好時沙嗲

营业中

休息中

帶左英國人朋友黎食好時沙嗲一入商場朋友已經有啲疑惑 呢啲先係特色黎架嘛！朋友一睇個 Menu 見到係英文行先同埋係用吸引人目光既英文 讚左好耐平時去餐廳只會見到直譯既餐牌香茅雞 配飯一流 有啲甘甘地既味 雞肉易入口 雞大約有10舊左右整要一段時間 我地差唔多食完先上蟹肉丸湯蟹肉丸入口似粉 好好食！有菜又清 當餐湯飲唔錯架 加多加多 個名好特別！ 菜蛋加埋汁 可以食一碗飯！ 汁唔速而且好開胃 很好的開始！喇沙 微辣 我唔食辣都食得到！ 有魚蛋同蝦 可能食左加多加多 汁無加多加多咁出色 但食完一啖會想再食多啖 食完口會有啲乾 要飲飲水先得如果自己一個食一定叫呢個！英國人朋友都好滿足！總結：價性比高

之前4、5月話會結束營業，個陣搞到人山人海，想食都無得食。坦白講，梗係望佢唔好執啦，呢D平民小舖，係尖沙咀黎講執一間就少一間！因為今次唔太肚餓，叫左唔太多野！串燒（牛、豬、雞各兩串）味道好似俾以前差左，同埋好似面頭多左層粉，但都叫好食。海南雞（半隻）雞唔老，點青醬最好味。但其實份量真係唔算多。最衰無叫油飯，唔係真係好送得飯。青檸梳打水味道唔算太甜，大大杯，但舊青檸好硬，可能唔夠熟，不過杯野就好夠氣！

因为特别想吃海南鸡搜索了附近评价比较好的一家店，但真的很一般，油饭也没有特别好吃，鸡是去骨的这点好评，店家厨房路过很香呢，但是口味一般，没有在英国的中国城里马来的厨师们做的好食，应该不会推荐朋友去吃。

好時沙嗲早於上年四月結業，但現在已經原址重開啦。餐廳經過重新裝修後，整潔舒適了。今次特意來到「好時沙嗲」當然要點選「海南雞飯$53」，另外再點選「炒貴刁$49」。🐔🍚🍝「炒貴刁」賣相有少少似乾炒牛河的感覺，食落有少少辣，味道剛剛好，幾惹味，材料有：芽菜、臘腸、蝦仁、蛋、肉絲等，不過整體比較油膩。🍝🥓🍤「海南雞飯」海南雞以無骨為主，但份量略少，而且雞件有點肥，配上油飯，食落好惹味。另外醬汁有蒜蓉、甜豉油及辣椒醬，配上海南雞件食用十分惹味。雞湯的味道不會太鹹亦不會太濃，清清地，飲完不會太口渴。🌊👦🏻🐔🍚「餐牌」我已經影左上載至openrice既「餐牌」入面啦，方便大家查閱相關菜式。📋

之前一直係尖沙咀約朋友行街，好時係我同朋友偶然去會食。嚟到平安夜，唔想同人逼西餐，決定睇下重開後嘅好時。我地6點去到，開始多人排隊，不過依家多個㩒飛系統，都幾好嘅。叫左海南雞飯，半打串燒，味道不過不失，雞仍然滑，只係串燒有啲乾，點個醬都ok嘅。試咗朋友嗰喇沙，好似比之前重手左小小，可能係我唔算食得好辣，但都好味嘅。叫做回味下啦，想快食一餐都可以考慮嘅，不過最好就早啲到，我記得我食完約7點已經好多人排隊！

今年4月時好時沙嗲突然結業，結業前一星期曾排隊光顧，怎知海南雞已一早賣光‥‥今年8月再次捲土重來，在同一個鋪位重新裝潢，已重新開業一段時間，應該不用等太久所以再試試。重新裝潢，有得「禁飛仔」等位，座位亦比以前乾淨企理一樣的餐牌，每款送好像加價$5-8？即使加價，仍在接受範圍內重點油飯（HK$1x），好時的油飯應該暫時是吃過最好的。雞油夠香，吃完剛剛好不會過膩、粒粒分明油飯當然配海南雞（半隻，HK$99），二人吃剛剛好，一啖飯一啖飯；而海南雞屬正常貨式，無骨，間中一兩舊會有肥脂，但整體是不錯的通菜賣光了，所以叫了炒貴刁（HK$49），亦不錯，少少辣，蛋、蝦、芽菜、肉配菜亦不少買單HK$230左右，兩個人，還點了3枝汽水，價錢與結業之前其實差不多，而且味道份量依然，性價比不錯的

偽文青：「海南雞係要配油飯先好食架😝」Year1開始就幫襯佢，此店曾經倒閉，最近又突然復活了，當然要支持一下🙆🏼 今晚最後一個海南雞飯都俾我食到，證明我仍然有運😀.#好時沙嗲 無骨海南雞油飯🐥$53滑滑雞肉 去骨 啖啖肉 與油飯成絕配 油飯香口😋還有三個醬汁 辣椒油 甜鼓油 姜蓉 任君選擇😂.有時 吃的不是味道 而是回憶 這麼快 就四年🙈.三個90後吃貨不斷開心share美食💓大家亦可以向三個吃貨介紹美食👻我們一定會去試👅#愛吃也愛分享 #三個90後吃貨 #3bad_foodies #三個90後吃貨_尖沙咀美食推介.

今日午餐同同事黎左呢間喇沙好出名既餐廳。未裝修前我地都各自黎過1次，覺得食物ok，但環境同衛生一般。我地叫左喇沙、蝦麵同半價叫左兩杯珍多冰。喇沙好濃，又有魚蛋同蝦仁，幾足料，但米粉有d“淋”。蝦麵個湯有濃濃蝦味，唔錯。半價($10)每人叫左杯珍多冰椰汁幾濃，又有少少好像椰汁糕既粒粒，不過甜左少少，同支飲管唔夠大，啜唔d粒粒。整體而言，食物質素同幾年前差不多，價錢黎講係尖東都叫做抵食既。今次裝修後第1次黎既感覺係環境同衛生都改善左，下次會再黎試下好多人叫既海南雞飯。

好時沙嗲重開返啦🙂食海南雞✌️油飲熱辣辣☺️飯質軟熟帶有少許雞油香，吾會太油膩而且都幾大碗😀雞肉去骨有雞翼同雞脾肉，肉質都幾嫩滑🐥旁邊附有三款醬汁，有薑茸，黑鼓油同辣醬比你點😉令海南雞生色不少最後飲埋清淡嘅椰菜，蔥花湯，雖吾算特別好飲🙃可以清清油膩感

大學同學一直介紹依間好時，所以開返之後就去試試。裝修之後間舖都幾大，有好多位，星期日7點去到都唔駛等位。坐低睇個餐牌，發現入面好多野都好平，加上大家都好肚餓，所以叫左好多野食。最印象深刻既係以下3樣：第一係加多加多，本身唔知係咩，抱住咩都試下既心態黎試，幾有驚喜。佢似係沙律，但啲醬係暖暖地，似沙嗲汁，入面有好多唔同既菜，有梨子同蝦片，幾特別。不過佢啲醬會令人好快飽，多人share會好啲。第二係海南雞，我地點左半隻，都唔錯，好滑，雞皮好薄，可惜無叫到油飯，海南雞加油飯應該係絕配。第三係叻沙，點果陣以為好細碗，點知黎到都幾大碗，個湯好重椰漿，所以食少少都好快飽。但入面都幾多配料，如肉魚蛋豆卜等，幾足料，味道辣辣地，但如果唔加咁多椰漿會更好。略帶一提，入面飲品都幾貴，而且款式好少，唔抵飲。但野食係抵既，叫到擺滿張枱都係每人一百蚊左右😆

尖東好時沙爹已經食過好多次，海南雞飯、沙爹串燒、巴東牛肉、加多加多(印尼沙律)等等，都好惹味，好好食。今次食飯試左幾款之前未食過既。今次試喇沙，唔係太辣，食落有椰香，個米粉吸哂湯底精華，正！個咖哩雞味道唔錯，略嫌油左少少，另外得隻雞脾，其他全部係薯仔，好失望。椰青！甜！整體而言，價錢合理，絕對會再幫襯，始終最好食都係海南雞飯。同埋一定唔會再叫咖哩雞/ 薯仔！🐔

呀dee成日都周圍食海南雞，今日又黎到尖東試下呢間好時，佢曾經因為小店結業而引起傳媒關注，但是後黎係尖東永安中心重開，梗係黎試下喇。我地兩個人六點幾黎到都唔洗等位就有，坐底後其實都好多野揀，難得黎到梗係試海南雞喇。海南雞之前都介紹過，所以唔囉嗦再介紹，主要介紹呢間野。佢呢到最出名就係食沙爹咖哩，當然我地唔嗌佢招牌而嗌海南雞就有欠公允，不過都照寫下，因為dee都係介紹食野啫。我地兩個人嗌左個馬拉盞通菜同海南雞飯，佢地成日話既落單冇禮貌可能咁好彩我冇見識到，因為我落單係咁問會唔會好辣，店員都耐心答。馬拉盞通菜 40元覺得佢好入味，但是偏太油同咸，但是撈飯一流海南雞飯 48元其實我見都好多人嗌，海南雞飯唔夠三分鐘就上枱。梗係試下，同平時外面一樣，一個油飯、雞同湯。個湯真係好麻麻 飲完得個咸字 同埋有椰菜絲我見到好多食家都介紹佢個油飯，講真真係幾正，加埋佢個甜豉油簡直一流，同埋佢個飯都幾大碗，2個人都夠食雞就比較一般，唔算入味，但係勝在份量夠，加埋佢個薑蓉就岩晒我重口味。下次有機會dee一定要去試下食咖哩！

原址重開嘅好時，地方好坐左好多，門口多左部機拎非仔等位，等位時已經睇定食咩餸（因為真是等了又等），感恩3口子有張4人枱坐得比較舒服，一坐低當然即刻嗌野食先，眼闊肚窄MODE IS ON海南雞飯一大碗油飯，加綠色有薑蓉FEEL嘅醬，清湯WZ海南雞，好滑！好香！黑色甜甜地，有3隻醬，整個TRAY都俾到好豐富嘅味道我地。炒蘿蔔糕辣味十足嘅炒蘿蔔糕係今次未睇menu已經唸住order嘅餸, 之前食過覺得蘿蔔糕整得好好味, 好蘿蔔, 好足料, 加埋配料炒埋一碟, 勁香炒芥蘭唔係硬bang bang嘅芥蘭串燒豬牛雞各一款嘅串燒, 係最後至送來, 個醬不錯海鮮炒河河粉好大"片"炒得好均勻同好鑊氣~ 食埋佢之後投降了，飽哂雖然開返嘅好時都咁好味，但總係無以前咁正，尤其炒蘿蔔糕....好啦！我唯有再去幫襯食真啲啦嘻嘻！

夜晚7點幾未洗等位，兩個人嗌左3樣野，海南雞飯，半打串燒同咖哩海鮮加烤餅個海南雞飯幾分鐘就到，湯平平無奇，海南雞算滑，完全冇味，但加埋中間黑色個汁都幾好食，重點係碗油飯！可以算係我閱眾多油飯中最好食果碗，加返分即刻串燒又細串，話就話豬牛雞各兩串，但啲味一樣既，唔好食！咖哩海鮮既海鮮係兩舊魚骨，魚蛋，好難既蝦仁三小粒同豆卜囉！o左咀，好取巧！個汁就唔錯，幾香，用黎配烤餅就prefect池啦！加上個烤餅熱辣辣勁好食！總結呢餐飯，係碗飯同烤飯拉返平啲分

最近思鄉病發經常食海南雞飯除左去銅鑼灣的家鄉連鎖店外今日特別過海去到尖沙咀一試好時沙嗲海南雞飯＋可樂雞份量多油份都夠雞肉實雞皮滑但無雞味反而雪味好重係加埋辣椒醬同醬油都食得岀雪味油飯係成個餐最好食的雞油味剛好飯粒分明有咬口成碗食哂雞湯得罪啲講真係好難飲除左味精我飲唔到其他味個人不喜歡入面有椰菜係馬來都少有湯內有椰菜三種醬汁比較喜歡的係醬油可能此處係岀名沙嗲不推薦海南雞飯