媽咪雞蛋仔 (已搬遷) 新店位置

話說有日放學心血來潮〝捉左個fd去食兩間係openrice排好前既紅磡區食店~~晏晝食完小籠包〝放學捉埋佢去食媽咪~~~心思思想食好耐〝但又唔係成日經過〝入正題〝我同佢兩條友仔都係叫左朱古力味因為之前睇openrice好多人都話朱古力味好正〝等左5mins左右有得食喇(因為唔係太多人)熱辣辣~~搣都廢事〝就咁一啖咬落去〝超幸福既感覺!!又脆又熱〝但係個心好軟〝正!!下次會試白芝麻〝p.s.朱古力如果冇咁甜既會仲好,收錢個姐姐幾nice=)

收到個籌:都嚇一跳.咁誇張,但可能非繁忙時間,好快有得食.呢個服務都唔錯,拿住個籌去其他地方食住嘢,轉頭返去拿都得,聰明!!!媽咪鷄蛋仔夠香,有些少脆口,蛋味都足.我和尊尊都認為"如果落重料將d蛋漿完全注滿係粒鷄蛋仔度就excellent",當然價錢要倍升,但半底咁賣,但價錢照舊,就最good,大家都食到好滿足(夠晒材料)的鷄蛋仔.但還是喜歡小時候係南山村小販檔食過的花型足料鷄蛋仔多d,那些簡直係人間美食.可惜個小販已無做多年.希望第時可以食到花型脹卜卜鷄蛋仔喇.

放工無聊都會約埋朋友由尖沙咀行去食! 每次都people mountain people sea例必要等最少10分鐘。 我試過原味 ($10) 同粒粒朱古力 ($12) 平時一直所有都堅持原味至好但發覺原來佢呢度個"粒粒朱古力" 係好味d架....好香濃

After our burger bitesssss at Si Sun, we walked to this Lovely Mummy Pancake. There are three choices of flavour - original, chocolates and WHITE SESAME!SESAME is my first time to hear. So we order this and see if it is really SESAMYYY!haha! As that night was so HOT, we had to order drinks, me of Lemon Juice (Coz just last one) and my friend of Lemon Tea. Lemon Juice is no doubt my must-drink list. Not sweet but beyond freshness!Here we go, White sesame! We first tried and thought not really str

剛巧今天路經此地，一試完馳名漢堡包後，知道附近另有一檔同樣算出名的雞蛋仔店，吃一個漢堡包又不會太胞，當然要一試這裡的雞蛋仔啦～雖然都認為原味才能試出雞蛋仔的真功夫，不過原味又比較大路常嚐，就買了一底同樣喜歡的芝麻味喇～簡簡單單一底雞蛋仔最重要當然是材料啦，此處的雞蛋仔還算頗有蛋味，而經風機、窿窿紙袋幫助後也顯得很脆口，而灑面的芝麻亦是不錯的點綴增加它的香口感，又不會蓋過它的風頭總括是小弟暫時食過最滿意的"店舖式"雞蛋仔呢～有機會往北角試試其他馳名店吧！

一向都唔好食雞蛋仔，不過見到粒粒朱古力雞蛋仔好似幾得意，我又未試過呢d味就買左個黎食。每一粒都有粒粒朱古力，唔會好甜，同雞蛋仔好match，好好味，個口感幾得意。佢仲有芝麻味，不過我未試過，食過粒粒朱古力雞蛋仔之後，唔想試其他，一試就愛上。

去時新時, 成日見附近間好似五金店門口成日有好多人.. 之後朋友話有間嘢賣雞蛋仔, 好多人食.. 啊, 原來係呢間.. 好細心啊, 用派籌形式, 仲有電視睇, 雞蛋仔整起仲會用風機吹下佢, 等佢脆啲.. 第一次試原味.. 噢, 脆就係脆, 不過, 對我嚟講, 偏甜, 比一路以來食過0既雞蛋仔都要甜, 我諗係加咗好多糖.. 唔咁我口味.. 因為佢有賣朱古力味, 咁我估啲雞蛋仔'將'會同啲朱古力夾啲.. 所以, 第二次我試朱古力.. 果然係夾.... 不過, 因為太甜... 無興趣買第三次.. 但係, 佢啲夾餅好好味...

落左火車，發現個肚有d餓，於是o係附近搵野食~一見個店名，我記得o係呢度好多人過好味，咁我又去試下先~原來佢岩岩開門咋！我要左個原味~ 店主(應該係)一邊整一邊同我傾計，我話好多人話你地整得好好味，所以我黎試架！佢地態度勁nice，又好笑容!~間店舖勁多hello kitty野!!整好既時候，佢用佢果部機吹一吹果底雞蛋仔，叫我睇住熱得滯tim！一放入口，果然冇試錯，味道唔淡，岩岩好，而且佢中間係實心，外面係脆既，有少少食cake既感覺，呢d真係我鍾意既，希望下次再試chocolate果個味~

同男友食完好失望既聯記,就即刻仆去隔離買雞蛋仔買既時候已經唔少人等緊,買左個粒粒朱古力雞蛋仔等既時間比我想像中快好多,幾分鐘就有粒粒朱古力雞蛋仔 : 新鮮既雞蛋仔熱辣辣,個邊好脆,一摵直情會碎朱古力粒似乎係黑朱古力,食落無cheap朱古力味!雞蛋仔又香又鬆軟真係好食到暈!

久聞媽咪大名，但每次經過這裏都人山人海，只能望門輕歎。是日清明，我和少奶見門外只有幾個人等候，所以敢才有試下這裏的雞蛋仔。點了個原味雞蛋仔，$10一底，雖然這裏的雞蛋仔並非炭燒，但見阿姐非常有禮，製作時也很用心，就連紙袋也打了孔，防止水氣凝結令雞蛋仔變冧，單是這份誠意已值加分。等了十分鐘便有得食。新鮮熱辣，粒粒雞蛋仔之間的邊位是脆脆的，一咬下去，外脆內軟，而且有陣陣蛋香，味道也不會過甜，正合我和少奶的口味。果然名不虛傳！好，下次一定要試下芝麻味。註：在我們之前在一對父母帶著兩位小朋友來光顧，阿姐將兩底雞蛋仔交給兩位小朋友，還笑盈盈的叫他們拿穩，小朋友也高高興興的接著。不過，阿姐一轉身，這位媽咪便一手搶了兒子手上的雞蛋仔，然後自己邊行邊食。可憐小朋友一路喊著：「俾d我呀，俾d我呀…」原來雞蛋仔的吸引力可以大到咁…汗。

之前係紅磡食咗碗上海面,我真係未食碗上海面咁細碗,一路都想再食嘢,無心插柳之下經過,見到有人排隊,相信都唔會出事比錢後佢會比個牌仔等等的時候有幾本雜誌可供解悶我要咗個原味,我覺得味先見真功夫唔知係咪特登一面燶d一面無咁燶一食之下脆得哩有d硬,食到上咢損咗,但裡面都算鬆軟,不過真係太甜唔知下次可唔可以叫少甜

很少來紅磡，所以多個月前看了素素豬的食評後一直也吃不到。今日來到紅磡，當然不會放過要一試吧。五日復活節假期，時新沒有開門，這兒的人數也不算多，只有十多人在等侯。因為即叫即做，所以要等上十分鐘。我有時間，就慢慢看製作過程。媽咪的雞蛋仔與北角的一樣厚身，不同的是這兒的外層不再是硬，是薄薄脆身，咬下去又帶點軟，所以可以咬完一口還很整齊。心中在讚每一粒中間也是很合心水的一半軟身糕狀帶煙韌，一半空心。咬下去最令人感動是朱古力粒粒不規則地溶在雞蛋仔芯上，朱古力味濃郁，有些像流心朱古力，與蛋香相輔相成，想不到在蛋糕店常見的朱古力條條與蛋漿一同烤製後會有這樣神奇的效果，果然一山還有一山高。不得不說這個雞蛋仔凍得很快，大家要襯熱快快吃，因為我要照相，吃到一半就凍了，一凍皮就淋，感覺會差很多的。支持媽咪努力開分店，不用我牽腸掛肚。

During the Easter holidays, I went searching for nice snacks and food near Tsim Sha Tsui area, and one of the snacks I tried is one of Hong Kong's renowned local snack -- eggette. And Hung Hom has the best!Basic knowledge tells us that all you need are 2 steel eggette mould, some sort of egg and flour mixture and electricity and there you have the eggette you want. Well, yes and no. Like a lot of food critics say, "The simpler it seems, the better skills it takes." Eggette doesn't seem much diff

今日經過見唔多人排隊即刻去試啦, 平時真係勁多人等家, 今次叫左個原味雞蛋仔同格仔餅原味雞蛋仔 - 同北角雞蛋仔比, 呢到啲雞蛋仔入口唔算脆, 北角雞蛋仔勝, 但呢間媽味雞蛋仔既雞蛋仔呢入口係甜味既, 唔單止係蛋同奶味, 好難形容果種感覺, 只可大概話比大家知呢到既雞蛋仔唔差格仔餅 - 雖然外表係濃左少少, 但入口好脆口, 最鍾意就係裡面多醬啦, 有啲雞蛋仔舖慳住慳住唔落咁多家, 但呢到就落勁多, 漏晒出去個紙袋到總結 : 好味啦! 但如果多人排隊, 等候時間真係好鬼耐啦!

去睇eason之前特登去左好出名個間雞旦仔舖度買個朱古力雞旦仔黎食.點知.....去度門口見到十幾人係度等都怕等得耐,入去問個妹妹佢話要等十分鐘見山長水遠出到黎又仲有半個鐘先開場就買一底黎試下,又點知.....