媽咪雞蛋仔 (已結業)

之前朋友講極我都唔肯信，話媽咪雞蛋仔係最好食，食過之後我又明白佢講什麼啦。佢蛋味濃但依然保持到脆卜卜的口感，又唔會有油油的感覺。第一次我食左咖啡味，一來唔係好多地方有咖啡味二來佢咖啡味真係好好好香，好似食左成粒咖啡落肚咁，外皮仲好脆，真心正！有次我又同朋友再食多次，今次佢就叫左個金莎醬榛子粒格仔餅（第二度未見過呢個配搭），最加分係連個餅底都可以選擇味道，由於我想食綠茶雞蛋仔，所以我就選擇咖啡味格仔餅。開頭我好擔心又金金莎醬榛子粒會好Heavy（本身不喜歡朱古力），唔知係咪因為咖啡餅底，整體感覺唔會好漏，反而因為金莎少少威化，口感仲豐富，而且格仔餅本身都好鬆軟，唔錯唔錯。綠茶雞蛋仔都好食，雖然綠茶味入口唔算濃，但都食到綠茶味，而且送過來的時候都會聞到綠茶香，不過你問我的話，下次我都係食咖啡味～～而且我想講尖沙咀呢間真係唔同D，一來口味多過旺角店好多，二來佢溫度口感調解比較好，所以大家想食就去尖沙咀呢間啦～～

真係好耐冇食媽咪雞蛋仔... 之前都係係紅磡個間到食而家分店愈開愈多，既然嚟到就順路食埋haha以前都係嗌兩隻味，e.g. 抹茶加朱古力，今次就淨係嗌咗「抹茶」味(my favourite haha)，一嚟平d，二嚟個frd 係咁話加朱古力/紅豆會好甜。因為星期6 都好多人幫襯，所以都等咗陣先有，食落真係好重抹茶味，不過好甜嘅我決定下次要嗌返加咗朱古力嘅

帶妹妹的小孩去澳門玩了幾天，可能因為天氣太熱，而且不熟澳門道地小食，那幾天小食只吃了一家明記牛雜大排檔，所以小朋友們便吵著要早點回香港，因為香港似乎處處有美食。不知從何時開始，香港雞蛋仔居然也跟台灣紅豆餅一樣，成了當地必吃街頭美食，甚至從2016年開始連續兩年成為香港米芝蓮指南推介街頭小吃！第一次在香港吃雞蛋仔是在尖沙咀彌敦道美麗華商場過去一點點那家利強記北角雞蛋仔，朋友說有他小時候的味道，外皮脆脆，裡面熱熱軟軟，也不知起源於何時何處，總之都是每個人的小時候就有了，並且說應是從西方的waffle變種而來，這個說法倒是蠻統一蠻一致的。台灣其實也有類似的雞蛋糕，但口味完全不同，台灣雞蛋糕無論裡外講究的都是鬆軟好吃，並且是一粒粒分開的，跟香港一整版的賣不一樣。而且近年來除了傳統的橢圓形，還多了各式各樣的卡通造型，跟香港百年不變的圓圓造型完全不同。口味上，台灣雞蛋糕口味上基本上還是維持一成不變的傳統原味，倒是另一樣紅豆餅跟香港雞蛋仔一樣，研發創新了很多不同的新口味。那天一回到香港，本來想帶他們去最出名的北角雞蛋仔，或西灣河太安樓那家雞蛋仔專賣店，但因為天氣太熱不想跑那麼遠，便帶他們就近去尖沙咀

一向好鍾意媽咪雞蛋仔嘅粒粒朱古力雞蛋仔，每次經過都會買黎食。但無論咩時段經過，都有唔少人等，好多仲係操普通話嘅遊客黎。雞蛋仔做到米芝蓮指南推介街頭小吃，勁。今日同朋友經過媽咪雞蛋仔，朋友提議不如試吓雙重芝士雞蛋仔$30，係最貴嗰款黎。買完飛要等十幾分鐘，幸好今日唔係太熱。攞到手係好熱辣辣。但一食入口就好失望，極輕微芝士味，所謂雙重芝士睇唔出，亦食唔出。事實上同普通雞蛋仔分別不大，好在佢夠熱，外皮脆口，味道都尚可。下次都係粒粒朱古力雞蛋仔算啦!

落三隻芝士, 不過由於有chedder cheese, 其他cheese味道輕易就被chedder cheese嘅濃味及鹹味遮蓋左, 改其他芝士就好啦由於落芝士, 會比一般雞蛋仔油DD不過芝士迷點都應該一試嘅試過好多隻口味之後, 我都係會推薦朱古力粒粒

之前見媽咪雞蛋仔係米芝蓮推介街頭小食榜上有名已經想試好耐, 難得去到尖沙咀梗係要試下啦😆媽咪雞蛋仔可以選嘅口味有好多, 可惜我個胃得1個, 最後決定揀紫薯口味😋味道真係唔錯👍外脆內軟, 饀都好滿, 下次會再黎試其他口味😄

今日落雨冇乜人走去排隊買就中伏! 等佢整等咗10分鐘, 結果係一餅淋嘅雞蛋仔, 仲要收18蚊餅, 一啲都冇雞蛋仔應有嘅外脆內軟, 完全係童年崩壞嘅好例子。如果你鐘意淋嘅雞蛋仔不妨一試, 但睇睇價錢真係要諗清楚。

好多朋友講要試 ,講到要朝聖咁款~有日路過黃埔見到 ,明明啱啱先嚮對面泰國餐廳食完,即刻拖實寶寶衝過對面街買一底些牙試吓,講到食雞蛋仔,識食梗係食原味啦,講到底～基本功唔好,其他講到天花龍鳯都係假~排左幾個就到我地,都唔算等好耐,熱辣辣,香氣撲鼻,咬落去軟棉棉,口感幾好!就係記得尼個味同感覺,今日嚮尖沙咀,知道尼度都有店,所以帶姐姐去買,諗住回味吓,見到有張A4彩卡貼住有紫薯同粟子味,所以諗住叫尼兩個味黎試吓,但紫薯味已經售罄,(嗰時大概夜晚9點半),而粟子話得番一底,所以叫左粟子同原味,但係一拎上手唔熱,仲林滋滋... ...一食個口感就好似食緊林左既窩夫咁,omg... .佢既栗子味唔突出,無咩栗子香味,又唔係粒粒雞蛋仔入面都有栗子,$29真係有啲唔值,同原味無分別,原味都係$18... ... 爭成$11,嗰吓真係有啲眼凸!建議中午時段光顧,接近收鋪時段就...你懂的~

復活節假期一早去左尖沙咀幫朋友做的野。期間只係今左杯茶。兩點幾係尖沙咀 就一定係搵的街頭小食啦！當我搵食期間 見到好多人聚集。原來有幾間少食點。因為太餓，所以選擇左雞蛋仔。因為雞蛋仔夠飽肚！大約等了十分鐘 就可以有得食。味道 微甜有蛋香 最like 係個味係清甜 唔係死甜及假甜。同感覺有心做真係好多人等 我見佢係認真吹下底雞蛋仔先俾客人 保證雞蛋仔鬆脆。 價錢就比係貴左少少 可能佢有米芝蓮啦！ 另外都應該係手工費 因為要的紫薯同蕃薯平均分報係每一粒！下次 要試芝士味。

本人於尖東返工，時不時收工都想買底格仔餅頂肚咁就當然會諗起「媽咪雞蛋仔」啦雖然次次都要等好耐，但都堅持好野值得等最近幾次都買唔到，一係就勁燶一係就話機壞左尋日拜山路經荃灣見到都有你地品牌，都好多人排隊今日終於可以買黎食唔駛點排隊，店員都好殷勤，仲雙手俾飛我話「麻煩你等一等」！嘩嘩！今時今日要咁嘅服務質素睇怕都難搵，值得讚等左5分鐘左右就有得食大大件、外脆內軟，仲要好足料，我終於搵返「媽咪」嘅味道喇寫向度係好希望你地可以睇到，我地一路支持、幫襯，唔好因為名氣大左就忽略顧客至上的精神呀，食物嘅品質都好重要架希望下次再寫會係話尖沙咀媽咪終於做返好好食嘅格仔餅啦

行過K11見到呢間火紅雞蛋仔店，見未食飯，個肚有位試下佢今次試左芝麻肉鬆味Order左要等10分鐘就有味道不過不失，肉鬆可能比粉䊢整濕左，變左一舊舊唔鬆化， 芝麻多D會香口好多下次會試下其他口味

琴日買左原味雞蛋仔，買左夾餅，點知都係失望到極點~首先原味雞蛋仔，呀姐話唔洗等即刻有，點知一d都唔熱，淋到不能再淋，原全無外脆內軟既感覺，口感差到爆，味道唔係差，不過淋到咁，食2粒都唔想食~下次真係寧願等囉唯有期待一下夾餅，點知仲失望，我都唔明，等左超過15分鐘，一拎上手又係唔熱，入面濃到好似塗左朱古力醬咁，成個餅我只係食到未溶既牛油，完全食唔到有其他醬，整左咁耐，仲整得咁難食，真係寧願佢唔好賣~完全失望

之前公司請左媽咪雞蛋仔上黎比員工食試左個朱古力雞蛋仔都覺得唔錯唔會死甜禁岩黎尖沙咀有野做就心思思再黎試下佢個格仔餅當日星期四下就5點鐘等緊野食既人多 但買就唔洗排隊個位收錢長髮扎辮阿姐態度真係一級惡劣又寸咀希望老闆正視下呢個問題都明白佢地做野累但生意唔係禁做我會因為呢一次經驗而唔想再番黎食亦都會提議公司唔好再搵佢地講番個格仔餅價錢20蚊 尖沙咀黎講算平等左十五分鐘左右拿上手只係微暖 食落去都係「林啤啤」醬料亦比得比較孤寒 一個好差既經驗諗唔到點解我要再番黎

本身好鍾意媽咪雞蛋仔嘅夾餅同雞蛋仔，外脆內軟又熱辣辣！紅磡店未搬前成日買來食😋點知最近兩次喺尖沙咀店嘅夾餅，都好失望，唔會再試⋯個幾月前，個夾餅係燶嘅⋯黑到仲以為出咗朱古力味😑同收銀姐姐講，佢即時掉咗換過一件俾我，仲話整夾餅嗰個店員，點可以畀件咁燶畀客人。換咗嗰件有水準，好味！星期四6pm左右，咁岩路過，梗係買夾餅啦！門口已經企滿俾咗錢等拎嘢食嘅人。等左15分鐘，滿心歡喜拎住個夾餅，點知⋯平心而論，今次冇上次咁燶啦！但係凍嘅⋯硬嘅⋯乾嘅⋯就連裏面嘅牛油都係凍嘅一pat⋯我等左個夾餅15分鐘，但我估個夾餅已經等左我起碼60分鐘⋯好有衝動想同收銀姐姐講但係⋯唔想浪費食物算啦⋯當＄20買個教訓，唔會再喺尖沙咀店買夾餅或者下次去返紅磡店至好買🤔

食完晚餐還覺得"口痕痕"，準備行去訊號山公園捉PKM時，見到媽咪雞蛋仔門口竟沒人排隊，我當然馬上拉着男朋友去買一底開心"些牙"一番原本我還躊躇着究竟食紫薯口味還是栗子口味，但想起前幾天才食過芋頭口味的雞蛋仔，因此還是選擇了咸食的芝士雞蛋仔。九點多時下單到可以取雞蛋仔過程5分鐘左右，簡直是快靚正！雞蛋仔外脆內軟，芝士咸香味尚算突出，以芝士的鹹味來"吊出"蛋漿的雞蛋香兩者相輔相成，十分合襯，芝士愛好者也會一試愛上！