好運泰國美食

营业中

休息中

舊同學生日聚會💯2023年11月4 日經朋友介紹這間位於新莆崗廣場‘’好運泰國美食餐廳‘’, 廚師是正宗泰國人理料, 味道一流,比想像中的美味。環境衛生整潔😎, 我們被安排坐進一間房間,空間舒適。 一個隱世難被發現的奏國餐廳值得再去💕

某日同事提意食泰國菜 ，我哋隨意揀咗公司附近一間食店， 出乎意料之外的好味😋，簡單啲形容“平靚正”。 對於工作繁忙嘅打公仔黎講，lunch time 係一個好重要嘅私人時間🤗, 呢間餐廳座位夠寬闊，可以同同事盡呻工作上既不滿，就算老闆坐正隔離都無有怕😏。店內環境衛生好，員工服務態度一流，睇得出每位用心服務。晚餐菜單亦好吸引，有泰式+日式小菜，有機會一定要試埋晚上嘅小菜。

20230923 晚餐 $32082/ 肉碎生菜包。肉碎有份量。78/ 炸蝦餅。份量同價錢成反比。66/ 辣椒炒牛肉河粉。味重份量小。70/ 冬陰功炒飯。味重濕炒飯。24/ 葡萄乳酸飯後非常口渴。太好味道。還是太多味精？PS 4枱客有2枱餐點日式食品

安座家中,真係好難搵到好嘢食,網上平台見到餐廳再上openrice下佢嘅評語,鑽研咗四五間見呢間咁多好評於事就叫外送. 三樣食咗兩樣先留個食評. 蝦餅34蚊四片, 香港物價真係貴得咁恐怖, 原來係一嚿圓形蝦餅展開四小舊, 即係34蚊一片蝦餅, 日本壽司都冇咁貴, 34蚊都有兩件大大舊. 蒜蓉炒雜菜70蚊, 份量都夠多, 但食完有味精反應, 炒碟菜都要落咁多味精, 香港人真係食味精食到病, 天然啲嘅食物唔好食咩! 希望唔係而家成日喺視頻見到嗰啲綠色似雞屎嘅味精. 食完之後作嘔作悶, 頭暈暈, 唔知係咪精反應定係其他材料. 生菜肉鬆留返聽日. 真係失望, 諗住有一間好餐廳喺附近可以成日嗌, 又要再搵了 🥺

一個極度平平無奇兼人流好少嘅新蒲崗商場竟然有間真係好抵食/性價比極高嘅泰國菜餐廳一直都聽朋友介紹呢間泰國菜咁啱有日要去新蒲崗終於的起心肝去搵下呢間餐廳嘅真身係響邊原來呢間好運泰國美食係隱藏響新蒲崗廣場二樓仲要係好角落頭嘅位置不過之後幾次去都係趕時間關係/最後都係叫咗外賣以下係試過嘅嘢食： ✨紅咖哩雞肉飯味道唔錯/個汁唔係水汪汪稀/撈飯食一流✨泰式炸蝦餅雖然越嚟越細件/同埋個汁好似越嚟越辣咁✨泰式炒金邊粉雖然係外賣/一開盒仲聞到鑊氣/配埋青檸汁非常開胃🌟提提你呢度要消費滿$400先可以用信用卡呀始終係小店/記得帶定足夠現金先去喇

餐廳雖然喺商場入面，對面又有米芝蓮糖水店，但其實商場人流唔多，可以用靜嚟形容，所以唔容易發現到小店🙉。雖然食評唔多，但當中不乏讚佢嘅評論，加上自己中意試伏😂，最後決定試下晚餐。海南雞 $94/半隻雞肉嫩滑，雞皮唔叫爽彈，而係滑。無雞腥味，但亦無乜雞味，不過不失。炸蝦餅 $78性價比唔高，細細件，剪到有大有細，砌番一齊嘅話，似完整一粒分成三件FEEL。除非好中意食蝦餅，否則唔建議點佢😥。牛肉炒金邊粉 $74由於炒飯已經有海鮮，所以叫左牛肉。牛肉份量唔多，切得比較薄身；炒粉唔乾乾身，同埋碎濕濕。不過聞落同食落都好有鑊氣、同蛋香，而且好熱，調味適中、少少酸，唔錯🤤。菠蘿炒飯 $70炒飯配料幾豐富，除左大蝦同魷魚外，仲有三色豆、提子乾、菠蘿粒、肉鬆，如果加埋脆腰果就更正!! 飯炒到粒粒分明，而且幾正宗，用黃薑粉，而唔係咖哩粉。職員上菜快、效率高，落左柯打大概十分鐘就到齊。晚市除左有泰菜外，仲有日式串燒，選擇好多，而且價錢親民，又無加一，可以一試👍。其他資訊：餐廳滿$400先可以碌卡。

記得當天行程滿滿，但當中遇上了許多的不順利。本來沒有打算在新蒲崗吃午餐但怎料到原本的行程需要推遲，多出了的時間唯有到處逛逛再吃點東西想了很久才決定好要吃這家餐廳當時點了個泰式牛肉炒金邊粉配熱飲（熱飲忘記名字了，但非常好喝！）金邊粉好夠鑊氣！沒想到誤打誤撞都吃到好很好吃的餐廳。不知道是過了用餐高峰時間定點，當時用餐人數不多。我覺得這家餐廳無論食物質素、環境、店員態度都很好，好值得讓更多人認識！如果去開又諗唔到食咩，可以試下😋

#飲食日記 #飲食記錄 #飲食日常 ------------------------------香茅豬頸肉湯河凍無糖綠茶🍵------------------------------幾抵食豬頸肉同湯嘅調味都香😋有啲啲微微辣🌶不過個人唔太鍾意呢款粉麵嘅味但會有下次，想試下其他男生也可以吃飽飽的那種🙆‍♂️而且也有供應到‘’晚餐‘’時段🥳裝潢和擺盤都有濃濃的泰國風情🏝

聚餐選這裡就對了啦❤️-#烤節瓜#月亮蝦餅#胡辣烤鮮魚#香料牛叻串#臭豆腐辣炒四季豆#椒鹽芋絲肥腸#椒鹽雞軟骨#特色海鮮炒飯#酸辣臭豆腐湯-必點 辣炒四季豆臭豆腐 豆腐非常臭但好好吃跟四季豆一起吃真的會一口接不停🤤烤鮮魚 魚肉很嫩非常新鮮值得等待！ 月亮蝦餅厚實彈牙 沾醬吃更讚❤️ 櫛瓜鮮嫩多汁牛叻串 肉質軟嫩很鮮美 雞軟骨跟肥腸也是熱門款 真的要試試看 海鮮炒飯味道很夠 還有炒鍋香氣 非常迷人十分美味 ～ 酸辣臭豆腐湯 濃郁椰奶香 酸度也很夠 喝完超級開胃！

上星期六放工約埋同事去新蒲崗好運泰國美食dinner。依間餐廳比較隱蔽，但有好多人落外賣order，所以食物一定有保證呢！酸辣無骨鳳爪：份量比想像中多，酸辣味非常足，會愈食愈辣。而鳳爪口感好爽口，當中仲有少少洋蔥，增加口感。泰式炸蝦餅：好推介！蝦餅即叫即炸，上枱仲熱辣辣。蝦餅外層香脆，入面蝦肉彈牙！泰式炒金邊粉配蝦：金邊粉炒得幾香口又濕潤，吾油吾乾，口感滑口。另外有四隻大蝦，口感實肉。整體味道，咸咸甜甜，令人幾開胃。

#日本美食 #泰國美食 #新蒲崗 #拾う月 #好運泰國美食 #💛Weekend同朋友係屋企附近食野呢間餐廳係泰式同日式兩間舖頭連住嘅 😳兩邊嘅食物都可以一次過食晒啱晒一班人一齊share😋🍱泰日炸物拼盤 $158有皮蛋、蝦餅、雞捲、泰式雞翼、餃子、炸雞估唔到份量咁多😋熱辣辣同埋大大舊好足料👍🏻🥒黑枝豆 $23一碗咁多條 啱晒送酒同吹水☺️🐠三文魚腩串燒 $38@1🐷鹿兒島 黑豚腩串 $38@1🥟炸雞皮餃子 $48我地叫左幾支泰啤飲🍻🍺呢度有泰象同勝獅兩種泰啤 都係$38/一支 😌泰象味道較淡同易入口 勝獅比較硬但都多啲氣 真係睇個人鍾意邊隻啦😉

新蒲崗廣場二樓的隠世泰菜👍🏿，其實同一間野仲可以嗌到日本菜，應該係兩間餐廳Share同一個鋪位，都幾好，可以有多啲選擇😆。Lunch時段同同事嚟食，佢嘅午餐大約五六十蚊一個，有一個主食同一杯凍/熱香茅檸檬水。我叫咗冬蔭公豬頸肉湯河，BB辣。個湯底好香蕃薯茄味同香茅味，加上小小辣，非常之開胃。配嘅豬頸肉都唔錯，好香，同個湯河都好夾。而杯香茅檸檬🍋水都好開胃，食完飲完都唔濟，而係好fresh嘅感覺。好食！朋友就叫咗雞肉船河😀，雞肉都嫩滑，船河就正正常常。以呢個價錢嚟講算係幾好食同抵食。環境就都舒服，有一個大魚缸，可以望住啲魚同烏龜🐢食嘢，都幾寫意。

同老公去新蒲崗探舅婆，之後再喺附近行吓，天氣太熱，行咗入新蒲崗廣場，經過2樓有間好運泰國美食，記得之前食過味道唔錯，一於入去回味一下！餐廳內有一大缸錦鯉金魚，色彩繽紛非常美麗，望住啲魚食嘢，心情特別舒暢！泰式濕炒豬肉河：炒得好夠鑊氣，豬肉很香，河粉滑溜，其他配菜和獻汁都調得很惹味。菠蘿海鮮炒飯：菠蘿炒飯一樣炒得夠鑊氣，唔會太油膩，味道香甜爽口，米飯顆粒分明、蝦仁爽口、魷魚彈牙、菠蘿鮮香。泰式炸蝦餅：即叫即炸熱辣辣，Q彈爽口、香脆彈牙，點些泰式酸辣醬，可令味道提升。

早排留意到新蒲崗廣場有間泰國餐廳，咁岩係附近做完yoga，少少肚餓想搵野食，順理成章就去食啦😝因為夜晚約左人食大餐，下午茶就食得簡單d~ 其實佢午市d飯餐都超級抵食，我仲見到唔少人都叫個飯或者湯河，再加配小食！我都好想試海南雞飯同雞卷，不過唔想食太飽，就叫左泰式燒鮮魷，超級大隻，我專登搵包紙巾做下對比🤣 師傅燒得好香好好食，唔乾唔柴仲有d肉汁，加上燒時已加左少少醬料，好惹味，佢仲有一杯泰或酸辣醬汁，超級開胃！呢度唔使收加一架，超有良心😝 店員態度好好，又會主動送上暖茶。

我超鍾意食泰菜！喺新蒲崗番咗一段時間工，一直都好鐘意好運！好運應該係喺新蒲崗番工嘅人嘅共同回憶嚟。好開心佢喺新蒲崗廣場開番，地方睇咗，仲同一間日本餐廳Share店舖。同朋友嚟可以話，一間餐廳有日本菜又有泰國菜，正斗！今日嚟食雞肉泰式清湯河，佢哋啲雞肉好嫩滑，清湯又香，想食得清淡但又鐘意泰國風味可以一試。朋友們就食咗豬頸肉飯（佢每次嚟都會食，話真係好好食）。仲有冬陰公炒飯（辣嘅愛好者可以一試）。同埋咖喱雞飯，都正！另外我都大推佢嘅冬陰公海鮮湯河，啲海鮮係新鮮的，湯可以揀辣度，我唔太食得辣就嗌BB辣。酸酸辣辣，非常開胃！嚟開新蒲崗可以一試呢間隱世小店！