好運泰國美食

营业中

休息中

我超鍾意食泰菜！喺新蒲崗番咗一段時間工，一直都好鐘意好運！好運應該係喺新蒲崗番工嘅人嘅共同回憶嚟。好開心佢喺新蒲崗廣場開番，地方睇咗，仲同一間日本餐廳Share店舖。同朋友嚟可以話，一間餐廳有日本菜又有泰國菜，正斗！今日嚟食雞肉泰式清湯河，佢哋啲雞肉好嫩滑，清湯又香，想食得清淡但又鐘意泰國風味可以一試。朋友們就食咗豬頸肉飯（佢每次嚟都會食，話真係好好食）。仲有冬陰公炒飯（辣嘅愛好者可以一試）。同埋咖喱雞飯，都正！另外我都大推佢嘅冬陰公海鮮湯河，啲海鮮係新鮮的，湯可以揀辣度，我唔太食得辣就嗌BB辣。酸酸辣辣，非常開胃！嚟開新蒲崗可以一試呢間隱世小店！

經朋友介紹，去了新蒲崗吃泰式午餐。這家小店的內部佈置特色是大魚缸和泰國色彩文化圖畫。泰式海南雞飯58元，轉雞脾加10元，賣相美麗。雞皮爽口，雞肉嫩滑，無骨。油飯不太肥膩。菜心和青瓜味道正常。配有三款醬汁，有助提升味道層次。午餐時段送好運秘製特飲-香茅檸檬茶，酸酸甜甜，清新開胃。泰式炒金邊粉66元。份量大。四隻蝦，蝦肉彈牙。豆乾硬身，芽菜軟身，金邊粉煙韌，配料還有炒蛋，口感層次豐富。醬汁帶有茄汁味和甜味。泰式炸蝦餅4件25元，外層香脆，內層肉彈牙，沾上甜酸醬一起吃，美味。椰青38元，冰凍清涼鮮甜。

之前食過餐廳嘅日本嘢，覺得都唔錯，性價比幾好，今次午餐就試另一邊嘅泰國菜。午市套餐仲會附送特飲，我哋嗰日就係凍香茅檸檬水。泰式炸蝦餅&雞卷4件 $25/$21蝦餅同埋雞卷擺埋一齊做小食拼盤😍，蝦餅紮實，咬落去爽口，真材實料👍🏻雞卷用腐皮住，炸得酥脆，裏面嘅免治碎雞肉都好食，幾惹味😋冬陰功炒飯$64冬陰功炒飯我哋揀咗小辣，食落去唔會辣到標晒汗，但係又有冬陰功嗰種酸辣香味🥰配料有好多雞柳肉、大蝦、菇。其中大蝦好新鮮，爽口鮮嫩😋，總共都有四五隻，啱晒我呢個蝦控心意。泰式炒金邊粉$66炒金邊粉可以揀唔同配料，豬、牛、雞、蝦。我呢個海鮮控當然揀蝦🙈大蝦同炒飯一樣嘅，新鮮大隻爽口，食到舔舔脷😋金邊粉仲有啲豆腐乾、蛋、芽菜、蔥、花生等配料，味道酸酸地幾開胃，而且惹味👍🏻青木瓜沙律$21午餐仲可以要半份沙律😍，啱晒我哋人少少兩個人，又可以食啲沙律清清油膩。青木瓜絲爽脆，酸辣酸辣咁😋，撈埋啲花生、豆角粒，幾開胃👍🏻

🎒新蒲崗圖書館係我成長階段想去嘅地方，佢樓下嘅餐廳咁多年嚟換完一間又一間，今晚放工就去咗同一個地點，試吓呢一間泰國餐廳。🎒⛩今晚叫咗個泰式金邊粉，揀咗蝦做主菜。金邊粉份量豐富，鮮蝦肥美。金邊粉亦加入唔少蝦乾，菜譜，炒蛋絲，芽菜。廚師亦都加咗花生碎同埋青檸汁調味，令金邊粉更清新，更有層次。⛩🎆巨峰活乳酸梳打，冰涼感覺對抗夏日。甜甜嘅巨峰提子味加埋糖漿都係沈喺底㗎，所以記得要攪拌先好飲呀！🎆🎏餐廳佈置簡單得來有特色，好喜歡眼前嘅超大魚缸，背後亦都有充滿香港本土色彩嘅鼓勵字句同海報，感覺熟悉，令人懷念。🎏

估唔到新蒲崗呢個平平無奇嘅商場竟然有一間咁靚嘅泰國餐廳！門口嘅金魚缸相當吸睛！嚟之前仲驚會好噏耷除此之外入面仲有日本串燒驚喜真係一浪接一浪haha泰國菜嚟講呢度都算平地點就唔就腳就真係因人而異地鐵站行過嚟鑽石山計都要15分鐘左右不過絕對物超所值！冷盤(前菜) 熱食(炒嘢)都相當可以！食咗無骨鳳爪 pad Thai 同辣肉碎炒飯！飲品就用咗乳酪冇一樣係會令人失望哈哈一定會再嚟幫襯！靜靜雞話你知呢間仲要係黃店嚟大家經過附近一定要黎試吓！

同朋友在附近打完波來食個午飯，坐位寬敞坐得舒服。午飯時間聽到好多人點海南雞飯，有機會下次來又試下先。是日咖喱飯 牛肉 | $52咖哩微辣惹味，咖哩汁餸飯一流。牛肉份量好多又大塊，這個價錢性格比好高。泰式炒金邊粉牛肉 | $66金邊粉上有一堆牛肉，亦是大大塊，面頭加了花生碎。金邊粉甜酸味突出，夏天食幾開胃。泰式炸蝦餅四件 | $25跟餐加錢有蝦餅，有足足兩大件。炸得脆又彈牙。鯛魚燒 | $28鯛魚燒外層烤得乾脆，咬落熱辣辣，內裡有吉士，加上配搭的椰漿甜甜的，是好正的甜品。黑咖啡椰汁冰 | $24黑咖啡搭上椰汁味道甜甜的，夠冰凍。跟餐有檸檬香茅，冷熱皆可。餐廳做街坊價，性價比高，而且可以點日本餐，自由度高，適合想食不同菜式的朋友。

難得來到新蒲崗，所以就搵一下這裏的美食，來到新蒲崗廣場，被這個魚缸吸引住了，色彩斑斕的魚很漂亮，原來這間是食泰國菜的好運泰國菜館。見到餐廳裝修充滿著泰國特色。泰式濕炒河，裡面有紅蘿蔔、芥蘭、秀珍菇……等，牛肉切得很大件，也切得較薄，很有牛肉味且不會鞋 。河粉吸收了整個的牛肉汁，又軟又滑的，不過調味較為稍淡，如果較咸少少就更理想。酸辣無骨鳳爪面有洋蔥、紅椒、香芹菜、紅蘿蔔絲……等等，整個沙律菜酸酸甜甜，尤其是帶著洋蔥的小小刺激的辣，鳳爪爽口又入味，整個沙律顯得清新又惹味~~泰式炸蝦餅剛剛炸起，外帶點脆，爽口帶點彈牙，頗香口的，點上酸甜醬，是一道很可口的小食。

最近天氣真係熱左好多☀️有時下午真係無咩胃口🤣所以下午我都好鍾意食開胃呢!🥳剛好今天經過新蒲崗，就隨意搵D野食!🥗剛好見到好運泰國美食📍便決定食泰國🇹🇭菜!-由於真係唔太肚餓， 所以都只叫了一個主食🥢點了一個泰式海南雞飯，份量都好足夠!💖而且雞肉好滑，相對價錢仲好抵食!💛海南雞飯的醬汁真係好重要呀!🍚絕對係整個飯的靈魂~~ 開胃的醬汁絕對讓整個飯加滿分!✅-由於夏天真係特別想食開胃菜🧊所以點了青木瓜沙律🥗，好大份又開胃!小小辣岩晒我，食到少少辣的朋友值得試呀!😋同埋係開胃的，岩晒呢個悶熱的天氣食!💥🔥-最後都點了炭燒豬頸肉作小食🥩新鮮製作的碳燒豬頸肉，好香口，而且肉身也厚實🫕唔會太薄! 滿足的小食🔎-滿足的午餐，價錢真係好抵食!😘小店也值得支持呢🧡

之前係哩間鋪頭試左日本野覺得都唔差 今次經過附近就黎試埋佢個泰國菜menu—————————————————泰式炒金邊粉（$66）有幾種肉可以配 我地揀左雞肉金邊粉既份量著實唔細 濕度適中另外有啲花生碎 豆芽 同香葉 加添左口感同香氣馬拉盞炒通菜（$61）幾有鑊氣 小小辣 幾惹味冬蔭公海鮮湯（$78）配料甚多 有魷魚 蜆 蝦 同秀珍菇仲有啲車茄厘茄同香葉 嗌左小辣 飲湯酸多過辣酸酸辣辣幾開胃———————————————店舖既裝潢其實都幾有特色仲有棵櫻花樹添

今日帶左小姨甥去mikiki玩，玩得勁開心跟住就去咗附近食晏，見到有間泰國小餐廳，一於帶小姨甥食好野！餐廳四四方方好寬敞舒適仲有個好大嘅錦鋰魚缸！午市套餐好抵食，原來除左泰國菜外，仲有日式丼飯泰式海南雞飯呢個presentation 好有日式style估唔到$58就可以有埋視覺享受啲雞好嫩滑雞皮下的脂肪唔會好多，可以放心連皮食小姨甥都食唔停口，食得好滋味香葉肉碎炒飯肉碎炒飯好惹味炒得好香，味道辣辣地，越食越開胃‼️泰式炒金邊粉呢個金邊粉比較濕潤，如果炒得乾身啲會更好食！味道甜甜的，好有層次酸辣無骨鳳爪呢碟只係$25咋，勁抵食鳳爪好Q彈，連骨食無難度！

在舊區內，與老公找好東西在一個舊式商場中，有一間泰國餐廳餐廳好多人排隊入坐，職員都好忙碌叫了一個豬頸肉船河味道清淡因為我未有落調味料如果有落，應該好好味而豬頸肉份量足夠另外，老公點了一個咖哩雞飯味道好正，十分濃味而咖喱並非很spicy椰香味跟咖哩味比例剛好並合蒜蓉包，絕對是天生一對整體來說，CP值高😋價錢商宜絕對是舊區的美食之一而真的想不到舊商場竟有隱世美食而餐廳🍴更是一間黃色餐廳回頭率整高💪🏻💪🏻

跟入初夏，很想一嚐泰式美食，走進泰式餐館「好運泰國美食」，泰式海南雞飯、泰式濕炒牛河、炸蝦餅、芒果糯米飯、泰式咖啡、奶茶，滿滿的泰式佳餚，午餐一於大快朶頤。小食是炸蝦餅，酥香、肉質鮮爽，很合味道令胃口大開！泰式海南雞飯，掛有肉汁的海南雞，蘸些泰式薑末吃，吃得滿口薑香又帶微微酸辣，美味又具風味的薑汁！泰式濕炒牛河，喜歡泰式濕炒河粉不油膩又多蔬菜，感覺與視覺都很豐富，牛肉是薄切肥牛片口感蠻佳的。我們都被這款芒果糯米飯造型吸引著，色澤悅目，丸子造型的糯米飯可愛又方便挾取，雖然是甜品，但甜度都是取自芒果的天然果糖，是健康的甜品。泰國奶茶嘗很多，我今次嘗試泰國咖啡，有著微微的咖啡香郁、甜蜜的味道，沒有咖啡的苦澀又是另一風格的凍飲。

覺得船麵好食所以今晚再黎試吓其他，兩個人叫左以下食物：1）生蝦刺身～新鮮，size 適中唔錯啊2）炒豬金邊粉， 其實唔要肉就咁炒都好啊3）椰汁雞湯～ 飲落椰汁慢慢出嚟，唔錯～4) 咸魚炒通菜～ 菜新鮮，味道唔錯5）蝦餅釀皮蛋～ 蝦餅佔比例少咗6）椰青～ 不得了，多水多肉 😂兩個人食到抱住個肚走啊🥰因為份量真係滿足職員又好好， 有禮，其中似老闆既亦友善會主動問下意見傾下計值得再幫襯架～

新蒲崗廣場二樓新開了一間食肆，佈置得很特別，有日式，有泰式，門口有個大魚缸，彩色錦鯉游來游去。坐下來點餐，餐牌都是一面日菜，一面泰菜的，很特別。我都是比較喜喜泰國菜的香辣味道。午餐：“是日咖喱飯（牛肉）”，牛肉爽滑，有質感，咖喱香濃之餘，亦充滿泰式香料的清新味道。“香葉肉碎飯”，肉碎份量充足，香香辣辣的，非常醒胃，豆角亦爽口。小食：“酸辣無骨鳳爪（半份）”啖啖肉，爽口，酸酸甜甜的，味道不錯。“泰式炸蝦餅（4件）”，新鮮即炸，香噴噴，蝦肉脆口彈牙，點上泰式辣醬，是必食之選。最後來個甜品：“泰式千層糕”，造型有心思，四朵花形千層糕，加點椰奶來吃，特別滿足。這裏的菜式製作得很用心，味道好，性價比又高，午餐更附送“香茅檸檬水”，解渴又清熱。

星期一放假，出面人少少，就去懲罰下呢間日泰野呢間餐廳好有趣，分開左日式同泰式裝修兩邊，門口有個巨型魚缸，仲有條巨魚魚傻下傻下咁游。唔單只裝修分日泰，餐牌都係分開日式泰式，我地一於叫一日一泰。未諗好食咩，侍應就企左係度等你🤣🤣叫左個日式咖喱芝士豬扒飯同豬頸肉冬陰公金邊粉！個豬扒係吉列底，食得出係新鮮炸出黎，上面個layer芝士，令個味overall 濃左，同時令個好炸嘅吉列無咁炸（我覺得唔會有好吉口吉牙肉嘅感覺）。個豬頸肉係燒的，整得幾正，而個冬陰公湯叫左少辣，個味係幾有泰國嘅感覺 不過應該好重味精，食完飲左勁多水🤭