好時沙嗲

营业中

休息中

因為響附近返工，間唔時都會過呢邊食好時沙爹。食過佢laksa，炒蘿蔔糕等等，都係覺得佢既海南雞飯最好味最划算。我哋一行四人，四個都點咗海南雞飯（$53加一）。好快就上台，好肚餓！其實第一次黎，覺得好「up dup」咁。嗰深啡色盤好似用咗N年冇清潔。嗰地方又奇怪。之前重開嗰時就好咗，開咗間大房，坐得幾舒服。但唔知點解，今次佢大房變咗倉，而啊姐就塔咗幾張枱凳響條走廊樹俾我哋坐。好大排檔feel。不過唔好講環境。食物都同以前差唔多。海南雞飯唔錯。冇骨啖啖肉。而且佢冇分雞俾架錢，因為佢每次都會黑肉白肉一半一半。有人話呢間啲雞淡味或冇乜雞味，但我覺得除了雞有要求，嗰醬都好緊要。佢嗰醬都唔錯！撈飯超正。油飯黎架。好肥好邪惡。公平講句，佢海南雞飯唔係話好食到要排大隊特等黎試，不過響我哋返工附近有得食，我哋好滿足架啦！之前話結業我哋好失落。好開心佢開返，我哋有海南雞食！

為預祝母親節來尖東行吓，順道光顧久違了的店鋪，但水準比以前差得遠❕除了海南雞飯& 炒蘿蔔糕，其他嘅唔會推薦。因失望一張相都冇影❕海南雞飯內有雞油，飯夠熱，幾香，但雞皮厚，感覺雞皮多過雞肉。炒蘿蔔糕夠味，要接受賣相炒到一pat pat❕咸魚銀芽炒飯，銀灰色咸魚仔配芽菜幾夾，但多油，D飯太淋，冇炒飯粒粒口感。沙爹雞&豬串燒，D肉梅梅地，上枱只係暖，冇沙爹香味，沙爹醬ok❕福建蝦麵，麵彈牙，但得一隻蝦加咬落唔彈嘅肉丸，湯味馬馬。叫左牛肉丸粉絲，但似豬肉丸嘅色，加上冇咩味嘅湯粉絲，肉丸&粉絲都係淡而冇味。唔會再來厘間店。

想食好耐既好時沙嗲，由宣布結業到重新啓業，今日終於有機會一試地址依舊係好時中心，係商場下面望上一樓已經見到「好時沙嗲」四個大字，所以一上商場就好快搵到。價錢方面以尖沙咀地段黎講唔算貴，尼個叻沙米就$49蚊。入面有魚蛋、蝦、豆卜、雞絲等材料。份量其實好多，米粉亦好多食落唔辣但又好惹味，米粉索晒個湯底，好吸味食到小小既椰漿味，唯獨個豆卜就唔係好吸味，整體都正另外仲叫左個海南雞飯，原個托盤上好可愛。中間綠色既係薑蓉、黑色既係豉油、紅色既係辣豆瓣醬。雞件已預先去骨，食得方便且啖啖肉，但可惜雞係無味的，最重要既主角竟然最失色唯有點辣醬去調味。幸好油飯味道尚算不錯。

聽講曾經的食堂裝修後重開，搵個舊同事來試下順道聚舊。一黎到就想問：裝修左架啦！？？店面一時間睇唔出有咩唔同左，裝左邊忽。坐低個meun又係完全一樣，如果個老細去做保育應該好多建築物都保得住，老樹都唔洗斬。雖然係星期六，但我地5點就黎到，都有幾枱客，睇黎受歡迎程度不減。食開所以一直覺得無咩期望，味道一般勝在夠抵食。附近返過工就知個頭選擇少得可憐。2人點了2個從前常吃的沙嘜&辣星洲炒米沙嘜有點出事，因為豬肉食落梅梅地，雞肉正常而沙嘜醬依舊，硬係差d香味，唔算好食，但又會次次黎到都叫。一向鍾意食呢度既炒野，好有鑊氣，雖然個底幾油。食左呢個覺得同以前同一經手人。最後唔夠飽再叫個雙丸粉絲湯個湯似雞湯底，味道黎講完全無特別，但都幾多料，好想問點解豬肉丸同魚蛋咁唔成正比。無期望無失望，耐唔耐又會黎食過

之前好時沙嗲話唔做，真係傷盡萬千食客嘅心呀！當時結業前連續以日大排長龍，食物提早售罄，就知個威力啦！好彩！佢又原址重開返，真係久唔久都要去朝聖一番呀！海南雞飯 完全係鐵膽，唔使猶豫，檯檯都會嗌架，雞滑得黎冇骨，加油飯配埋3種醬任君選擇，清晒成個飯真係冇難度！加多加多 又係另一個唔嗌唔得之選，其他地方好少有，就算有都冇咁好食咁抵食！沙嗲醬配上椰菜 雪梨 青瓜 蛋 蝦片，竟然出奇地咁夾！未食過真係完全估佢唔到，食過就完全停唔到！

Come here for a quick lunch, I ordered 3 things for myself!! Hoi nam chicken rice - rice with chicken oil and ginger which taste very nice and not oily at all. I love to put the rice into the soup at the end. The chicken was tasty but not fresh enough, hard to grind by teeth and it will be much better if the cook can cut the chicken into smaller pieces...........

點了叻沙，串燒飯，珍多冰。串燒飯有二條串燒，廚師腸，油飯和蝦。沙嗲味道一般，不知為何有酸味。珍多冰濃到像吃椰子糖，很甜。叻沙湯很濃椰子果，足料，很多魚蛋蝦雞絲。所有菜式頭二口是可以，之後再吃就很膩了。全部都好濃味好油膩！吃完後30分鐘馬上胃痛肚痛想吐急急腳回家了！同行友人偏好濃味，他沒有不適但也感到很油！也不是特別好吃，不會再去了！Not recommended for those who have sensitive digest system!!

來好時沙嗲，一定要點沙嗲掛。點了半打沙嗲，豬牛，雞。 海南雞飯 咖喱牛腩 拉沙沙嗲汁偏酸 失望肉質地也不太好海南雞幾滑油飯味道很好，加分湯是椰菜湯，冇什麼特別咖喱味不夠香，不夠濃肉太霖，像煲湯肉薯仔好味拉沙就最好味可就是的食過最好味的湯底濃厚，材料豐富，有豆腐乾，蝦，魚蛋，綠豆芽，雞，用料十足埋單2百幾，以尖沙咀物價來說，公道，

好耐無食過好時，今日行開尖東，食下佢個lunch先😄同朋友都點了海南雞午市套餐，有一碗雞湯、大大碗黃油飯、大大碟海南雞及餐飲，$68，都幾經濟實惠😍😍海南雞好滑，好好味間唔中食下佢，都幾好味👍👍😍😍

本來係訂左另一間食泰國菜，突然轉軚，周圍也滿左，然後來了呢度，好多人，不過剛巧有張枱，未人齊未入得，我們齊晒人可以即刻入，都算好彩。坐出面呀！雞油飯都好香，好味的。海南雞夠滑身唔會好肥的，都Okay!!喇沙，有蝦，魚蛋，味道都幾香，湯底夠濃，好味的。足料的！這個薑蓉醬好味，好香，唔辣！炒蘿蔔糕，唔掂，冇料的，同埋好淋身，唔好食胡椒粉絲蝦煲，好大煲，不過好多湯，都入味的，夠熱，蝦夠大又爽，味道唔算辣，幾好的。炒貴刁，顏色同炒蘿蔔糕一樣，味道也一樣，有臘腸的，好正宗？？我不懂，仲有芽菜，貴刁都唔散身，不過味道真的好一般！串燒牛雞豬，細串，個沙嗲醬唔好味的，好似酸咁，串燒也不是燒得好夠香口。呢個咖喱海鮮……成大舊魚，唔知想點……仲要唔熟的好生有血，其他海鮮好少好普通，魷魚圈，蝦仔等，但個味同蘿蔔糕一樣，好稀的！！蒜蓉包冇蒜蓉……只是一件法包多士已經冇左以前好好味的感覺。。確實差左！！

我是從加拿大回來我想食一啲好食嘅地道香港食物 在openrice找到這個海南雞飯 ......帶着期望而來，失望而回。吃了海南雞飯 沙嗲串燒 凍咖啡．... 三樣都唔得 雞無味道，飯唔夠香，沙爹汁不夠味。我上次去金鸡，他门好很多 食嘅嘢都差不多都係有上次食海南雞飯去骨呀又燒豬頸肉樣樣都好特別佢油饭相比知下，真係相差好遠。 佢啲嘢呢真係有被騙的感覺唔知道openrice係咪幫他做線稿???? 真不明白社rating要寫200幾個字才能夠可以rate得到,簡直荒謬 好像是不想比人機會寫rating一樣...... 可能開始嘅時候好好但係而家相差相對可能做得嚟咗喇已經冇以前咁好肯定....

記得對上一次食好時既已經係2,3年前個時我認為好時係我食過最好食又好抵食既餐廳海南雞飯係不可不點既食物到去年某一天忽然看新聞話佢要執笠心想一定要係佢執之前去食一次無奈工作太忙 個時都冇時間去食點知隔左冇1個月 佢就宣佈原址重開我更係超開心終於有空去食下舊時既味道但我發現名字冇變 變左既係個份味道今次我亦都係點左個海南雞飯價錢其實唔算話好貴一上到黎其實個賣相都唔失禮但一食落口 就有一份失落感因為佢係完全冇味道油飯雖然係黃色 但完全冇油飯應有既味道雞係鮮黃色 但係完全冇雞味 而且肉質偏軟完全冇口感我仲好興奮咁帶住友人去食友人都表示冇想像中咁好食呢個價錢仲有很多更好的選擇...唔知係咪間店已經被其他人頂左手還是店主已經冇個份心去整好D雞無奈地第一次食剩咁多雞同飯好時...不了

有日上網睇野，碌下碌下就見到有個post，啲人勁感動因爲好時沙嗲原址重開。好奇嘅我search下到底係咩料子，點知原來佢係食新加坡菜嘅。。。海南雞飯($53): 醬料偏稀身偏淡，雞都算滑，但個油飯真係不得了。係真係不得了！絕對可以為左個飯而再黎兼食幾碗。油飯係粒粒分明，好香雞油味，仲有啲配料味，但唔會蓋到雞油陣香氣。睇個雞樣都知唔鞋叻沙($49): 淨講湯底，好重椰香，令人想一啖一啖咁飲曬佢。另外叻沙麵底係用左米粉，米粉完完全全索曬啲湯，每條米粉都掛到啲汁，好入味。什錦沙嗲($49): 沙嗲係成餐飯當中最遜色嘅一道。無論豬，雞定牛，啲肉都唔算太鞋，但沙嗲串燒嘅焦點唔係落係啲串燒到，沙嗲汁先係個精髓同重點。但尼個沙嗲汁帶酸，又稀。下次再黎，應該唔會再叫啦。辣通菜($45): 通菜唔會炒得過火，仲帶爽脆。唔知佢地嘅辣係咪用左馬拉𦾟黎炒，香氣逼人，仲有好多蝦米仔。餸飯一流。

好時沙嗲在上年結業當時因為太忙沒有時間去光顧這間老店，最近得知會於原址重開，今次一定不能再錯過，一於去試一試傳聞中的海南雞飯和叻沙有幾好食先🤗海南雞飯 - 傳聞中的海南雞飯，雞是起骨的，吃時很方便。雖然雞肉都煮得幾滑但是完全沒有雞的味道，雞味很淡，不過油飯味道十足，油香有雞味，相對雞就出色很多😌叻沙 - 叻沙(椰汁咖哩米粉)味道出色，一上枱已聞到濃濃的叻沙味道，先喝了一口湯非常濃厚配料也十分豐富有魚蛋、蝦、牙菜和油豆腐，而且每一口米粉都可以吸很多湯汁，油豆腐更是亮點完全地吸收了湯汁，入口香濃😋雞、牛、豬沙嗲 - 沙嗲汁味道出色可是串燒卻很一般首先串燒上枱是凍的很奇怪😒而且表面好像有一層厚厚的粉，肉質也很粗，非常一般

本身都系見好多人食所以心思思去食，可能抱住太大期望去食，所以食完有啲啲失望不過都可以去食下既，因為男朋友鐘意食喇沙，叫左碗食，比起出邊淡味左啲，如果濃味返少少就好啲啦。海車雞飯都算好味既。不過都偏淡味啲。不過最好味都系個串燒個醬汁好好味，出邊食吾到不過就偏細串左啲啲，貴就貴在是個醬汁吧，鐘意食串燒既，值得叫黎食既。同埋鋪頭位置比較隱蔽啲，所以都有啲難搵到，起初仲以為去錯地方。坐既地都有啲迫，所以坐得吾太舒服。未食過都可以去食既