好運泰國美食

营业中

休息中

今天中午，我和老婆來到了位於新蒲崗廣場2樓的好運泰國美食，這是一家充滿泰國風情的小餐館。餐廳的環境舒適，讓人感覺輕鬆愉快。我們一進門，就被菜單上色香味俱全的泰國料理吸引住了。老婆選擇了泰式炒金邊粉，這道菜色澤金黃，麵條爽滑，搭配新鮮的海鮮和蔬菜，味道鮮美，讓人回味無窮。她還點了椰汁冰，清涼甜蜜，完美消暑。我則選擇了泰式海南雞脾飯，雞肉鮮嫩，搭配香滑的米飯，令人滿足。為了增加飽腹感，我又點了菠蘿炒飯，這道菜色香味俱全，菠蘿的酸甜與米飯的香氣相互融合，讓人一試成主顧。最後，我們還點了甜品——泰式千層糕，層層分明，口感柔滑，帶有淡淡的椰香，為這頓豐盛的午餐畫上了完美的句號。整體來說，好運泰國美食的菜品豐富多樣，味道地道，是享受泰式料理的好地方。下次有機會，我們一定會再來光顧！

泰式炒金邊粉一上桌，那豐富的色彩便奪人眼球。米粉粗細均勻，被精心炒制，每一根都裹滿了濃郁的醬汁，帶著恰到好處的酸甜與微辣。豆芽、韭菜、蝦仁等配菜巧妙搭配，口感豐富，米粉爽滑勁道，每一口都充滿活力，讓人彷彿能感受到泰國街頭的煙火氣息。 泰式炸蝦餅堪稱一絕，外皮被炸得金黃酥脆，輕輕一咬，「嘎吱」作響。內裡滿滿的蝦肉，鮮嫩彈牙，蝦肉的鮮甜在口中散開，搭配特製的蘸料，酸辣的味道進一步提升了蝦餅的鮮美，讓人欲罷不能。 泰式豬頸肉船河也十分出色。豬頸肉切得薄厚適中，經過煎制，外皮微焦，內裡鮮嫩多汁，獨特的香氣撲鼻而來。河粉順滑，在濃郁的豬骨湯中浸潤，吸收了湯汁的鮮美，再加上豐富的配菜，每一口都是滿滿的享受，為食客帶來一場地道的泰國美食盛宴 。

舖頭就喺新蒲崗啟德大型商場隔離，如果唔想食連鎖舖頭，呢個係個幾好嘅選擇👍👍性價比高，而且款式種類都多🫶🏼我哋叫咗個前菜係蝦餅釀皮蛋🦐🍤好少地方有得食呢類型嘅菜 有晒我鍾意食嘅食👍👍蝦餅熱辣辣炸出嚟好彈牙 然後有隻皮蛋黐住嘅🍤食落嘅口感好正 而且只係$68 已經有八大嚿主菜叫咗💛黃咖喱海鮮 咖喱係正宗甜甜地咖喱 有好多蔬菜配菜炒香啲海鮮 包括青口，魷魚蝦 配飯食一流👍👍主菜叫咗🍘香葉肉碎炒飯 啲肉碎幾香 嗌咗小辣就啱啱好 白飯粒粒分明最後叫咗個蒜蓉炒通菜🥦都係少辣🌶️ 平衡返全餐嘅營養

成日去新蒲崗搵食，鐘意佢多小店近排好想食海南雞飯，見呢間評價幾好就上去試下，平時成日係外面經過，都無留意到有間泰國野招牌海南雞飯的確係招牌菜，海南雞肉十分嫩滑，再加上酸辣醬同甜豉油，好食不得不讚佢地個油飯，又香又夠乾身，真係粒粒分明，又唔會太油膩泰式炒金邊粉（牛肉）金邊粉炒得非常地道，炒得夠乾身，非常有口感，牛肉大大塊仲有唔少豆芽和花生，整體黎講酸酸甜甜，好滋味串燒叫左白鱔，牛肉同豬肉燒得香口，白鱔好肥美芒果糯米飯 食泰國嘢點少得芒果糯米飯賣相好靚，見到都開心糯米飯變成一口size 煙煙韌韌，芒果又甜再搭配著香甜的椰漿，下次黎都會再食

估唔到係新蒲崗廣場2樓 搵到一間比較隱世嘅泰國餐廳主打泰國菜 和串燒 仲有一間廂房就算一大班朋友 唔使高消費都可以有私隱度揀咗又平又大碟香辣肉碎炒飯真係好開胃 炒得幾香口份量都唔細 最緊要炒得夠乾身再加杯椰汁冰 夜晚想飲杯啤酒，食吓串燒日式串燒都唔錯 例如日式免治軟骨串燒 配埋滑蛋 食完唔夠就要encore 印象中三十零蚊左右燒茄子都唔錯 十零蚊一串好抵食用上日式醬汁 味道更香 就算唔鍾意食辣都啱燒豬頸肉最緊要唔好咁燶 薄燒幾好食

正宗人氣泰國菜🥢店內環境滿滿泰國風情🇹🇭彷似置身泰國一樣😃先將青咖哩醬和配料一同炒香🔥再加入白飯及豬肉快炒🐷香辣之餘又帶椰香，香口惹味夠乾身😋香葉辣椒炒河是泰國街頭隨處可見的特色美食🥘軟滑的河粉，加人鮮嫩雞肉及香葉🌿炒出香味，好夠鑊氣👨‍🍳配料還有香菇及雜菜，味道層次十分豐富🤩牛肉串燒好juicy，肉質好嫩🐮即叫即燒，好香牛味，味道香濃🍡點一點秘製沙嗲醬汁，份外惹味🤤

今日去到新蒲崗搵嘢食，見到有一間沒有想過這間小店有日本和泰國菜都幾特別，我哋今次就食泰菜，價錢比目中平又味道不錯。炭燒豬頸肉沒想到肉汁偏多不太乾但食到脆口朋友都讚好，$74價錢都有唔少份量。泰式炒通菜，味道微辣通菜都新鮮唔會炒得太老身。冬陰功金邊粉要咗牛肉$58，冬陰公味酸夠如果椰香再濃點會更好，粉份量勁多食唔晒咁滯，原來除了牛肉仲有肉丸添。泰式濕炒河要咗雞肉，濕炒幾香，雞肉都幾嫩，熱度再熱點會再好食點添。青檸梳打清清岩晒，不用＄３００／２人食都夠飽。

餐廳位置比較隱蔽，位置不多，但感覺親民🍜 正宗泰式船河 $52 （豬頸肉+5）可以揀金邊粉或河粉，小熊貓今次就揀咗河粉～ 湯底味道豐富，食到濃郁香料味道，面底好大，香燒豬頸肉都好大塊，長到成隻匙羹🙊 🦐 虎蝦粉絲煲 $158一上枱香氣撲鼻，虎蝦大大隻，而且數量都多，餐廳好細心已經將佢開邊～ 粉絲吸晒所有精華，好入味，加上蒜蓉薑蔥，惹味👍🏼🥭 芒果糯米飯 $42食泰國嘢點少得芒果糯米飯～ 賣相好靚，見到食慾大增～ 芒果鮮甜，餐廳又好細心將糯米飯變成一口size💛 糯米煙煙韌韌，加埋椰汁甜味十足☺️

今日同朋友去咗新蒲崗食嘢，因為地理位置都近大家，之前都去過新蒲崗廣場，係一個好地道嘅商場，今日就去咗食一間泰國餐廳🇹🇭價錢非常親民，質素亦比想像中高。紫菜魷魚鬚🦑紫菜味幾濃郁💚魷魚鬚爽口彈牙。朋友叫咗豬頸肉湯檬，辣度仲要揀大辣🥵豬頸肉十分爽口，辣度刺激味蕾🔥湯檬軟硬度恰到好處。餐廳招牌海南雞飯果然系招牌菜，海南雞肉十分嫩滑，沾上酸辣醬同甜豉油更為滋味，酸辣醬刺激味蕾🔥甜豉油同海南雞系天作之合。油飯又吾系話太油膩，入口好滋味。朋友系飲青檸梳打🍋‍🟩泰國菜本身偏向油膩，青檸梳打就達至解膩作用。自己就好中意奶茶，所以去親泰國餐廳都叫泰式奶茶，奶茶茶底濃郁香醇🧡芒果糯米飯🥭又系泰國餐廳必叫，芒果香甜，糯米飯軟糯，蝶豆花顏色好靚💜配以椰汁更具夏日風情🏝️

泰國旅行的回憶念念不忘，回到香港後，對於泰菜的熱愛只係愈發強烈，百吃不厭。約親戚食飯，作為街坊的他們，都推介新蒲崗的「好運泰國美食」，又再次品嚐到正宗的泰國味道。⟢ 1. 肉碎生菜包新鮮生菜包裹著香噴噴熱辣辣的肉碎，肉碎中加入了香料與花生碎，非常惹味又富有辣香，一口又一口停不下來。其實生菜包除了惹味，還充滿健康感，適合想要輕食的人。⟢ 2. 泰式炒金邊粉（蝦肉）經典泰國街頭小吃，餐廳將金邊粉炒得非常地道，色澤金黃誘人。金邊粉非常有口感，而且蝦肉鮮甜，再搭配脆口的豆芽和花生，最後再添加酸酸的檸檬汁，整道菜更加提味，還原度十足。⟢ 3. 芒果糯米飯芒果糯米飯是泰式甜品必點之選。芒果非常鮮甜，搭配著香甜的椰漿糯米飯，無論是外觀還是味道都出色。值得一提的是，糯米飯有白糯米和紫米兩種，非常有趣，亦可以作打卡之用。⟢ 4. 椰汁冰 | 龍眼冰椰汁冰奶香味濃郁，龍眼冰則口感清爽。難怪這麼多街坊都推介好運泰國美食吧。喜愛泰國菜的，真的要親自來品嚐一下！

餐廳位於新蒲崗商場，係你我身邊都有一個，補習社小食舖餐廳林立嘅街坊商場。搭扶手電梯上到去，第一下搵唔到間舖頭，兜咗個圈。近向下嘅扶手電梯，門口有個大魚缸嘅就係啦。原來舖頭一半係泰國菜，一半係日本菜，直程可以日式餃子配泰式奶茶，不過今日嘅Mood係想食泰國菜。嗌完食物之後，好快就上到菜。小食要左炭燒豬頸肉，份量都幾多。汁有少少似泰式酸辣醬加羅漢子醬，偏酸食到尾後勁都少少辣，不過唔點汁本身都好夠味，調味夠，有蒜香味。食泰國野一定會叫炒通菜架啦，要左個泰式炒通菜。份量都幾多下，啱啱炒起熱辣辣，但唔會炒到老哂，保留到菜嘅脆口。唔係好食得辣嘅都唔怕，辣度都有得揀，叫咗BB辣。啱啱好嘅辣，配上咸香嘅豆醬味，好惹味。香葉辣椒肉碎炒飯，都係揀咗BB辣。大概1.5碗嘅份量，呢個價錢嚟講好少地方做到了，更唔使講係泰國菜。肉碎、豆角粒、香葉加埋，增加左口感。泰式炒飯係偏濕身嘅，但都好有鑊氣。芒果糯米飯，有六個小糯米球，配上芒果，賣相好靚。糯米飯食落原來係熱嘅，椰汁都係有落鹽嗰種，夠正宗。芒果甜甜地配埋一口一件嘅糯米飯，為呢餐畫上完美句號。

今日同朋友去咗新蒲崗嘅好運泰國美食去到已經覺得餐廳環境好闊落 啲裝飾好有泰國風情我哋嗌咗泰式炸蝦餅，泰式船河，冬陰功湯粉同埋泰式燒魷魚筒全部嘢都好有驚喜！泰式船河同冬陰功湯粉我哋都揀咗要金邊粉，同埋雞肉首先佢啲雞肉全部都好嫩滑 完全唔會鞋啲金邊粉嘅軟硬度又恰到好處 泰式船河個湯底都幾香，而冬陰功湯粉湯底又唔會太過辣同埋佢嘅份量好足夠 我哋一人一個湯粉食完之後已經幾飽下至於泰式炸蝦餅上菜嘅時候已經熱辣辣外皮好脆 啲肉又好滑同鮮味至於燒魷魚筒又係即燒 個汁好惹味 酸酸辣辣地 夠哂開胃食埋兩個小食真係超級飽除咗嘢食之外我哋仲嗌咗支泰國象啤 勁大支 嗌一支其實已經夠晒兩個人飲臨尾再追加咗個泰式豬肉串燒又係啲肉勁嫩滑得來仲要燒到外皮微脆 好好食呢餐真係大滿足！

新蒲崗廣場2樓有一間嘅泰國菜，趁小朋友今日補完習去食下🙃我哋叫咗兩個主食，一個係菠蘿海鮮炒飯，炒飯十分有鑊氣，粒粒分明，仲有好豐富嘅配料，有蝦、肉鬆、魷魚等😆份量都唔少呢個粉絲蝦煲都做得幾出色，粉絲都幾多，蝦有幾大隻，配上少量嘅蒜蓉同辣椒，十分惹味。飲品方面叫咗個巨峰梳打同埋可樂，梳打大大杯，十分解渴。芒果糯米飯，賣相十分吸睛，有紫色同白色嘅糯米飯。糯米飯熱辣辣，軟糯糯，配上芒果蓉同埋椰汁，有多重嘅味道同埋口感。總結而言，係一間值得試嘅泰國菜。😇

「好運泰國美食」位於新蒲崗新蒲崗廣場2樓…….入門口有一個好大嘅魚缸……而且雖然在一個舊式的商場，但係店內裝修都幾有泰國風🤭🤭豬頸肉生菜包…….豬頸肉乾身的來不會太過鞋口…包生菜🥬食冇咁肥膩😂😂⋯⋯辣到我揀咗中辣剛剛好😚😚香葉辣椒肉碎炒飯（中辣）….辣辣地好惹味！肉碎同飯嘅比例剛剛好！泰式海南雞飯 …..雞件肥瘦適中，個油飯又唔會話太油膩幾好味！泰式蠔仔煎蛋餅….蛋味好香濃，味道不錯！

新蒲崗係個美食林立嘅地區，有好多特色小店，<好運泰國美食> 就係其中一間我就衝著泰菜而來，友人則觀察力強，憑裝潢就洞悉 <好運泰國美食> 係泰日 fusion，同一個鋪面，日菜部係<拾う月> （下次先試）<好運泰國美食> 店舖細細，但餐牌選擇多樣，無論係炒餸、炸物、湯粉麵、不同主食、甜點同飲品，都一應俱全店舖仲好細心咁提供靈活劃位，無論一人、兩口子定成家人/朋友，都可以享有相對獨立嘅空間用餐，食得舒舒服服是晚味蕾好貪心，所以一行2人嗌咗唔同種類嘅嘢食，大集匯泰式皮蛋釀蝦餅 ($78)個蝦餅炸得好脆又唔油，啖啖蝦膠，好滿足泰式炭燒豬頸肉 ($74)咪睇盛菜嘅碟唔大，但豬頸肉層層疊咁，份量好足 趁熱食，油脂喺口中融化，肉又爽口，仲有炭香，令人印象深刻 自由搭配海南雞飯嘅醬料，風味更多樣泰式海南雞飯 ($64 + 10 轉髀)最令人覺得驚喜，係泰式海南雞飯送個麵豉湯，令人體驗到泰日fusion 唔知係咪加 $10 轉髀有功，還是本身海南雞就係滑，海南雞集齊軟熟、滑同香濃雞味，搭香噴噴油飯食，冇得彈 炒通菜 ($58 + 5 馬拉