好正

营业中

休息中

香港而家百物騰貴，難得見到間有心做，性價比又高嘅小店餐廳其實好多野都有得食飯盒、老火湯、小食、甜品、milkshake都有飯盒有分正常價同午餐價(11am-9pm)正常價其實已經唔算貴，但午餐價真係好抵整體食落啲野足料，入味，但冇味精嘅感覺飯盒仲有跟個配菜同隻蛋講真幾十蚊嘅飯盒咁嘅質素真係收哂貨下次仲有好多野想試成間鋪個裝修都幾有特色，坐位唔多 得幾個，哥哥態度都好好今次試咗川香滷肉飯、1943牛腩飯、土伏芩老鴨湯兩個飯盒比較中意滷肉飯。好入味，送飯一流牛腩我哋個人中意食腍啲，佢哋就係偏有咬口，而飯盒嘅配菜魚仔我就覺得太重口味土伏芩老鴨湯好正，有藥材味，唔咸，佢冇湯渣但感覺好真材實料

自從搬去灣仔之後，每天吃飯都成了我一大難題。以前在尖沙咀是單純人多，灣仔都是打工仔多，啲人吃飯都是10分鐘內完成，所以基本上都寧願叫外賣係公司慢慢吃。.終於找到一家是我想給大家分享的！！她的店真的人如其名「好正」！！主要是服務笑容倍倍棒👍🏻 很溫馨～光是餐牌設計和裝修，都讓我感到廚師用心烹調👩🏻‍🍳 很接地氣。足料土茯苓老鴨湯必飲～而且味道好香好濃郁港式糖水，我中意芒果紫米露咖哩盒飯🍱日式小食

「好正」位於灣仔駱克道莊士企業大廈，店面有幾個好似居酒屋嘅座位，但又好中式嘅裝潢，好有特色。因為有啲餓，等外賣時，點咗杯牛油果奶昔即飲，勁真材實料，好多牛油果，燕麥增加咗口感，無糖飲落去完全無負擔，對牛油果控嚟講真係一大享受。咖哩牛腩飯牛腩煮得好淋，蘿蔔清甜無根，咖哩係日式款，有少少甜，味道唔辣，個汁撈飯好正。招牌滷肉飯有啲驚喜，鍾意滷肉手切有皮，口感豐富有咬口。京都餃子皮薄餡多，煎得脆又香。土匪雞醃得入味，雞皮有D蕉，好惹味。「好正」味道唔錯，性價比高。員工友善，等外賣時，感覺到佢哋對顧客幾有心，等嘅時間唔算長。下次再嚟試下其他嘢！🍽️好正 📍灣仔駱克道382號莊士企業大廈地舖

放工在灣仔想同朋友醫肚見到一間別具特色的小舖...名叫：好正！ 地方雖小,主要係做外賣的但也有堂食！小店裝修非常有特色..像是台灣街頭小店...好奇心驅使之下,走去試下！我地叫咗以下食物：1.台式土匪雞翼.燒雞翼非常香口,淡淡雞肉口感十足！2.川香滷肉飯滷肉炆得好淋 滷肉脂肪比例很好 有咬口 肉汁非常juicy3.老村長鮮骨湯牛腩飯牛腩都爽口 加上老村長鮮骨湯 好味還有小配菜 麻辣魚仔 加滷蛋4.香港百年小食文化之一 碗仔翅 碗仔翅夠曬足料 蟲草花 乾瑤柱 金華火腿 應有盡有！最後當然整返個甜品5. 楊枝甘露 好重料 啲芒果又多又甜 真係 好正！這裏堂食地方不多,多數上班人士叫外賣！不失為一間有風味嘅小店！

好耐無係銅鑼灣活動喇‼️好多小店都變了不一樣，今日經過駱克道呢間外賣店，有好多香港懷舊小食、甜品、自家靚湯、飯麵餐❤️一打開menu，選擇真係非常多，好多都好吸引花左好一陣子先決定到食咩「豉油王煎蝦米腸粉」即叫即煎，就算放涼左，腸粉外層仍然保持到焦脆蝦米煎腸粉都係必食，仲有其他口味添‼️「好正碗仔翅」第一次食咁足料嘅碗仔翅啲材料全部都係有料到❤️有蟲草花、金華火腿、瑤柱，完全好平時嘅街頭小食好唔同，呢個高質好多重點係唔會食食下會有一舊舊杰撻撻嘅漿，🥇極力推薦呢個「好正碗仔翅」「京都餃子」金黃色嘅餃子皮，香脆肉汁嘅餡，真係嘴饞嗜食嘅最佳之選「土茯苓鴨湯飯」「牛油果香蕉沙冰」🥑好鍾意食牛油果，一見到牛油果飲品即刻心心眼，唔會額外加糖，好岩唔鍾意飲甜野嘅我想尋找香港懷舊美食，真係要嚟呢度，有齊哂

老村長咖喱牛腩飯(88hkd) 牛腩份量都幾多，如果食午市套餐只係$68，牛肉已經炆得好軟腍，食落有牛味，用料不錯，淋上咖喱汁增加不少風味，有飽足感🍛港式煎蝦米腸粉(45hkd)感覺上幾有鑊氣，腸粉煎到微微焦脆，加上有蝦米，更加增添香氣，更重要是邪惡多醬😈馬來亞咋喳(35hkd) 幾多豆，好足料，而且不會過甜，屋企人超心心眼😍楊枝甘露(58hkd) 酸甜拿捏得非常剛好，看得見的超多柚子肉和棒半隻芒果，必加煙煙韌韌小丸子(+10hkd)，好開胃🤤#foodiblum港式

今日小妹去咗灣仔行街，點知見到間叫「好正」隱世小店，裝修十分古色古香，感覺好似去咗內地特色地方，同樣掛滿不同特式燈籠🏮相當吸睛😍 小店主要售飯、麵、港式小食、湯、糖水及新鮮飲料等，選擇眾多🤩 食物全是新鮮即叫即製，每樣食物都是熱騰騰，不禁令人回想起小時候的街邊攤檔😙楊枝甘露🥭糖水方面，小妹其中一款擇咗「楊枝甘露🥭」，非常足料，碗內有6-7嚿大大粒芒果🥭 味道濃郁香甜，甜度啱啱好😍內裡仲不少西米，面頭舖滿不少配酸甜西柚果肉，每啖都食到有料，口感層次感分明，清涼透心🥰芋圓小丸子燒🫘🍡紅豆味香甜適中，恰到好處😌 當中仲有滑溜仙草及不少細嚿芋圓粒，真心不錯😍桃膠紅棗糖水🥣養生系列之選，當中有不少桃膠及紅棗，非常足料~絕對岩唒想滋補養顏的朋友仔🤩食落口味道清甜且膠質黏稠，提升滋潤度😍 三款糖水均加入煉奶，令口感及味道提升😋四國炸魚餅飯🐙🍱呢款炸魚餅共有5份，炸至金黃酥脆，入面食到碎粒墨魚，彈牙爽口，仲配有泰色風味的醬汁，食落口酸甜開胃又滋味~入邊更配1隻滷蛋🥚，健康又點綴。招牌川香滷肉飯🐖🍱滷肉肉質好腍，半肥半瘦，仲有不少香菇作配料，份量不少，食時感愛到川香麻香味，相當入味😋👍🏻 而且配料方面亦

呢間灣仔外賣舖頭由朝開始營業 開到好夜各式各樣嘅地道小食都有有少量堂食座位大部份都係外賣胡椒雞腳湯係舖頭嘅招牌，暖笠笠嘅湯，煲得好順滑飲得出有雞腳骨膠原，蛋白豐富，仲有成大隻雞腳，同埋豬肚強骨 有益胃氣跟住叫咗個日式咖喱豬扒，日本粗麵呢個係日式撈烏冬 啲烏冬同咖喱融合為一體 非常匹配啲豬扒煎得幾香咖喱唔辣嘅 幾多汁外賣有呢個質素都幾唔錯講到明街頭小食呢度都有唔同嘅燒賣魚蛋腸粉我哋就叫咗個銀魚仔煎腸粉成碟腸粉都係充滿醬油嘅黑色充滿銀魚仔幾有口感然後就嗌咗兩個經典嘅甜品楊枝甘露好大碗 有成大嚿芒果 而且啲椰汁味幾香仲有粒粒彈牙嘅西米同埋嗌咗碗紅豆紅豆沙煲得好味 啲陳皮味幾香

好正餐廳真係「好正」！😂😂 見到有間餐廳叫自己做好正 咁真係冇得唔試吓喎😌😌隱藏喺灣仔嘅地道小店 主打港式fusion菜～價錢合理份量足 最啱想食好野 又唔想捱貴價嘅打工仔～！😹🇭🇰🇭🇰.🐷芒果椰汁紫米露紫米煮到啱啱幾煙韌，椰汁香滑唔會太甜，芒果肉新鮮大塊，熱天食真係透心涼！😌 個份量亦都係相當之大！.🐷新鮮牛油果燕麥奶昔（100%無糖！）牛油果落足料，飲到粒粒果肉，燕麥增加口感，唔會額外落糖，健康得嚟又好味😋 .🐷土茯苓老鴨湯老火湯果然唔同，土茯苓清熱祛濕，平時好少飲到，因為要處理一啲都唔容易，我媽都好少煲！！因為太麻煩太多程序了！！！飲完成個人舒服晒～ 唔叫大碗都唔梗要 因為都已經好夠一個人飲！😌.🐷四國炸魚餅墨魚餅配檸檬沙律醬店員姐姐同我講炸完啲魚餅會縮一縮冇咁好睇我想講： 這不是正常的嗎？這不是已經很好看嗎？😹😹😹墨魚餅炸到金黃酥脆 點埋檸檬沙律醬好開胃😭😭真心大推.🐷生煎蝦米腸粉我覺得呢個係MVP!！腸粉煎到有少少脆底，真心個口感好正，腸粉本身就有少少煙靭嘅口感，再加少少脆口，真係可以話係必試，如果唔知道腸粉可以有咁多種食法….😌😌蝦米餡唔係好突出但岩岩好夠香口，豉油唔會太鹹

途經灣仔高廈林立嘅街道見到呢間懷舊小店，忍唔住要過去望吓，店員招呼有禮周到，推介特色菜，店主想重現以前屋企人煮食嘅味道，所以加入好多家傳菜式，重點係冇味精，食完冇口渴嘅感覺！個人大推剛剛新出嘅陳皮糯米飯，係香港絕無僅有，用舊陳皮製作，糯米沾到淡淡嘅陳皮香，可以連埋陳皮食，係會有齒頰留香嘅效果，而且陳皮對身體有益，呢個配搭我俾一百分！建議留返最後一啖陳皮喺飯後食，有清理口腔嘅效果～土茯苓老鴨湯製作費時，一般家庭都好少煲，所以係必點，飲得出冇落任何調味料，而且係落足材料煲，味道好濃郁！仲有店主推介京都炸餃子，係佢親自去日本搵返嚟嘅，餃子餡很Juicy，真係唔同啲～蝦米煎腸粉亦係我嘅至愛，腸粉兩邊都煎向左，加埋甜醬麻醬等醬料，簡單好味！最後係咖喱牛腩飯，牛腩肉係新鮮食材，所以食得出口感幾爽口，蘿蔔鮮甜多汁冇渣，米飯口感係屬於粒粒分明，配咖喱汁啱晒！價錢參考：

係灣仔同銅鑼灣交界發現呢間小店😮 雖然環境好細，但食物嘅選擇超級多‼️ 佢哋以外賣為主，但都有幾個位坐😌 佢哋嘅招牌菜非常吸引，就係滷肉飯同老鴨湯❤️ 決定試試😎🔸 招牌川香滷肉飯 ($68)賣相好靚😍 滷肉好腍，而且有唔少肉，唔係淨係得脂肪😍 好有川香嗰種麻香味，但唔辣嘅，好入味😋👍🏻 滷肉入面仲有香菇，旁邊有幾款唔同嘅配菜，包括雪菜、魚仔、滷蛋🥚 加埋真係好豐富，又惹味🤩🔥🔸 土茯苓陳皮老鴨湯 (900mL) ($78)老鴨湯營養好豐富，而且可以去濕健脾😎 呢個湯完全係純湯冇湯渣，飲落去好方便💖 超級濃郁，陳皮味好出，而且鴨香味好重🫶🏻 完全唔會過鹹，唔係味精湯嗰種，真係真材實料💯🔸 牛油果燕麥奶昔 ($48)佢哋嘅牛油果奶昔都好多選擇，我揀咗燕麥🥰 佢哋嘅奶昔完全冇加糖，非常原汁原味又健康💚 牛油果味好香🥑 配上燕麥嘅味道，估唔到都幾夾💞🔸 沙律 ($38)因為想食健康啲，所以想加個沙律🥗 沙律菜好多，而且有雞蛋係上面，可以補充下蛋白質🥚 整體而言，店舖雖然細，但食物每樣都好食🤤 無論係湯定係奶昔，都好健康💚 店員亦好友善💕 會再幫襯✨

呢間餐廳主打外賣食物即叫即整，環境好似去左中國古代甘掛左特色既燈籠好吸睛，我地叫左呢度既咖哩牛腩飯好好味，咖哩入味仲有滷水蛋同秘制醬汁。 楊枝甘露嘅甜味適中，芒果味好香。 桃膠六寶好足料，保濕滋潤，養顏既糖水之一。 碗仔翅夠熱入面落左好多金華火腿同火鴨絲，再加胡椒粉就更加正！ 呢間細舖啲自家製嘅湯同小食都好唔錯。好正 地址: 灣仔駱克道382號莊士企業大廈地舖

經過灣仔呢邊見到間個名叫《好正》嘅小店買咗啲返屋企同屋企人分享ღ自家喳喳芝麻湯圓 $48湯圓大大粒，外皮柔軟煙靭，裡面嘅芝麻餡料香濃，味道唔會過甜ღ芒果椰奶西米露 $48新鮮芒果配上香甜椰奶嘅，西米露嘅嘅口感，口感清新，清涼透心ღ楊枝甘露 $58好足料❗️每啖都食到芒果肉😍濃郁香甜嘅芒果搭配酸酸甜甜柚子，層次感分明，讓人倍感清爽ღ京都餃子雞翼拼盤$76餃子由日本直送，餃子皮薄而Q彈，裡面餡料鮮嫩多汁，搭配香脆雞翼，簡直係絕配ღ好正紅豆沙$28紅豆沙香甜適中，紅豆煮得恰到好處，名副其實好正紅豆沙。

上星期同朋友去維園野餐😂😂搵下附近有咩小食店，結果搵倒呢間正野！牛腩川味炒腸粉｜腸粉外層煎到微焦，好香口，加埋小小辣既醬汁，好惹味🤤牛腩份量好多，炆得夠腍贃身，仲痴住啲肥膏，入口甘香！土匪雞翼｜呢到係用炸既形式用土匪雞翼，雞皮好脆😋醃得好入味！台式香腸｜口感紮實，肉質飽滿，仲好juicy👍🏻碗仔翅｜呢個係超足料既碗仔翅，有蟲草花，瑤柱同金華火腿🥰入口鮮味十足，濃稠度岩岩好！楊枝甘露｜呢個係招牌甜品⭐️果然好值得食！裡面有大量芒果肉，好清甜🤩仲有柚子肉酸酸甜甜，芒果椰汁底唔會好稀，同埋係甜品既最高境界，唔會太甜🤣雖然鋪面好細，但野食選擇好多仲好有特色！諗定下次要試胡椒雞腳湯同滷肉飯喇🤤

灣仔區內小店，設有幾個堂食位置，飯麵、港式小食、湯品、糖水、新鮮飲料都有供應。豉油王煎蝦米腸粉份量頗多，煎至脆身，唔油膩，搭配經典醬汁，正。碗仔翅，同出面唔同，潮州老家味道，有蟲草花、乾瑤柱同金華火腿，第一次食，配料豐富，調味適中，值得一試。魚蛋燒賣可以雙拼，旁邊有辣醬汁，味道正常發揮。其一招牌菜為楊枝甘露，芒果好鮮甜而且夠大粒。甜度啱啱好，熱辣辣食返碗真係好解暑。芒果椰奶仙草同樣出色，雖然都係嗰幾款配料，味道係想像得到嘅，但係唔知點解覺得零舍好味，賣相精緻得嚟份量又夠多。養生之選有桃膠六寶露，包含雪蓮子、圓肉、杞子、雪耳、桃膠等，女士們就啱曬。