影片
更多
2022-12-08
536 浏览
呢碗唔係簡單嘅麵，絕對值呢個價！星期日4點幾接近落場時間，都係得翻最後幾個位，鋪頭唔大，再加上二人一枱落隔板，坐落有啲迫。蠔皇豬豬 $104日本蠔唔會煮到過熟，鳳尾蝦彈牙爽口，五花腩肥瘦層次分明，加埋好香嘅豬肉碎，配上龍蝦牛油同高湯熬製嘅鮮甜湯底，令人欲罷不能！湯底雖然會有少少油，但唔係平時出面千年油到膩果種，係香甜嘅油~成碗湯真係重要過啲麵😂舞茸豬 $100每一啖湯都係舞茸菇嘅味，菇迷🍄唔可以錯過嘅湯底！呢碗比上面蠔皇豬豬清淡，冇咁濃味，每飲一啖都會好舒服，完全冇罪惡感。呢兩碗都係扁陽春麵，好吸湯，麵煮得啱啱好，保持到口感，唔會太淋太硬。雞絲粉皮 ($46) & 水中花 ($27)本身諗住嗌多啲嘢食，所以求其嗌咗雞絲粉皮，點知又係超級驚喜。個粉皮非常彈牙煙韌！！加上芝麻醬真係好開胃！個醬調得啱啱好！超級考刀工嘅水中花甜品for打卡一流，上枱都會讚下佢靚，但食落就唔知食咗啲乜😂豆腐切到咁幼入到口係乜都食唔到，要飲糖水先有味，試過就算喇🤣而家好似銅鑼灣都有分店喇，可以方便港島朋友😊
星期日4點幾接近落場時間，都係得翻最後幾個位，鋪頭唔大，再加上二人一枱落隔板，坐落有啲迫。
蠔皇豬豬 $104
日本蠔唔會煮到過熟，鳳尾蝦彈牙爽口，五花腩肥瘦層次分明，加埋好香嘅豬肉碎，配上龍蝦牛油同高湯熬製嘅鮮甜湯底，令人欲罷不能！湯底雖然會有少少油，但唔係平時出面千年油到膩果種，係香甜嘅油~成碗湯真係重要過啲麵😂
43 浏览
0 赞好
0 留言
舞茸豬 $100
每一啖湯都係舞茸菇嘅味，菇迷🍄唔可以錯過嘅湯底！呢碗比上面蠔皇豬豬清淡，冇咁濃味，每飲一啖都會好舒服，完全冇罪惡感。
呢兩碗都係扁陽春麵，好吸湯，麵煮得啱啱好，保持到口感，唔會太淋太硬。
26 浏览
1 赞好
0 留言
雞絲粉皮 ($46) & 水中花 ($27)
本身諗住嗌多啲嘢食，所以求其嗌咗雞絲粉皮，點知又係超級驚喜。
個粉皮非常彈牙煙韌！！加上芝麻醬真係好開胃！個醬調得啱啱好！
15 浏览
0 赞好
0 留言
超級考刀工嘅水中花甜品for打卡一流，上枱都會讚下佢靚，但食落就唔知食咗啲乜😂
豆腐切到咁幼入到口係乜都食唔到，要飲糖水先有味，試過就算喇🤣
而家好似銅鑼灣都有分店喇，可以方便港島朋友😊
张贴
