威龍海鮮酒家

营业中

休息中

一家6大1小去補祝父親節，就諗住食好啲，叫咗好多海鮮，賴尿蝦、蟹、鮑魚、中蝦、花甲、仲有一條兩斤幾重嘅老虎斑、兩個小菜一碟炒飯，埋單要4100蚊。我覺得稍為有啲貴，只能夠講一分錢一分貨，可能因為條魚好大條。但開心嘅係所有餸都煮得好好味，尤其是係個焗蟹、椒鹽賴尿蝦，味道非常之出色，有啲屋企人仲食埋啲椒鹽。加上佢送埋一個好好味嘅海鮮湯，仲有最美嘅生果係好味嘅木瓜同芒果，感覺就抵啲!相比起價錢可能平少少嘅海鮮，但係煮得麻麻地，咁可能仲好啲。反正唔係做呢一行，講真都係俾人抽水。