好運印尼餐廳

营业中

休息中

平日通常帶飯返公司食... 不過今日冇得帶，所以就出左街食，由海濱道中間位行去要二十分鐘左右。行到去大約一點四左右，眼尾望到門口話依間野2014年攞過米芝蓮... 所以就二話不說直接入去坐底了... 見到得三四枱滿都覺得奇怪啦！正常平日午市間間食店應該都坐到滿一滿，為獨依一間... 唔理喇！再睇睇menu先，嘩！冇午市餐牌，只有得單叫... 心知不妙... 不過都坐底左，我都照叫當試下新野啦！叫左蝶椰香雞飯，另外叫左個榴連搭子冰。整體來說味道係可以咖，不過價錢偏貴，咁様叫左兩樣嘢都收我87蚊。一定冇下次... 為一值得一讚咖係招乎唔錯，坐得舒服同冷氣夠涼！

基本上三個字: 好難食！完！但係食評話最少80字，所以有以下食後感:- 印尼炒飯: 冇味，自己亂炒都會好食過佢。- 加多加多: 同認知嘅唔同，原來佢呢度係一碟沙嗲汁炒什菜，個汁重要又甜又唔香。- 牛肉串燒: 牛肉醃得太咸，食完應該會患腎病，加埋佢同一個沙嗲汁，真係勁伏！另外，一叫半打要同一款肉，not good!- 蕉葉燒魚: 齋辣，唔香，細條，勁貴！- 榴連冰: 假嘅榴連味，係一條榴連糕嘅味，難飲！最後，要去麥記滿足返自己個胃。

照舊同同事一星期一飯局😝今次到呢間！入到去好中意個裝修呀😍勁80年代～👉🏿✨巴東牛肉飯 Hkd 65 💸📌老實講咁既價錢算貴了，份量也不算多，味道也一般啦🤷🏽‍♀️佢啲醬汁都幾重椰汁味，不過辣度都非常勁！牛肉都算好食，唔會香口膠👍🏿但就普普通通，唔值65啦⋯⋯👉🏿✨喇沙蝦肉麵 Hkd 55 💸📌呢個就更加普通了，諗住佢啲喇沙係濃味啲椰香啲既喇沙，但黎到就好似係味精湯咁😂有啲失望..佢啲麵就幾似拉麵，軟硬度都可以，但啲蝦肉就唔新鮮了，真係失望呀😣

由中學到依加出來做嘢已經幫襯呢間印尼菜好幾次，味道都能夠保持一貫嘅水準，室內環境咁多年都無變過，依然有種復古嘅感覺，食物亦唔需要好花巧華麗presentation，大家都食得好開心。特別推介炒雜菜，薯仔餅，炸魚同黃薑湯，炒雜菜有花生醬嘅味道，口味好特別；薯仔餅mash到啲薯仔溶晒，再用蛋汁煎返香去，好入味；炸魚啖啖肉，配埋特製醬汁好鮮味；食飯當晚好凍，黃薑湯好暖身，雖然以黃薑為主調，但湯底配以雜菜好清甜，唔會好油膩。不過唔知係咪印尼菜嘅特色呢，唔知點解碟碟菜嘅味道都係帶甜嘅？

今日在觀塘上課, 知道呢度有間米芝蓮餐廳, 我同媽咪都係第一次食印尼菜, 內裡裝潢如一般茶餐廳的, 黑暗暗的, 沒有很多燈光, 沒有加一收費, 午飯時段也沒有多數人光顧, 我們點了有名的印尼黃錦飯(65蚊)及加多加多 (50蚊). 先說加多加多是雜菜豆配甜醬汁, 上有幾塊印尼蝦片, 但50蛟當小食黎講有點貴啦, 印尼黃錦飯, 賣相很吸引, 份量一個人也吃不下, 一個飯上面有一些肉, 但媽媽覺得不夠淋身, 另有半隻蛋, 有點乾身, 有一些炸花生, 超好吃, 仲有豆及一些蔬菜, 有黠黠辣, 我很喜歡整體味道, 二人分吃剛剛好, 一個女仔可能會太飽了.

炎炎夏日，食慾不振，於是到了這家印尼餐廳，吃一些香口、味濃的食物以增加食慾。我點了印尼黃錦飯、加多加多和印尼咖啡。印尼黃錦飯的飯夠乾身，薑味頗重。飯上覆以巴東牛肉、燒雞及各種配料。巴東牛肉味道香濃，肉質也軟滑，再光顧的話，可一試其巴東牛肉飯。加多加多即印尼沙津，有豆角，豆腐卜、牙菜等，是開胃頭盤。自家製的花生醬很香，但稍嫌太甜。我甚少喝咖啡，因喝後胃部不適且晚上難以入睡，這裡的印尼咖啡以明火煲成，再加上煉奶，因為味道較淡，挺適合我這種想喝但不能喝咖啡的人。這家餐廳原來已經營多年，我是近來才發現。除添好運外，這裡應是米芝蓮推介餐廳中，收費十分相宜的一家餐廳了，食物質素不算頂級，但以這個價錢計，絕對是抵食了。

觀塘有很多餐廳，但在這個不起眼的位置，有一間米之蓮餐廳，個人覺得十分值得推介～ 餐廳不算大，沒有豪華裝修。我們七點來到，客人仍沒有很多，老闆娘很友善，任我們選擇位置，細心解釋菜式，我們點了印尼炒飯，加多加多，和牛尾湯。先講牛尾湯，不算太特別，蔬菜味比肉味濃，湯中有牛尾肉，湯的分量足夠兩個人～印尼炒飯，炒飯乾身入味，配有印尼蝦片和蛋，蝦片新鮮炸，熱辣香脆，簡簡單單一個炒飯已經很好味～ 加多加多是印尼的特色小食，有豆腐卜、一些雜菜，上面再加上炸蝦片，重點是那些花生醬，濃郁花生香味，拌勻一起食，實在令人吃過不停～

好運印尼餐廳印尼黃錦飯 Nasi Kuning $65黃錦飯係呢度signature dish, 其實我都係第一次食🙈 原來黃錦飯係用印尼香料炒成既黃飯mix 埋唔同菜料. 有牛雞豆肉鬆花生青瓜蛋同少量辣椒乾, 不過唔辣印尼米粒呈長條型, 比起平時食泰國米多點口感. 飯炒得粒粒分明, 加上香脆花生, 軟腍牛肉, 清爽青瓜, 同肉鬆, 味道口感都幾豐富. 不過唔太鍾意佢雞肉, 煮得太耐好霉😂 其實係咪印尼煮法都係咁呢? 好似食過幾間印尼餐廳雞肉都係咁轉轉口味試一次無妨, 不過無吸引到想去多次. 聽講係米芝蓮, 不過其實都唔代表咩, 聽下就算. btw, 價錢比起上幾篇openrice 食評有調整過. 下面係新價錢牌

喺觀塘區返工，成日都會同同事黎依一間印尼店，佢雖然鋪頭細細未必好起眼，但一試過佢嘅菜式，真係食過返尋味最鍾意就係印尼黃錦飯，佢雖然唔係好大碟但材料好足，飯本身已經好入味，再加埋其他印尼菜半碟，撈埋一齊食真係勁好味然後第二鍾意嘅就係喇沙，佢啲喇沙雖然唔會做到好濃味，但入口岩岩，而且海鮮料都好充足印尼炒飯，雖然簡簡單單一隻蛋，同埋啲炸蝦片 ,但係佢嘅飯加左醬油炒，好香口好入味，而且飯做到一粒粒，唔會黐埋一舊，蝦片片重要啱啱炸起，熱辣辣，好香口咖喱牛腩飯，牛腩都好入味，用黎送飯一流

真的想不到，在一條亳不起眼的小街裡頭，這一間面積細小，裝修老舊的印尼餐廳，竟能獲得鼎鼎大名的米芝蓮評審青睞，成為16年的車胎人推介店....我，作為一個天生的饞胃人，自不然就要去會一會她了....常言道 : "有麝自然香"，儘管地方蠻隔涉，用餐環境亦只屬一般，好像今天小弟就只是瑟縮坐於一個面對著走廊冷巷的二人面壁位，但東西有特色，更重要的是價錢公道合理，每人只花幾十塊錢就可享用米芝蓮美食....我想就算有投訴，也應不會有太多....一個人，想點多吃多確有難度。只能來一碟nasi campur，再想吃半打串燒，但想到會造成廚餘又於心不忍，也就打住....所謂Nasi Campur，即是雜錦飯。若將之理解為港版的四寶或八寶飯，那大家就知它是甚麼來路了....我們的四寶飯，材料大多是叉燒、鹹蛋紅腸一類的物事....而印尼人的呢，就有一大堆味道調味偏濃辣的東西如咖喱牛肉、醃炸雞槌，再加上大量的甜酸加辣兼而有之的醃菜以及灑上幼鹽的花生及甜甜辣辣但又硬崩崩的江魚仔....說實在，牛肉及雞肉肉質確是偏嚡較乾，不過卻沒料想般的油淋淋；但話說回來，各肉及菜醃味之濃重刺激，著實能令味蕾得到很大的衝擊...

母親大人知我今日出左黎觀塘，佢話好懷念我細個時候同我一齊食既黃錦飯，叫我買盒番黎食，但點知已經執左， 附近我所知有一間米芝蓮印尼菜餐廳，於是買左幾盒外賣番屋企食，順便盡下孝道。我媽係印尼華僑煮得一手好食既印尼菜，舅父亦係印尼開印尼菜店，對於印尼菜我地一家可謂有一定既要求。結果阿媽比呢盒飯唔合格，飯雖軟熟，但椰汁同黃薑味薄弱，呢個我都認同，因為我都食到冇咩味。雞蛋亦冇傳統既辣醬，青瓜係新鮮，但啲炸雞硬邦邦，似炸完又番炸。鹹魚仔花生亦冇甜豉油味道，正常應該仲有辣椒仔炒香。椰絲比較好少少，算幾有香味，撈下飯食係可以既。豆角同豆腐亦冇咖哩香氣，豆角偏軟身。總結黎講盒黃錦飯完全唔正宗，係迎合港人口味，份量少，唔抵食，仲要58蚊。其實街市印尼店賣既黃錦飯都只係20蚊，味道先係真正印尼風味，呢度以呢種魚目混珠水平而得到米芝蓮推介，我覺得唔太值，我會選擇番各區街市印尼店既黃錦飯，好味又平。

米芝蓮餐廳喎，試下先！同事叫了印尼雜錦炒飯,咖哩鷄飯，我就選了梭多牛肚湯飯，其實唔知好唔好食，志在試下新野呀！個牛肚湯有芽菜有半個鷄蛋，帶點酸，牛肚很好吃的！個印尼炒飯就什麽都有，有炸雞巴東牛，很香口。食物大家都－致讚好，但飲品好貴，要20多塊呢！

基本上每星期五都要去觀塘上堂，而Mr.J都會嚟搵我食飯，今晚忽然諗起依間餐廳，就決定嚟食喇。嚟到嘅時候已經接近9點，都有7成滿。餐單係黃底黑字無圖畫，其實有啲都唔知咩嚟，所以無叫，今次叫咗1)印尼炒飯(2)巴東牛肉飯(3)沙嗲豬肉個炒飯份量都幾多，炒飯有啲蝦、雞肉同雞蛋，上面有一隻煎蛋同一堆蝦片。我好欣賞個飯炒得好乾身，而且食到落底唔會見到好多油，重點係夠即炒嘅感覺，唔係翻叮。味道唔會太咸，食完無乜口渴嘅感覺。巴東牛肉飯啱Mr.J口味，夠辣，不過啲牛肉就靭咗少少，而且唔夠汁撈飯。沙嗲豬肉有6串，啲沙嗲醬好特別，應該有花生醬喺裡面，所以食落去有啲花生粒同甜味。豬肉燒得幾好，唔會熟到乾哂。

這好友的童年回憶也在官塘。忽然想如果裕民坊、同仁街、仁愛圍和仁信里的街道永遠消失在地圖上，只成為整個商場和平台，觀塘這基層為主的社區又何去何從呢？好運好運反埋黎黃疆飯。好友至愛之一。肉燒烤過，入味的。花生加點糖及魚仔，脆口，配飯yummy。雞蛋炸過的。沙嗲醬汁不辣的。蕉葉燒魚：是燒靖魚來的，味道偏辣，肉質香口，小小魚骨，小心食用。印尼炒面：感覺加了點甜醬炒，伴有椰菜，蝦仁，芽菜。略厭不夠配料。gadogado.印尼沙律，底是芽菜，菜心，豆類等，配合蝦餅沙嗲醬，好食。自製辣醬，加入了蝦米，香口。好友說不夠辣，大家可以試一試。粟米餅，外面吃不到吧。用點薯仔，面粉調配炸起來。今次淡了點，配合泰色辣醬，哈。印泰合璧，好吃！

約左友人係佢公司附近搵食, 原本已經搵好一間食店. 點知6點多去到先發現無做晚市. 咁已經打算去第二選擇食台灣野, 點知行番落去見到這間印尼餐廳好鬼懷舊再網上見到食評都唔錯仲要係米芝蓮平民推介, 岩晒我這個平民!!! 入到去都係得2枱客, 唔洗等位. 雖然裝備好舊咁, 但感覺都乾淨舒服.2個人加上早開餐大家唔算好胃口, 所以唔叫得多.點左個加多加多, 蕉葉燒魚同埋一個梭多牛肚麵. 另外我再叫左杯青瓜冰試下.個加多加多真係唔錯將多款蔬菜灼後再加入佢地既花生醬汁好香好惹味點個燒魚前店員提點話比較辣既, 不過我地都係想試下. 原本以為好似泰式燒魚原條燒, 點知來到都幾失望. 似一大PAT醬去醃鯖魚. 如果收$78就一D都唔平. 幸好個辣醬又真係好多香料, 我個人就唔覺得太辣, 鯖魚肉質都唔錯, 叫做試過就算.最後個牛肚麵就相當唔得, 個梭多湯似無味既水咁,牛肚又無味.至於我叫既青瓜冰都係一般只係加左糖漿再加青瓜絲的梳打...不過我個人唔識印尼食品所以不知是否正宗, 又或者我唔識叫啦..不過2個人埋單都係$200又真係幾抵既..下次會唔會再來? 經過可以再試不過會叫D大路野比較好.地址: 觀塘