食，蒜味較為遜色。值得推介就係朱古力心太軟雪糕，蛋糕外皮幾脆，朱古力蛋糕配雲呢拿雪糕，冰火交溶，不錯不錯👍🏻放假約下朋友gathering，食飯傾下計再玩board games，孖啡都係一個好選擇😊

朋友請食lunchdouble cafe ，價錢公道，又坐得舒服，適合想靜靜地傾下計ice mocha 咖啡同朱古力份量唔錯，唔會搶去其中一方嘅味道藍莓果茶，未飲已聞到淡淡果香，飲落有清香嘅果香加上茶香，味道不錯蒜香雞亦，炸得非常香脆，肉質香滑香口焗豬扒飯，份量充足，大大塊豬扒，肉質鬆軟，茄汁亦香口德國腸早餐，三款德國腸加上薯餅，牛角麵包同焗豆，沙律菜，份量足，香腸亦各有特式，牛角包牛油味香濃鬆軟食物同環境都唔錯，又一high tea好地方

今日約左朋友傾野，想搵個靜靜地，又可以比我地坐耐啲既地方。於是我哋就book咗間樓上Cafe。本身我哋係book咗孖啡，但想到去個職員就帶咗我哋落三樓去咗第二間Cafe，可能係同一間集團。芝士吞拿魚焗天使麵啱啱焗起，熱辣辣。吞拿魚嘅份量十分多，但係啲吞拿魚就一嚿嚿咁，最好就應該拆絲咁就方便得多啦。忌廉煙三文魚意粉忌廉有濃濃的奶味，每一條意粉都沾滿忌廉汁。但煙三文魚就有啲吾新鮮，顏色偏深色，食落啲肉質就黴黴地。

假日陪好友到旺角格仔舖取貨後，又到樓上 Cafe 平歎下午茶，兼玩Board game~全日早餐，賣相吸引，煙三文魚，煙燻香口，令人回味; 薯餅，外脆內軟，薯味濃厚，蘸上茄汁，酸甜醒胃; 紐倫堡腸，肉香四溢; 茄汁焗豆，甜香味美; 炒蛋，蛋香嫩滑，入口即化; 沙律，爽脆新鮮，淋上胡麻醬汁，酸香味美; 牛角酥，熱辣香口，酥脆滋味~炸魚薯條，份量十足，即叫即炸，炸魚外層金黃香脆，內層魚肉軟嫩香口，不油不膩不乾身，簡單加點檸檬汁及沙律醬，倍添滋味~ 配菜薯條香脆薯味濃~薄荷朱古力，頂層薄荷忌廉香軟細滑，底層朱古力入口順滑，富濃厚朱古力及奶味，甜度適中，味美可口~熱檸水，隨餐奉送，溫熱暖和，富清淡的檸檬味，簡單止渴。每人一百元便可平歎優質美食及特飲，又可玩最愛的波子棋，與好友度過一個既滋味又開心的下午茶時光~

相約朋友到旺角進食午餐 樓上Cafe都係一個唔錯嘅選擇Lunch set 選擇都有十款之多 幾十蚊一位已經有交易 點餐可以禁鐘 幾方便All day breakfast 好睇又好食 薯餅香脆 香腸juicy 藍莓果茶 酸酸甜甜 夠大壼 滿滿的欣賞佢有蠟燭熱住 全程keep到溫度鮮茄焗豬扒飯足料大碟 豬扒軟滑 Cold mocha 靚靚外表 濃香朱古力咖啡味 加了個小食 蒜香雞翼香脆熱辣辣聽住輕快音樂 食完同朋友坐下 傾下計 完全唔會有俾人趕走既壓力

復活節長假期前夕，難得可以同老公一齊收早，所以我地就約左上樓上Cafe 傾下計食下野，因為Café果度好多其實餐廳，到食飯時間上樓都要排下隊等Lift～餐廳位置唔太難搵，樓上座位唔算好多，不過座位之間比較闊落，感覺好舒服，不過假日前來到就全個Café 坐滿，好多都一大班人上來聚聚，人多感覺比較嘈雜了一點！餐廳主要以食西餐為主，分別有前菜、小食、意大利粉、意大利飯、扒類同埋甜品等等⋯⋯款式十分多樣化，仲有晚餐選擇，價格比較化算！黑松露薯條 HK$54先叫左個黑松露薯條，份量都唔少，薯條炸得金黃香脆，上面灑了一些香草作調味，而重點就是個黑松露醬，又幾惹味，同時加附上茄汁，等下等下就好快食哂！芝士焗吞拿魚天使麵 HK$94呢個焗天使麵都好快上碟，表面佈滿了芝士焗得少少微焦，芝士唔算太重口味，而天使麵唔會煮到好淋身，配上吞拿魚剛好，味道唔會太咸！香蒜白酒蜆意大利粉 $102 而這份香蒜白酒蜆意大利粉等左大半小時先黎，追左好幾次，感覺唔係太好～不過呢份意粉味道算不錯，蒜味夠惹味，蜆都幾多，加上三色椒成碟野更加色彩繽紛啦！晚餐都加錢轉左飲熱柚子蜜（晚餐+HK$2）及朱古力奶昔（晚餐+$14），味道

今日做足功課, 睇咗唔少review先揀定呢間Double Cafe。 餐廳好近地鐵站, 地點一流！食物方面, 晚餐有十款選擇, 以意粉為主。煙三文魚意大利烘包$112麵包經過烤烘, 形成鬆脆外層, 一口咬下內裏卻十分鬆軟, 加上爽口蔬菜同煙三文魚, 合拍得令人喜出望外。香蒜白酒蜆意大利粉$108 意粉硬度適中, 蒜香味突出, 唔鐘意濃稠醬汁嘅朋友, 揀呢個意粉就夠晒輕宜。朱古力心太軟雪糕+$35心太軟新鮮焗起, 切開脆脆外層, 熱騰騰嘅朱古力漿馬上湧出, 加上冰凍雪糕球, 冷熱交熾, 令人一試愛上。Cheesecake +$28 cheesecake質感綿密, 甜度適中, 唔會過膩。 套餐包$38飲品一杯 青蘋果綠茶、蜜桃綠茶埋單平均$150/位, 有主食、飲品, 仲有埋甜品, 坐得耐亦無被催促埋單嘅感覺, 值得推介！

對上一次到孖啡已經有一段時間，還是很懷念它的意大利飯。可惜今晚的飢餓指數不高，輕盈餐會比較適合點吧！😎😎點了兩份套餐，一份是煙三文魚意大利烘飽餐 $112，有三文治、沙律及薯條，還包括一杯$38的飲品。伴碟的沙律菜水，也毫不馬虎，蔬菜新鮮，配芝麻醬味道和諧。三文治的厚麵包外脆內軟，質感很好。煙三文魚的份量都不少，幾乎啖啖也能品嚐到三文魚。😙薯條新鮮炸起，熱辣辣的，外脆內軟，瞬間吃光。青蘋果綠茶 $38，蘋果味道清新，令人煩惱盡消。全日早餐 $132，同樣跟有飲品一杯。早餐陣容鼎盛，有香腸、薯餅、牛角飽、茄汁豆、炒滑蛋、麻醬沙律及煙三文魚。滑蛋夠滑漏，薯餅夠香脆，煙三文魚就是軟綿綿的咸香。蜂蜜綠茶，淡淡的蜂蜜味道，潤喉消滯。跟餐追加了朱古力心太軟雪糕 $35，雪糕略淡，朱古力略甜，加起來就剛剛好 😎人均消費百鬆點，還有大量遊戲供應，簡直就是青少年聚會天堂。

食過返尋味指數：🌕🌕🌗🌑🌑最近經常係旺角出沒，行街、休閒、加搵食。都食過唔少cafe，哩間印象中好耐之前都有食過下。一黎到就好有親切感，覺得同之前一樣冇變過，就有種懷舊嘅思念感，想當年 xxxxx。見到隔離左右傾偈都傾得好開心，好明顯哩度係一個好適合朋友傾偈聚會嘅地方，因為張張都係sofa位，非常寬敞闊落，坐得舒服得黎又唔會覺得傾偈好嘈雜。野食味道都算唔錯，水牛雞翼酸酸甜甜，一口氣食曬。都叫左個意粉同，薯條，一人一杯野飲。薯條同野飲大大份，真係傾到口乾都未食曬。總結，係非常適合朋友上黎傾偈嘅！

第一次同朋友一齊黎食飯，上到去其實都算係樓上coffee，就好似好耐以前好興成班朋友上去d coffee到玩下Board game上到黎環境都唔錯，食物價錢會貴少少，因為都預左叫野食，叫杯野飲之後成晚座係到傾計，岩曬d中學同學聚會，或者成班同事講事非😂咁我叫左碟脆炸軟殻蟹，味道都唔錯幾好味，同日本餐廳食到既一樣味。之後再叫再左個全日早餐，一時心血來潮想試下晚餐食全日早餐，睇埋相都幾吸引，唯獨是個面包唔算好食。仲有杯特飲叫月亮🌙，但其實係荔枝沙冰，滿滿一大杯，可以慢慢一路傾計一路飲都唔怕口乾。到最後叫返個甜品心太軟，簡直一流，雪糕正常，但個心太軟外層脆脆，食落又再多一個層次，同平時食到晚心太軟，黎個有加分👍

今天在沙田工作完畢，到了旺角附近，便想起了這裡，正是下午茶時間，已經有幾檯年青少女在聚會，不竟這裡都以青年為主。芝士焗肉醬天使麵$58，芝士已經溶入蕃茄汁內，加上肉醬，酸酸甜甜，很快就把天使麵秒殺。先茄焗豬扒飯$64，豬扒是厚切的，肉汁豐富，蕃茄汁味道適中，就算等了十五分鐘都是值得的。女王玫瑰、檸檬、乳酪沙冰，跟餐補$14，玫瑰🌹花的味道十足，配合檸檬🍋和乳酪的味道，是夏天解渴首選。朱古力咖啡，跟餐補$6，朱古力和咖啡，味道比例適中，我是最愛的。芝士蛋糕跟餐，另加$28，芝士味道濃厚，吃完這個甜已經很滿足了。

同朋友去左呢間樓上cafe食tea，諗住試下新野，見佢都幾多人like就試下。餐牌都幾多選擇，有意粉、焗飯、小食等等，咖啡同特飲都有好多款式。我同朋友分別叫左個焗豬扒飯同海鮮意粉，飲品方面叫左Cafe Latte同 mocha。老實講，如果從食物飲品質表我未必會再黎。先講豬扒飯，份量係合理既，但飯未熟透，咬落係仲有啲生硬感，豬扒有啲過左龍，太乾。好小可有呢類型店舖整得衰過連鎖式上巿快餐店既焗豬。海鮮意粉方面，粉量合理，麵質一般，時間掌握唔太準，急凍蝦處理得唔係太好，食落感覺好差。飲品方面，咖啡理應係重點。先講latte，有拉花，但質量較薄身，再經個waitress 震都手埋咁將杯野降落，倒瀉之餘，更留意到拉花的奶應該未處理得好好。mocha就用左cream同朱古力醬係面，個人覺得問題都係喺咖啡度，飲落質量唔夠，口感薄左啲。服務方面，按鐘就會黎，但就無講清楚邊啲係openrice book台五折優惠有cover。另外，都係個句，無野做就唔好當眾按電話，感覺唔太好。理境方面，係闊落既，但梳化坐得唔舒服，好難食野同傾計。總結就係，我覺得佢地比較適合一啲讀緊書既學生哥，如果想搵個地方飲野食野同