好湯好麵

营业中

休息中

呢碗唔係簡單嘅麵，絕對值呢個價！星期日4點幾接近落場時間，都係得翻最後幾個位，鋪頭唔大，再加上二人一枱落隔板，坐落有啲迫。蠔皇豬豬 $104日本蠔唔會煮到過熟，鳳尾蝦彈牙爽口，五花腩肥瘦層次分明，加埋好香嘅豬肉碎，配上龍蝦牛油同高湯熬製嘅鮮甜湯底，令人欲罷不能！湯底雖然會有少少油，但唔係平時出面千年油到膩果種，係香甜嘅油~成碗湯真係重要過啲麵😂舞茸豬 $100每一啖湯都係舞茸菇嘅味，菇迷🍄唔可以錯過嘅湯底！呢碗比上面蠔皇豬豬清淡，冇咁濃味，每飲一啖都會好舒服，完全冇罪惡感。呢兩碗都係扁陽春麵，好吸湯，麵煮得啱啱好，保持到口感，唔會太淋太硬。雞絲粉皮 ($46) & 水中花 ($27)本身諗住嗌多啲嘢食，所以求其嗌咗雞絲粉皮，點知又係超級驚喜。個粉皮非常彈牙煙韌！！加上芝麻醬真係好開胃！個醬調得啱啱好！超級考刀工嘅水中花甜品for打卡一流，上枱都會讚下佢靚，但食落就唔知食咗啲乜😂豆腐切到咁幼入到口係乜都食唔到，要飲糖水先有味，試過就算喇🤣而家好似銅鑼灣都有分店喇，可以方便港島朋友😊

朋友介紹第一次黎到，叫左一碗海龍皇湯，menu上面寫有藍蟹肉、海蝦尾、北海道魷魚、日本刺身帶子、廣島蠔肉、蝦頭油、皇湯、陽春麵勁吸引。當麵黎到，見到粒大大粒帶子，一咬落去好爽甜、而個湯底因為有蝦去煮，個湯底係勁鮮甜，一啖飲完再一啖；食埋其他配料係好足料，一分錢一分貨。👍👍👍好值得再去試下其他款式，而且湯底沒有味精味，係覺得廚師嘅用心同誠意放左係碗湯到👍一流。另外，試左高湯蒜子時菜，菜配上高湯 都係甜同嫩嘅，忍唔住食完一棵又一棵。最後，試左芝麻醬雞絲粉皮，感覺有啲失色，或者係食野先後次序問題，飲完湯再食粉皮，感覺有些膩了，連吃青瓜因沾了太多醬，沒有青新的感覺了。

無錯，又一個人去咗「 #好湯好麵 」，近期失去嘅嘢實在太多，只能夠及時行樂，珍惜眼前，好好享受每一餐🥹.晚上去到，當然係大部分款式都已經售罊，曾經吃過「海龍皇湯🦞」、「棉花雞🐔」，今次可以再試埋其他，提提大家只收現金💵———————————————————————————🍜蠔皇豬豬🦪🐷💬先喝一口高湯，感覺濃郁和順，再吃一啖陽春麵，非常美味；餸料包括廣島蠔🦪、鳳尾蝦🦐、日本🇯🇵黑豚五花腩片🐷、仲有炒過嘅豬肉碎，而且仲有輕量嘅蝦子同龍蝦🦞牛油🧈，試問又點樣唔好食，誠意都搭夠😌

1）都唔講出邊等位既時間，出邊排一堆人，然後就要你掃定安心出行同落單，仲直接話唔齊人唔比入。（感覺就一直對客人施壓，服務態度其差）2）坐低叫完野食30分鐘先來😅 等待時間係你食野既1陪！3）叫左個棉花雞，雞有啲係唔滑，冬菇又硬，最重要係個麵。。。1個字差可能食開濃味野，湯底更加淡，而且好重味精😅，食完頸渴到爆。4）上邊既都唔重要，重要既係價錢，基本上同食物質素同服務態度完全唔成正比。5）結論：絕對唔推薦，一定唔會食第2次！

🎈食物：🌕🌕🌕🌕🌕🌕無論小食定係個麵都好食到不得了，個湯底又好足料，對得住個價錢，係值既，真係一分價錢一分貨，暫時係香港食唔到咁好食既麵，試左黑口黑麵，叉燒鮑，海龍皇湯，3個都好好食，相信其他都一樣咁出色🤤🤤🤤🎈環境：🌕🌕🌕🌑🌑間舖唔算大，唔位放袋，有少少迫，環境衛生都乾淨既🎈服務：🌕🌕🌕🌗🌑都好貼心有紙巾夾埋餐具，都好衛生❤️🎈溫馨提示：呢間只收現金，佢都唔係平，唔收卡，唔收八達通，記得帶夠錢去食🫢唔係唔知有冇得洗碗抵償，哈😂🫣🎈回購：🌕🌕🌕🌕🌕值得回購，真係好食🤤🤤🤤

平日夜晚九點嚟到，高人氣麵款已經賣晒，但其他麵款都絕對高質！ 蠔皇豬豬既湯底係好香龍蝦牛油既味道，配搭上新鮮廣島蠔、彈牙蝦尾同埋五花腩片非常之夾，食晒成碗加飲埋d湯絕對唔會過份。 食物質素絕對配得上價錢，出面普通拉麵都100蚊一碗，唔包好食，但同樣地呢到100蚊包你食到好食既麵，諗唔到唔過黎試既籍口！

“Hao Tang Hao Mian” as its name suggests, serves not only good noodles, but also good soup! Helmed by Gary, the chef-owner who was the sous chef at Caprice, it’s not surprised that the soup here reflects some French recipe and techniques! “海龍皇湯” Speaking of French classics, “Bouillabaisse” could not be missed and it’s a signature here! The seafood pottage with prawn oil was super flavourful that I’d imagine having this in a French restaurant, also loved how the thin noodles absorb & grasp the so

永遠都有人係門外等位，今日早收工，4點幾難得見到冇人排隊，所以就入咗嚟試吓。海龍王湯陽春麵 $135材料好豐富，有蟹🦀肉，海蝦🦐，魷魚，帶子同蠔，帶子好大粒同鮮甜，個湯好正，海鮮味濃郁，每一啖都有飲到鮮味，差唔多飲哂成碗😍之前試過外賣，麵要自己煮，始終火候拿捏得冇咁好，個口感同堂食係有d唔同，加上個湯底都係熱辣辣食最正，所以都係堂食正D😋定價唔算平，不過考慮到材料質素同心機，有一日想對自己好一點，就黎試下。

係門口比佢價錢牌嚇親，一碗麵賣兩舊水。但又諗起有時d拉麵麵係咁貴就釋懷左。入去試下佢最貴既佛跳牆。上菜用左20分鐘，中午1點黎食，算ok la.魚肚：泡到發漲哂，幾吸湯，淡淡香氣。鮑魚：事前有浸醬油煮，濃味香口，不過太細隻。素翅：冇特別，寧願食粉絲麵：冇特別，建議邊食邊搞，等佢吸湯。海參：冇味，純食口感。刺身帶子：細粒，中心位有些許甜味，但腥。冬菇：香菇味重，嫩口，唔錯。雲腿絲：咸鮮味一絕，最高質係佢，但得4-5條絲-.-雞肉：唔錯，冇煮到過火，嫩口有雞味。花膠：重料大舊，鐘意食花膠既人會好鐘意呢碗麵。重頭戲：湯：冇想像中驚艷，個個麵話比錢買湯飲，其他係配菜，但老實講，荃灣個間最出名既餃子店碗老火湯仲好飲仲平3倍價錢。結論：佢用料可能好貴，但食客食唔出個性價比。褲袋闊綽錢多可以試。

朋友又帶我食好野，佢話呢間係fusion野～我地2個叫左叉燒飽同海龍皇湯～叉燒飽 （$98）顧名思義，有叉燒同埋鮑魚，想講佢個叉燒真係好淋好好食，仲好入味，同埋98蚊有飽魚食，CP值高，湯底黎講我比較鐘意海龍皇。海龍皇湯 （$135）個湯應該有用蝦同蕃茄（？）第一啖試左個湯，已經知道落足料去煲，不得了，上面D料有大蝦，帶子，蟹肉，所有料都好新鮮，惟一美中不足係蟹有D散，個陽春麵又係好好食，好入味，呢個似係西式湯fusion中式麵，呢個下次都要再試，好食。Overall好唔好食？正 會唔會再幫襯？會啦，下次試埋小食

之前6月份果陣食過潤牛麵覺得超正，琴晚諗住回味一下，點知去到發覺唔對路，點解餐牌上個名唔同左，變左做豬潤牛肉麵。不過一心想回味就無諗禁多，照嗌。原本既鵝肝竟然變咗舊豬潤，你叫我$108既價錢食豬潤牛肉麵🫣真心講唔值我寧願你收返我$148比我食返之前個碗😭

好出名既大圍名物 好湯好麵 ,今日終於嚟試試佢。12點開門，一開門就坐滿哂啦。有12款麵，款款都好吸引好難揀 ,叫咗兩款試吓🍜🍜🦐海龍皇湯（$135)藍蟹肉/海蝦尾/北海道魷魚/日本刺身帶子/廣島蠔肉/蝦頭油/皇湯/陽春麵-湯好濃，有d 似龍蝦湯，唔會好咸-足料，每樣配料都好平均-陽春麵普通🐔棉花雞 ($98)日本地雞肉/魚肚/ 北菇/ 雲腿絲/高湯/扁陽春麵- 超級濃郁雞湯- 雞肉嫩滑，份量好多- 魚肚爽口彈牙，吸哂雞湯精華好湯好麵個湯真係好正，可以飲哂。價錢雖然比同類型麵食貴少少，但絕對值得，食得出真材實料同好比心機煮湯。以上兩款個人比較推薦棉花雞。下次有機會都會試下其他湯。

想試好耐的米芝蓮必比登推介餐廳，今日早去條隊不是太長，總算試到。招牌海龍皇湯麵，個湯濃濃的蝦及龍蝦味，更有絲絲的藍蟹肉，海鮮味十足！我整碗湯差不多清晒，之後也没怎口渴，可見用真材實料。用料十足，配料除了蟹肉、花膠仔及墨魚滑，更有隻廣島蠔，入口滑及鮮美。帶子也不錯，更有兩隻大大隻的蝦，更很細心地送上抺手的濕紙巾。陽春麵掛湯又有咬勁，無發水又吾變腍，我成碗食晒好滿足！服務也很周到，很主動幫我們添水及俾碗仔我們，抵讚！還有很多特式麵，要找機會再去試！

係大圍搵野食唔係好難，因為周圍都有好多野食！今日去到積圍街搵到叫「好湯好麵」！鋪頭有落場時間係下晝5-6！今日6點3/4左右去到都係得返3/4張2人吉枱！店員就安排左我同女朋友去樓上閣樓！餐牌上有12款麵食！我地2個揀左「棉花雞」同「海龍皇湯」加左「雞絲粉皮」！雞絲粉皮無咩特別就唔講！先講「棉花雞」，個湯真係要讚讚湯底真係好濃郁，不過魚肚同雞就各3舊，再加啲金華火腿絲係面，啲雞都嫩滑，魚肚就還好啦！價值$100蚊不過係有大半係湯底到！到「海龍皇湯」，材料有蝦🦐係比較大隻，有蟹肉碎，尤魚，生蠔🦪，湯底飲落有有好濃郁嘅蝦味！不過要同大家講，由落單到上菜時間都要等成3/4個字！大家如果個日趕時間嘅就揀過第2日先去！5分滿分比到3分，主要係比個湯底！

有啲識飲識食嘅朋友真係好唔使點做資料蒐集佢哋就會帶你去飲去食今次黎到大圍 食呢間 《好湯好麵》朋友話應該要排隊排好耐本身都驚驚地今次大概下午四點幾去到過咗下午茶又未到晚飯的時間客人都竟然多多地！西利不過好彩都唔駛等海龍皇講真 一上枱已經有一陣非常濃郁嘅蝦香！碗面水平面上有大面積的蝦油陽春麵都好掛湯沾滿蝦湯蝦油入口非常豐富帶子都嫩滑 不會過熟過鞋食完清晒碗湯都係基本操作黎！好得！綿花雞同海龍皇完全感覺唔同但同樣咁驚艷！雞湯湯底非常之濃郁淳厚同時飲落好舒服不會有死咸的感覺雞肉都好嫩滑呢一款都好好吃想刺激就食海龍皇想溫淳就食綿花雞食完剩係想希望下次再黎都一樣即入唔使排隊