影片
红磡呢个区除左上海野多车仔面都好多其中两间几出名仲要系黄店原本中学之后就无乜点食过车仔面但见威风百面话执粒我地又过左黎食系旧店执前两个星期过左黎食星期六两点黎到大约等左廿五分钟先入得墙上玻璃镜印左好多字地方细细仲要得半张台所以系几迫既连摆袋既位都无有自选餐牌同指定餐牌仲有自家制甜品送选择困难紧系要指定项目牛魔王已经有5个𩠌有牛肚牛太牛腩牛筋都系47蚊抵过自选好多加埋秘制辣汁同腩汁成个汤就好浓好丰富比我想像中好食得多因为我记忆仲系维持系廿几年前观塘面神果个年代而且都只系47蚊贵少少既威风百面就再多几样𩠌个拉面好食过我果份油面糖心蛋又好过唔少拉面舖就唔可以话佢比个甜品吸引但甜品绝对系呢间威风百面独特之处木糠布甸好食埋单岩岩好一旧水除左野饮之外真系样样都无得输尤其系牛魔王我谂以后再黎都唔需要再谂食咩好难怪咁多人排队我同老婆都一致觉得呢间好食过蒙面舖头12月结业而家已经系附近开左新店不过就仲未食过
继续阅读
1.鱿鱼加牛丸米线（汤底：秘制辣汁）鱿鱼系好爽口，量都有成六条至七条鱿鱼须，个味都好够，好浓辣汁，劲入口，而牛丸就正正常常咁，个米线都煮到岩岩好，最钟意就系汤底，系够哂辣，个秘制辣汁，系好香好浓！2.猪红加南乳猪手米线（清汤加沙嗲汁）猪红系入味，而南乳猪手都非常之淋，南乳味就唔系太浓，米线底叫左淋啲，又真系会整到出黎，见到服务态度都好好！3.焦糖炖蛋每碗车仔面都会送一个甜品，焦糖炖蛋系需要加$3，但好值得畀，系好香浓，啲炖蛋都好滑！4.木糠布甸另一个甜品就叫咗木糠布甸，都系好好食，叫左一碗40蚊左右嘅车仔面，都送一款甜品真系冇嘢可以挑剔！
继续阅读
食车仔面送自家制甜品💛.讲起红磡车仔面，好多人会谂起蒙面，但次次都起码排半个几一个钟先入到餐厅🥵太阳伯伯疯狂招呼到你湿晒⋯⋯其实区内仲有其他好有心好努力经营嘅车仔面小店要大家支持，仲要系黄店添💕💕你几可见过车仔面店有西式甜品，仲要系送嘅？🤩净系呢点都已经劲开心.1️⃣威风百面（$53）初嚟甫到试试佢招牌威风百面，$53有八样𩠌性价比极高，分别有猪大肠/腩肉/墨鱼丸/冬菇/顺德鱼腐/溏心蛋/鸡翼/时蔬，面汤拣咗秘制辣汁油面。猪大肠有肥膏卤得入味，腩肉炆得腍，好夹个辣汁，冬菇就一般，鱼腐索晒汤汁又有鱼肉口感劲正，溏心蛋嫌佢唔够溏心但整体都几香浓蛋味，墨鱼丸虽然系来货，但浸淫喺汤底之后都食到汤嘅甜味同辣汁融合得唔错🍜见到咁多𩠌都开心啦.2️⃣甜品（大部分款式免费）呢个先系重点！！每日随机有以下款式：法式炖蛋（+$3）/木糠布甸/Oreo木糠布甸/Tiramisu/朱古力mousse/抹茶红豆奶冻/椰皇三重奏/3.6牛乳奶冻我拣咗Oreo木糠布甸，其实味道上系好expected Oreo碎加奶油布甸味，但成个「食车仔面送甜品」呢件事的确会令你食得好满足好开心，我好钟意佢每一盒甜品都贴咗自己设计嘅贴纸，上面写住「have a nice day😊」有心机又令睇𠮶个窝心，师奶仔们同单身🐶必去！🍰.虽然佢嘢食方面唔会话惊艳到你哗一声，但我觉得呢度卖体验多啲～大家要嚟支持下！.性价比：🌕🌕🌕🌕🌕美味度：🌕🌕🌕🌕🌑独特性：🌕🌕🌕🌕🌗
继续阅读
利申左先，自问食得同麻同辣，谭仔中辣，同埋无咩野立场，纯粹中意食麻辣同宽粉，成个红磡都会揾出黎试叫左个＂麻辣手撕鸡捞宽粉＂外卖，胶袋餐具包装靓仔，好有heart咁讲重点佢个酱我一开始话要＂中辣＂，佢话无架㖞一早整定左个味。好啦咁你咁有自信就试下个酱系系底，所以都无得你避开用几多，捞捞埋埋都算有小小干身但系真系，非常之咸，好咸好咸，同埋麻辣味真心唔出，整体系咸>＞＞＞＞麻宽粉亦唔系弹牙，煮到非常淋，觉得系透明嘅河粉，好失望！！食左两啖，已后悔捞埋鸡丝，鸡丝都咸到乜咁，食左一半弃了，好在系用消费卷个免费甜品d人讲到有几咁好食，系黄色盖，Fine，我希望你好食啦，唔系讲个盖，系tiramisu一食，咩事呀？？？？？点解只匙羹入面有水？好癫啰！！！系tiramisu水呀！！！搞乜野呀？？？？我倒左落张纸巾俾大家睇下，系啡色水黎痴线，我依加已经嬲爆，好难食嘅捞宽粉同甜品，以后都唔会再黎，唔会推荐任何人以上句句属实，我系11-8-2022买嘅金玉其外败絮其中。
继续阅读
早几个月时有帮衬，是因为食物质素不错，但近几次便当的质素越来越差，不只炸鸡的炸浆厚，而且炸到好黑，难以入口，又柴又无肉食。厨师咁样煮出黎比人客食，太离谱了吧？！赶客！
继续阅读