威龍海鮮酒家

营业中

休息中

今日同一家人入鯉魚門「威龍海鮮酒家」食飯慶祝中秋做節，酒家座位寬闊仲有多間包房，最啱一家人或一班朋友聚餐，有些房間仲有落地大玻璃可看到海景！酒樓員工服務態度亦非常友善貼心，今晚人均消費600元。白灼海鮮蝦：師傅掌握時間得好準不會過熟令到蝦肉爽口鮮甜, 配合埋威龍酒家自製嘅醬料鮮味更加突出！鹽燒鮑魚：食開清蒸鮑魚多，今次鹽燒食落有小小鹹味夾帶住鮑魚鮮甜味，咬落彈牙。豉椒蟶子：豉椒係經典廣東煮法，豆豉香味更帶出蟶子鮮甜爽脆，再配上炸過嘅米粉餅, 簡直一絕！酥炸生蠔：師傅炸生蠔技巧非常了得，脆漿薄外脆內嫩，裏面重係juicy，真係值得一讚！風沙豆腐:外皮超薄又脆，一咬落去超軟豆腐就要滑出來，味道有蒜香帶微辣好惹味。油鹽焗奄仔蟹：蟹膏淺黃香軟甘香，吃起來柔滑細膩，肉質細嫩鮮甜，超好食😋麵醬唐生菜：新鮮唐生菜同麵醬同炒很特別，生菜入口爽脆唔會過咸重, 食到麵醬香味。生炒排骨：排骨炸得香脆，每粒排骨剛好掛到醬汁，酸甜度適中！招牌炒飯：炒飯炒得好乾身，粒粒分明唔會一嚿嚿，有蝦粒，叉燒粒每一口都好滿足！最後重有生果拼盤送，有木瓜、西瓜、哈密瓜，都好新鮮甜美，非常貼心！

前排去左鯉魚門食海鮮～有奄仔蟹食好幸福！不過唔係道道菜都好食 睇彩數😂 🦁 刺身南澳龍蝦 同象拔蚌都好新鮮 夠冰凍！蝦就正常 之後個龍蝦頭用黎整芝士伊麵 好正😍！🦁 好食海鮮盬焗奄仔｜粉絲元貝｜椒鹽瀨尿蝦奄仔真係幾正！啲膏好濃郁😋 汁唔係好夠 扇貝肉size偏細好多炸蒜幾香 不過冇乜肉食🦁 正常蒸陳皮鮑魚｜豉椒蟶子｜海魚兩食鮑魚同蟶子都整得有啲韌 不過個汁係唔錯的 海魚唔算好滑🦁 威龍海鮮酒家 鯉魚門海傍道中17號

早排係奄仔蟹嘅當造季節同朋友講開自己試左整奄仔蟹但奈何都唔太爆膏咁啱佢相熟嘅海鮮店就話返咗佢最鍾意食嘅游水牡丹蝦於是我哋就相約咗去呢一間佢既海鮮飯堂食飯喇每次嚟到都係喺門口嘅海鮮舖頭買料再去酒家加工今日第一度菜係我地揀咗既刺身頭盤有生蠔同游水牡丹蝦未食完頭盤餐廳已經出咗第二道菜喇出菜速度超快～差唔多20分鐘我地點既野就黎哂第2道菜係白灼九節蝦我個人係好鍾意食細蝦仔真正既爽甜滑第三道係椒鹽牡丹蝦頭超多蝦膏（好食到唔記得咗影）嗰啲蔥蒜用嚟送飯送面一流絕對可以就咁撈一碗飯食第四道係鮮鮑片扒生菜呢度菜係好早已經上左枱我食嘅時候應該已經過咗15分鐘本身以為食落去會係凍哂點知食落去仲係暖口嘅～個芡汁都無漿住味濃鮑鮮菜爽甜第五道係避風塘賴尿蝦服務員細心幫我起哂殼兩隻都爆哂膏啖啖肉香辣一啲都冇蓋過鮮味佢既炸蒜又令我食多咗半碗飯呢一刻已經開始飽嚟到最後一道菜 今日嘅主角鹽油焗奄仔蟹呢隻奄仔蟹等於我平時食嘅兩倍大唔算太爆高不過油香好重唔知係咪太大隻所以嗰個油鹽嘅味道入唔味食落比平時較淡 下次都係唔好揀咁大隻

好耐都冇踏足鯉魚門，今日專程同妹妹到鯉魚門食海鮮😋 在「開飯」見到威龍海鮮酒家嘅食評唔錯，於是就去試吓。果然冇推介錯，真心好味😋又夠新鮮👍🏻幫襯隔籬蘇記買海鮮，老闆幫我哋預嘅份量啱啱好，要唔係得老闆幫忙，我哋一定眼濶肚窄😝老闆仲送一碟花甲（豉椒炒）🥰每一度海鮮都煮得啱啱夠時間，好鮮嫩美味😋😋😋而且每一度海鮮，都係當我哋啱啱食完第一度，就接住上第二度，而且每一度海鮮都係啱啱煮好👍🏻👍🏻👍🏻食海鮮就係要鮮😋😋😋連埋花甲，我哋一共叫咗6樣海鮮，同一碟炒麵，埋單都唔洗1200蚊，加上服務態度一流，真心值得推介👍🏻👍🏻👍🏻今晚食得開心又滿足，讚👍🏻今晚食咗：白灼蝦😋😋😋😋😋清蒸奄仔蟹😋😋😋😋😋蒜蓉扇貝😋😋😋😋😋鮑魚😋😋😋😋😋灼墨魚（配豉油熟油）😋😋😋😋豉椒炒花甲😋😋😋😋😋豉油王炒麵😋😋😋😊😊（唔好意思，冇影相，因為實在太好味，一上枱就清碟）🤣🤣🤣

海鮮可以在酒家出面嘅海鮮檔揀，哩個遊戲好好玩，齋影相都玩咗好耐😂。重點系，好新鮮！龍蝦刺身上枱時真系有哇一聲！第一次食，原來龍蝦刺身一d都唔腥，仲脆脆地，同象拔蚌有異曲同工之妙！食完刺身後，店家會拎走頭尾，加工成爲芝士龍蝦伊麵，哩度個芝士好特別，系三色芝士，食起上嚟特別有層次👍！瀨尿蝦同鮑魚都系用椒鹽嘅方式處理，非常惹味，但系蝦肉同鮑魚肉又唔會"鞋"，剩低d炸蒜仲可以留返嚟送粥👍。奄仔蟹爆膏，啖啖都係膽固醇😂，好似鹹蛋黃咁，好邪惡啊😈，覺得之後一個星期要食齋先可以抵消返個罪惡感😂😂😂。

一家6大1小去補祝父親節，就諗住食好啲，叫咗好多海鮮，賴尿蝦、蟹、鮑魚、中蝦、花甲、仲有一條兩斤幾重嘅老虎斑、兩個小菜一碟炒飯，埋單要4100蚊。我覺得稍為有啲貴，只能夠講一分錢一分貨，可能因為條魚好大條。但開心嘅係所有餸都煮得好好味，尤其是係個焗蟹、椒鹽賴尿蝦，味道非常之出色，有啲屋企人仲食埋啲椒鹽。加上佢送埋一個好好味嘅海鮮湯，仲有最美嘅生果係好味嘅木瓜同芒果，感覺就抵啲!相比起價錢可能平少少嘅海鮮，但係煮得麻麻地，咁可能仲好啲。反正唔係做呢一行，講真都係俾人抽水。

富哥上次佢個honey生日已經請左我地嚟呢間威龍食海鮮，可惜上次冇寫食評。前日佢又豪請我地再嚟食多餐，我地真係more than happy囉，呢次記得影d相嚟寫食評啦。店入面積都幾大，除左大廳散座之外，廳房都唔少。富哥幫襯左呢度二三十年，好大面，老細梗係俾房我地坐喇。先嘆吓d餐前小食，等十個人到齊就開波上菜食啦呢碟牡丹蝦賣相冇得頂，生食入口清甜爽滑，鮮味濃郁。椒鹽蝦頭超野味，牡丹蝦大大個蝦頭，食落至知咁好味呢碟白勺蝦d肉好鮮甜，唔駛點豉油都夠晒原汁原味。呢碟焗蟹個賣相又係超正。入面d蟹膏蟹肉真係好食到唔停得口兩條黑瓜子斑先後上枱，d魚肉真係鮮嫩又滑溜，超正，連d葱都好好味。呢碟蒸蚌夠晒多配料，成枱人個個都話ho jack蟶子肉大大隻，咬落好有口感，清甜得嚟爽而唔靭，調味亦見功夫。試埋呢碟薑葱蟹，同頭先食嘅蒸蟹比較，真係各有千秋，但係都係一個字，就係再食埋呢碟生炒骨，兩碟菜同埋飲埋碗魚湯，最後再食埋芒果同木瓜，個個都飽飽又滿足。呢餐咁正梗係唔少錢喇，又要富哥破費，我地都大叫多謝富哥，富哥話唔駛客氣喎。

十個人的慶生薈～一如既往～食好西到鯉魚門嚐「鮮」去「非凡」嘅喱幾個月，鯉魚門人流尚可朋友推薦到喱間海鮮酒家，成就這夜～「鮮」入唯煮冇問題嘅白灼蝦首次食嘅蝴蝶蚌鮮甜但稍韌蟶子皇通常煎米粉底，今次改為炆米粉立時降格普通酒樓嘅粥粉麵飯大大隻鮮鮑魚～OK但冇驚喜半隻BB手臂長，檔主話好少有咁巨型，可遇不可求喎仲要鮮甜、爆羔、椒香、蒜香、不過老，剛好食得出非養魚好耐好耐冇食過咁正嘅斑球～肉爽、鮮味、魚脂香，尤其魚皮～係食ing collagen落肚同斑球一樣，只係多咗啲骨啜啖啖蠔肉夠大隻，但酒香唔夠龍蝦細隻，肉唔多，唔過癮，不過不失初秋食奄仔，冇得輸有黃油蟹嘅影子～重皮、爆羔、鮮味、creamy鯉魚門～每人$660～10道海鮮，喱餐性價比唔錯啦

第一次來鯉魚門吃飯，服務態度好好，而且價格合理，完全不會故意占顧客便宜。味道也很地道，強烈推薦隔壁蘇記海鮮的老爺爺，非常熱心！海鮮質素很高，蝦姑同蝦肉質乾淨鮮美。本身不喜歡吃竹蟶和蛤蜊，但是這次真的令我一改以往的印象，非常好吃！現在已經成了最愛！

以前成日入西貢食海鮮，但愈來愈貴同無咁好食所以朋友一直都推薦我去鯉魚門食海鮮價錢相對比較相宜。同海鮮會更新鮮。店會會推介時令海鮮，再介紹煮法。入到去。座位闊落坐得好舒服，店員招呼好好，一黎問我地飲咩茶⭐️我地點左隻避風塘炒瀨尿蝦，大大隻。蒜蓉炒得好香口。⭐️清蒸鮮鮑，鮑魚不會過老。口感很好。配上果皮好香⭐️豉汁炒蟶子，好惹味⭐️炒龍躉球，龍躉本身無咩骨，所以啖啖肉好滿足⭐️白灼花甲，鮮甜味美，但美中不足有少許沙所有海鮮煮的時間都拿捏都剛剛好。海鮮都不會over cook

因為本人太喜歡食海鮮, 所以從前亂打亂撞去不同地方食海鮮, 終於食到一間坐又舒服, 食又好味, 水準平均的一間酒家, 以往的炸好味, 蒸既又好似差D, 忟既又好似差DD咁, 但這店廚師煮既都好平均, 仲要樣樣都有質數,~~E+好興食既~~  "蝴蝶蚌"  薑葱蒸"蝴蝶蚌我比較喜歡這種煮快, 薑葱好帶出"蝴蝶蚌的先甜味, 豐富了味蕾, 而一般酒家或海鮮檔介紹的都會叫你鹽水白恰, 本人就覺得咁食DRY 左D椒鹽賴尿蝦係每次必食的一味, 非常非常野味, 炸蒜同賴尿蝦都做得很乾身而內裡肉質又JUICY!!!清湯龍蝦配伊麵細細的龍蝦配上清湯, 好味又不油膩, 如果用芝士我怕會好濃, 食不下那麼多海鮮.忟鮑魚配時令菜其實我選擇左隻大鮑, 要用刀叉吃的.........真係忟得好入味, 唔知點解, 咁小既時間可以忟到咁入味!!!最後是>>>> 油鹽焗松皮蟹松皮蟹, 不是常有的, 牠比起奄仔蟹更香更鮮味, 所以如果有我一定會食松皮蟹, 大家的價錢都是差不多的, D 膏爆晒出來, 都是滿滿的, 大滿足~~~整體, 不論服務員工及食物都是幾好的, 要給一個贊.海鮮是在出面自

迎接新一年，早上就約了相識五十年的同學仔去鯉魚門行山，經過約三小時的行程終於到達鯉魚門海傍。今次計劃去光顧威龍，因為有同學仔曾吃過，說水準不錯。首先到酒家對面的海鮮店買材料，有鮑魚、中蝦、大大隻瀨尿蝦、花甲、東風螺和沙巴龍躉。餐前來了牒皮蛋紫薑，ヌ得意爽口， 開開胃口。先上 白灼中蝦，size 不大不小剛剛好，很鮮甜彈口，very good! 第二度菜都係蝦， 不過係大大隻的瀨尿蝦， 十個人買了五隻椒鹽炒，功夫不錯，味道適中又鮮甜，這個給滿分！第三道菜是陳皮蒸鮑魚，果片入味，鮑魚做得爽口，但有兩隻尚欠一兩分鐘火候，總體是滿意的。跟住來個蒜蓉蒸大花甲，哈哈哈，一上檯已經被搶了一空，因為味道太香了，這個又有高分！隨下來主角出場， 沙巴龍躉兩味。炒球的啖啖肉，又香口，後悔買了這麼細條，不能盡飽口福。其後頭腩上來，買相不錯，只是有點過火，評分取中尚可。最後的一道菜是辣酒東風螺， 細小的螺肉很嫩滑 風味十足，吃得很過癮，不錯不錯！ 另外叫了三碟菜和炒飯， 店家送了一個魚湯和生果甜品，元旦大餐就大滿足了！

利申：此食評只適合喜歡吃靚海鮮，又不介意花點錢的人士👻👻👻之前說過表妹來香港探我，當然要帶她食好嘢啦！來到香港梗係要去鯉魚門吃海鮮啦！這間餐廳海鮮新鮮之餘，又夠大隻😻唔駛我揀得咁辛苦，因為酒樓海鮮檔給我揀的，已是最優質的海鮮😻😋😋😋椒鹽瀨尿蝦：d蝦肉有我手腕咁粗，鮮甜味美，椒鹽香蒜非常惹味😋😋😋清蒸老鼠斑：條魚超級鮮甜，肉質滑溜彈牙，無得彈👍🏻👍🏻👍🏻花雕蛋白蒸花蟹：淡淡花雕香味，加上滑滑的蛋白，再加上新鮮的花蟹，真是吃得非常又十分之滿足😻😻😻芒果同木果：我同表妹已吃到超飽，最後還每人送上半隻芒果和半隻木瓜給我們做甜品，實在太幸福啦😻😻😻

每次去鯉魚門都好開心因為除咗有海鮮大餐食，通常都會有開心嘢慶祝！今次都唔例外，預祝姨姨生日🎂記得去對面間「大班」海鮮舖買海鮮，因為老闆祖哥會送好多嘢：花甲、海鮮湯、炒飯、炒菜⋯⋯祖哥今次推介我地食牡丹蝦刺身🦐原來新鮮剝嘅牡丹蝦同平時日本菜食果d好唔同！個新鮮程度係兩回事！蝦肉超級爽、甜、彈牙！ $380斤 抵食過龍蝦刺身！去鯉魚門食飯，點少得椒鹽瀨尿蝦好耐無食砂糖皮蛋！靚皮蛋餐廳座位闊落，乾淨，侍應換碟都換得好密，服務好好！值得再去幫襯！食咗咁多嘢每人都唔洗$600，都算抵～

第一次去鯉魚門 食海鮮 ， 平時去西貢多。買了很多海鮮 。瀬尿蝦，聖子王，大肉蟹，花蛤。去了威龍餐廳食飯。 等超過 30 分鐘還沒有 餸菜到。 叫了伺應 3次 還沒有上菜。初初 以為係漏單。最後等足40 分鐘才到餸。以8時多 。初初食味道還可以， 花蛤湯幾鮮味，炒聖子王味道不及西貢好。到了最後，大肉蟹到，但沒想到 叫了兩隻大蟹 ， 到了面前竟可以變了得一隻蟹殼。 偷功減料都可能會預到。但叫兩隻蟹 得一隻蟹殼實在太離譜。 之後同老闆講 送回一隻蟹。 但想問生意真的是 怎樣做嗎？信字很重要，相信絕不會再來。大家黎 下次真係要小心。送什麼 都補不了信心。