影片
更多
2022-07-13
70 浏览
餐廳樓底極高，掛咗大大小小嘅和風燈籠，好有氛圍，相信夜晚感覺會更加鬼魅！空間感大夠光猛，座位寬敞又舒適😌我哋嗌咗個超豐盛嘅刺身拼盤（上：由左至右）中拖羅、牛鰍、赤身、金木鯛、深海池魚；（下）真名鰹、昆布漬白蝦、北海道帶子、三文魚子、布甸蛋。全部都係勁新鮮，超好味！尤其係赤身🐟，魚香持久而且魚油脂恰到好處。燒鰻魚飯定食：即叫即燒，一上枱已經聞到好香嘅炭燒味。鰻魚嘅外層燒得好香脆又唔會太乾，大大條都幾肥厚，咬落去仲有少少魚油添！再配上濃郁嘅鰻魚汁，真係超滿足😋 另外日式蕨餅口感柔軟Q彈，唔會太甜，好味😍👍🏻
我哋嗌咗個超豐盛嘅刺身拼盤（上：由左至右）中拖羅、牛鰍、赤身、金木鯛、深海池魚；（下）真名鰹、昆布漬白蝦、北海道帶子、三文魚子、布甸蛋。全部都係勁新鮮，超好味！尤其係赤身🐟，魚香持久而且魚油脂恰到好處。
燒鰻魚飯定食：即叫即燒，一上枱已經聞到好香嘅炭燒味。鰻魚嘅外層燒得好香脆又唔會太乾，大大條都幾肥厚，咬落去仲有少少魚油添！再配上濃郁嘅鰻魚汁，真係超滿足😋 另外日式蕨餅口感柔軟Q彈，唔會太甜，好味😍👍🏻
张贴
