嫲嫲辣辣 (已結業)

跟喜歡吃川菜的同事又到嫲嫲辣辣晚餐，先來自選香辣干鍋，可以選擇自己喜歡的材料，此煱包括：午餐肉、肥腸、炸豆腐、東風螺、大蜆、海蝦、雞腎、雞件。試過不同的干煱，最喜歡這裡乾乾的煱，每一樣都炒得乾身，一點都不油淋淋，每樣材料都處理得很到位也很入味。選了中辣很過癮，推推推毛血旺比中辣干鍋辣了一點點。湯汁好吃，同事連汁也喝掉。熗炒蒿荀絲，炒得爽口惹味，少少辣，但就有點油。香辣孜然排骨，炸得脆香，配辣椒大蔥一起炒，很香口，佐酒好選擇！整體而言：環境：小店設計實用又撲實，坐位比較窄食物：干煱一流，是暫時吃過的干煱最出色的。其他小菜還ok，但還是干鍋類最值得推薦。服務：沒有多餘服務，但快速靈活

今日同朋友一齊去尖沙咀厚福街食飯，本身諗住都係食下啲普通野，但係見到呢間叫<嫲嫲辣辣>嘅四川野，就好想試下（因為好想試下同我地之前係四川食嘅有冇好大分別）。嫲嫲干鍋：麻辣小辣其實我已經唔係好記得入面炒左啲咩！羊肉、土豆條、䈑筍、薯粉, etc.其實<嫲嫲辣辣>食嘅係干鍋，係源自於四川，大陸又會叫香鍋。入面主要係瘋狂多嘅辣椒、花椒、乾椒，八角、丁香等辣料、香料。同埋我鐘意食干鍋係因為好辣，但唔會好油，因為炒到好乾身，唔會有油感覺。而且味道會豐富啲，有層次啲，而且炒得非常乾身，唔會有過油感覺。酸菜魚因為佢新鮮整出黎所以好熱，但我就覺得佢唔夠辣（我記得好似冇分大辣小辣微辣個啲）我個人覺得佢碟碟都幾大份（當然一碟都唔平喇！）所以我建議多幾個人一齊黎食好啲，可以一齊試多幾個餸。

呢排天氣潮濕，成日冇咩胃口，突然好想食辣野，今日終於試咗嫲嫲辣辣😋😋😋佢地午餐係自己選唔同嘅餸，又可自己選不同味道，我就揀咗蝦，菜，雞件等等，份量好多，送飯食真係一流！溫馨提示：如果食午餐的要早點來排隊，因為呢間餐廳唔算大，好多人㗎！

上次食完覺得好好食，有好多樣嘢都嘗試，終於搵到機會，再次作出挑戰，上次覺得唔係太夠辣，今次決定越級一嚟就火爆辣，聞吓陣味已經好香麻，雲南香菜全部都黐住花椒，一口食落去非常之麻，辣味之後慢慢滲出，感覺非常之過癮，萵筍一樣有相同狀態，清新爽脆之外，包括有一種辣嘅狠勁，雞件黐住嘅花椒，相比之下冇咁多，對比起冇咁辣，感覺非常之滿足，其實食食下覺得有啲辣過頭，但係比我發現原來呢啲香料撈飯係非常之好食，冒險王可以挑戰一下

今日行過尖沙咀，突然好想食辣野所以就入左呢間鋪頭望下個菜單原來食干撈，我點左幾樣餸，墨丸，午餐肉，芽菜，肥腸泥到既時候巳經係好香，有d麻辣味，我叫既係中辣配料餸菜正正常常，想讚賞它既係佢個調味，雖然係中辣但唔會食到好辛苦，辣中帶有小小甜味，而且係會越食越醒神再加上唔會做到好濕，抄得岩岩好，夠曬乾身，送飯一流總括泥講，喜歡食辣既可以一試

今日約左舊同事食 lunch。口淡淡，於是搵野沫刺激下味蕾先。叫左個 娃娃菜+金錢肚+羊肉+豆漿今次揀左中辣，未食落口都覺得可能要狂灌水 。但食落口ok wo 食到落口翻食指數

響呢啲抗疫嘅日子，只可以買外賣返公司食不嬲都好鍾意去呢一度食午餐，因為真係抵食夾大件40-50響尖沙咀食，仲可以包埋罐裝嘢飲，其實都幾難搵！我最鍾意食佢嘅麻婆豆腐飯麻婆豆腐份量好多，唔會話唔夠餸撈飯。 加上佢有少少麻辣味，超級容易入口！ 豆腐亦都夠嫩滑！配搭上我最鍾意嘅忌廉，簡直係一絕！

上次行過已經好想食，所以專登出嚟食，喺門口睇都花多眼亂，見到有一個蟹，但係lunch食好似有啲誇張，咁樣就叫一個lunch set試試先，下次先夜晚再過嚟食個蟹，首先選擇鍋底麻辣，中辣，再選擇三款配菜：蝦，秋葵，萵筍，仲包括一罐汽水或豆漿及白飯，說時遲那時快汽水送上我面前，相隔唔夠5分鐘干鍋已經煮好，連同白飯一齊送上，首先要讚白飯係香米好香飯味，蝦做到脆可以連殼食，秋葵嫩綠新鮮，萵筍完全切晒粗纖維，中辣唔算好辣，下次我會叫大辣試吓

嫲嫲辣辣尖沙咀厚福街9號地下J1號舖自己本身一向都鍾意食辣，所以間唔中都會黎呢間餐廳幫襯，呢到食咩嘢睇個餐廳名而經好清楚啦😜尖沙咀既厚福街出名多餐廳，如果你鐘意食辣既下次經過一定要試下🤚我地7點鬆d黎到都仲可以即時入座唔使等位，但都坐左起碼8成食客，所以建議大家都係預早少少黎搵位比較好D我哋最鍾意嘅就係呢度嘅自選鍋可以就住自己唔同既喜好揀配料😍同埋辣既程度揀唔同既鍋底，不過要留意自選配料最少要揀4款，最多唔可以超過12款鍋底有4款可以選擇，分別係香辣麻辣孜然葱爆之後再揀微辣，小辣，中辣，大辣或火爆辣最後我地決定左揀麻辣(微辣) 配料方面揀左肥腸，豬頸肉，豬腩肉同埋萵筍，待應送黎既時候既已經聞到陣陣既辣味因為係即炒， 所以熱辣辣好惹味蓮藕仔炒雞腎另外， 我哋仲叫咗呢個小菜，第一次食咁細嘅蓮藕仔好得意，而啲雞腎都好爽口

第二次黎食 上次叫中辣 辣得濟所以今次叫返小辣我地叫左香辣 我地叫咗好多配料（最少要叫四款的)雞好入味 好多都係雞脾肉👍🏻👍🏻肥腸真係好肥 下次唔會再叫東風螺有少少怪味 上次吖大蜆又係咁 呢度啲海鮮真係麻麻😅薯粉同金菇好吸味 辣得好爽😂😂😂

🔺香辣什錦海鮮干鍋 $288 +土豆條 $27 +雲南花菜$26口味: 麻辣 中辣 😋指數: 🌕🌕🌕🌕🌗◻️第二次食 就叫左中辣 對於 我呢個辣妹子(食得辣的妹子🙈)黎講 好夠味 食得好爽 辣味夠 麻可以再重手多小小除左東風螺 其他都好夠味 有一粒東風螺係壞左 壞左嘅海鮮會有啲腥臭味 🔺自選干鍋 (最少叫4款配菜最多12) 我地揀左 5樣 👉🏻 雞軟骨 $31 肥腸 $36 四季豆 $25 土豆條 $27 雲南花菜 $26 👈🏻口味: 麻辣 微辣 +$25😋指數: 🌕🌕🌕🌕🌑◻️我第一次食同行有朋友怕辣所以 點一個微辣試下 可能因為唔夠辣所以覺得好咸 另外雞軟骨💥必點💥真心正 👍🏻🔶兩次都有叫雲南花菜同埋土豆條 因為真係好好食吖特別係💥💥花菜💥💥必點 🔶兩次都有點到白飯 佢地嘅飯粒粒分明 軟熟 我幾喜歡個口感

嫲嫲辣辣，一家位於食店林立的尖沙咀厚福街的川菜餐廳，在這條競爭激烈的食街上，能夠穩佔一個席位，甚至是經常排隊就一定有其原因的。好啦，今日就試下佢啦！入到去，門口剛剛有兩個位，咁就即刻坐低啦，望下個menu, 幾特別，個干鍋好似車仔麵咁自選wor, 無論係辣度，辣的種類都係自由選擇，剔下剔下唔覺意真係會剔爆左呀！哈哈！咁我地兩個人就選擇左麻辣少辣，菜就選擇左大尾魷，肥腸，豆腐干同埋蓮藕仔，另外就再叫多一碟蒜蓉炒西蘭花。等左一陣，菜黎啦，色香味俱全，好香，我地就即刻食啦，肥腸先走一走油，皮脆內軟，再加埋辣味就真係無得頂，豆腐干就稍為差少少啦，因為入唔到味，但係都有豆干嘅口感。大尾魷就非常襯啦，本身魷魚嘅鮮味再加上麻辣就真係無得輸呀！最後蓮藕仔係一個絕對有驚喜嘅食材，真係好入味，而且好爽口，食落去唔似蓮藕，推介。我地每人都食左碗半飯呀。而個蒜蓉西蘭花就普普通通啦，建議試返川菜，會再幫襯。

3/5 味道唔錯，用料一般，但價錢有點貴。Taste okay, ingredients not too good, but a little pricy.(中英雙語，Chinese and English review)突然間好想食大陸啲辣野，就上網搵到呢一間餐廳。入去睇Menu嘅時候先發現基本上大陸嘅辣野佢都有做，下次可以試吓其他。今日就先試干鍋，小辣都有啲勁，都算香嘅，味道都八九成似。先睇羊肉，冇切斷，醃到軟淋淋冇哂口感，好在羊味都還可以。紅薯粉係厚身粗嗰隻，用力點下底嗰啲紅油無咁乾會好食啲。苦瓜無問題，幾夾。大腸就炸到又乾又韌。後點嘅酸辣蓮藕仔好好食，非常爽脆，係泡椒嗰隻酸辣我嘅最愛。仲有啲飯好乾(Google translate)Suddenly I really want to eat the spicy food like on the mainland, so I went to a restaurant on the Internet. When I entered the Menu, I found that basically all the hot spicy

今天試了尖沙咀厚褔街的川菜，因為門口也有些人排隊，感覺應該不會中伏。餐廳位置比較小，走道窄，出入其實也不太方便，但己經進到店內就不防一試。我們點了水煮田雞，老干媽炒飯，京蔥羊肉。水煮田雞的肉是霉的，吃下去有些怪味道，田雞是不新鮮才會有的味道，份量也非常小，只是碗比較大，田雞大概是半隻吧。京蔥羊肉只有京蔥好吃，羊肉一般般，真心做得不好，感覺是隨便、沒有用心做的餐廳。服務也是非常不好，侍應是看到你舉手都會裝看不見，最誇張的是隔壁桌子的對話，侍應端了一份干鍋給他們，他們反應剛剛有說不要芫茜，侍應著他們自已把芫茜挑出來就好，神服務態度，我真是服了。

Lunch時再次喺厚福街搵食醫肚，今次黎到呢間比佢門口個名”嫲嫲辣辣”四大隻字吸引住，就上前去睇睇。其實未入到鋪都已感受到佢地點解叫嫲嫲辣辣，喺窗口望入鋪頭見到食客面前都擺滿一碗碗充滿著辣椒既菜式。我試左佢地既干鍋客飯，自己自問唔算係食得辣既人，所以只係叫左麻辣小辣，並揀左娃娃菜，炸枝竹及羊肉三個餸。餸菜十分入味。成碗野同麻辣味道都十分搭配，而好彩成碗辣椒食起來並無想像中咁辣，配白飯食起上黎相當惹味。而有少少挑剔既係餸菜在濃味之餘都有少少油膩，自己一個食哂成碗可能會有點滯，如菜式可再減少一點油膩感會更佳。