妖怪 (已結業)

妖怪位於中環商廈H Queen’s嘅23樓全層，環境光猛衛生企理，裝修設計富有日式風味，仲有得食廚師👨‍🍳發辦添！不過今次我哋嚟食魚生丼🤗松葉蟹肉甜蝦丼🍚 蟹肉絲絲縷縷，鮮味滿溢。甜蝦超級大隻，入口鮮甜彈嫩👍🏻👍🏻朋友嘅雜錦魚生丼🍚 都好正，佢話每樣魚生都係鮮甜嘅，完全唔需要再點wasabi，原味就係最滋味🤤 我都試咗少少海膽，又甜又香，一啲都唔腥，口感綿柔絲滑👍🏻見到隔離枱飲酒，我哋都忍唔住開咗枝山城屋嘅First Class一本純米大吟釀🥳 帶有香蕉同梨嘅香氣，飲落質地柔軟輕盈👍🏻 入口首先散發出溫潤嘅大米甜味同埋鮮味，往後帶出微微酸味，配以魚生味道得以幾何級別提升😍

今日放假去中環做facial，順便預早少少嚟食好西😆 醒起朋友食過呢度嘅雞白湯話唔錯，一於就食雞白湯啦～呢度嘅午市菜單唔單止有雞白湯拉麵（$230），仲有得跟多個雞肉飯，都只係加多$10，大食嘅我梗係加埋啦🤣濃厚雞白湯拉麵配日式雞肉飯（$240）湯底係以原隻雞長時間同高溫熬製，呈現奶白色，比起平時嘅拉麵稠身，極度濃郁又唔油膩，好味到我飲晒啲湯呀😂🤣 雞肉薄切又嫩滑👍🏻再嚟講下個雞肉飯，配料份量超多🤯 免治雞肉醃得好入味，帶少少甜味，米飯軟硬度適中，非常接近我喺日本食過嘅味道。總括而言，個雞白湯真係我食過最濃嘅🥰🥰 而且$240呢個價錢有正常份量嘅麵同飯，CP值極高。

最近喺中環返工，唔係好知呢邊午餐時間有乜日本餐廳好食🤔 做咗少少資料搜集，就留意到呢間妖怪俾好多報章雜誌報道過，心思思就去試下啦😆一出𨋢就見到花多眼亂嘅妖怪漫畫，望到入晒神😍 對住成班妖怪食飯感覺一定好有趣🤪午市套餐有定食、拉麵同烏冬嗰啲。我嗌咗個燒鰻魚飯定食，定食除咗個飯，仲會附送前菜、沙律、漬物、同埋味噌湯😳 鰻魚厚身多肉，索晒啲鰻魚汁味道香濃，口感豐盈有彈性。白飯熱辣辣，粒粒分明帶米香，唔覺唔覺就食晒。定食睇落去份量正常，其實十分飽肚！另外餐廳環境開揚裝修别緻，食物質素高，上菜速度快。侍應專業講解清晰，並且會主動加茶，今次用餐體驗非常之滿意☺️👏🏻

想試呢間餐廳好耐，但一直冇機會，今次終於試到喇😆😆呢個濃厚雞白湯雞湯 – 雞腿肉套餐好豐富，有壽喜燒嘅火鍋配料，包括冬菇、金菇、豆腐、野菜等等。平時配壽喜燒湯汁就食得多，雞白湯以火鍋方式享用我都係第一次。點知比我預期中更夾，有驚喜🤩👏🏻 首先個雞白湯超級濃凋，濃得嚟又唔會漏，直頭想飲晒個湯佢🤣 雞腿肉吸收🧽晒雞湯精華，味道昇華咗一個層次，鮮味十足，口感嫩滑。另外配菜全部都好大大件，清甜掛湯😋呢度嘅炸物都唔嬉場㗎，炸蝦🍤鮮甜多肉，炸得好薄好酥脆。炸帆立貝肉質綿滑，口感爽彈，吱啲檸檬🍋汁清新中和油膩。

餐廳樓底極高，掛咗大大小小嘅和風燈籠，好有氛圍，相信夜晚感覺會更加鬼魅！空間感大夠光猛，座位寬敞又舒適😌我哋嗌咗個超豐盛嘅刺身拼盤（上：由左至右）中拖羅、牛鰍、赤身、金木鯛、深海池魚；（下）真名鰹、昆布漬白蝦、北海道帶子、三文魚子、布甸蛋。全部都係勁新鮮，超好味！尤其係赤身🐟，魚香持久而且魚油脂恰到好處。燒鰻魚飯定食：即叫即燒，一上枱已經聞到好香嘅炭燒味。鰻魚嘅外層燒得好香脆又唔會太乾，大大條都幾肥厚，咬落去仲有少少魚油添！再配上濃郁嘅鰻魚汁，真係超滿足😋 另外日式蕨餅口感柔軟Q彈，唔會太甜，好味😍👍🏻

嚟得呢間餐廳，一定要介紹一下個裝修，係全球首間以「鬼太郎之父」水木茂嘅著作《妖怪大圖鑑》嘅主題餐廳！蘋果木煙燻特上大拖羅（5切）重量級登場！侍應上枱開蓋時仲冒住煙㗎，望住厚切嘅拖羅，加上撲鼻而來、獨特嘅蘋果木煙燻味🪵實在叫人垂涎三尺🤤 煙熏味恰到好處，入口經已感覺到佢喺口腔入面慢慢溶化，再加以細嚼，魚味凜烈濃厚🐟💦 好想快啲食晒佢，但又唔捨得。七款刺身拼盤除咗拖羅，蝦同海膽都一樣咁出色！赤蝦肉身晶瑩，口感鮮甜爽彈。海膽口感奶滑濃郁，啖啖滋味超滿足！豚肉流心蛋卷豚肉沾上醬汁非常香濃，流心蛋生熟程度拿捏得啱啱好，蛋香融化喺口腔入面實在係太幸福😭❤️

見到身邊不停有朋友嚟呢度打卡，今次輪到我喇🥳 一開升降機門，就見到水木茂先生嘅作品喇，配上餐廳內部嘅紙燈籠🏮，古色古香又神秘～莫講話係全球首間以《妖怪大圖鑑》作藍本嘅餐廳，喺香港都比較少見暗黑風格嘅居酒屋餐廳，手機率先食到飽晒😚📸午市嚟講，有定食、拉麵、烏冬等，一定揀到你想食嘅嘢🤗我今次就揀咗濃厚雞白湯拉麵配雞肉飯😆 食麵之前第一啖要飲湯😗☝️ 雞白湯果然係好濃厚，濃到似忌廉湯，係足料嘅濃，唔係味精重口味嘅濃🤤 麵質比較彈牙🦷同硬身，雞肉好腍好軟滑。雞肉飯雞肉同蛋絲份量充足，調味比例啱啱好👌甜甜鹹鹹好送飯。

相信好多香港人同我一樣，好耐冇返「鄉下」日本喇，今次就嚟到中環呢間日本餐廳：妖怪，嚟一個日本偽旅行，尋找日本的味道😝七款刺身拼盤：海膽creamy入口綿密，超級新鮮好味，食完簡直齒頰留香。拖羅高脂，口感飽滿，油香直逼喉嚨，食到唔想開口講嘢😂😂 睇返原來係米芝蓮級同埋日本🇯🇵直送，難怪咁好味同正宗。萬緣寺青椒🫑：非肉類串燒推介⚠️ 本身都擔心會辣，點知完全唔辣😆 青椒入口鮮甜多汁，淋上味道濃郁嘅鰻魚汁，再舖上木魚絲，味道層次豐富。三文魚籽冬菇🍄：燒過嘅冬菇面頭佈滿大大粒三文魚籽，睇見都流晒口水🤤 配搭新穎而且唔會搶味，菇有菇嘅鮮濃，三文魚籽亦有佢嘅鹹香十足。

妖怪嘅裝潢係以日本怪奇漫畫家始祖水木茂老師嘅經典作品「妖怪大圖鑑」作主題，設有唔少打卡位，例如係升降機大堂牆身超大幅嘅佈置，猶如置身漫畫場景當中😍油甘魚深海池魚丼，肉質甜美、脂膏豐腴，米飯🍚軟糯，食到停唔到口😋😋 味噌湯醒身暖胃，湯汁唔會過鹹，口感順滑，好飲！而朋友嘅雜錦魚生丼同樣吸引，試咗少少～甜蝦肉質細綿，甘甜非常！海膽入口質感細膩，鮮甜無比🤤我哋仲嗌咗個壽司拼盤分享，包括有中拖羅、牛鰍、赤身、金木鯛、深海池魚、真名鰹、昆布漬白蝦、北海道帶子、三文魚籽，仲有布甸蛋。中拖羅激重天然魚油脂嘅甘香，魚香持久。 金木鯛、深海池魚同埋真名鰹肉質細膩且味道鮮美😋👍🏻👍🏻

作為一個雞白湯控，梗係要試云晒全香港高質嘅雞白湯拉麵啦😋 聽講呢度嘅雞白湯都唔錯，所以就去試吓喇～本身都有少少🤏擔心，因為知道呢間餐廳係主打串燒、刺身同埋壽司🍣，並唔係雞白湯⋯⋯但係食完之後，我就知道，我嘅擔心係多餘㗎🤣濃厚雞白湯拉麵🍜 湯底極為濃郁，鮮甜不膩😍 飲得出真係非常足料，全部都係雞嘅精華。而且飲落creamy順滑，真係成碗飲晒都得😝 溏心蛋軟Q濃稠，雞肉嫩滑彈牙。一口湯、一口麵、一口雞，超級滿足🥰👏🏻拉麵關注組真係冇介紹錯，妖怪嘅雞白湯榮升我心目中嘅第一位‼️😌 我一定會回頭㗎，等我下次試埋佢哋嘅串燒，同刺身😛

稱草煙燻鰹魚 (5切) 使用稱草嘅大火一口氣炙熟表面，外皮烤至微焦，鰹魚中心位置仍然係半生狀態，食起嚟入口即化😋 煙燻增添風味，原汁原味呈現傳統古法。蘋果木煙燻特上大拖羅 (5切) 必食‼️稍微煙燻過嘅拖羅將油脂逼出，表面帶有亮晶晶嘅油花✨ 完全唔會膩，入口甘香，肉質鮮美，被驚艷到了🤤🙌🏻特上雞腿肉🍗雞皮燒到脆卜卜，面頭仲有少少柚子wasabi，好清新嘅組合。為味蕾帶嚟衝擊👅，同時帶出雞嘅鮮味。生蠔🦪大大隻，鮮甜滑溜，滋味十足。餐廳價錢合理，用料上乘，環境一流有露台有景觀，相信夜景🌃更引人入勝，係好值得一去嘅餐廳。

今日喺中環皇后大道中附近上堂，心血來潮想食日本嘢，就喺Openrice搵到呢間隱世餐廳～餐廳嘅名稱好特別，叫做妖怪，主打炭火烤雞串同壽司🍣，午市有定食🍱，夜晚更會搖身一變成為酒吧🍾。雖然我係午市嚟，但係見到喺落地玻璃前面嘅大大個酒櫃，有各式各樣嘅酒類🍷🍶🍻 我已經幻想到夜晚係幾咁好氣氛同埋熱鬧🎇我嗌咗個燒雞定食，仲有燒冬菇同燒蘆筍等配菜（另外附送前菜、味噌湯、漬物、沙律）🤩 燒雞肉質鬆軟多汁，份量十足而且件件都大大舊，幾乎覆蓋曬底下嘅白飯！燒冬菇肉厚爽彈，調味香濃😋 露筍清甜爽口，燒完都完全冇苦味，火喉控制得好好👏🏻淨係清曬定食附送嘅前菜都飽咗一半喇🤣 $260呢個價錢喺中環嚟講，食物高質而且咁大份，我真係覺得算好抵食！

我係專程為咗呢間餐廳嘅拖羅而嚟㗎😝 聽講呢度嘅拖羅，係由享負「金槍魚の王」美譽嘅日本山幸集團出品😍蘋果木煙燻特上大拖羅（5切）上枱時侍應會喺你面前拎開玻璃罩，煙霧彌漫十分有氣勢！當然唔會忘記要影相打卡啦📸✨ 呢個拖羅真係不得了～無論係肉質定係油脂比例，都係頂級水平🙌🏻 巧妙咁煙燻過嘅表面佈滿精緻嘅魚油花紋，肉質油潤而軟滑，口感細膩，入口即溶！寒鯖魚一夜干口感柔軟，肉質鮮嫩肥美，油脂豐富。三文魚籽冬菇同樣美味，魚籽爆漿帶海水味，冬菇香濃彈牙👍🏻👍🏻妖怪嘅食物質素相當之高，尤其是拖羅，的確冇令我失望，另外加分位係佢哋嘅擺盤同埋呈現方式，睇得出呢間餐廳嘅誠意！

2021年9月剛開業的時候來吃的，Lunch time生意很好，１個人很難訂座，沒book要過了1點半才有位。話說消費券效應，9月初我在中環先施百貨買鞋，合適的尺碼沒有現貨，先付錢再從倉庫調貨。趁午飯時間去取貨，再吃午餐，walk in 妖怪已經13:40，也只有bar枱位置，點了 set lunch，包括以下的：#辣味噌拉麵：午餐menu上唯一辣味選擇，湯底濃郁微辣，開胃！配雞柳不是叉燒，大大減輕油膩感，溏心蛋好好味！#免治雞肉蓋飯：米飯軟糯好吃！雞肉調味偏甜，我覺得一般！

🎨間餐廳裝修除左門口同一幅theme wall之外，同妖怪個主題唔係禁有關係😅🤵服務質素除左2位經理好好禮貌外，其他都好游魂禁，一杯水都要問幾次先會被你💰價錢方面係得 H Queen 當然就唔平，但食物味道就真係好普通，本身去呢間餐廳係諗住好多打卡位，但打卡緊止於門口😅