娘惹廚房 (已結業)

不停哦哦哦話要食GadoGado已經數星期~~但總是忙得沒有法子~最後唯有練習前在屯門吃唯一的娘惹菜~~星期三近七點的時候只有一兩檯客~服務好到加零一~~已經良久沒有來~但服務還是真心的熱誠款待~~見有兩個二人餐~但我倆可省卻湯水飲品不要~就決定散叫自已想吃的加多加多[$3x] : 功夫不多的印尼傳統沙律~分成四個section~豆角~豆卜~椰菜~芽菜~中間放有薯仔和兩小件烚蛋~再淋上沙嗲醬即成~~每間店都會有自家調配的秘方~所以醬汁才是全道沙律的主體所在~~這裡的沙嗲醬沒有太多粗花生粒~較為smooth~但食味尚算香濃~但都會有點膩~~面層鋪著的蝦片在小比意識到的時候已經淋了~浪費了tim~巴東牛肉 [$4x] : 正宗的巴東牛肉汁醬都應該充份吸收~但慢慢微調至香港人愛吃的多汁口味也不錯~雖然menu上示有點辣~但實際辣勁微之微~牛腩件炆得入味香濃~醬汁帶點椰奶的甜甜味道~拌飯首選蕉葉梅子燒烏頭 [$78] : 一坐低就不停推介的燒烏頭~~自已也是愛魚之人~就要了一條試試~~怎料這個比Gado Gado只是遲一兩分鐘上桌~令人覺得有種酒樓’冬瓜盅’ge感覺~要快d sell晒~~失落

此間娘惹都算係地道印尼+星加坡餐廳. 因隔離小曼谷(泰國菜)長期多客,再加上此間剛開張冇耐, 所以不用等...2位入座. 參豆檸檬炒豬扒根 46好味! 用香矛, 蔥, 參豆, 紅椒炒...味道包含甜,酸,辣.. 豬扒根爽口而入味娘惹荷葉飯 42有荷葉香味... 用黃薑粉 +海鮮黎蒸...飯既口感軟綿而細小... 用其他餸汁黎送... 真係"good fit"娘惹燒雞半隻45一定要叫... 用野味既沙爹汁鋪上面...雞肉燒得外脆內軟.. 肉離骨但又非常juicy...串燒牛半打25星加坡式串燒... 小小的一串... 牛肉燒得入味唔乾...熱辣辣... 用黎蘸既黑醬油同串燒配合得恰到好處!有加一服務費+每人一粒免費薑糖 (唔痴牙) 用黎辟味因各款食物味濃...真細心可以再encore!

其實想好耐...但冇咩動力...不過到最近O係OPENRICE睇到個食評,同BF湊巧提議去食,就決定去試下!!!點左好多野食但印象最深係~~~ 巴東牛肉!!!因為我對牛肉係麻麻,但呢度煮得好好食,令我食指大動!!仲有個鹽燒虎蝦!!話就話係鹽燒,但重加左好似柚皮既野,令個汁酸酸地,正!!!一定會再去!!!最後一定要讚既係..個樓面姐姐!!!真係令人有賓至如歸既感覺,好有禮貌!!!

其實地方唔係好大, 但係環境唔錯, 個侍應好有禮貌我估佢唔係香港人唔知係咪印尼人呢.食物方面巴東牛肉 - 個個都話好食就一定要試la係lee到既招牌菜黎ga.真係好淋好入口個汗好香娘惹炒時菜(芥蘭) - 一到枱真係勁香呀..不過食落就咸左少少囉.但真係好香.煙鴨胸黃薑飯 - 個鴨胸好好味..但d黃薑飯就唔夠香.可以再好d.總括黎講係好味..會再去食. 同埋d碟頭都幾大ga..2個人絕對係好夠飽..最後叫埋杯青檸梳打唔錯唔錯起碼唔會好甜先.因為尋日情人節仲送左2粒糖tim..夜晚雖然有加一但我仲比左tips tim..真係d服務真係好好呀..香港好少有ga la

我好鍾意呢間食店....第一不是因食物而红.是因禮貌...前二次....俾好評都要因禮貌...食物係好.末到回味.今次食物都進步....100分啦.我食完3個鍾仲有香味係個口.有人說佢係印尼店無辣野食...呢次印尼加辣.辣到眼都紅....好惹味,大大碟好香....黃薑飯又正...飯有淡淡薑味....的料好香.的鷄肉好林.好好食.豆苗......份量多.不知怎樣煑...香到爭食....鷄肉串的鷄肉好滑,個汁點左好香.....條魚.我一個人食左......包二層葉,葉的香味.....落左魚度,呢間店現在不止禮貌值得回味,環境,食物都回味

又是一餐令人好滿意的晚飯。雖然係星期五，但沒有想像中多人。一去到已經有位。餐廳姐姐好快就給了我們兩杯水，又為我們介紹餐廳的招牌菜。可能因為那天較冷，她介紹我們吃黃薑飯，我們又點了巴東牛肉、炒蕃薯苗和串燒。巴東牛肉煮得好淋，好鬆化。串燒雖然沒甚麼特別，但也很美味。而她介紹的黃薑飯就更是全晚之最。圍住飯的菜有牛肉、雞翼、蝦片、魚乾還有兩件炸物。(但我不曉得那是甚麼)。魚乾甜甜黏黏的，好像韓食的前菜，好好味。而雞翼呢......好特別，但又不懂形容。牛肉一樣煮得很淋，我估係巴東牛肉來的。至於個飯味，好香薑味，不過略嫌不夠熱。兩個人吃，吃到飽飽的，好滿足。而且餐廳的姐姐和伯伯都好有禮貌，服務好好。一流。

這天睡得很晏,醒來已是應該吃晚飯的時候,不同走太遠,所以選擇附近的餐廳好了bb在openrice找餐廳,而我決定吃印尼菜,因為未吃過正宗的印尼菜!這間店面積不算,有六張四人檯.但店裡人手好像不足,站在門口良久都沒有招待,2個人要等三張飛,等得都不算久我們點了加多加多- 娘惹特製的醬,甜甜的,加有新鮮牛油果及熟雞蛋,生菜,和薯仔配搭起來不錯印尼什錦飯- 有略嫌配料太少.但每一款配菜味道也很好吃,特別是薯餅!)娘惹炒時菜- 個醬汁甜甜的,蠻好吃雞肉串燒- 最沒特色的一個餸吧..好像街邊的串燒-__-"飲品方面bb點了他認為味道較保險的百香果茶,而我則喜歡試新的東西,所以點了牛奶玫瑰梳打(杯野黎到時bb用一些"覺得我會後悔"的眼神看著我,結果是我覺得超好飲!!!)味道就是有玫瑰的牛奶+梳打,真的推介可以試試另外侍應都很nice,而且價錢合理,也算便宜>>加分加分

未試過娘惹印尼菜, 姑且一試 同男友叫左二人餐及海鮮湯揀左炒菜心, 印尼炒飯, 沙爹雞及巴東牛D好大碟, 足夠三個人食 炒飯D料好多, 幾香口沙爹雞唔會燒到好乾, 巴東牛好腍, 好入味 由於座位有限, 如果要試就早D啦

見openrice comment 都講得呢間野咁好,一於就同老公去試下.岩岩去到唔算多人,但之後就愈來愈多 不過未至於隔離果間咁誇張. 第一次去到,唔知有咩好食. 一於問下果個靚姐姐. 佢介紹左荷葉焗鯖魚/黃薑飯同埋糯米酒煮雞. 佢真係無介紹錯. 條魚同埋個飯真係好好食. 而個糯米酒煮雞食完即刻熱曬. 真係好得. 而且價錢又唔貴. 所以下次一定搵埋媽咪老豆一齊去食. 最重要係個佢地既服務態度真係好好 ~ 就算點忙都係笑住 ~ 正 下次我一定會記得影相.

我的第100篇食評後,我會寫2次以上的店係我極力推介.而我希望俾到意見大家娘惹印尼菜一定要推介俾大家服務今時今日多客左.個姐姐仲好好笑容,一個人應付人客.仲要好有心機介紹的菜..環境就唔錯,至少坐得舒服...食物叫左條燒魚.好新鮮.甜的肉.飯都唔辣.惹味.....雖然食物不是100分....但呢間店最少有東西給人回味......我仲講笑....如果佢開間大的......對泰國菜有影響嗎?

加多加多沙律, 係網上推介必食既菜色, 個人認為一般, 未去到"必食"階段牛雞肉串燒各半打, D牛肉好肥呀! 一咬落去成口油....醬燒骨, 好食, 好入味, 全晚最好食既一個餸!娘惹印尼燒雞, 賣相比較...佢D醬汁整到好似X咁(大家明嫁啦).... 但味道係OK既! 肉都幾滑!印尼炒飯, 幾好, 炒得幾乾身幾均勻, 有水準之作炒蕃薯苗(冇影相), 好內冇食過蕃薯苗, 而家好多餐廳都冇賣喇!!總括黎講係OK既! 價錢又唔係好貴, 可以接受!環境就逼夾D, 但D阿姐幾好禮貌, 又夠笑容!有機會會再食, 不過要唔使等位先會囉~ !

2人餐B $148加多加多沙律有好多爽脆蔬菜, 青瓜, 薯仔, 芽菜, 豆角... 淋上沙爹醬, 美味非常豬肉串燒半打肉質唔錯, 沙爹醬多d就best巴東牛肉醬汁香濃, 牛腩夠稔印尼炒麵似豉汁王炒麵, 味道唔錯, 內有豆腐乾, 好好味椰果玫瑰梳打 +$5 玫瑰味好重牛奶玫瑰梳打 +$5 質感係忌廉加鮮奶咁, 只係由忌廉味, 變為玫瑰味, 我較歡喜這杯, 上枱時, 杯飲品內上面是白色, 下面是紅色, 要 mix 埋, 變左粉紅色就可以飲得 侍應小姐very nice, 態度好, 又親切

今次第一次黎試..記得開張初期冇乜人食所以唔敢黎...後來睇左食評見好多人讚黎試試..果然又平又好味下次會再帶其他人黎食原先冇叫二人餐..點知點下點下d野食發覺跟個餐一樣..但最後串燒冇黎.埋單149.貴過set一蚊..不過已然好飽 加多加多沙律甜甜地幾好味,入面有薯仔,芽菜,青瓜同豆角,d蝦片都好好味啊!!印尼炒飯即叫即炒,小小辣夠乾身.加埋d肉碎好惹味巴東牛肉呢個比較濃味,一定要配飯食,多肥膏個幾件林d,其他個d有點痴牙玫瑰椰果梳打幾好飲p.s人人都讚個姐姐service好好..係真嫁!佢真係勁勁勁好禮貌

嗌左個二人餐, 應該都系呢間店既招牌菜加多加多salad有烚蛋, 豆角, 芽菜同薯仔...蘸左d 沙嗲汁...個汁好香花生味...幾開胃芭東牛肉不用多說, 下面各位既評語同我一樣, 肉腍但有肉味, 其實我吾知個汁系有咩料o系入面, 不過好濃同甜甜地, 送白飯果然一流, 不過份量少左d有個吾知咩名既雞soup入面有d芽菜同肉C, 個湯好濃雞味但吾會too salty, 不過吾夠熱+兩杯野飲個女waitress笑容好好食完先發現...點解話食印尼野..竟然個餐一樣辣既野食都無既-0-不過甘既價錢同質素值得我再黎r

最近幾有食神, 遇上的都是不俗的食店, 最近就去試了一間幾好的印尼店, 食店附近又多停車場, 揸車去好方便。週末晚上很多人, 要等一會才有位, 店內環境很企理, 店員態度服務都很好。我們點了$148 二人餐, 這個餐基本上可吃到我們想試的食物 加多加多: 老公很好, 在炒菜和他不吃的加多加多之間, 讓我試這個印尼特式沙律, 有很多蔬菜, 醬汁味道好特別好重味, 好食, 但好易漏。 印尼串燒: 加$4 可試齊雞牛豬三款肉, 肉質不錯, 三款都好味, 但細串了一點。 巴東牛肉: 用牛腩肉做, 醬汁味好重, 味道OK, 但無峇里咁好食。 印尼炒飯: 炒飯粒粒分明, 好香口, 我覺得此店飯類水準頗高。 餐飲: 有兩杯飲品, 老公要可樂, 我就加 $5 要了青檸梳打, 好飲。 黃薑飯: 除餐外我們還點多一份黃薑飯試試, 店員真的無介紹錯, 數全晚最好食的就是這店員極力推介在星期六日才有的黃薑飯, 真的很好吃, 比峇里弄得更出色, 推介值得一試。此店晚上收得很早, 10:30pm 收舖, 十點左右便last order 及不接客人, 食友們要留意。打電話訂枱是仍然需要照平常walk in 客排隊等