好正

营业中

休息中

灣仔區內小店，設有幾個堂食位置，飯麵、港式小食、湯品、糖水、新鮮飲料都有供應。豉油王煎蝦米腸粉份量頗多，煎至脆身，唔油膩，搭配經典醬汁，正。碗仔翅，同出面唔同，潮州老家味道，有蟲草花、乾瑤柱同金華火腿，第一次食，配料豐富，調味適中，值得一試。魚蛋燒賣可以雙拼，旁邊有辣醬汁，味道正常發揮。其一招牌菜為楊枝甘露，芒果好鮮甜而且夠大粒。甜度啱啱好，熱辣辣食返碗真係好解暑。芒果椰奶仙草同樣出色，雖然都係嗰幾款配料，味道係想像得到嘅，但係唔知點解覺得零舍好味，賣相精緻得嚟份量又夠多。養生之選有桃膠六寶露，包含雪蓮子、圓肉、杞子、雪耳、桃膠等，女士們就啱曬。

位於銅鑼灣與灣仔交界，店舖小小，但路過是一眼就望得見，因為好像日本的路邊屋枱一樣，好有風味。看到販賣食物的種類好多元，由滋補靚湯到街頭小食，應有盡有，我路過想外帶回家吃，也選了好一會兒。✴️🥣土茯苓陳皮老鴨湯（細）$48細碗份量都已經好多，沒有湯渣，以我們來說兩個人喝都好足夠。湯色比較濃，個湯味道好“甜”，喝下去喉嚨好舒服。✴️🍜秋名山咖哩豬扒烏冬 $68好大塊的炸香茅豬扒，沒甚麼脂肪，但肉質爽脆，好食。咖哩香濃，撈烏冬夠味，還有生菜及酸蘿蔔。✴️🍢街頭三寶（蘿蔔／魚蛋／燒賣）$30蘿蔔好淋好入味，魚蛋燒賣正常發揮，我有叫老闆幫我加辣椒油，原來是他們自己特制的，是蒜蓉辣椒油，特別香。✴️🥗土匪雞翼配沙律 $68雞翼好香孜然味，炸得酥脆，沙律菜的質素出乎意料的好，有新鮮爽脆火煎菜及其他沙律菜／青瓜，份量夠一個人當一餐了。✴️🥤楊枝甘露 1杯 $38好大杯，滿滿的芒果肉／柚子肉，目測有半杯，餘下半杯是西米，非常足料，搞勻後口感香甜中帶點酸，開胃。名符其實“好正”的一家小店。老闆員工都好有禮，提供的外賣盒好漂亮，看到外賣袋也是保溫袋，我就問老闆你們成本挺高吧，他說沒辦法，小店就希望盡善盡美，在各方面留

收工係灣仔附近行下，就見到呢間"好正"心諗個舖頭名改得咁直接就試下咩料子!🤭野食種類繁多，有湯、有飯、有小食、有糖水睇到我都眼花花，店員好好人有出黎介紹佢地熱銷🥰土茯苓陳皮老鴨湯強調無落味精無落鹽，但飲落好夠味飲得出好純樸食材味道!🤤本身擔心會有藥材味，但絕對唔會~飲湯怪必叫!我想會試埋其他款嘅湯老村長咖喱牛腩飯牛腩好入味，而且香氣十足!😬唔係平時食開個種無口感嘅牛腩，係有保留左一定彈性~欣賞佢蘿蔔好腍好入味~😛干魚仔煎腸粉一上檯個下超級香!腸粉煎到有脆面正😋加上咸香魚仔超惹味，入面仲有唔知係梅菜定菜浦，令口感更豐富~🤓楊枝甘露最後當然要食個甜品，芒果汁真材實料芒果肉唔酸，大大碗食完滿足晒😙仲有好多好正野食未試，下次再行黎買先得!

間嘢應該齋做外賣，都有少量位俾人坐住食行開見到咖哩牛d咁經典嘅賣緊$88，又話咩1949開業至今經典味道不曾改變，想試吓究竟抵唔抵蛋入味，蘿蔔甜無筋，全部有生菜墊底，所以食落咖哩有明顯菜味（唔係好理解到，本身咖哩味唔突出，加埋菜味勁奇怪）但個咖哩真心麻麻，就係超級普通嘅咖哩，冇香料味，唔辣，唔夠鹹，又冇椰漿乜乜，講咖哩嘅話覺得唔係合格嘅咖哩，又唔係瑪莎拉又唔係泰式又唔係日式，唔通落咗姜黃粉就係咖哩咩⋯⋯唔洗試收銀熱情

🙋🏻‍♂️餓底探員去灣仔調查呢間小店，店面有不少懷舊裝飾，充滿港式情懷，店舖始於1943年香港新界九咪半「周記」，店主將家父嘅食譜延續，喺灣仔經營小店，有湯品，飯麵，小食同糖水供應，每款味道都同店名一樣「好正」👍🏻🦆土茯苓陳皮老鴨湯 $78 (大) 🙋🏻‍♂️表示個湯經長時間處理，不留湯渣，飲落有香濃嘅土茯苓味，真材實料，絕不油膩，令餓底憶起細個屋企成日煲呢個湯，充滿家的味道🫓豉油王煎腸粉 $38🙋🏻‍♂️表示個煎腸粉淋滿甜醬麻醬同芝麻，每條腸粉都煎都外脆內軟，口感軟滑，醬汁經調配過，特別係個甜醬，食落香口惹味，好有驚喜🥟炸燒賣 $28🙋🏻‍♂️表示燒賣有10粒，炸到香脆，配上自家泰式酸辣汁，用蔥蒜，青檸汁等調配而成，食落酸酸甜甜，非常開胃🍑桃膠六寶露 $48🙋🏻‍♂️表示個糖水用桃膠，紅棗，杞子，桂圓等煮成，非常足料，味道清甜，食落口感黏稠充滿膠質，夠晒滋潤🥚蛋白杏仁茶 $58🙋🏻‍♂️表示個杏仁茶味道香濃，飲落好香滑，加入蛋白煮成蛋花狀，令口感更加豐富，仲可以潤肺止咳同養顏，天氣乾燥特別啱飲📈吃貨指數😋好味度 9/10🔙返啅度 9/10

今晚去完灣仔寵物展就諗住買啲宵夜返屋企，經過呢間外賣餐廳個名”好正”，就俾佢吸引咗過嚟睇吓有幾正🤣胡椒雞腳湯：餐廳有好多湯可以揀，全部都係真材實料，呢個湯好足料，入面有豬肚雞腳同埋花生眉豆，好濃既湯，咁凍嘅天氣飲返碗熱湯真係好正😻餐廳仲有其他湯嘅選擇，下次試埋其他😌楊枝甘露：有勁多芒果，同埋每舊芒果都好大，芒果好甜，好足料😻芒果椰奶紫米露：我自己最鍾意食紫米露，佢嘅芒果又係好多，唔會太甜，好正👅本地豉油和煎腸粉：佢係用蝦米腸，再加埋麻醬甜醬，佢哋將個腸粉煎得好脆，好食！魚蛋燒賣：用料都係高質，宵夜必食🤤

餐廳的座位都是戶外的，份外有風味。老闆娘十分親切有禮，招呼周到，令人感受到久違的人情味～🥹❤️🥰❤️咖哩牛腩飯咖哩不會太辣，牛腩燜得夠腍又入味😋。白蘿蔔清甜冇渣👍🏻。還配有一隻鹵蛋。❤️泰檸豬飯醬汁酸甜美味，令人食慾大增，口水直流🤤。豬扒厚薄適中有口感～😋同樣配有一隻鹵蛋。另還有炸得香脆可口的魚仔。上網見好多人推薦：牛油果香蕉沙冰和楊枝甘露。感覺上牛油果香蕉沙冰好似飲完會好飽，今日唔太肚餓，唯有下次再試吧。楊枝甘露有芒果但我貪心d想食埋仙草就嗌左芒果仙草🙊。推薦這裏的糖水👍🏻，份量足又大碗。❤️桃膠紅棗糖水滋補養顏，啱晒女士👍🏻。❤️芒果仙草勁多芒果🥭！啖啖芒果超滿足😋😍。配上我至愛的滑溜仙草，大滿足！😍

收工經過銅鑼灣見到一間好靚嘅外賣店，就買返2個外賣返屋企食。贊賞店面裝飾好有心機，各處都充滿香港古色古香特色，好靚，有幾個堂食位置都裝飾得特別有風味。✅土茯苓老鴨湯(大)真係超好飲，好濃郁唔會咸，係好夠香夠味的湯，飲得出店家的用心，跟住飲咗半碗先拎走。✅老村長牛腩飯店家話牛腩係老闆好用心製作，用了特別香料，食落有股清香甜辛，突出牛肉味道。✅川香滷肉飯滷肉飯估唔到不是肉碎，而係肉片，半肥半瘦食落好香滑。✅台灣腸我好鍾意食台灣腸，呢個考得皮又香又脆，好滿意 。✅楊枝甘露糖水超大碗楊枝甘露加埋西米，香甜口感豐富又滑溜。整體嚟講，食物高質，價錢親民，$58已經有盒飯，仲有米線餐，個人推薦湯水係必點。

-🍴🍽🍴🍽🍴🍽🍗🍛🧆🥘🍲🍴🍽🍴🍽🍴🍽-🥢秋明山咖喱雞飯 $58 🆙咖喱雞飯味道濃郁，香氣撲鼻，飯粒吸收咗咖喱的滋味，搭配嫩滑嘅雞肉，口感絕佳😋。🥢京都餃子 $45 (6個) 🆗餃子外皮薄爽脆，內餡豐富，口感鮮美，搭配沙律醬更提升風味😋。🥢豉油王煎腸粉 $38 🆙腸粉滑嫩，豉油醬香濃，配上少許花生醬，調味恰到好處。外皮煎後有少少脆口，更加增加口感層次🤩。🥢台灣香腸 $10 🆗台灣腸甜中帶鹹，口感鮮嫩，油脂分布均勻。🥢碗仔翅 $38 🆗碗仔翅湯底清淡卻不失鮮味，配料新鮮豐富👍🏻。🥢馬來亞咋喳 $38 🆗馬來亞咋喳配料豐富，夠曬飽肚，甜度適中，食完主菜再食埋碗甜品非常滿足👍🏻。🥢牛油果香蕉燕麥奶昔 $48 🆙牛油果香蕉燕麥奶昔甜度適中，味道清爽。牛油果味濃郁，口感綿密，搭配香蕉都幾夾，加埋燕麥整體營養價值非常高👍🏻。🥸評價 𝗥𝗮𝘁𝗶𝗻𝗴𝘀🥸食物 𝗙𝗼𝗼𝗱 7/10環境 𝗘𝗻𝘃𝗶𝗿𝗼𝗻𝗺𝗲𝗻𝘁 7/10服務 𝗦𝗲𝗿𝘃𝗶𝗰𝗲 7.5/10性價比 𝗩𝗮𝗹𝘂𝗲 𝗳𝗼𝗿 𝗠𝗼𝗻𝗲𝘆 7.5/10整體 𝗢𝘃𝗲𝗿𝗮𝗹𝗹 7.25/10-🍴🍽🍴🍽🍴🍽 🍗🍛🧆🥘🍲 🍴🍽🍴🍽🍴🍽-🗺 好正 (灣仔)灣仔駱克道3

今日返工食晏諗唔到食咩🙈決定同個同事喺條街度行吓，見到咩想食就買咩😂點知俾我哋見到一間專做外賣嘅小店見到都有好多選擇重點係估唔到連陳皮老鴨湯都有🤣🤣所以決定要試試佢陳皮老鴨🦆湯 900ml $68老鴨的鮮味與陳皮的獨特香氣完美融合，讓人回味無窮。味道濃郁🤤京都炸餃子6件 $45餃子🥟炸到岩岩好，金黃色既外皮膽卜卜炸雞咖喱烏冬$68又係超濃既咖喱汁🍛再配香脆炸雞，口感一流酸辣豬扒米線$68湯底酸辣適中，令人開胃。豬扒肉質軟嫩，入味且不油膩，與米線搭配相得益彰，讓人愈吃愈上癮。另外見到仲有其他小食，飯餐同糖水，下次會再試下

🔹️昨天經過灣仔便到“好正” 食店試試🥢 店舖簡潔衛生🏮設有數坐位🪑 食物款式多不勝數, 美味有特式🤩 店員有善、高效率👩🏻‍💼👩🏻‍💼 價錢合宜💰🔸️咖哩牛腩飯🐮🍛牛腩軟腍多汁, 清甜蘿蔔把香濃咖哩汁完全吸收, 啖啖滋味👍還有清甜雞蛋🤤🔸️潮味川香牛雜飯🐮🍱牛雜飯以牛肚、牛筋、牛柏葉等食材, 牛味濃郁、鮮香嫩滑, 配飯一流😋🔸️胡椒雞腳湯🐔雞腳湯十分足料, 有雞腳、豬肚、花生, 滿滿骨膠原, 香濃胡椒味, 滋味健脾養胃👍🔸️楊枝甘露🥭🍵以香甜芒果、酸甜柚粒、和西米, 味道香甜又清爽🤤🔸️紅棗桃膠糖水🥣甜而不膩, 甜中又帶點甘香, 加煉奶後令味道更加昇華😋

係灣仔上完堂就決定買埋嘢食返屋企當晚餐 行過見到有間小食店有自家湯、小食、飯麵、甜品賣  就揀咗幾樣買返屋企食土茯苓老鴨湯 $48/細每日新鮮煲冇防腐劑仲話可以醫皮膚痕癢好適合現在嘅天氣飲用 味道濃郁 好滋補胡椒雞腳湯 $48/細湯料食到有雞腳、豬肚、花生等 雞腳夠腍又富有膠質 胡椒味濃飲完好暖身招牌川香滷肉飯 $58滷肉肥瘦適中夠入味仲有酸菜魚仔跟埋拌飯一流牛腩飯$78牛腩腍得嚟帶少許咬口配上清甜入味嘅蘿蔔好夾楊枝甘露 $58楊枝甘露都系店舖招牌  塊芒果好大塊 好足料 酸酸甜甜好開胃

過嚟灣仔搞完嘢，老細話唔出嚟食飯，叫我買外賣返去～行過見到呢間舖頭……都幾得意！外賣店竟然仲有老火湯？！又有甜品？！一於買啲返去試下～土茯苓煲老鴨湯：嘩！！真係濃到一個點！🥰👍🏻佢講到明因為長時間淆製，已經連湯渣都溶埋，真係好鬼香濃！下次試埋其他先得！個餐牌真係包羅萬有，順便叫咗幾個小食～關西招牌墨魚餅：都幾彈牙爽口～配埋個泰式酸甜汁十分開胃～眨下眼就食曬十件啦！！煎蝦米腸粉配混醬：腸粉煎到外脆內軟，蝦米翼煎得好香口，配賣甜醬麻醬，非常惹味！土匪雞翼拼日式餃子：兩樣都想食～每樣四件，即係一人兩件，份量啱啱好！香口嘢唔可以食太多！🤭🤣楊枝甘露：非常足料！！十分之香濃～各款食材嘅配搭啱啱好，又唔會太甜，果然係推介嘅甜品！！

呢日同朋友由灣仔行街行落銅鑼灣，行到有少少餓，天氣涼涼地，經過呢間舖頭，有湯飲，就入去試下。店舖乾淨企理，老闆重會按你需覆同口味推介飲品🥤，好貼心。我哋叫咗以下食品堂食，再外賣兩杯野飲：胡椒雞腳湯:個湯胡椒味濃，好足料，雞腳又腍又入味，飲完驅寒又暖身。👍🏻土茯苓老鴨湯：呢個係店員推介，飲到係住家湯，養身又滋補。川香滷肉撈米: 個米質地爽口，好好食之餘，仲有埋魚乾既香味。❤️無糖杏仁奶:無糖夠健康，好香杏仁味，仲有小丸子係底👍🏻無糖牛油果芒果奶昔:飲得到好多牛油果，一路行街一路飲，仲好飽肚，健康之選！

位於灣仔駱克道有間新開的外賣店 主打台式家常菜 餐廳木系裝修簡約有台灣風情 亦有幾個堂食位置都幾有特色🍴食物選擇多樣化 有燉湯🥣特色台式小食主菜同甜品😍份量足而且價錢親民👍✨招牌川香滷肉飯 店舖主打自家製滷肉飯🐷滷肉比較大塊肥瘦比例剛好 滷得香濃入味好好送飯🥚配上滷蛋同清新解膩的酸菜魚仔🤤飯粒煮得剛好不過於軟爛🍚✨小食細淨牛腩｜山寨豬扒台灣腸｜蘿蔔魚蛋燒賣三寶淨牛腩牛味濃郁帶川椒香辣味 炆得軟爛入味 帶牛筋位置每啖都充滿膠質感😍山寨豬扒炸得外層香脆 內裡嫩滑多汁 配上香甜爆汁的台灣腸😋三寶加辣味道濃郁好惹味 蘿蔔煮得軟綿清甜入味 魚蛋燒賣彈牙都不錯🍢🥢✨楊枝甘露 甜品選擇幾多 楊枝甘露系店舖招牌 香甜的芒果🥭配上香濃的椰汁西米和柚子肉清新解膩🍊甜度適中口感豐富😙📍好正 (灣仔)灣仔駱克道382號莊士企業大廈地舖