媄鐵板燒日本料理和酒

营业中

休息中

復活節假期喺香港繼續搵好野食上網見呢間新開嘅鐵板燒都幾吸引去海港城行完街就去試下揀左每位1580嘅dinner omakase有8款時令海鮮仲有鵝肝和牛 價錢都好合理先上個柚子醋沙律開下胃茶碗蒸加左龍蝦汁又滑又鮮甜 前菜已經有驚喜馬友一夜干馬友魚好滑 一夜干令魚味更濃 連埋紫蘇葉食仲正魚皮煎得好脆 好似食緊薯片咁配左用日本米煮嘅粥清清味蕾 口感好綿 長崎縣華漣蠔 勁厚肉肥美 好creamy好鮮甜 不愧係日本一北海道帶子 燒到外面微焦嘅帶子 外脆內嫩簡單用七味粉做調味再用紫菜夾住食 又鮮又脆口日本大蜆 呢道好有西日fusion感覺加左煙肉西蘭花薯茸 配鮮甜大蜆真係好夾象拔蚌象拔蚌鮮甜爽口 加左烏魚子淡雪鹽帶出鮮味炙燒過令烏魚子香氣更突出金鯛立鱗燒 魚鱗勁香脆 魚肉又鮮又嫩滑配日本小青椒酸菜汁 好似食緊日式酸菜魚嘅感覺 青森縣蝦夷鮑 勁新鮮 上左鐵板都繼續掙扎肉質柔軟彈牙 配鮑魚肝醬一齊食仲好味西澳龍蝦原隻新鮮龍蝦 睇住師傅三幾下手勢就將佢拆肉咁新鮮梗係鮮甜爽口啦再加埋蟲草花龍蝦頭膏煮嘅醬汁 美味level up鐵板燒鵝肝 睇住一邊煎一邊出油 最後成品外脆內嫩唔太油膩加左蘋果醋 連埋香脆多

假期約咗朋友出尖沙咀食omakase鐵板燒日本料理, 一邊傾下計, 一邊睇住廚師為我地精心製作。呢間位於中港中心7樓鐵板燒, 環境很舒服, 座位不多, 約15-16個, 由於新開業, 人客不多, 環境好乾淨, 而且地方好夠大唔會好焗促, 又唔會食完成身油煙味。㕑師很有禮貌及很健談, 一坐低師傅就很細心問清楚在坐各人有冇嘢唔食或食物敏感。員工好快照顧每一位食客的需要。今次食Lunch $880一位, 包括時令海鮮5款, 鵝肝, 西班牙黑豚肉。每個套餐奉送沙律前菜, 炒飯, 炒野菜, 味噌湯, 甜品。厨師開始會介紹今日嘅食物材料, 一邊煮, 一邊介紹調味, 煮法。今餐主打海鮮, 今日有生猛鮑魚, 大蝦, 螺, 生蠔, 甘鯛魚; 每款都非常美味, 菜式很持别, 前菜菜沙律🥗, 配以士多啤梨藍梅, 酸酸甜甜令人好開胃。龍蝦汁蒸蛋第一道菜香濃嫩滑嘅蒸蛋🥚, 入口瞬間溶化, 蒸好蛋後加上用龍蝦膏及其他調味煮成嘅汁舖面, 再加上食用花點綴, 賣相味道一流。煎大蝦球大蝦🦐先起咗個蝦頭, 膏, 蝦身; 蝦頭煎香備用, 攞去廚房煮味噌湯。蝦膏用其他調味料整好連同煎好嘅蝦肉再炒埋齊上碟。香味濃郁, 調味只有

難得有一天的假期，下午lunch約咗家人一起試呢間新開嘅鐵板燒，一入去的環境很舒服，座位不多，由於新店試業中，人客不多，㕑師很有禮貌及很健談，其他員工都非常好的服務，食物很有水準，一路食厨師會介紹食物的材料和調味，主打係海鮮，我們點了Lunch Omakase, 當日有生猛鮑魚，大蝦，帆立貝，螺，鵝肝，魚和牛，每人款都非常美味，菜式很持别，魚係用油炸至魚鳞很脆然後再配酸菜魚,汁，帶子加入魚子，相信未來日子都會再來品嘗。

餐廳新開無耐，環境好乾淨、而且地方好夠大唔會好焗促，更加唔會食完成身油煙味🙈今次食左Lunch廚師發板，$880一位，已經有齊鮑魚、帶子、白子、鵝肝、大蝦、燒魚等等既食材🙌🏻第一次食鐵板燒白子，外脆內軟，再加左少少避風塘香料調味，真係好好食🥰鵝肝上有少少芒果，中和油膩感食埋大蝦、鮑魚呢d已經好飽🤣 之後仲有炒飯、炒雜菜，飽足全日🥳肉類方面因為我唔食牛，所以揀左豬、同行朋友揀左牛肉，朋友覺得牛肉好食d，肉味好濃，而且師傅手勢都好好，唔會整得過熟

延續高質鐵板燒Omakase おまかせ Part I內容雪魚白籽明太子蛋黃醬廚師將雪魚白籽煎香，微焦的外層帶有一陣焦香，內裹的精華鮮糯如綿。再以伴以明太子蛋黃醬，令整道菜式油而不膩。北海道蝦夷鮑配鮑魚肝醬廚師先是稍為燙熟鮑魚，更易拆殼，待半熟後再加水蒸焗，盡量保留鮑魚柔嫩彈牙口感。以鮑魚肝臟煮成醬汁，配合上鮑魚一齊食，真的一試難忘。甘鯛魚立鱗燒師傅先將魚皮炸脆，魚鱗瞬即豎立翹起，之後再煎魚肉，魚肉肉質嫩滑，配以一個酸酸甜甜有檸檬香嘅醬汁，味道清新，還帶出魚的鮮味。西澳龍蝦配龍蝦汁澳蝦非常新鮮，一直在動，師傅將龍蝦放上鐵板，手起刀落輕而易舉將龍蝦肉取出。用牛油香煎過既龍蝦肉鮮甜彈牙，混合龍蝦頭內龍蝦羔煮成既汁，使龍蝦的味道更上一層樓。澳洲M7和牛澳洲M7和牛煎至5成熟，肉質軟腍，肉汁豐富，簡單加上海鹽及Wasabi ，就能帶出濃濃的和牛味道。鹿兒島五花腩廚師將鹿兒島五花腩慢慢煎香，外層鬆脆香口，肉質鮮嫩多汁，滿嘴充滿着豬油香味，非常邪惡。香煎鵝肝這道菜又係一道考驗廚師的菜式，火喉必須控制得好好，不可過熟。這裡廚師就處理得非常好，皮脆內軟，入口即溶，鵝油充滿口腔內，味道濃郁，配以蘋果蓉一齊

28/2/2023一班朋友帶我光顧位於尖沙咀廣東道的媄鐵板燒日本料理和酒，我係第一次去依間媄鐵板燒食晚餐，以我所知開業不久，但絕對係好有驚喜既一餐，令人有賓至如歸的感覺。一坐低師傅就很細心的問清楚在坐各人有冇嘢唔食或食物敏感。侍應勤快照顧每一位食客的需要，廚師細心講解每一道菜的特色及食法，材料新鮮，每道菜的食材處理得一絲不苟，火喉剛剛好。廚師上菜速度亦合適，讓每一位食客都有足夠時間慢慢品嚐每一道菜式，絕不會有未食完第一道菜，就急着上第二道菜的情況。食鐵板燒最怕既係食材唔新鮮，火喉控制不佳，令食物過熟，以至食物失去原有鮮味，口感不佳。這一餐，完全沒有出現以上問題，每道菜都處理得很好。這間餐廳主打Omakase，所以沒有餐牌。首先，前菜沙律，配以士多啤梨，酸酸甜甜令人胃口大開。黑松露蒸蛋濃郁的黑松露配上香濃嫩滑的蒸蛋，入口瞬間溶化，但口中還一直保留着松露的香味。長崎縣小長井蒸蠔配黑魚子醬這個小長井蒸蠔，廚師蒸蠔的時間，掌握到位，因此蒸蠔鮮甜無比，再配以黑魚子醬，味蕾大滿足。鹽焗山口縣黑梅貝因在坐有朋友唔食蠔，廚師就安排另一道菜鹽焗山口縣黑梅貝，朋友話只需鹽調味，這個黑梅貝就已經鮮味十足，無