娘惹廚房 (已結業)

青善街一帶有不少特色食店，只是跟屯市始終有段步程，只會偶爾來到這小區尋味。娘惹廚房是較常光顧的一家，說地道當不及印尼餐廳，但在屯門區也算是很有特色。星期日下午前來吃午餐，水準卻是比以往失色不少，感覺娘惹廚房是味道不再了。時值假期午市的客人不算多，這附近一帶食肆競爭是愈來愈激烈了，沒有午市套餐只有單點餐牌也有一定影響。反正這天只是路過午飯而已，基本上能吃飽就好，沒有套餐也是問題不大。午餐還是簡單一碗湯麵就好，娘惹雞絲湯麵湯面浮着一層紅彤彤的辣油，賣相和味道都像極了泰式冬蔭公。酸酸辣辣的湯底配上海油麵，主角雞絲不多，除撒上點細碎蝦片增添地道特色外，就是平淡無奇的冬蔭公油麵吧！老公點了巴東牛肉，假日沒有套餐關係需要另配白飯。牛肉炆得鬆軟稔滑，黑醬油少了香料的味道，只是單一的濃甜，同樣是欠缺特色，水準無疑了退步了。娘惹廚房唯一不變的是價錢，二人的午餐只是$133。娘惹廚房雖未能維持以往的一貫水準，但還能堅持不加一這點確是值得欣賞的。

由細到大屯門都是邊境區域，給人的感覺是1. 有牛，2. 遠，3. 沒特色，根本沒有晃子吸引別人到此一遊，但其實對我而言，屯門的美食就如未被琢磨的寶石，單講牛腩牛雜已經好吃過_記太多，而有一間店我特別想為它發聲的是一間我的中學飯堂，一直水準如一的印尼食店—娘惹廚房，前幾天，我同幾位舊同學又來懷緬一下。娘惹必食推介: 峇峇炒飯, 炒得香口的飯粒，飯粒滿是惹味的醬料，醬料帶著點點微辣，美味極了，加上一隻燶邊煎蛋，甘香帶脆的蛋白邊加上濃郁蛋汁，拌飯一流！巴東牛肉飯，也是另一招牌，醬汁不像咖喱般帶辛味，卻又是濃郁，而牛肉燜得夠淋，食下食下只怕飯太少，不夠過癮。最後是炆豬肉飯，令人又愛又恨的五花腩，五五的脂肉分佈，別看汁是稀稀的，是多麼有香味而不會過咸，豬肉又吸收了汁的精華，無論色水同味道都是外表像是平凡，但內在卻是美麗，娘惹我愛你

本來諗住食泰國野, 但8號波無開, 但呢間反而有開, 就入去試試。入面裝修都幾靚, 有D 東南亞風味。睇格局似偏貴, 但睇MENU價錢係適中的。香葉焗飯: 見MENU係用香葉包住, 就試下, 是炒飯黎, D米偏幼, 似印度米, 睇落好乾, 但食落又唔乾WOR, 岩岩好WOR, 但無咩送, 得少量魷魚,同蔥.... 好似係用蕉葉包住的, 但無咩香葉味。雞串燒: 比較細串, 有6串, 燒得剛好, 完全唔會乾身/ 鞋口, 反而好嫩滑, 好味! 醬有2款, 沙爹醬+ 酸酸地GE醬, 後者酸酸甜甜, 好夾, 反而沙爹醬味道唔算好出。

想當年還在讀中學的時候，我和同學經常去這間餐廳吃午餐，特別喜歡印尼炒飯。不過畢業過後，我便很久沒有再來光顧了。今天，我和男友去這間餐廳吃晚餐我們叫了娘惹醬燒豬頸肉，雙拼串燒(雞&牛)和印尼炒飯。娘惹醬燒豬頸肉方面，豬頸肉有很多片，而且厚度適中。豬頸肉的肉質十分軟熟，入口的時候沒有油膩的感覺，啖啖肉的感覺真的很正啊。重點是娘惹醬十分美味，少少咸和少少甜，配上豬頸肉簡直一流！雙拼串燒方面，串燒有6條，分別是3條牛肉和3條雞肉。但是，串燒比較細條，只得正常串燒一半至2/3的份量。雞肉串燒味道方面，串燒十分美味，雞肉烤過的外表有少少脆，而串燒內裏的肉質則十分鮮嫩多汁和軟淋淋，串燒本身都有少少咸味，配上醬汁更加出色和美味！牛肉串燒方面，牛肉是牛肋肉，不過比較多根和肥膏，很難咬開，太堅韌，但串燒內十分多肉汁，味道都OK，但個人比較喜歡雞肉串燒。印尼炒飯方面，炒飯十分大碟，炒飯內有蛋碎，雜菜等的材料，而炒飯本身比較乾身。雖然炒飯內的材料比較簡單，但是十分美味，配上豬頸肉更是一流的晚餐！價錢方面，娘惹醬燒豬頸肉$64，雙拼串燒(雞&牛) $52，印尼炒飯$52，餐廳即使是晚餐都不用加一，2人總共$16

上週末, 我們一家人到了娘惹廚房食午餐。跟之前兩次一樣幸運, 不需要等位就可直接入坐。我們點了三道菜, 包括:炒雜菜, 蕃茄蛋炒銀針粉和豆腐蛋。如果兩個人食, 建議叫兩道菜, 因為三道菜太多, 我們最後亦要盒上拎走。炒雜菜味道中規中矩, 沒舍驚喜; 銀針粉很好吃, 記得兒時每次到中式酒樓飲茶也會點一客炒銀針粉吃, 但現在已很少地方可以吃得到了; 豆腐蛋其實很特別, 吃的時候我分不清哪一部份是豆腐, 哪一部份是蛋, 整體來說比想象中好吃!此餐廳地方寬敞, 環境舒適, 很適合一家大小來吃飯。

呢間位於屯門dor認為最抵食泰國菜#小曼谷泰式美食 .....既隔離舖#娘惹廚房 之前食過印象都唔錯 不過上次食平日黎 食唔到假日限定既黃薑飯 今次特登揀weekend黎試下😂 #印尼雜錦黃薑飯 $62 呢個係假日限定 平日冇供應架 一上枱已經覺得好靚 基本上將全店既招牌菜一次過試哂 少人黎都可以乜都試下 順時計講下：#印尼蝦片 要快食好快會lum #炒薯仔 辣辣地幾惹味 #花生脆魚仔 dor最愛 花生炒過好香口 魚仔脆卜卜超好送飯 #酸蘿蔔 正常 #巴東牛肉 軟稔入味 幾好食 #炒蝦仁 唔算太新鮮 #印尼椰汁雞 雞脾肉嫩滑 好味 最後嗰個唔知炸乜餅 但凍既好難食 #黃薑飯 好香但乾左少少 整體一般啦 試過哂啲餸可以揀好味既再叫 大大碟乜都有$62都好合理 多人可以叫個XL size $180 成座塔咁好適合俾相機食先#加多加多 $52 Gado-gado係印尼沙律 其實只係將啲椰菜 薯仔 四季豆 青瓜 蛋 芽菜 恰熟哂佢(堅係清水恰 完全冇味) 但個加多加多醬真係不得了 一加左成件事即刻超好味 甜甜地dor食左兩碟 不過份量唔算多 加上冇難度可言賣成$52真係好overpriced

今次第2次黎食，約多幾個朋友食盡d book左7點開餐，一收工即彈閘坐西鐵轉的士唔洗一個鐘就到呢度侍應好有禮完全感受到佢地工作既熱誠，還體諒我地order較多食物，心怕我地覺得迫，主動將隔離張枱比埋我地用。好窩心 加多加多(印尼沙律) 跟我地平時食開既沙律不一樣，裡面有印尼蝦片、雞蛋、芽菜、椰菜、青豆、豆卜，配上印尼特色醬汁好野味開胃 沙爹串燒(牛肉6串) 好食唔柴皮，仲有少少肉汁同焦香再蘸埋沙爹醬 鹹魚絲炒椰菜苗 菜苗炒得爽脆唔太油，少許鹹香味不錯不錯 娘惹印尼燒雞(半隻) 燒雞燒得好味唔會鞋十十 冧上秘製醬汁及青檸汁 太好味喇 燒大蜆 即得一推燒得好乾身但juicy，肉肥無沙，醬汁好似魚露咁酸酸哋 印尼炒米粉 炒得乾身唔油 米粉質地好似銀絲米粉咁 好食但味濃 沙薑雜錦海鮮炒飯 味道幾特別但偏重 飯粒炒得好乾身粒粒分明整體黎講系好味，加上侍應們超好的服務態度，又坐得舒服及抵食，可以無限反兜

落大雨，又唔知食咩好！行過就見到呢個鋪頭名叫（娘惹廚房）個名幾得意就行入去試吓。 對鋪頭名好似有啲印象，好耐之前上網睇過，娘惹其實係中國菜和印尼菜嘅結合，華人與東南亞人通婚後所生的女兒叫娘惹，將兩個國家的菜色融合而成。所以入去試吓！我哋有三個人，所以我哋叫咗個二人餐加一個生菜包，試吓先燒得好惹味，肉質唔乾爭爭推介生菜包，上邊有蝦片整碎去，包落去生菜一齊食，味道好夾，咖喱雞，味道一般，個汁好唏印尼炒飯，不過不失珍多冰，好味道，而且有少少咖啡味入面空間唔算細，坐得幾舒服。適合傾計聚會，服務態度一流，冷氣足夠及有幾部大電視。分量大及價錢平，非常經濟，仲要全日免收加一添

第一次食娘惹菜，炒飯好惹味。一碟好大碟，我同男朋友都食唔曬一半！員工都非常親切有禮👍🏻👍🏻👍🏻👍🏻👍🏻👍🏻👍🏻好耐無試過d餐廳服務生係咁有禮貌。另外餐廳夠大，位置都夠闊，坐得好舒服。推薦！

本來諗住食馳名既泰菜，太多人等既關係我地決定轉戰隔離既娘惹菜！入面空間都唔算細，坐得頗舒服，亦適合傾計聚會。枱紙有介紹什麼是娘惹菜，平時呢到仲有油畫興趣班上，唔知係咪畫番娘惹菜呢😛巴東牛肉忟得好入味，d肉略嚴過熟，巴東汁送白飯好野味，食完肉都可以留起汁送飯！呢個秘製娘惹醬豬頸肉一級推介！ 個醬好好味，同豬頸肉好夾。炒菜就普普通通無咩特別。牛串燒肉質唔算十分嫩滑，但都可以。配上串燒醬，味道不錯。三寶龍炒面味道幾好，可惜略嚴太油。食落有d辣，唔食得辣既朋友仔就唔建議點。娘惹炒飯味道普普通通，同一般楊州炒飯分別不大，同埋蝦片唔脆。粟米餅唔係日日有得供應，煎得好香脆，有略重既香草味。五個人共食左$409，試左唔少菜都算幾抵！

之前都有食過呢間娘惹菜，但通常都兩個人。但通常都兩個人。今日慶祝父親節，4個人去食。黃薑飯只有星期六日先供應，所以每次都一定會食。今次黎食有驚喜，係大既黃薑飯！侍應姐姐一放落我張枱真係勁吸引！個個都手機食先！正！份量大概四個人倒，只係$180！平！另外亦都叫左一條烏頭魚$128！食落好入味，好新鮮！仲叫左加多加多同巴東牛肉。埋單每人平均大概150蚊，全日免收加一。

復活節同老婆行下街搵食，去到置樂果邊，見到有間印尼菜，我不是吃辣的人，但老婆很喜歡食不同國家的食物，鼓勵我去一試，於是我就第1次食印尼餐廳，餐廳裝修幾靚，同我心目中不同，以黑紅啡為主色，我選了（只在假日有供應）印尼雜錦黃薑飯 $62 青檸可樂$22 老婆叫了一個印尼沙律 加多加多$52， 印尼梳多雞湯米$52 。首先到係梳多雞湯米，老婆裝了一碗湯給我，雞湯味道好特別，唔辣的有雞味，有d酸味，老婆介紹係印尼好出名，落了青檸所以開胃些又唔肥膩，真係有d泰國菜感覺。印尼雜錦黃薑炒飯 ，有椰汁雞一件，蝦片4塊，炆牛腩，炸薯仔粒咸咸地，咖哩蝦2隻，炸粟米肉餅，炸花生粒，酸紅蘿白絲，黃薑飯有點點香味，感覺好滿意，很適合我怕辣又可以試多款味道令我有點意外係加多加多 ，表面睇係一些只灼過的蔬菜：薯仔，椰菜，青瓜，青豆角，芽菜，豆腐卜……老婆話呢個沙律靈魂係個醬到，令我忍不住試了幾口，個醬幾辣但夾雜在甜甜地，沙嗲花生醬感覺，配起來很惹味同上癮，明明辣又忍不了又吃一口感覺，老婆話以前印尼工人煮加多加多，係青豆，椰菜，青瓜都應該再生D, 食落先夠爽口和食到蔬菜的清甜，佢灼過熟了影響口感。不過我不喜歡食菜的人

今日去左置樂行街街, 黎到小區梗係搵D 地道野食啦, 諗起小曼谷呢條街, 想試日平時比較少食既娘惹菜, 大概是其中一種印尼菜吧。唔知係咪呢條街既文化, 行左幾間都唔見有LUNCH SET, 包括呢間, 咁就唯有散叫。加多加多$52 我幾鍾意食呢個沙律, 個醬汁特別, 似沙爹醬有少少辣, 沙律料有豆角, 青 瓜, 椰菜, 薯仔, 蛋, 熟既多, 較易為人接受, 當中我特別鍾意青瓜, 切得夠大件, 口感正, 咬落好多水又甜, 蝦片都係即炸, 脆既, 放耐左就開始淋。喇沙醬爆斑塊 跟薄餅$108 薄餅得2件, 孤寒左少少, 薄餅亦唔似印度餐廳果隻咁鬆化, 有D太淋, 斑塊用鑊仔上, 睇落好大鍋, 實際個鍋淺, 份量唔算好多, 斑塊滑溜又有魚味, 無骨易食, 仲有好多洋蔥, 最正係個喇沙汁, 真係超惹味的, 好想叫多碗飯撈飯食, 但唔想增肥, 算啦。呢度服務都幾好, 姐姐主動斟水而且是暖水, 在冷冰冰的冬天特別舒服, 佢地亦好禮貌, 咁好服務都唔收加一費, 食完感覺幾好, 都會再食。

911.. 早上去元朗跑完障礙賽..晚上就入左屯門同朋友食生日飯..屯門其實好多野食..上OPENRICE係雲雲咁多既野食中...比左呢間印尼菜吸引住..所以就前來一試今次我地4個人加1個小朋友就叫左個4人餐內面又係有幾樣野比我地簡加多加多印尼式沙律無咩特別 有豆角,芽菜,薯仔,烚蛋及蝦片等配料味道一般串燒簡左豬似同雞肉呢個醃得夠入味而又燒得岩岩好..唔錯海鲜湯飲落去..覺得自己好似飲緊椰汁咁椰汁雞個汁椰味重, 無咩特別好彩雞似都唔硬炆豬腩肉咁多款..呢樣最得我歡心豬腩肉炆到好'林'個汁又甜甜地.. 2樣野都好夾D汁送飯一流...攪到我唔覺唔覺都食左好多飯..HAHAHA巴東牛肉呢個賣相不是太討好所以我都無試過

今晚本想到青善街食泰國菜， 可惜七點多到達時見到人山人海，已沒有排隊等位的意欲。記得《街坊食堂》曾經推介過旁邊的娘惹廚房，便馬上改變了策略，轉吃娘惹菜。我們點了一個二人B餐 $158，套餐有炒時菜、半打沙爹串、娘惹炆豬肉、印尼炒飯和兩杯奶茶/咖啡，價錢的確是非常實惠。沙爹串半打：肉質不算乾，香料味頗重，雖然味道比較濃，但我覺得可以。炒時菜：菜有點老，好像還有點苦，而且醬汁味道很鹹。娘惹炆豬肉：醬油味濃，腩肉肥瘦適中，層次分肉，脂肪部份鬆化有油香，但瘦肉部份太乾硬，如果只吃脂肪的部份，的確變得比較油膩。印尼炒飯：整晚的菜式味道都偏重，我比較喜歡這個，炒飯粒粒粒分明，夠乾身，味道適中，唔會太鹹，中間加了一些爽脆的菜絲來增強口感。