妖怪 (已結業)

最近喺中環返工，唔係好知呢邊午餐時間有乜日本餐廳好食🤔 做咗少少資料搜集，就留意到呢間妖怪俾好多報章雜誌報道過，心思思就去試下啦😆一出𨋢就見到花多眼亂嘅妖怪漫畫，望到入晒神😍 對住成班妖怪食飯感覺一定好有趣🤪午市套餐有定食、拉麵同烏冬嗰啲。我嗌咗個燒鰻魚飯定食，定食除咗個飯，仲會附送前菜、沙律、漬物、同埋味噌湯😳 鰻魚厚身多肉，索晒啲鰻魚汁味道香濃，口感豐盈有彈性。白飯熱辣辣，粒粒分明帶米香，唔覺唔覺就食晒。定食睇落去份量正常，其實十分飽肚！另外餐廳環境開揚裝修别緻，食物質素高，上菜速度快。侍應專業講解清晰，並且會主動加茶，今次用餐體驗非常之滿意☺️👏🏻